KENESE 47
47
1Tena ne puke ei ne Iosefa e tokolima mai ona taina, ke olo mo ia ki te tupu. Muna ia ki te tupu, “Ko oti ne oko mai toku tamana mo oku taina mai Kanana, fakatasi mo olotou lafu manu mo olotou mea katoa. Konei la e nofo nei i te fa'kai o Kosena.” 2Tena, ne fakaasi atu ei ne ia ona taina ki te tupu. 3Ne fesili atu te tupu ki taina o Iosefa penei, “Se a te galuega e fai sale ne koutou?”
Ne tali mai latou penei, “Tou malu, a matou ne tino tausi mamoe, e pela eiloa mo omotou tupuna. 4A matou nei ne o'mai o nofo i te fenua tenei, me i te oge i te fenua o Kanana ko oko eiloa i te fai malosi, tela la, ko seai eiloa ne mouku ke kaikai ei motou manu. Fakamolemole, talia mai ke nofo aka matou i te kogā laukele o Kosena.” 5Muna te tupu ki a Iosefa penei, “ia, ko oko mai nei a tou tamana mo ou taina, 6a te fenua o Aikupito e o latou. Tuku atu latou ke nofo i te kogā laukele o Kosena, te koga tafasili i te lei i te fenua. Kae kafai e isi ne tino malosi i a latou, ko tuku mai ke tausi ne latou aku lafu manu.”
7Oti aka, puke mai ei ne Iosefa a tena tamana ko Iakopo o fakaasi atu ki te tupu. Ne fakamanuia atu ne Iakopo a te tupu, 8kae ne fesili mai a te tupu ki a Iakopo penei, “Ko fia nei ou tausaga?”
9Ne tali atu a Iakopo penei, “Ko tusa nei mo te selau tolusefulu tausaga o toku olaga, se olaga e lasi eiloa ki te maumausolo. E se uke malosi oku tausaga e pela mo tausaga o oku tupuga, kae ne tausaga faigata.” 10Tena, kae toe fakamanuia atu ei ne Iakopo a te tupu. 11Ne fakanofo ei ne Iosefa a tena tamana mo ana taina i Aikupito, kae tuku atu foki ki a latou ne manafa, i koga lei eiloa o te fenua, koga pili ki te fa'kai o Lamese, e pela eiloa mo te fakatonuga a te tupu. 12Ne fakatoka ne Iosefa a meakai mo tena tamana, ona taina mo tino katoa i te kaiga o tena tamana, ke oko eiloa ki te toe tamaliki foliki eiloa.
Ko te Oge
13Ne fai masei eiloa te oge, ko seai eiloa se meakai e maua i so se koga, tela la, a tino Kanana mo tino Aikupito ko vaivai eiloa i te fiakai. 14A tupe a latou, kola e togi sale ei olotou saito e puke ne Iosefa o ave ki te palesi. 15I te palelega o tupe a tino katoa i luga i Aikupito mo Kanana, ne o'mai a tino Aikupito ki a Iosefa kae fai atu penei, “Aumai ne motou meakai. Sa tukugina matou ke mate. Fai aka sau faiga ki a matou. A omotou tupe ko palele katoa.”
16Ne tali atu a Iosefa penei, “Aumai otou manu fagai, mo togi otou meakai mafai ko seai ne otou tupe.” 17Tela, ne aumai ei ne latou olotou manu, ko solofanua, mamoe, kouti, pulumakau mo asini, ki a Iosefa, e togi ki ei olotou meakai. I te tausaga tena, ne tuku ne Iosefa a meakai ki a latou kae togi ki manu fagai.
18I te tausaga mai tua ifo, ne toe o'mai latou ki a Iosefa kae fai ki a ia penei, “Tou malu, ko fakaasi tonu atu ne matou ki a koe, i motou tupe ko seai eiloa ka ko omotou manu kona katoa ko nofo mo koe. Ko seai eiloa se mea e toe ke tuku atu ki a koe, na ko omotou foitino eiloa mo omotou manafa. 19Sa tukugina matou ke mate. Fai aka sau faiga! Fai aka ke mo a e mate matou, i omotou manafa ma tuku tiaki fua pela. Tuku mai ne meakai kae ke togi atu ki omotou foitino mo omotou manafa. Ka fai matou mo pologa a te tupu, kae ka fai foki mo ia motou manafa. Tuku mai ne saito ke ola matou, mo ne fuaga ke toki i omotou laukele.”
20Tena, ne togi ei ne Iosefa a manafa katoa i luga i Aikupito ma te tupu. A tino Aikupito katoa ne fakatau atu katoa olotou manafa, ona eiloa ko te fai malosi o te oge; tela la a manafa katoa ko puke katoa ma te tupu. 21Ne fakapologa ne Iosefa a tino katoa, mai sua mata o Aikupito ki te sua mata. 22E tasi eiloa te kogā laukele e seki togi ne ia, ko te koga tela e nofo i ei a faitaulaga. Ne seki fakatau atu te lotou kogā fenua, me e isi eiloa se tupe e tuku sale ne te tupu ki a latou mo olotou kai. 23Muna Iosefa ki tino, “Ko lavea nei ne koutou me ko oti ne togi ne au a koutou mo otou manafa mo te tupu. Konei la a fuaga ke toki ne koutou i otou fatoaga. 24I te taimi e kati ei otou fatoaga me ko 'lei i te kai, e tau mo koutou o tuku ki te tupu e tusa mo te tasi vae lima i otou mea e maua. A te toega e fakaaoga eiloa ne koutou mo otou kaiga.”
25Ne tali atu latou penei, “Tou malu, a matou ko ola i a koe, a koe ne fai fakalei mai ki a matou, ka ko talia nei ne matou ke fai matou mo pologa a te tupu.” 26Tela, ne fai ei ne Iosefa te tulafono tenei ke tausi ne tino katoa; i te taimi e kati ei a saito a so se tino, e tau o tuku ne ia e tasi vae lima ma te tupu. A te tulafono tena e mautakitaki eiloa ke oko mai ki aso nei. Ko te koga fua tela e nofo ei a faitaulaga e seki fakatau atu ki te tupu.
Ko te Toe Manako o Iakopo
27A te kau Isalaelu ne nofo i Aikupito, i te kogā laukele o Kosena, kae ne gasolo ake eiloa o uke olotou mea, kae tokouke foki olotou tamaliki. 28Ne nofo Iakopo i Aikupito e tusa mo te sefulu fitu tausaga, tela ko tusa ei mo te selau fasefulu fitu ona tausaga. 29#Kene 49.29-32; 50.6I te taimi ko pili ei a ia o mate, ne kalaga atu a ia ki a Iosefa kae fai atu penei, “Faulu mai tou lima ki lalo i oku vasia kauaga#47.29: Faulu mai tou lima ki lalo i oku vasia kauaga: onoono ki te Kene.24.2. kae fai se tautōga tumau me ka se tanu ne koe a au i Aikupito. 30Au e manako ke tanu au i te koga e tanu ei toku tamana mo oku tupuga; ave eiloa au keatea mo Aikupito, o tanu i te koga e tanu ei latou.”
Ne tali atu a Iosefa, “Ka fai eiloa ne au a te mea e manako koe ki ei.”
31Muna Iakopo, “Tauto mai me e fai eiloa ne koe.” Tena ne tauto ei a Iosefa, ko Iakopo eiloa ko fai tena fakafetai i luga i tena moega.
Currently Selected:
KENESE 47: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
KENESE 47
47
1Tena ne puke ei ne Iosefa e tokolima mai ona taina, ke olo mo ia ki te tupu. Muna ia ki te tupu, “Ko oti ne oko mai toku tamana mo oku taina mai Kanana, fakatasi mo olotou lafu manu mo olotou mea katoa. Konei la e nofo nei i te fa'kai o Kosena.” 2Tena, ne fakaasi atu ei ne ia ona taina ki te tupu. 3Ne fesili atu te tupu ki taina o Iosefa penei, “Se a te galuega e fai sale ne koutou?”
Ne tali mai latou penei, “Tou malu, a matou ne tino tausi mamoe, e pela eiloa mo omotou tupuna. 4A matou nei ne o'mai o nofo i te fenua tenei, me i te oge i te fenua o Kanana ko oko eiloa i te fai malosi, tela la, ko seai eiloa ne mouku ke kaikai ei motou manu. Fakamolemole, talia mai ke nofo aka matou i te kogā laukele o Kosena.” 5Muna te tupu ki a Iosefa penei, “ia, ko oko mai nei a tou tamana mo ou taina, 6a te fenua o Aikupito e o latou. Tuku atu latou ke nofo i te kogā laukele o Kosena, te koga tafasili i te lei i te fenua. Kae kafai e isi ne tino malosi i a latou, ko tuku mai ke tausi ne latou aku lafu manu.”
7Oti aka, puke mai ei ne Iosefa a tena tamana ko Iakopo o fakaasi atu ki te tupu. Ne fakamanuia atu ne Iakopo a te tupu, 8kae ne fesili mai a te tupu ki a Iakopo penei, “Ko fia nei ou tausaga?”
9Ne tali atu a Iakopo penei, “Ko tusa nei mo te selau tolusefulu tausaga o toku olaga, se olaga e lasi eiloa ki te maumausolo. E se uke malosi oku tausaga e pela mo tausaga o oku tupuga, kae ne tausaga faigata.” 10Tena, kae toe fakamanuia atu ei ne Iakopo a te tupu. 11Ne fakanofo ei ne Iosefa a tena tamana mo ana taina i Aikupito, kae tuku atu foki ki a latou ne manafa, i koga lei eiloa o te fenua, koga pili ki te fa'kai o Lamese, e pela eiloa mo te fakatonuga a te tupu. 12Ne fakatoka ne Iosefa a meakai mo tena tamana, ona taina mo tino katoa i te kaiga o tena tamana, ke oko eiloa ki te toe tamaliki foliki eiloa.
Ko te Oge
13Ne fai masei eiloa te oge, ko seai eiloa se meakai e maua i so se koga, tela la, a tino Kanana mo tino Aikupito ko vaivai eiloa i te fiakai. 14A tupe a latou, kola e togi sale ei olotou saito e puke ne Iosefa o ave ki te palesi. 15I te palelega o tupe a tino katoa i luga i Aikupito mo Kanana, ne o'mai a tino Aikupito ki a Iosefa kae fai atu penei, “Aumai ne motou meakai. Sa tukugina matou ke mate. Fai aka sau faiga ki a matou. A omotou tupe ko palele katoa.”
16Ne tali atu a Iosefa penei, “Aumai otou manu fagai, mo togi otou meakai mafai ko seai ne otou tupe.” 17Tela, ne aumai ei ne latou olotou manu, ko solofanua, mamoe, kouti, pulumakau mo asini, ki a Iosefa, e togi ki ei olotou meakai. I te tausaga tena, ne tuku ne Iosefa a meakai ki a latou kae togi ki manu fagai.
18I te tausaga mai tua ifo, ne toe o'mai latou ki a Iosefa kae fai ki a ia penei, “Tou malu, ko fakaasi tonu atu ne matou ki a koe, i motou tupe ko seai eiloa ka ko omotou manu kona katoa ko nofo mo koe. Ko seai eiloa se mea e toe ke tuku atu ki a koe, na ko omotou foitino eiloa mo omotou manafa. 19Sa tukugina matou ke mate. Fai aka sau faiga! Fai aka ke mo a e mate matou, i omotou manafa ma tuku tiaki fua pela. Tuku mai ne meakai kae ke togi atu ki omotou foitino mo omotou manafa. Ka fai matou mo pologa a te tupu, kae ka fai foki mo ia motou manafa. Tuku mai ne saito ke ola matou, mo ne fuaga ke toki i omotou laukele.”
20Tena, ne togi ei ne Iosefa a manafa katoa i luga i Aikupito ma te tupu. A tino Aikupito katoa ne fakatau atu katoa olotou manafa, ona eiloa ko te fai malosi o te oge; tela la a manafa katoa ko puke katoa ma te tupu. 21Ne fakapologa ne Iosefa a tino katoa, mai sua mata o Aikupito ki te sua mata. 22E tasi eiloa te kogā laukele e seki togi ne ia, ko te koga tela e nofo i ei a faitaulaga. Ne seki fakatau atu te lotou kogā fenua, me e isi eiloa se tupe e tuku sale ne te tupu ki a latou mo olotou kai. 23Muna Iosefa ki tino, “Ko lavea nei ne koutou me ko oti ne togi ne au a koutou mo otou manafa mo te tupu. Konei la a fuaga ke toki ne koutou i otou fatoaga. 24I te taimi e kati ei otou fatoaga me ko 'lei i te kai, e tau mo koutou o tuku ki te tupu e tusa mo te tasi vae lima i otou mea e maua. A te toega e fakaaoga eiloa ne koutou mo otou kaiga.”
25Ne tali atu latou penei, “Tou malu, a matou ko ola i a koe, a koe ne fai fakalei mai ki a matou, ka ko talia nei ne matou ke fai matou mo pologa a te tupu.” 26Tela, ne fai ei ne Iosefa te tulafono tenei ke tausi ne tino katoa; i te taimi e kati ei a saito a so se tino, e tau o tuku ne ia e tasi vae lima ma te tupu. A te tulafono tena e mautakitaki eiloa ke oko mai ki aso nei. Ko te koga fua tela e nofo ei a faitaulaga e seki fakatau atu ki te tupu.
Ko te Toe Manako o Iakopo
27A te kau Isalaelu ne nofo i Aikupito, i te kogā laukele o Kosena, kae ne gasolo ake eiloa o uke olotou mea, kae tokouke foki olotou tamaliki. 28Ne nofo Iakopo i Aikupito e tusa mo te sefulu fitu tausaga, tela ko tusa ei mo te selau fasefulu fitu ona tausaga. 29#Kene 49.29-32; 50.6I te taimi ko pili ei a ia o mate, ne kalaga atu a ia ki a Iosefa kae fai atu penei, “Faulu mai tou lima ki lalo i oku vasia kauaga#47.29: Faulu mai tou lima ki lalo i oku vasia kauaga: onoono ki te Kene.24.2. kae fai se tautōga tumau me ka se tanu ne koe a au i Aikupito. 30Au e manako ke tanu au i te koga e tanu ei toku tamana mo oku tupuga; ave eiloa au keatea mo Aikupito, o tanu i te koga e tanu ei latou.”
Ne tali atu a Iosefa, “Ka fai eiloa ne au a te mea e manako koe ki ei.”
31Muna Iakopo, “Tauto mai me e fai eiloa ne koe.” Tena ne tauto ei a Iosefa, ko Iakopo eiloa ko fai tena fakafetai i luga i tena moega.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific