KENESE 37
37
Ko Iosefa mo ona Taina
1Ne nofo eiloa Iakopo i te fenua o Kanana, te koga ne nofo ei tena tamana. 2Tenei te tala o te kaiga o Iakopo: a Iosefa, se tamataene ko tusa mo te sefulu fitu ona tausaga, ne tausi fakatasi ne ia mo ona taina a mamoe mo kouti. A taina o ia kona ko tama a Pila mo Selepa, kola ko avaga fakasalasala a Iakopo. E masani o lipoti mai sale ne Iosefa ki te lotou tamana a amioga masei a ona taina e fai sale.
3A Iakopo e sili atu tena alofa ki a Iosefa i lo ana tama tagata katoa, me ne fanau mai ka ko Iakopo ko toeaina. Ne sui ne Iakopo se gatu 'loa kae lima 'loa#37.3: gatu 'loa kae lima 'loa io me gatu 'loa fakagaligali. mo Iosefa. 4I te iloaga ne taina o Iosefa i a Iakopo e alofa malosi atu ki a Iosefa i lo latou katoa, ne takalialia ei latou ki a Iosefa, tela la, ko se ti faipati fakalei sale eiloa latou ki a ia.
5I te po e tasi, ne moemiti a Iosefa, kae i te fakamatalaga ne ia tena miti ki ana taina, ne gasolo ake ei o kaitaua ona taina ki a ia. 6Muna a Iosefa, “Fakalogo mai ki taku miti. 7Au ne moemiti i tatou ne nofo katoa i te fatoaga saito, o saisai a fusiga saito, ko taku fusi saito eiloa ko tu 'tonu ake ki luga. A otou fusiga saito e fakatamilo ne latou taku fusi saito, kae ifo ki ei.”
8Muna a taina o Iosefa, “Ko tau fakatau i a koe e fai mo tupu o pule i luga i a matou?” Tela ne gasolo ake eiloa latou o takalialia i a Iosefa ona ko ana miti mo ana pati e fai e uiga ki a latou.
9Ne toe fai te miti a Iosefa, fai atu ei ki ona taina penei, “E isi foki sua miti a aku ne fai, ne matea ei ne au te la, te masina mo fetu e sefulu tasi e ifo mai ki a au.”
10Ne fakamatala foki ne ia tena miti tena ki tena tamana, kae ne kote a ia ne tena tamana. Muna tena tamana: “Se a te vaega miti tena? Ko tau fakatau ko tou matua, ou taina mo au, ka olo atu o ifo ki a koe?” 11#Galu 7.9Ne loto masei ona taina ki a ia, ka ko tena tamana ne saga o mafaufau ki te miti tena.
Ko Fakatau atu Iosefa kae ave ki Aikupito
12I te aso e tasi, ne olo a taina o Iosefa ki Sekema o tausi a lafu a te lotou tamana. 13Ne fai atu ei a Iakopo ki a Iosefa penei, “Au e manako ke fano koe ki Sekema, te koga e tausi manu ei ou taina.”
Ne tali atu a Iosefa, “Au ko toka.”
14Muna tena tamana, “Fano o asi atu ou taina me e malosi me ikai, asi atu foki ki te lafu manu me lei me ikai; ka oti ko foki mai ei koe o fakailoa mai ki a au.” Tela ne uga atu ei ne Iakopo a Iosefa i tena malaga mai te Vanu o Hepelona.
Ne oko atu a Iosefa ki Sekema, 15kae ne tekateka valevale fua i te fenua tena, matea ei a ia ne te tagata e tokotasi tela ne fesili atu ki a ia penei, “Se a tau mea e sala?”
16Muna a Iosefa, “Au nei e sala fua ki oku taina kola ne o'mai o tausi manu i konei. E mafai ne koe o taku mai te koga e nofo ei latou?”
17Muna a te tagata tela penei, “Ko leva ne tiaki ne latou te koga nei. Ne lagona ne au i olotou pati i a latou e olo ki Totana.” Tena ne tautali atu eiloa a Iosefa i ona taina, maua atu eiloa ne ia i Totana.
18Ne matea mao mai a Iosefa ne ona taina, kae koi tuai o oko atu a Iosefa, ne filifili latou ke tamate a ia. 19Muna a latou, “Tenei ko vau te tagata fai moemiti. 20O'mai ke tamate ne tatou kae pei tena foitino ki se vaikeli masa. E mafai fua ne tatou o lou pela i a ia ne kai ne se manu fekai. Ka kata'kata ei tatou ki te ikuga o ana miti.”
21Ne lagona ne Leupena olotou fuafuaga, taumafai eiloa a ia o fakasao a Iosefa. Muna ia, “Ke mo a e tamate ne tatou a Iosefa. 22Pei fatu a ia ki lalo i te vaikeli tena i te vao, kae sa fakapakiagina a ia.” Ne fai te taofi o Leupena tena mo tena mafaufau ke fakasao ne ia a Iosefa mai i ona taina, ko uga ei ne ia ke foki ki tena tamana. 23I te okomaiga o Iosefa ki ona taina, ne saesae ne latou tena gatu 'loa kae lima 'loa.#37.23: gatu 'loa kae lima 'loa; io me gatu 'loa fakagaligali. 24Oti aka, ave ei ne latou a ia o pei ki loto i te vaikeli masa.
25Kae i te taimi ne kai ei latou, ne matea ne latou se potukau Isamaeli ne faimalaga mai Kileata o olo ki Aikupito. A olotou kamela ko fonu eiloa i mea fakamanogi mo vailakau. 26Muna a Iuta ki ona taina, “Se a te mea e maua ne tatou mafai e tamate ne tatou te tou taina, kae funa ne tatou? 27Puke mai ke fakatau ne tatou ki tino Isamaeli konei. I te faiga tena ko se fakapakia foki ei ne tatou a ia; a ia foki la ko te tou taina, ko 'tou kano mo 'tou toto.” Ne loto ona taina ki te faiga tena, 28#Galu 7.9tela, i te maiga o nisi tino Mitiana fakataukoloa,#37.28: te kautaina; faka Epelu A latou. te kautaina ne 'futi aka ne latou a Iosefa mai te vaikeli, fakatau atu ei ne latou ki tino Isamaeli ki te lua sefulu tupe siliva, tela ave ei ne tino Isamaeli kona a Iosefa ki Aikupito.
29I te fokimaiga o Leupena ki te vaikeli kae matea ne ia i a Iosefa ko galo, ne saesae ona gatu i te fanoanoa. 30Ne foki atu a ia ki ona taina kae fai atu penei, “A Iosefa ko galo i te koga ne tuku ki ei! Se a nei taku mea ka fai?”
31Ne ta aka ne latou se kouti, ufi ei ne latou te gatu loa o Iosefa ki toto o te kouti. 32Ne ave ne latou te gatu loa ki a Iakopo, muna a latou, “A te gatu tenei ne maua ne matou; e a, e a tau tama?”
33Ne matea ne Iakopo, muna a ia, “Ao, e o Iosefa! Kaati ne ta faeloa ne se manu fekai. Taku tama ko Iosefa ko oti ne saesae ne manu.” 34Ne saesae ne Iakopo ona gatu i te fanoanoa kae pei ki gatu lautaga. Ne tagi fanoanoa a ia mo tena tama i se taimi leva eiloa. 35Ne o'mai katoa ana tama tagata mo tama fafine o fakalei tena loto, kae ne seki talia ne ia ke o'mai o fakamafanafana a ia, muna ia, “Au e tagi fanoanoa faeloa, ke oko foki eiloa ki te taimi e fanaifo ei au ki te lalolagi o tino mate.” Tela ne tagi eiloa a ia mo tena tama ko Iosefa.
36Kae i te vaitaimi tena, a Iosefa ko oti ne fakatau atu ne te kau Mitiana i Aikupito ki a Potifala, se ofisa e tokotasi a te tupu, kae ko te kapeni o sotia tiute i te palesi.
Currently Selected:
KENESE 37: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
KENESE 37
37
Ko Iosefa mo ona Taina
1Ne nofo eiloa Iakopo i te fenua o Kanana, te koga ne nofo ei tena tamana. 2Tenei te tala o te kaiga o Iakopo: a Iosefa, se tamataene ko tusa mo te sefulu fitu ona tausaga, ne tausi fakatasi ne ia mo ona taina a mamoe mo kouti. A taina o ia kona ko tama a Pila mo Selepa, kola ko avaga fakasalasala a Iakopo. E masani o lipoti mai sale ne Iosefa ki te lotou tamana a amioga masei a ona taina e fai sale.
3A Iakopo e sili atu tena alofa ki a Iosefa i lo ana tama tagata katoa, me ne fanau mai ka ko Iakopo ko toeaina. Ne sui ne Iakopo se gatu 'loa kae lima 'loa#37.3: gatu 'loa kae lima 'loa io me gatu 'loa fakagaligali. mo Iosefa. 4I te iloaga ne taina o Iosefa i a Iakopo e alofa malosi atu ki a Iosefa i lo latou katoa, ne takalialia ei latou ki a Iosefa, tela la, ko se ti faipati fakalei sale eiloa latou ki a ia.
5I te po e tasi, ne moemiti a Iosefa, kae i te fakamatalaga ne ia tena miti ki ana taina, ne gasolo ake ei o kaitaua ona taina ki a ia. 6Muna a Iosefa, “Fakalogo mai ki taku miti. 7Au ne moemiti i tatou ne nofo katoa i te fatoaga saito, o saisai a fusiga saito, ko taku fusi saito eiloa ko tu 'tonu ake ki luga. A otou fusiga saito e fakatamilo ne latou taku fusi saito, kae ifo ki ei.”
8Muna a taina o Iosefa, “Ko tau fakatau i a koe e fai mo tupu o pule i luga i a matou?” Tela ne gasolo ake eiloa latou o takalialia i a Iosefa ona ko ana miti mo ana pati e fai e uiga ki a latou.
9Ne toe fai te miti a Iosefa, fai atu ei ki ona taina penei, “E isi foki sua miti a aku ne fai, ne matea ei ne au te la, te masina mo fetu e sefulu tasi e ifo mai ki a au.”
10Ne fakamatala foki ne ia tena miti tena ki tena tamana, kae ne kote a ia ne tena tamana. Muna tena tamana: “Se a te vaega miti tena? Ko tau fakatau ko tou matua, ou taina mo au, ka olo atu o ifo ki a koe?” 11#Galu 7.9Ne loto masei ona taina ki a ia, ka ko tena tamana ne saga o mafaufau ki te miti tena.
Ko Fakatau atu Iosefa kae ave ki Aikupito
12I te aso e tasi, ne olo a taina o Iosefa ki Sekema o tausi a lafu a te lotou tamana. 13Ne fai atu ei a Iakopo ki a Iosefa penei, “Au e manako ke fano koe ki Sekema, te koga e tausi manu ei ou taina.”
Ne tali atu a Iosefa, “Au ko toka.”
14Muna tena tamana, “Fano o asi atu ou taina me e malosi me ikai, asi atu foki ki te lafu manu me lei me ikai; ka oti ko foki mai ei koe o fakailoa mai ki a au.” Tela ne uga atu ei ne Iakopo a Iosefa i tena malaga mai te Vanu o Hepelona.
Ne oko atu a Iosefa ki Sekema, 15kae ne tekateka valevale fua i te fenua tena, matea ei a ia ne te tagata e tokotasi tela ne fesili atu ki a ia penei, “Se a tau mea e sala?”
16Muna a Iosefa, “Au nei e sala fua ki oku taina kola ne o'mai o tausi manu i konei. E mafai ne koe o taku mai te koga e nofo ei latou?”
17Muna a te tagata tela penei, “Ko leva ne tiaki ne latou te koga nei. Ne lagona ne au i olotou pati i a latou e olo ki Totana.” Tena ne tautali atu eiloa a Iosefa i ona taina, maua atu eiloa ne ia i Totana.
18Ne matea mao mai a Iosefa ne ona taina, kae koi tuai o oko atu a Iosefa, ne filifili latou ke tamate a ia. 19Muna a latou, “Tenei ko vau te tagata fai moemiti. 20O'mai ke tamate ne tatou kae pei tena foitino ki se vaikeli masa. E mafai fua ne tatou o lou pela i a ia ne kai ne se manu fekai. Ka kata'kata ei tatou ki te ikuga o ana miti.”
21Ne lagona ne Leupena olotou fuafuaga, taumafai eiloa a ia o fakasao a Iosefa. Muna ia, “Ke mo a e tamate ne tatou a Iosefa. 22Pei fatu a ia ki lalo i te vaikeli tena i te vao, kae sa fakapakiagina a ia.” Ne fai te taofi o Leupena tena mo tena mafaufau ke fakasao ne ia a Iosefa mai i ona taina, ko uga ei ne ia ke foki ki tena tamana. 23I te okomaiga o Iosefa ki ona taina, ne saesae ne latou tena gatu 'loa kae lima 'loa.#37.23: gatu 'loa kae lima 'loa; io me gatu 'loa fakagaligali. 24Oti aka, ave ei ne latou a ia o pei ki loto i te vaikeli masa.
25Kae i te taimi ne kai ei latou, ne matea ne latou se potukau Isamaeli ne faimalaga mai Kileata o olo ki Aikupito. A olotou kamela ko fonu eiloa i mea fakamanogi mo vailakau. 26Muna a Iuta ki ona taina, “Se a te mea e maua ne tatou mafai e tamate ne tatou te tou taina, kae funa ne tatou? 27Puke mai ke fakatau ne tatou ki tino Isamaeli konei. I te faiga tena ko se fakapakia foki ei ne tatou a ia; a ia foki la ko te tou taina, ko 'tou kano mo 'tou toto.” Ne loto ona taina ki te faiga tena, 28#Galu 7.9tela, i te maiga o nisi tino Mitiana fakataukoloa,#37.28: te kautaina; faka Epelu A latou. te kautaina ne 'futi aka ne latou a Iosefa mai te vaikeli, fakatau atu ei ne latou ki tino Isamaeli ki te lua sefulu tupe siliva, tela ave ei ne tino Isamaeli kona a Iosefa ki Aikupito.
29I te fokimaiga o Leupena ki te vaikeli kae matea ne ia i a Iosefa ko galo, ne saesae ona gatu i te fanoanoa. 30Ne foki atu a ia ki ona taina kae fai atu penei, “A Iosefa ko galo i te koga ne tuku ki ei! Se a nei taku mea ka fai?”
31Ne ta aka ne latou se kouti, ufi ei ne latou te gatu loa o Iosefa ki toto o te kouti. 32Ne ave ne latou te gatu loa ki a Iakopo, muna a latou, “A te gatu tenei ne maua ne matou; e a, e a tau tama?”
33Ne matea ne Iakopo, muna a ia, “Ao, e o Iosefa! Kaati ne ta faeloa ne se manu fekai. Taku tama ko Iosefa ko oti ne saesae ne manu.” 34Ne saesae ne Iakopo ona gatu i te fanoanoa kae pei ki gatu lautaga. Ne tagi fanoanoa a ia mo tena tama i se taimi leva eiloa. 35Ne o'mai katoa ana tama tagata mo tama fafine o fakalei tena loto, kae ne seki talia ne ia ke o'mai o fakamafanafana a ia, muna ia, “Au e tagi fanoanoa faeloa, ke oko foki eiloa ki te taimi e fanaifo ei au ki te lalolagi o tino mate.” Tela ne tagi eiloa a ia mo tena tama ko Iosefa.
36Kae i te vaitaimi tena, a Iosefa ko oti ne fakatau atu ne te kau Mitiana i Aikupito ki a Potifala, se ofisa e tokotasi a te tupu, kae ko te kapeni o sotia tiute i te palesi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific