Luka 8
8
Beleku Badi Básiaku Yesu Kama
1Na uwi ɔdi kama ni, Yesu ɔ́vi ɔgbami úsie lɛma ku akpaklɔ kemmo. Na ɔkɛ ɔɔsu litemi buni taasiku Katɔti lɛga kadikɔ lɛlɔ. Leevu-inyɔ banii na ɔ́ƒuna lɛnɔ basiaku-nwu. 2Beleku bani na Yesu ɔ́bwi na bana lɛlɛ lidu ku bani na ɔ́gya ayu ekpidi ɔ́lɛku-ma lɛlɔ kemmo badi lɛnɔ basiaku-nwu. Na bana akɔ ɔdi ndi Maria ɔni bátaalɔ banii Magdalene ɔni lɛlɔ kemmo na Yesu ɔ́gya ayu ekpidi maatɛ ɔ́lɛku. 3Uleku ɔbambadi lɛnɔ ɔkya-ma akɔ ɔni baalɔ banii Yohana na ɔgyani baalɔ Kusa na útaabla kabla na Ɔga Herode litemi katɛkɔ aani ɔkutine unengu ɔdi kalɛ. Beleku bamba pii ku ɔni baalɔ Susana lɛnɔ básiaku Yesu na béteeti bana akɛla teebunku anwu ku nwuna batɛyane.
Yesu Úbo Lɛgba Na Edula Ɔkyane Ɔdi Lɛlɔ
4Bekyuli pii bátaasi lɛma bun bun teebo Yesu kudɔ. Na uwi ɔni na bekyuli pii bábasala ni, Yesu úbo-ma lɛgba lɛmɛni ɔnini,
5“Edula ɔkyane ɔdi úsie utágya edula. Amu ka ɔɔgya edula amɛni teewi kemo ni, adi álɛ ébo ulu kudɔ na bekyuli bánya-nya, na baasɛ bála bádi. 6Adi álɛ ébo atakpɛ lɛlɔ. Na ka ákwɛ ni, átakɛ ntu ku lɛti buni. Anwuɔsu ákwii na ékpi. 7Edula ammɔ adi éduo liyu livo akɔ. Na livo lɛ́tu libi edula ammɔ lɛlɔ, na ényimi-nya ƒui. 8Na akladi anya álɛ ébo kalɔ buni lɛlɔ. Na ka ákwɛ ni, ánwu ebi eti anyɔ anyɔ.”
Amu na Yesu ɔ́su-ma ɔnini, “Bibimi atu, na binu kaduɛ!”
Lɛla Lɛni Ɔsu Na Yesu Úbo-ma Lɛgba
9Yesu basiakune béye-nwu lɛgba lɛmɛni kalɔ bénu. 10Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na
“ ‘si ina baanu ni, balanu baláti.
Na ina beenú ni, belénu kalɔ.’
11“Lɛgba lɛni na líbo kalɔ bunu ndi ɔmɛni. Edula ammɔ ndi Katɔti litemi. 12Na edula ani nálɛ ébo ulu kɔtu ese aani bekyuli bani muunú, nsu ukisine uubo taabada litemi lɛmmɔ teedie-ma kayi kemmo. Na ɔ́ya-ma na balakana bɔƒɔ bɔdi na Katɔti ɔƒɔ-ma ngba. 13Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ. 14Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya. 15Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.
Ya Na Asogya Ukeye Ute Bekyuli
16“Ukyuli ɔdi ulátu asogya teebi-nwu ala iye uti-nwu utábɛla ɔkya lɛla lɛdi kalɔ. Mmomu ɔɔkɔliku asogya ɔmmɔ taasia katɔ likpo lɛni maya na wekeye wewi kesii biala. Na ukyuli biala ɔni muuduo ɔtɔ ɔmmɔ kemmo ɔnu nwaa. 17Lɛla biala lɛni na bábala bákya kesii biala ni, lɛdubɔda lɛlɛ keyi. Na lɛla lɛni na bébi ala ni, badubudie-ni beboku bukeye kemmo.
18“Bɛnu lɛlɔ kemmo kaduɛ na kalɛ na biinú etemila lɛlɔ. Na ukyuli ɔni muunú na únu kalɔ ni, ɔdubunu kalɔ ubu. Na ukyuli ɔni neeese atu ni, libliidi lɛni na ɔɔbu ɔnii únu muedi ni, badubɔƒɔ-ni na nwuna kudɔ.”
Ɔma Ndi Yesu Uni Ku Nwuna Banwani?
19Yesu banwani ku bana uni bébo-nwu kudɔ, nsu bátakana Yesu bɔkpɛ bude ɔkɛnku bekyuli bammɔ bumomo ɔsu. 20Amu na ukyuli ɔdi útásu Yesu ɔnii, “Ƒula uni ku ƒula banwani benye keyi baawia-a.”
21Amu na Yesu ɔ́su bana ƒui ɔnini, “Mina uni ku mina banwani ndi bekyuli bani muunú Katɔti litemi na baadi-ni lɛlɔ.”
Yesu Ɔ́bɔku Ɔƒɛƒɛɛ Na Ɔ́da Bukpo Ɔ́ya
22Limeyi lɛdi ni, Yesu úduo ɔkɔlɔ kemmo ku nwuna batɛyane. Amu na ɔ́su-ma ɔnini, “Bɛya na bɔvia busie ɛpu ɔvi ɔni ngye.” Anwuɔsu ama lɛnɔ bése kalɔ ku ɔkɔlɔ ɔmmɔ buku. 23Ka bakɛ ntu anumi bésela ni, Yesu ɔ́lɛɛ. Na kɔnakunwi ni, ɔƒɛƒɛɛ kpakplaa ɔdi úbo uukpó na ntu anumi mmɔ ɔni na ɔkɔlɔ ɔmmɔ kemmo ƒui kadaku ntu bɔƒɔ ɔsu bakya kukpi ku ngba ntɛ.
24Batɛyane bammɔ bésie na bátágyila Yesu na básu-nwu banini, “Ati! Bɔdaku bukpi!”
Amu na Yesu ɔ́ta únye na údie lɛdi ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ, na ana ƒui kenye káyɔ na ɔ́bla buɛɛ. 25Na úye batɛyane bammɔ ɔnini, “Bi ɔsu na biiibo bɔƒɔtaadi?”
Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”
Yesu Ɔ́gya Ayu Ekpidi Ɔ́lɛku Ukyuli Ɔdi Lɛlɔ Kemmo
26Amu na Yesu ku nwuna batɛyane bávia bésie bétédu kalɔ kani baalɔ Gerase na ɛpu ɔvi si ási Galilea. 27Ka Yesu ɔ́si ɔɔlɛ́ ɔkɔlɔ kemmo kani na ukyuli ɔdi na ayu ekpidi eli-nwu lɛlɔ úsie úbasiaku-nwu. Na ɔdi ukyuli ɔni na ɔ́si ɔma ɔmmɔ kemmo. Ɔbla uwi pii ɔdi mɛni ni, kasɔngya kani na ukyuli ɔmɛni ɔɔkɛ. Na ulátuna ɔnii uulie nwuna kaduli amu ntu bekyuli kɔƒiɔtɔ akɔ. 28Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.” 29Ukyuli ɔmmɔ ɔ́su ɔmɛni, ɔsika Yesu ɔ́bɔku kɔyu kɔni nlie-nwu lɛlɔ mmɔ, na ɔ́su-ku ɔnii, “Vi lɛ-nwu lɛlɔ kemmo!” Uwi pii kɔyu kɔmmɔ kɔɔdi ukyuli ɔmmɔ lɛlɔ ɔni na si ina bényimi-nwu enu na bébo-nwu kɔgba muedi ni, ɔɔƒɛ abuala ammɔ na kɔyu kɔmmɔ kuukeliku-nwu taatákya ketele kemmo.
30Yesu úye-nwu ɔnini, “Dɛ na baalɔ-ɔ lɛnyi?”
Amu na údie kenye ɔnini, “Ami baalɔ banii Lisu.” Ɔ́su lɛni ɔsika ayu ekpidi pii néduo akya-nwu lɛlɔ kemmo. 31Amu na ayu ammɔ évele Yesu anii utabɔku-ma utatákya ayu ekpidi abi kebokɔ.
32Mmɔ ni, baplakuo pii badi bakɛ kataku kadi lɛlɔ baadi. Amu na ayu ekpidi ammɔ évele Yesu anii ɔya na betéduo baplakuo bammɔ lɛlɔ kemmo. Amu na Yesu úte-ma kuƒi. 33Anwuɔsu bávi bálɛ ɔnana ɔmmɔ lɛlɔ kemmo bétéduo baplakuo bammɔ kemmo. Na bana ƒui békeli báyu kataku kammɔ lɛlɔ na bátányina lɛlɔ bákya ɛpu kemmo na báyii ku udu.
34Ka bekyuli bani mɔɔnu baplakuo bammɔ lɛlɔ bánu ala ani nálɛ ni, békeli bésie ɔma kemmo na bátásu bekyuli bávi ku akpaklɔ lɛnɔ ƒui. 35Na bekyuli bammɔ bálɛ bésie banii batánu lɛla lɛni nálɛ. Amu ka bébedu Yesu kudɔ ni, bánu ɔnana ɔni lɛlɔ kemmo na Yesu ɔ́bɔku ayu ekpidi ɔ́lɛku mmɔ ka ulie Yesu lɛgba akɔ ku kasusu sɛɛn na ɔda adala na ulie kpoo. Amu na bana ƒui báyia. 36Na bekyuli bani nánu kalɛ na ala ammɔ álɛ ni, básu bakladi kalɛ na ukyuli ɔni lɛlɔ na ayu ekpidi amɛni élie lɛlɔ lɛ́bla nwaa. 37Ɔmɛni ɔsu Gerase kalɔ kammɔ ku kana amadɔ bekyuli básu Yesu banii ɔtɔlɔ bana kalɔ lɛlɔ, ɔsika baayia. Anwuɔsu Yesu úduo ɔkɔlɔ kemmo ka ɔtɔlɔ.
38Amu na ukyuli ɔni na Yesu ɔ́bwi mɛni úvele Yesu ɔnii, “Ya na lɛsiaku-ɔ.” Nsu Yesu útatuna na ɔ́su-nwu ɔnini, 39“Teesie kaduli na atásu lɛla lɛni na Katɔti ɔ́bla úte-ɔ.” Amu na ukyuli ɔmɛni úsie útávi ɔma kemmo na ɔ́su ɔ́vi ƒui lɛla lɛni na Yesu ɔ́bla úte-nwu.
Yesu Ɔ́bwi Yairo Ubi Ulekubi Ku Uleku Ɔdi
40Uwi ɔni na Yesu ɔ́sɔ únwini úsie ɛpu ɔvi ɔni ngye ni, bekyuli bammɔ báƒɔ-nwu kaduɛ, ɔsika bana ƒui benye bagya-nwu. 41Amu na ɔnana ɔni baalɔ Yairo na ɔdi Yudaƒuɔ kasalakɔ benengu akɔ unwi ɔ́da úbalɛ. Na ɔ́yu ɔ́tɛ Yesu lɛgba kalɔ na úvele-nwu ɔnii ɔsiaku-nwu na besie nwuna kaduli, 42ɔsika ubidi ulekubi unwi ɔni na ɔdubɔƒɔ aani akwa leevu-anyɔ ni, ɔtɛ ɔlɛ ɔdaku bukpi.
Ka Yesu ɔkɛ úsela ni, lɛni na bekyuli baanwanɛ lɛlɔ ka bani bede-nwu. 43Na bekyuli bamɛni akɔ ni, uleku ɔni na ubugya uuwi na ɔbla akwa leevu-anyɔ sɔɔn lɛnɔ ɔ́kya-ma akɔ. Uleku ɔmɛni úubile nwuna egulabi ƒui ɔnii ɔɔbwi ɔlɛ ɔmmɔ, nsu úutuku ɔ́nɔ. 44Amu na ɔkɛ buɛɛ útávi Yesu kama na bekyuli akɔ na útuku-nwu awu kɔtu. Mmɔ kani ni, ubugya ɔmmɔ kenye kékulo.
45Amu na Yesu úye ɔnii, “Ɔma nétuku-mi?”
Nsu ukyuli biala úni. Amu na Petro ɔ́su-nwu ɔnini, “Ati, nu kalɛ na bekyuli ƒui bɛ́mu basiaku-ɔ!”
46Nsu Yesu ɔ́su ɔnini, “Lɛ́ti ka ukyuli ɔdi útuku-mi, ɔsika ɔyikun ɔdi ɔ́vi ɔ́lɛ-mi lɛlɔ kemmo.”
47Ka uleku ɔmmɔ ɔ́nu ɔ́ti ka ulakana bɔbɛ ɔsu ni, lɛlɔ lɛɛtɔ́-nwu na ɔ́yu ɔ́tɛ Yesu lɛgba kalɔ. Amu na ɔ́sɔku lɛla biala kalɔ údie na bekyuli bammɔ ƒui anumi. Na údie ɔ́su lɛla lɛni ɔsu na útuku-nwu awu ku kalɛ na ɔlɛ ɔmmɔ ɔ́ba-nwu kɔnakunwi. 48Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”
49Uwi ɔni na Yesu ɔmu ɔdaku litemi lɛmɛni bɔsu ni, anwu kani na ɔtu ɔdi ɔ́da úbalɛ na ɔ́si Yudaƒuɔ kasalakɔ unengu ɔni baalɔ Yairo mmɔ kesii. Na úbasu-nwu kenye ɔnini, “Ƒ'ubidi ulekubi ɔmmɔ úukpi ɔsu da ala ɔtinane ɔmmɔ bɔlɔ ya.”
50Nsu Yesu únu litemi lɛmmɔ na ɔ́su Yairo ɔnini, “Tayia. Awɔ ƒɔ di ka ubi ɔmmɔ lɛlɔ lɛdubɔyu ɔkplu.”
51Uwi ɔni na bétéduo Yairo kaduli mmɔ ni, útete kuƒi na ukyuli ɔdi uduo ɔtɔ kemmo ntu Petro ku Yohane ku Yakobo ku ulekubi ɔmmɔ ɔti ku uni kani. 52Na bekyuli pii benye mmɔ beewulo kɔnyana ku keku na ubi ɔmmɔ ɔsu. Amu na Yesu ɔ́su-ma ɔnini, “Bɛsɔ bitewulo. Ubi ɔmmɔ útekpi. Bɔlɛɛ na ɔda.”
53Amu na bana ƒui béti-nwu báma, ɔsika ama bagyi ka úkpi. 54Amu na Yesu úƒie-nwu kɔnu ɔ́da na ɔ́kpali-nwu ɔnini, “Ubi, ta nye!” 55Ulekubi ɔmmɔ ɔ́sɔ únwini úbo ngba na ɔ́ta kɔnakunwi. Amu na Yesu ɔ́su-ma ɔnii bawia lɛla lɛdi bete ulekubi ɔmmɔ na ɔdi. 56Ala amɛni ƒui ábla nwuna bawɔne dɛye dɛye, nsu Yesu úbo-ma ɔda ɔnii batasu ukyuli ɔdi lɛla lɛni nálɛ mɛni.
Currently Selected:
Luka 8: lef
Highlight
Share
Copy
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
Luka 8
8
Beleku Badi Básiaku Yesu Kama
1Na uwi ɔdi kama ni, Yesu ɔ́vi ɔgbami úsie lɛma ku akpaklɔ kemmo. Na ɔkɛ ɔɔsu litemi buni taasiku Katɔti lɛga kadikɔ lɛlɔ. Leevu-inyɔ banii na ɔ́ƒuna lɛnɔ basiaku-nwu. 2Beleku bani na Yesu ɔ́bwi na bana lɛlɛ lidu ku bani na ɔ́gya ayu ekpidi ɔ́lɛku-ma lɛlɔ kemmo badi lɛnɔ basiaku-nwu. Na bana akɔ ɔdi ndi Maria ɔni bátaalɔ banii Magdalene ɔni lɛlɔ kemmo na Yesu ɔ́gya ayu ekpidi maatɛ ɔ́lɛku. 3Uleku ɔbambadi lɛnɔ ɔkya-ma akɔ ɔni baalɔ banii Yohana na ɔgyani baalɔ Kusa na útaabla kabla na Ɔga Herode litemi katɛkɔ aani ɔkutine unengu ɔdi kalɛ. Beleku bamba pii ku ɔni baalɔ Susana lɛnɔ básiaku Yesu na béteeti bana akɛla teebunku anwu ku nwuna batɛyane.
Yesu Úbo Lɛgba Na Edula Ɔkyane Ɔdi Lɛlɔ
4Bekyuli pii bátaasi lɛma bun bun teebo Yesu kudɔ. Na uwi ɔni na bekyuli pii bábasala ni, Yesu úbo-ma lɛgba lɛmɛni ɔnini,
5“Edula ɔkyane ɔdi úsie utágya edula. Amu ka ɔɔgya edula amɛni teewi kemo ni, adi álɛ ébo ulu kudɔ na bekyuli bánya-nya, na baasɛ bála bádi. 6Adi álɛ ébo atakpɛ lɛlɔ. Na ka ákwɛ ni, átakɛ ntu ku lɛti buni. Anwuɔsu ákwii na ékpi. 7Edula ammɔ adi éduo liyu livo akɔ. Na livo lɛ́tu libi edula ammɔ lɛlɔ, na ényimi-nya ƒui. 8Na akladi anya álɛ ébo kalɔ buni lɛlɔ. Na ka ákwɛ ni, ánwu ebi eti anyɔ anyɔ.”
Amu na Yesu ɔ́su-ma ɔnini, “Bibimi atu, na binu kaduɛ!”
Lɛla Lɛni Ɔsu Na Yesu Úbo-ma Lɛgba
9Yesu basiakune béye-nwu lɛgba lɛmɛni kalɔ bénu. 10Amu na ɔ́su-ma ɔnini, “Katɔti úti nwuna lɛga bɔdi lɛnunda abɛla ɔ́tina-mii. Nsu bekyuli bakladi ama ni, agba na muubó-ma kalɛ na
“ ‘si ina baanu ni, balanu baláti.
Na ina beenú ni, belénu kalɔ.’
11“Lɛgba lɛni na líbo kalɔ bunu ndi ɔmɛni. Edula ammɔ ndi Katɔti litemi. 12Na edula ani nálɛ ébo ulu kɔtu ese aani bekyuli bani muunú, nsu ukisine uubo taabada litemi lɛmmɔ teedie-ma kayi kemmo. Na ɔ́ya-ma na balakana bɔƒɔ bɔdi na Katɔti ɔƒɔ-ma ngba. 13Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ. 14Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya. 15Na edula ani nálɛ ébo kalɔ kabuni lɛlɔ ni, ese aani bekyuli bani muunú litemi lɛmmɔ teeti-ni taada ku kayi nwaa. Na beeboku lɛlɔ kalɔ na beenye momoomo teetédu kawɔlɔkɔ kalɛ na banwu ebi pii.
Ya Na Asogya Ukeye Ute Bekyuli
16“Ukyuli ɔdi ulátu asogya teebi-nwu ala iye uti-nwu utábɛla ɔkya lɛla lɛdi kalɔ. Mmomu ɔɔkɔliku asogya ɔmmɔ taasia katɔ likpo lɛni maya na wekeye wewi kesii biala. Na ukyuli biala ɔni muuduo ɔtɔ ɔmmɔ kemmo ɔnu nwaa. 17Lɛla biala lɛni na bábala bákya kesii biala ni, lɛdubɔda lɛlɛ keyi. Na lɛla lɛni na bébi ala ni, badubudie-ni beboku bukeye kemmo.
18“Bɛnu lɛlɔ kemmo kaduɛ na kalɛ na biinú etemila lɛlɔ. Na ukyuli ɔni muunú na únu kalɔ ni, ɔdubunu kalɔ ubu. Na ukyuli ɔni neeese atu ni, libliidi lɛni na ɔɔbu ɔnii únu muedi ni, badubɔƒɔ-ni na nwuna kudɔ.”
Ɔma Ndi Yesu Uni Ku Nwuna Banwani?
19Yesu banwani ku bana uni bébo-nwu kudɔ, nsu bátakana Yesu bɔkpɛ bude ɔkɛnku bekyuli bammɔ bumomo ɔsu. 20Amu na ukyuli ɔdi útásu Yesu ɔnii, “Ƒula uni ku ƒula banwani benye keyi baawia-a.”
21Amu na Yesu ɔ́su bana ƒui ɔnini, “Mina uni ku mina banwani ndi bekyuli bani muunú Katɔti litemi na baadi-ni lɛlɔ.”
Yesu Ɔ́bɔku Ɔƒɛƒɛɛ Na Ɔ́da Bukpo Ɔ́ya
22Limeyi lɛdi ni, Yesu úduo ɔkɔlɔ kemmo ku nwuna batɛyane. Amu na ɔ́su-ma ɔnini, “Bɛya na bɔvia busie ɛpu ɔvi ɔni ngye.” Anwuɔsu ama lɛnɔ bése kalɔ ku ɔkɔlɔ ɔmmɔ buku. 23Ka bakɛ ntu anumi bésela ni, Yesu ɔ́lɛɛ. Na kɔnakunwi ni, ɔƒɛƒɛɛ kpakplaa ɔdi úbo uukpó na ntu anumi mmɔ ɔni na ɔkɔlɔ ɔmmɔ kemmo ƒui kadaku ntu bɔƒɔ ɔsu bakya kukpi ku ngba ntɛ.
24Batɛyane bammɔ bésie na bátágyila Yesu na básu-nwu banini, “Ati! Bɔdaku bukpi!”
Amu na Yesu ɔ́ta únye na údie lɛdi ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ, na ana ƒui kenye káyɔ na ɔ́bla buɛɛ. 25Na úye batɛyane bammɔ ɔnini, “Bi ɔsu na biiibo bɔƒɔtaadi?”
Nsu bunye kani na benye yaa, na liƒu lɛnɔ lɛ́da-ma. Na béye lɛlɔ banini, “Ukyuli ɔmani na ɔdi mɛni bɔdi? Ɔɔtɛmi teete ɔƒɛƒɛɛ ku ɛpu ntu bɔni mɔɔnwanɛ lɛlɔ na beenú-nwu litemi!”
Yesu Ɔ́gya Ayu Ekpidi Ɔ́lɛku Ukyuli Ɔdi Lɛlɔ Kemmo
26Amu na Yesu ku nwuna batɛyane bávia bésie bétédu kalɔ kani baalɔ Gerase na ɛpu ɔvi si ási Galilea. 27Ka Yesu ɔ́si ɔɔlɛ́ ɔkɔlɔ kemmo kani na ukyuli ɔdi na ayu ekpidi eli-nwu lɛlɔ úsie úbasiaku-nwu. Na ɔdi ukyuli ɔni na ɔ́si ɔma ɔmmɔ kemmo. Ɔbla uwi pii ɔdi mɛni ni, kasɔngya kani na ukyuli ɔmɛni ɔɔkɛ. Na ulátuna ɔnii uulie nwuna kaduli amu ntu bekyuli kɔƒiɔtɔ akɔ. 28Uwi ɔni na ɔ́nu Yesu ni, ɔ́va momoomo na úƒwimi lɛlɔ ɔ́va kalɔ na Yesu lɛgba kudɔ. Na ɔ́su-nwu ɔnini, “Yesu, Katɔti Ɔni Ntulo Ƒui Ubi! Bi na aawia mina kudɔ mɛni? Buvele nda-a, tani-mi kɔtu.” 29Ukyuli ɔmmɔ ɔ́su ɔmɛni, ɔsika Yesu ɔ́bɔku kɔyu kɔni nlie-nwu lɛlɔ mmɔ, na ɔ́su-ku ɔnii, “Vi lɛ-nwu lɛlɔ kemmo!” Uwi pii kɔyu kɔmmɔ kɔɔdi ukyuli ɔmmɔ lɛlɔ ɔni na si ina bényimi-nwu enu na bébo-nwu kɔgba muedi ni, ɔɔƒɛ abuala ammɔ na kɔyu kɔmmɔ kuukeliku-nwu taatákya ketele kemmo.
30Yesu úye-nwu ɔnini, “Dɛ na baalɔ-ɔ lɛnyi?”
Amu na údie kenye ɔnini, “Ami baalɔ banii Lisu.” Ɔ́su lɛni ɔsika ayu ekpidi pii néduo akya-nwu lɛlɔ kemmo. 31Amu na ayu ammɔ évele Yesu anii utabɔku-ma utatákya ayu ekpidi abi kebokɔ.
32Mmɔ ni, baplakuo pii badi bakɛ kataku kadi lɛlɔ baadi. Amu na ayu ekpidi ammɔ évele Yesu anii ɔya na betéduo baplakuo bammɔ lɛlɔ kemmo. Amu na Yesu úte-ma kuƒi. 33Anwuɔsu bávi bálɛ ɔnana ɔmmɔ lɛlɔ kemmo bétéduo baplakuo bammɔ kemmo. Na bana ƒui békeli báyu kataku kammɔ lɛlɔ na bátányina lɛlɔ bákya ɛpu kemmo na báyii ku udu.
34Ka bekyuli bani mɔɔnu baplakuo bammɔ lɛlɔ bánu ala ani nálɛ ni, békeli bésie ɔma kemmo na bátásu bekyuli bávi ku akpaklɔ lɛnɔ ƒui. 35Na bekyuli bammɔ bálɛ bésie banii batánu lɛla lɛni nálɛ. Amu ka bébedu Yesu kudɔ ni, bánu ɔnana ɔni lɛlɔ kemmo na Yesu ɔ́bɔku ayu ekpidi ɔ́lɛku mmɔ ka ulie Yesu lɛgba akɔ ku kasusu sɛɛn na ɔda adala na ulie kpoo. Amu na bana ƒui báyia. 36Na bekyuli bani nánu kalɛ na ala ammɔ álɛ ni, básu bakladi kalɛ na ukyuli ɔni lɛlɔ na ayu ekpidi amɛni élie lɛlɔ lɛ́bla nwaa. 37Ɔmɛni ɔsu Gerase kalɔ kammɔ ku kana amadɔ bekyuli básu Yesu banii ɔtɔlɔ bana kalɔ lɛlɔ, ɔsika baayia. Anwuɔsu Yesu úduo ɔkɔlɔ kemmo ka ɔtɔlɔ.
38Amu na ukyuli ɔni na Yesu ɔ́bwi mɛni úvele Yesu ɔnii, “Ya na lɛsiaku-ɔ.” Nsu Yesu útatuna na ɔ́su-nwu ɔnini, 39“Teesie kaduli na atásu lɛla lɛni na Katɔti ɔ́bla úte-ɔ.” Amu na ukyuli ɔmɛni úsie útávi ɔma kemmo na ɔ́su ɔ́vi ƒui lɛla lɛni na Yesu ɔ́bla úte-nwu.
Yesu Ɔ́bwi Yairo Ubi Ulekubi Ku Uleku Ɔdi
40Uwi ɔni na Yesu ɔ́sɔ únwini úsie ɛpu ɔvi ɔni ngye ni, bekyuli bammɔ báƒɔ-nwu kaduɛ, ɔsika bana ƒui benye bagya-nwu. 41Amu na ɔnana ɔni baalɔ Yairo na ɔdi Yudaƒuɔ kasalakɔ benengu akɔ unwi ɔ́da úbalɛ. Na ɔ́yu ɔ́tɛ Yesu lɛgba kalɔ na úvele-nwu ɔnii ɔsiaku-nwu na besie nwuna kaduli, 42ɔsika ubidi ulekubi unwi ɔni na ɔdubɔƒɔ aani akwa leevu-anyɔ ni, ɔtɛ ɔlɛ ɔdaku bukpi.
Ka Yesu ɔkɛ úsela ni, lɛni na bekyuli baanwanɛ lɛlɔ ka bani bede-nwu. 43Na bekyuli bamɛni akɔ ni, uleku ɔni na ubugya uuwi na ɔbla akwa leevu-anyɔ sɔɔn lɛnɔ ɔ́kya-ma akɔ. Uleku ɔmɛni úubile nwuna egulabi ƒui ɔnii ɔɔbwi ɔlɛ ɔmmɔ, nsu úutuku ɔ́nɔ. 44Amu na ɔkɛ buɛɛ útávi Yesu kama na bekyuli akɔ na útuku-nwu awu kɔtu. Mmɔ kani ni, ubugya ɔmmɔ kenye kékulo.
45Amu na Yesu úye ɔnii, “Ɔma nétuku-mi?”
Nsu ukyuli biala úni. Amu na Petro ɔ́su-nwu ɔnini, “Ati, nu kalɛ na bekyuli ƒui bɛ́mu basiaku-ɔ!”
46Nsu Yesu ɔ́su ɔnini, “Lɛ́ti ka ukyuli ɔdi útuku-mi, ɔsika ɔyikun ɔdi ɔ́vi ɔ́lɛ-mi lɛlɔ kemmo.”
47Ka uleku ɔmmɔ ɔ́nu ɔ́ti ka ulakana bɔbɛ ɔsu ni, lɛlɔ lɛɛtɔ́-nwu na ɔ́yu ɔ́tɛ Yesu lɛgba kalɔ. Amu na ɔ́sɔku lɛla biala kalɔ údie na bekyuli bammɔ ƒui anumi. Na údie ɔ́su lɛla lɛni ɔsu na útuku-nwu awu ku kalɛ na ɔlɛ ɔmmɔ ɔ́ba-nwu kɔnakunwi. 48Ɔmɛni ɔsu Yesu ɔ́su-nwu ɔnini, “Mina ubi uleku, ƒula bɔƒɔtaadi bɔ́bwi-ɔ. Teesie ku keyi buɛɛ.”
49Uwi ɔni na Yesu ɔmu ɔdaku litemi lɛmɛni bɔsu ni, anwu kani na ɔtu ɔdi ɔ́da úbalɛ na ɔ́si Yudaƒuɔ kasalakɔ unengu ɔni baalɔ Yairo mmɔ kesii. Na úbasu-nwu kenye ɔnini, “Ƒ'ubidi ulekubi ɔmmɔ úukpi ɔsu da ala ɔtinane ɔmmɔ bɔlɔ ya.”
50Nsu Yesu únu litemi lɛmmɔ na ɔ́su Yairo ɔnini, “Tayia. Awɔ ƒɔ di ka ubi ɔmmɔ lɛlɔ lɛdubɔyu ɔkplu.”
51Uwi ɔni na bétéduo Yairo kaduli mmɔ ni, útete kuƒi na ukyuli ɔdi uduo ɔtɔ kemmo ntu Petro ku Yohane ku Yakobo ku ulekubi ɔmmɔ ɔti ku uni kani. 52Na bekyuli pii benye mmɔ beewulo kɔnyana ku keku na ubi ɔmmɔ ɔsu. Amu na Yesu ɔ́su-ma ɔnini, “Bɛsɔ bitewulo. Ubi ɔmmɔ útekpi. Bɔlɛɛ na ɔda.”
53Amu na bana ƒui béti-nwu báma, ɔsika ama bagyi ka úkpi. 54Amu na Yesu úƒie-nwu kɔnu ɔ́da na ɔ́kpali-nwu ɔnini, “Ubi, ta nye!” 55Ulekubi ɔmmɔ ɔ́sɔ únwini úbo ngba na ɔ́ta kɔnakunwi. Amu na Yesu ɔ́su-ma ɔnii bawia lɛla lɛdi bete ulekubi ɔmmɔ na ɔdi. 56Ala amɛni ƒui ábla nwuna bawɔne dɛye dɛye, nsu Yesu úbo-ma ɔda ɔnii batasu ukyuli ɔdi lɛla lɛni nálɛ mɛni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.