ESOTO 22
22
Ko Tulafono e Uiga ki te Toe Taui Atu
1“Kafai e kaisoa ne se tino se pulumakau me se mamoe o ta io me fakatau atu, e 'tau o toe avatu ne ia a pulumakau e lima mo sui te pulumakau e tasi kae fa a mamoe mo sui te mamoe e tasi. Kafai la e seai ne ana mea mo taui a mea ne kaisoa ne ia, e 'tau o fakatau atu a ia pela me se pologa mo sui a mea ne kaisoa ne ia 2-4E tau o togi ne ia a mea kolā ne kaisoa ne ia. Kafai e seai ne ana mea, ko tau ei a ia o togi atu pela me se pologa, ko te mea ke sui ei a mea kola ne kaisoa ne ia.
5“Kafai se tino e tuku fua ana manu ke tele valevale i loto i se fatoaga io me se togavine a se isi tino kae kai katoa a fuataga o lakau e ola i loto i te fatoaga, #22.5: I te … fatoaga; io me Kafai se tino ne 'sunu ne i a se fatoaga io me se togāvine kae ko se mafai o tamate te afi kae ko oti katoa ne fakamasei te fatoaga. e 'tau mo ia o sui a mea ne fakamasei ki mea tafasili i te 'lei mai ana fatoaga mo togavine.
6“Kafai se tino e faka'ka ne ia se afi i tona manafa eiloa, ka ko 'solo atu te afi ki te manafa o te sua tino, ko 'paku katoa ei a saito e ola i ei, ko fati'fati kae siga, ko te tino ne faka'ka ne ia te afi e togi ne ia a mea ko masei.
7“Kafai se tino ko talia ne ia ke tausi a tupe io me ne nisi mea aoga a se isi tino ka ko kaisoa i loto i tena fale, kafai ko maua te tino ne kaisoa ne ia, e 'tau o 'togi fakalua ne ia. 8Kae kafai e se maua te tino ne kaisoa ne ia, ke ave la te tino ne tausi ne ia a mea aoga kona ki te koga e fai ei tapuakiga, o fai tena tautoga i kona me e seki kaisoa ne ia a koloa a te sua tino.
9“I so se fakakinauga e uiga ki koloa, me se pulumakau, me ne mamoe, me ne lavalava, io me ne nisi mea ko 'galo, e 'tau o ave te tokolua kona e finau ki te koga e fai ei a tapuakiga. Ko te tino tela e fakaasi mai ne te Atua me 'se, e 'tau o togi fakalua ne ia ki te sua tino.
10“Kafai e loto malie se tino ke tausi ne ia se asini a te sua tino, io me se pulumakau, me se mamoe io me se isi manu, ka ko mate, io me pakia, me ave ne se kautau, kae seai se molimau, 11ko te tino tena e 'tau o fano ki te koga tapuaki o fai sena tautoga, me seki kaisoa ne ia te manu a te sua tino. Kafai la e tonu ne seki kaisoa ne ia te manu, ke loto malie la te tino e a ia te manu ke se sui ne te tino tena ana mea ne maumau. 12Kae kafai ne kaisoa eiloa, e 'tau o 'togi atu ne ia ki te tino e a ia te manu. 13Kafai ne tamate ne se manu fekai, ke aumai la ne ia a mea e 'toe i te foitino o te manu tela ne ta, e fakamaoni ei me ne ta ne se manu fekai; ko se 'togi ei ne ia a te manu ne kai ne manu fekai.
14“Kafai se tino ne kaitalafu ne ia se manu a te sua tino kae pakia me mate i te taimi e galo ei te tino e a ia, ko te tino kaitalafu ke togi ne ia. 15Kae kafai ne tupu te mea nei kae nofo i ei a te tino e a ia a te manu, e tau o sui tena manu. Kafai te manu ne togi ne se tino ke fakagalue ne ia i se taimi toetoe, tena eiloa te togi o te manu, manafai e mate io me galo.
Ko Tulafono ki te Faiga o Tapuakiga Tonu
16 #
Teu 22.28,29 “Kafai se tagata e moe mo se taupou, kae seki ai sena famau, e 'tau o tuku atu ne ia te 'togi o te tamafine, kae avaga laua. 17Kafai e se talia ne tena tamana ke avaga mo ia, e 'tau mo ia o 'togi ki te tamana te katoaga o te tupe e 'tau ki te togi o te taupou.
18 #
Teu 18.10,11 “Ke tamate so se fafine e fai vailakau.
19 #
Levi 18.23; 20.15,16; Teu 27.21 “Ke tamate so se tino e 'moe mo se manu.
20 #
Teu 17.2-7
“Ke fakasala ki te mate so se tino e ofo atu ne taulaga ki so se atua na ko au fua te Aliki.
21 #
Eso 23.9; Levi 19.33,34; Teu 24.17,18; 27.19 “Sa fakafi'ta me fakasaua ki se tino fakaatea, masaua i a koutou ne tino fakaatea i te otou nofoga i Aikupito. 22Sa fakapuapuagagina a fafine ko mate olotou avaga, mo tamaliki ko seai ne matua. 23Me kafai e fai ne koutou, ko au ka tali atu ki a latou manafai e ka'laga mai mo se fesoasoani, 24ka ko au ka ita kae tamate koutou i taua. Ko otou avaga foki ka 'nofo taka, mo otou tamaliki ka seai ne olotou tamana.
25 #
Levi 25.35-38; Teu 15.7-11; 23.19,20 “Kafai e tuku atu ne koe ne tupe ke kaitalafu ne so se tino o toku fenua kola e ma'tiva, sa fakapasene au tupe e pela mo tino kola e faka kaitalafu olotou tupe kae ma'nako ke togi atu mo te pasene. 26#Teu 24.10-13Kafai ne ave ne koe se gatu o se tino i se togi e fakamau i ei tena kaitalafu ke toe 'togi mai ne ia ki a koe, e 'tau o toe fakafoki ne koe ki a ia kae koi tuai o to te la, 27me tena fua te mea e kafu ei a ia i po mo fakamafanafana ei a ia. Ka mafai pefea o moe a ia seai sena gatu mo pulupulu? Kafai la a ia e kalaga mai ki a au mo se fesoasoani, ka talia ne au, me i a au e 'fonu ite alofa.
28 #
Galu 23.5
“Sa muna masei ki te Atua,#22.28: Atua; io me te famasino. sa muna 'mafa foki ki se takitaki o te otou fenua.
29“Aumai ki a au a taulaga mai fuataga o au saito, uaina mo au sinu olive manafai ko ma'tua.
“Aumai foki ki a au otou toekimua tagata, 30pena foki mo toekimua pulumakau mo mamoe. Tuku eiloa te toekimua tagata ke nofo fakatasi mo tena matua i aso e fitu, ka ko te valu o aso e aumai ei ne koe ki a au.
31 #
Levi 17.15; 22.8; Teu 14.21; Esela 4.14 “A koutou ko oku tino, tela la, e se 'tau o kai ki 'kano o so se manu ko oti ne tamate ne manu fe'kai; kae ke avatu ke kai ma kuli.
Currently Selected:
ESOTO 22: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
