ESOTO Fakatomuaga
Fakatomuaga
Te uiga o te igoa ko Esoto, ko te ‘Olo Keatea’, kae fakauiga ki te vaega sili i te taua i tala tuku fakasolopito o Isalaelu, tela e fakamatala i loto i te tusi tenei — ko te olooga keatea o te fanauga a Isalaelu mai Aikupito, te koga ne 'nofo pologa ei latou. Te tusi tenei ko Esoto e tolu ona vaega taua: 1) te fakasaolotoga o tino Epelu mai te fakapologaaga; 2) te oloto malaga ki te mauga o Sinai; 3) te feagaiga a te Atua mo ona tino i Sinai, ne maua ei ne latou a akoakoga o te olaga lei, mo tulafono faka te lotu kola e tau o olagina ne latou; mo te 4) te faitega mo te fakatokaga o se koga tapuaki mo Isalaelu, mo tulafono e fakasino tonu ki faitaulaga mo te tapuakiga ki te Atua.
Ka ko te mea taua tela e fakaasi mai i te tusi, ko te galuega a te Atua i te faka'saolotoga o ona tino mai te 'nofo pologa, kae ne faite ne ia ke fai mo malo, tela ka isi se fakamoemoega mo aso mai mua.
Te tagata taua i loto i te tusi tenei ko Mose, tela ne filifili ne te Atua ke takitaki ne ia a tino Isalaelu i te olotou malaga fakaesoto mai Aikupito. Te vaega lauiloa i loto i te tusi, ko Tulafono e sefulu i te mataupu e 20.
Ko Fakasologa o Mataupu
Fakasaolotoga o te kau Isalaelu mai Aikupito (1.1—15.21)
a. Fakapologaaga i Aikupito (1.1-22)
e. Te fanaumaiga o Mose mo te kamataga o tena olaga (2.1—4.31)
i. Te fakafeagai o Mose mo Alona ki te tupu o Aikupito (5.1—11.10)
o. Te Paseka mo te olooga keatea mai Aikupito (12.1—15.21)
Mai te Tai Kula ki te Mauga o Sinai (15.22—18.27)
Ko Tulafono mo te Feagaiga (19.1—24.18)
Ko te Faleie Tapu o te Feagaiga mo fakatonuga e uiga ki tapuakiga (25.1—40.38)
Currently Selected:
ESOTO Fakatomuaga: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific