ESOTO 40
40
Ko te Fakatuga mo te Fakatapuga o te Faleie o te Aliki
1Muna a te Aliki ki a Mose, 2“Fakatu ne koe a te Faleie o te Aliki i te aso muamua o te masina muamua. 3Ave a te Pusa o te Feagaiga tela e tuku i ei a Tulafono e Sefulu ki loto kae 'tau mai ona mua tena pui laugatu. 4Ave foki ki loto a te taipola kae fakatoka ana mea katoa i luga i ei. Ke ave foki a te tulaga‐moli ki loto kae fakamau ana moli ki ei. 5Fakatu a te fata-fai-taulaga aulo mo sunu a taulaga manogi mai mua o te Pusa o te Feagaiga kae 'tau ake a te pui laugatu o te mataloa o te Faleie. 6Ke fakatu mai mua o te Faleie a te fata-fai-taulaga mo sunu a taulaga. 7Ke fakatu a te pesini fano i te va o te Faleie mo te fata-fai-taulaga kae utu ke fonu i vai. 8Ke fakatu foki ne koe a te pui fakatamilo kae tautau foki te pui laugatu i tena mataloa.
9“Tena la, ko fakatapu ei ne koe a te Faleie mo ana mea katoa i te milimili ne koe ki te sinu tapu, ko tapu katoa ei. 10Ka oti ko fakatapu ei ne koe a te fata-fai-taulaga mo ana mea katoa i te milimili ne koe ki te sinu tapu, kae ka tapu katoatoa eiloa. 11Ke fakatapu foki ne koe a te pesini fano mo tena tulaga i te faiga eiloa tena.
12“Puke mai Alona mo ana tamaliki tagata ki te mataloa o te Faleie, kae fakatonu ki a latou ke koukou. 13Fakapei Alona ki ona gatu fakafaitaulaga, mili ki te sinu tapu, kae i te faiga tena, ko fakatapu ne koe a ia, ko te mea ke mafai ne ia o tavini mai ki a au i te tofi faitaulaga. 14Puke mai ana tamaliki tagata kae fakapei ki tilima o latou. 15Tena la, ko mili ei ne koe a latou ki te sinu tapu, ke pela eiloa mo te faiga ne fai ne koe ki te tamana o latou, ko te mea ke mafai ne latou o tavini mai ki a au i te tofi faitaulaga. A te miliga tenei ki te sinu tapu ka fai ei a latou mo faitaulaga i taimi katoa mai mua.”
16Ne fai eiloa ne Mose a mea katoa ke pela eiloa mo te mea ne fakatonu mai ne te Aliki. 17Tela la, i te aso muamua o te masina muamua o te lua o tausaga mai te taimi ne teka mai ei a latou mai Aikupito, ne fakatu ei a te Faleie o te Aliki. 18Ne fakatu ake ne Mose a tulaga, fakatu foki a te foitino o te fale, fakamau atu ona talava, kae fakatu mo ona pou. 19Ne fola ne ia te laugatu pulou o te tuafale o te Faleie kae toe pulou atu foki mo tena ufi mai tua, ke pela eiloa mo te fakatonuga a te Aliki. 20Tela, ave ei ne ia a papa fatu e lua o tuku ki loto i te Pusa o te Feagaiga. Ne faulu foki ne ia a amo ki mama o te pusa kae tuku atu foki mo tena pono ki luga. 21Tela, avatu ei ne ia a te Pusa o te Feagaiga ki loto i te Faleie kae 'tau ne ia a te laugatu pui e pui ei a te Pusa. I te faiga tenei, ko puipui ne ia a te Pusa o te Feagaiga ke pela eiloa mo te fakatonuga a te Aliki.
22Ne fakatu ne ia a te taipola i te Faleie ki te feitu ki matu mai tua o te pui laugatu, 23kae tuku ne ia i luga i te taipola te falaoa tela e ofo atu ki te Aliki, ke pela eiloa mo te fakatonuga a te Aliki. 24Ne fakatu ne ia a te tulagamoli i loto i te Faleie i te feitu ki saute kae fakafesagai tonu eiloa mo te taipola, 25kae i kona ka fakaka ei ne ia a te moli i mua o te Aliki, ke pela eiloa mo te fakatonuga a te Aliki. 26Ne fakatu ne ia a te fata-fai-taulaga aulo mai mua o te pui laugatu i loto i te Faleie, 27kae ne sunu ne ia a taulaga manogi i ei, ke pela eiloa mo te fakatonuga a te Aliki. 28Ne 'tau ne ia a te pui laugatu o te mataloa o te Faleie, 29kae i te koga tena, mai mua o te pui laugatu, ne fakatu ei ne ia a te fata-fai-taulaga e sunu i ei a taulaga sunu. Kae i luga o te fata-fai-taulaga tena ne sunu ei ne ia a taulaga sunu mo taulaga meakai ki te Aliki, ke pela eiloa mo te fakatonuga a te Aliki. 30Ne fakatu ne ia a te pesini fano i te va o te Faleie mo te fata-fai-taulaga kae utu ke fonu i vai. 31Ne 'fano a lima o Mose pela foki mo Alona mo ana tamaliki tagata, kae mulu foki mo vae o latou i te koga tena, 32i so se taimi e olo atu ei a latou ki loto i te Faleie io me ki te fata-fai-taulaga, ke pela eiloa mo te fakatonuga a te Aliki. 33Ne fakatu ake ne Mose a te pui fakatamilo o te Faleie mo te fata-fai-taulaga kae 'tau ake ne ia a te laugatu pui o te mataloa o te pui fakatamilo. Tena, ko palele katoa ei a galuega ne fai ne ia.
Ko te Kaumana i Luga o te Faleie o te Aliki
(Nume 9.15-23)
34 #
1Tupu 8.10,11; Isa 6.4; Esela 43.4,5; Faka 15.8 Ko ufi ne te kaumana a te Faleie kae ko fonu i te mainaga o te Aliki. 35Ona ko te mea tenei, ne seki mafai ei ne Mose o fano ki loto i te Faleie. 36I te taimi e masagi ei a te kaumana keatea mai te Faleie, ko fatoa mafai ei ne tino Isalaelu o siki a fale o latou ki se isi koga. 37Kafai e tumau eiloa a te kaumana i kona, e se mafai eiloa ne latou o olo keatea. 38I taimi katoa o te takasesega o te fanauga a Isalaelu, ne matea eiloa ne latou a te kaumana o te Aliki i luga o te Faleie i te ao kae i te po se afi 'ka i luga o te Faleie.
Currently Selected:
ESOTO 40: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
ESOTO 40
40
Ko te Fakatuga mo te Fakatapuga o te Faleie o te Aliki
1Muna a te Aliki ki a Mose, 2“Fakatu ne koe a te Faleie o te Aliki i te aso muamua o te masina muamua. 3Ave a te Pusa o te Feagaiga tela e tuku i ei a Tulafono e Sefulu ki loto kae 'tau mai ona mua tena pui laugatu. 4Ave foki ki loto a te taipola kae fakatoka ana mea katoa i luga i ei. Ke ave foki a te tulaga‐moli ki loto kae fakamau ana moli ki ei. 5Fakatu a te fata-fai-taulaga aulo mo sunu a taulaga manogi mai mua o te Pusa o te Feagaiga kae 'tau ake a te pui laugatu o te mataloa o te Faleie. 6Ke fakatu mai mua o te Faleie a te fata-fai-taulaga mo sunu a taulaga. 7Ke fakatu a te pesini fano i te va o te Faleie mo te fata-fai-taulaga kae utu ke fonu i vai. 8Ke fakatu foki ne koe a te pui fakatamilo kae tautau foki te pui laugatu i tena mataloa.
9“Tena la, ko fakatapu ei ne koe a te Faleie mo ana mea katoa i te milimili ne koe ki te sinu tapu, ko tapu katoa ei. 10Ka oti ko fakatapu ei ne koe a te fata-fai-taulaga mo ana mea katoa i te milimili ne koe ki te sinu tapu, kae ka tapu katoatoa eiloa. 11Ke fakatapu foki ne koe a te pesini fano mo tena tulaga i te faiga eiloa tena.
12“Puke mai Alona mo ana tamaliki tagata ki te mataloa o te Faleie, kae fakatonu ki a latou ke koukou. 13Fakapei Alona ki ona gatu fakafaitaulaga, mili ki te sinu tapu, kae i te faiga tena, ko fakatapu ne koe a ia, ko te mea ke mafai ne ia o tavini mai ki a au i te tofi faitaulaga. 14Puke mai ana tamaliki tagata kae fakapei ki tilima o latou. 15Tena la, ko mili ei ne koe a latou ki te sinu tapu, ke pela eiloa mo te faiga ne fai ne koe ki te tamana o latou, ko te mea ke mafai ne latou o tavini mai ki a au i te tofi faitaulaga. A te miliga tenei ki te sinu tapu ka fai ei a latou mo faitaulaga i taimi katoa mai mua.”
