KENESE 21
21
Ko te Fanaumaiga o Isaako
1Ne fakamanuia ne te Aliki a Sala, e pela eiloa mo tena tautoga, 2#Epe 11.11tela ne faitama ei kae fanau mai se tamaliki tagata. I te taimi tena, a Apelaamo ko matua eiloa. Te tamaliki tagata tena ne fanau eiloa i te taimi tela ne fakasino ne te Atua ke fanau i ei. 3Ne fakaigoa ne Apelaamo te tamaliki tena ko Isaako, 4#Kene 17.12; Galu 7.8kae i te valu o aso, ne pilitome ei a ia ne Apelaamo e pela eiloa mo te fakatonuga a te Atua. 5E tusa mo te selau tausaga o Apelaamo i te taimi ne fanau mai ei a Isaako. 6Muna a Sala, “Ko aumai ne te Aliki ki a au te fiafia lasi. So se tino e logo i te mea tenei ka kata#21.6:kata: A te uiga o te igoa o Isaako faka Epelu “a ia ne kata” (onoono foki ki te Kene. 17.17-19). fakatasi mo au.” 7Kae toe faopoopo atu mo ana pati penei, “Ailoga eiloa e isi se tino e manatu aka pela me koi mafai ne au o maua se tamaliki. Kae tenei ko fanau ne au te tamaliki a Apelaamo ka ko toeaina eiloa a ia.”
8Ne tupu ake te tamaliki tena, kae i te taimi eiloa ne vae ei keatea mo te susu, ne fai ei te 'kaiga lasi a Apelaamo.
A Hakala mo Isamaeli ko Uga ke Olo Keatea
9I te aso e tasi, ne tafao a Isamaeli, te tama a Apelaamo i a Hakala, te Aikupito, mo Isaako, te tama a Apelaamo i a Sala.#21.9: ne tafao mo; io me faifakata. #21.9: I nisi lomiga taumuamo te tama tagata a Sala ko Isaako; Te faka-Epelu e seai ne muna konei. 10#Kala 4.29,30I te laveaga ne Sala, fai atu eiloa ki a Apelaamo penei, “Uga atu te tavini fafine tenei mo tena tama tagata ke olo keatea mai konei. E se tau o maua ne te tama a te fafine tenei se vaega mai au koloa, me e tau o maua katoa ne Isaako.” 11Ne 'mafa foki eiloa mafaufauga o Apelaamo ki te mea tenei, me i a Isamaeli ko tena tama foki. 12#Loma 9.7; Epe 11.18Kae ne fai atu te Atua ki a Apelaamo penei, “Sa manavase ki a Isamaeli mo tau tavini ko Hakala. Fai so se mea e fai atu ne Sala, me e mafua mai i a Isaako te lasi o tou gafa tela ne tauto atu ei au. 13E tuku atu foki ne au ne fanau e tokouke ki te tama tagata a te tavini fafine ko Hakala, ko te mea ke fai mo malo. A ia se tama foki a koe.”
14I te tafataeao o te sua aso, ne tuku atu ne Apelaamo ki a Hakala ne meakai mo te taga vai e fonu i vai. Ne na atu ne ia te tamaliki ki te tua o Hakala, uga atu eiloa ne ia ke olo. Ne olo atu a Hakala mo tena tama, oloolo sale fua i te vao o Pelesepa. 15I te masaga o te la taga vai, ne tuku ne ia te tamaliki i lalo o te vao lakau, 16kae fanatu o sagasaga i se koga e tusa mo te selau iata te 'mao. Ne faipati ifo a ia ki a ia eiloa penei, “Tapa, ko se mafai ne au o kilo ki taku tama ma mate.#21.16: fafine; Tasi o lomiga taumua te tamaliki.” Tena, tagi eiloa a ia i te koga tena e sagasaga a ia i ei.
17Ne lagona ne te Atua a te tamaliki tena e tagi, tela ne faipati ifo ei a te agelu a te Atua ki a Hakala penei, “Se a te mea e fanoanoa ei koe? Sa mataku, ko oti ne lagona ne te Atua te tagi o tau tamaliki. 18Tu ki luga o fano o puke aka tau tama o fakanana. Ka fakatokouke ne au a tino o tena gafa ke fai ma malo lasi.” 19Ne fakapula aka ne te Atua a mata o Hakala, tela ne lavea ei ne ia a te vaikeli. Ne fanatu a ia ki te vaikeli, fakafonu aka te la mea utu vai, fainu atu foki ei ne ia a tena tama. 20Ne fakatasi eiloa te Atua ki a Isamaeli i aso ne tupu ake ei a ia. Ne nofo Isamaeli i te vao o Palana kae ne fai mo tagata atuli manu tafasili i te poto. 21Ne fakaavaga a ia ne tena matua ki te fafine Aikupito.
Ko te Feagaiga a Apelaamo mo Apimeleko
22 #
Kene 26.26
I te taimi tena, ne olo atu a Apimeleko mo te takitaki o tena kautau, ko Pikolo, ki a Apelaamo kae fai atu ki a ia penei, “A te Atua e fakatasi mo koe i au mea katoa e fai. 23Tela la, fai se tautoga a koe i konei, i mua o te Atua, me ka se toe fakaloiloi ne koe au mo aku tamaliki io me se tino mai toku gafa. Au ne fai fakalei atu ki a koe, tela la, tauto mai i a koe ka fakamaoni mai ki a au e pena foki ki te fenua tenei e nofo ei koe.”
24Ne fai atu ei a Apelaamo penei, “Au e tauto.”
25Ne fakatagi atu a Apelaamo ki a Apimeleko i tena vaikeli e tasi ko oti ne 'fao malo ne ana tavini. 26Ne fai atu a Apimeleko penei, “E seiloa ne au me ko oi te tino ne fai ne ia te mea tena. E seki fai mai ne koe muamua, kae tenei te taimi muamua ko logo atu au i te mea tena.” 27Tena, ne tuku atu ei ne Apelaamo ne mamoe mo pulumakau ki a Apimeleko, tela ne fai ei te la feagaiga. 28Ne 'vae keatea ne Apelaamo e fitu a tamā mamoe mai tena lafu, 29kae ne fesili atu a Apimeleko me ai a e fai ei ne ia te mea tena. 30Ne tali atu a Apelaamo penei, “Ke talia ne koe a tamā mamoe konei e fitu, me i te faiga tena, e talia foki ei ne koe me i te vaikeli tenei ne keli ne au.” 31Tela ne fakaigoa ei te koga tena ko Pelesepa,#21.31: Pelesepa: A te uiga o te igoa tenei faka Epelu “Te Vaikeli o te Tautoga” io me “Vaikeli e Fitu” Onoono foki ki te Kene 26.33. me ko te koga tena ne fai ei te feagaiga a te tokolua kona.
32I te otiga ne fai o te feagaiga tena i Pelesepa, ne 'foki atu ei a Apimeleko mo Pikolo ki Filisitia. 33Ne 'toki ei ne Apelaamo te lakau ko te tamalisi i Pelesepa, fai ei tena tapuakiga ki te Aliki, te Atua Ola. 34Ne nofo a Apelaamo i Filisitia i se taimi tai leva eiloa.
Currently Selected:
KENESE 21: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
