KENESE 6
6
Ko te Amio Masei o Tino Ola
1I te salalauga o tino ola i te lalolagi; mo tamaliki fafine foki ko fanau mai; 2ne 'kilo ifo a tamaliki a atua#6.2: a tino faka te lagi; io me tama tagata a atua; io me tama tagata a te Atua. i te gali o tamafine, tena ne avaga ei latou ki fafine kola e manako latou ki ei. 3Kae fai mai mo te Aliki penei, “E se talia ne au ke ola faeloa a tino ki te se gata mai; a latou ne tino ola fua, e oko ki ei te mate. Mai te taimi tenei, ka se toe ola latou e silia atu mo te 120 tausaga.” 4#Nume 13.33 I aso kona, pela foki mo taimi i tua ifo, e isi ne tino lasi i te lalolagi kola ko fanau a fafine o te lalolagi mo tagata o te lagi. A latou ko tagata mafi mo tagata takutakua o aso mua.
5 #
Mata 24.37; Luka 17.26; 1Pete 3.20 I te mateaga ne te Aliki te amio masei o tino katoa i te lalolagi, mo te lailai o olotou mafaufauga, 6ne salamo a ia me ne faite ne ia latou kae faka'nofo i te lalolagi. Ko oko eiloa i tena fanoanoa, tela ne fai aka ei a ia penei, 7“Ka 'solo faka'ma ne au a tino konei ne faite ne au, ke oko foki eiloa ki manu o te laukele mo manu eva, me i au ko salamo me ne faite ne au latou.” 8Ka ko te Aliki ne fiafia ki a Noa.
Ko Noa
9-10 #
2Pete 2.5
Tenei te tala ki a Noa. E toko tolu ana tamaliki tagata, ko Semu, ko Hamo mo Iafeta. A Noa se tagata amiotonu, ka ko ia fua tokotasi te tino 'lei i aso kona. Ne nofo fakatasi a ia mo te Atua, 11ka ko tino katoa ne tino amio masei i mua o te Atua, ka ko te fakasauaga ko salalau ki koga katoa. 12Ne kilo atu te Atua ki te lalolagi, lavea ne ia me ko fonu i te amio masei, me i tino i ei ko ola i te olaga fai amioga masei.
13Muna a te Atua ki a Noa, “Ko tonu i a au me ka 'solo faka'ma a tino ola katoa. Ka 'ta fakapalele ne au latou, me i te lalolagi ko fonu i olotou amioga fakasaua. 14Faite se vaka mo koe ki laupapa 'lei; faite ne potu i loto i ei kae ufi ki te kolota a tua mo loto. 15Faite ke 133 mita te loa, 22 mita te lauefa, kae 13 mita te maluga. 16Faite se tuafale#6.16: tuafale; io mefakamalama. mo te vaka, kae fakava te tuafale mo kaokao o te vaka e tusa mo te 18 inisi.#6.16: tuafale; io mefakamalama. Faite ke tolu a fola kae faite se mataloa i te kaokao. 17Ka fakaoko mai ne au te lofiaga ki te lalolagi ke 'ta fakapalele ei a mea ola katoa. Ka 'mate a mea katoa i te lalolagi, 18kae ka fai ne au se feagaiga mo koe. Ulu ki loto i te vaka mo tau avaga, au tamaliki tagata mo olotou avaga. 19-20Ke aumai foki ne koe ki loto i te vaka se manu tagata mo se manu fafine mai vaega manu katoa o te laukele, pela foki mo manu eva, ke tausi ke ola. 21Puke mai foki a vaega meakai katoa ma koutou, e pela foki mo manu.” 22#Epe 11.7Ne fai eiloa ne Noa a mea katoa kola ne fakatonu atu ne te Atua.
Currently Selected:
KENESE 6: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