16Ne fai eiloa ne Mose a mea katoa ke pela eiloa mo te mea ne fakatonu mai ne te Aliki. 17Tela la, i te aso muamua o te masina muamua o te lua o tausaga mai te taimi ne teka mai ei a latou mai Aikupito, ne fakatu ei a te Faleie o te Aliki. 18Ne fakatu ake ne Mose a tulaga, fakatu foki a te foitino o te fale, fakamau atu ona talava, kae fakatu mo ona pou. 19Ne fola ne ia te laugatu pulou o te tuafale o te Faleie kae toe pulou atu foki mo tena ufi mai tua, ke pela eiloa mo te fakatonuga a te Aliki. 20Tela, ave ei ne ia a papa fatu e lua o tuku ki loto i te Pusa o te Feagaiga. Ne faulu foki ne ia a amo ki mama o te pusa kae tuku atu foki mo tena pono ki luga. 21Tela, avatu ei ne ia a te Pusa o te Feagaiga ki loto i te Faleie kae 'tau ne ia a te laugatu pui e pui ei a te Pusa. I te faiga tenei, ko puipui ne ia a te Pusa o te Feagaiga ke pela eiloa mo te fakatonuga a te Aliki.
22Ne fakatu ne ia a te taipola i te Faleie ki te feitu ki matu mai tua o te pui laugatu, 23kae tuku ne ia i luga i te taipola te falaoa tela e ofo atu ki te Aliki, ke pela eiloa mo te fakatonuga a te Aliki. 24Ne fakatu ne ia a te tulagamoli i loto i te Faleie i te feitu ki saute kae fakafesagai tonu eiloa mo te taipola, 25kae i kona ka fakaka ei ne ia a te moli i mua o te Aliki, ke pela eiloa mo te fakatonuga a te Aliki. 26Ne fakatu ne ia a te fata-fai-taulaga aulo mai mua o te pui laugatu i loto i te Faleie, 27kae ne sunu ne ia a taulaga manogi i ei, ke pela eiloa mo te fakatonuga a te Aliki. 28Ne 'tau ne ia a te pui laugatu o te mataloa o te Faleie, 29kae i te koga tena, mai mua o te pui laugatu, ne fakatu ei ne ia a te fata-fai-taulaga e sunu i ei a taulaga sunu. Kae i luga o te fata-fai-taulaga tena ne sunu ei ne ia a taulaga sunu mo taulaga meakai ki te Aliki, ke pela eiloa mo te fakatonuga a te Aliki. 30Ne fakatu ne ia a te pesini fano i te va o te Faleie mo te fata-fai-taulaga kae utu ke fonu i vai. 31Ne 'fano a lima o Mose pela foki mo Alona mo ana tamaliki tagata, kae mulu foki mo vae o latou i te koga tena, 32i so se taimi e olo atu ei a latou ki loto i te Faleie io me ki te fata-fai-taulaga, ke pela eiloa mo te fakatonuga a te Aliki. 33Ne fakatu ake ne Mose a te pui fakatamilo o te Faleie mo te fata-fai-taulaga kae 'tau ake ne ia a te laugatu pui o te mataloa o te pui fakatamilo. Tena, ko palele katoa ei a galuega ne fai ne ia.
Ko te Kaumana i Luga o te Faleie o te Aliki
(Nume 9.15-23)
34 #
1Tupu 8.10,11; Isa 6.4; Esela 43.4,5; Faka 15.8 Ko ufi ne te kaumana a te Faleie kae ko fonu i te mainaga o te Aliki. 35Ona ko te mea tenei, ne seki mafai ei ne Mose o fano ki loto i te Faleie. 36I te taimi e masagi ei a te kaumana keatea mai te Faleie, ko fatoa mafai ei ne tino Isalaelu o siki a fale o latou ki se isi koga. 37Kafai e tumau eiloa a te kaumana i kona, e se mafai eiloa ne latou o olo keatea. 38I taimi katoa o te takasesega o te fanauga a Isalaelu, ne matea eiloa ne latou a te kaumana o te Aliki i luga o te Faleie i te ao kae i te po se afi 'ka i luga o te Faleie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific