Marcos 3
3
Ema Jesús makanaraka ema achane tépenawa'u
(Mt 12.9-14; Lc 6.6-11)
1Ema Jesús tisiapawarepa te peti náurujisirarewa ena juriyuana, tási'a matiari'i ema émana achane, tépenawa'u'i eta mawa'u. 2Tási'a najiñañararaka'i ema Jesús, eta maipuchirayare'i ema achane te jena sache sáwarumu'u. Natanunuirika'i eta tiviuchayare'i. 3Taka'e ema Jesús máichapa ema achane tépenawa'u'i:
–Péchepuka, tási'a pitúpi'a ani te namira'u.
4Tási'a, mayáserekapa ema apana:
–¿Taja'apuka táurika víchayare te sawarumu'u: víchayare eta táurinakene, étapuka víchayare eta tamaurikeneana? ¿Táurikapuka vipuchawaka ena achaneana? ¿Vikaparekapuka?
Énasera tímatinamurianapa. 5Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane.
–Pikánukecha eta piwa'u.
Ema achane énewanepa makanukecha'i eta mawa'u, tási'a tinarakapa. 6Énasera te tiuchukanapa ena fariséuana tepanawanapa eta napanerechira'i, tisamakakanapa ena machanerana ema Aluresi, eta nakapasirayare'i ema Jesús.
Kamuriana achaneana te tachausi eta kákiure
7Ema Jesús tiyanapa te tachausi eta kákiure, mámapa ena máimitureana. Náe'ikaware ena ichapemurikeneana achaneana tikawasana'i te Galilea. 8Te nasamairikapa eta máichakeneana'i, títekapanapa ena ichapemurikeneana achaneana, tiási'ana'i te Jerusalén, te Judea, te Idumea, te'epa te tinapaika eta Jordán, enapa ena tikawasana'i te Tiro etapa te Sidón. 9Eta taka'e ema Jesús matuparakawakapa ena máimitureana natsesina'ini étasina eta pakure, apaesa wa'i nakútupiaraka ena ichapemurikeneana achaneana. 10Taicha kamurianaipa'i ena makanararuana'i ena nakajumakeneana, namutu ena nakajumakeneana nawara'a'i náemama'aka.
11Taka'e ena éreanana tiáwa'akana'i ena achaneana, te náima'apa ema Jesús, tíakipaikawanapa te mamira'u ema. Tipiararekanapa:
–¡Pítira Machicha ema Viya!
12Tási'asera ema Jesús mawanekaipa'i muraka wa'i nakumetajirika, eta émaira'i tikanarakawaka'i.
Ema Jesús manerejikapa ena ducekeneana apústuleana
(Mt 10.1-4; Lc 6.12-16)
13Te taekenepa ema Jesús tiapanapa te tapusi eta mari, tási'a maichu'awakapa ena maimitureana makurujiruana'i, 14manerejikapa ena dósekekeneana maye'eanayare'i apústule. Matuparakawakapa tauri eta nakametarairuraya eta maechejiriruwa, 15taka'e máijarakapa eta náitupajijiasirawaya, narata'airayare nakuchuka ena éreanana tiáwa'akana'i ena achaneana. 16Ena nakana ena dúceana manerejiruana'i: Ema Simón tikaijareware Pedro. 17Ema Santiago émapa ema maparapeichu Juan, machichanaveana ema Zebedeo, ema kapija'i Boanerges (eta takayemakene'i, “tachicha eta tirureka”) 18ema Andrés, Felipe, Bartolomé, Mateo, Tomás, émapa ema Santiago machicha ema Alfeo Tadeo, ema Simón ema Cananeo, 19émapa ema Júlasi Iscariote, ema tíjarareka'i ema Jesús.
Ema Jesús emapa ema nákenumuri ena Wínarajiana
(Mt 12.22-32; Lc 11.14-23; 12.10)
20Taka'e, tichawapa ema Jesús te maitekapirare. Tiápechawanawarepa tiúrujikawana ena achaneana. Taka'e waipa náitujikawa'ini tinikana taicha tétavikawa'i eta nasimutuwa'i ena achaneana. 21Ena maparapenaveana ema Jesús te nasamairikapa, tiyananapa náepanayare'i ema, taicha náimijachaipa'i máurishi'i.
22Éneichuware ena escriwánuana náitekapirawa'i, násinepa'i te Jerusalén naka'epa: “Ema Beelzebú, émakene'i ema nákenumuri'i ena éreanana, éma'i tijaraka'i eta máitupajijiasirawa'i ema maka achane, eta makuchusirawaka'i.”
23Ema Jesús máichu'awakapa, máimikutichinapa ánipa maka'e: “¿Ímijachapuka ema Wínaraji maimijunaya ema apana Wínaraji? 24Nímikutichina'eya, ena machanerana ema akenuka, ena wa'i típutsimuri'akakanaima'i, te tiputsimuri'akakanapa énajikakainapa tiakipaikakana, 25émaipa mákani achane te kamuriana'i ena machichanaveana, wáipaine'i típutsimuriawanaima'i náe'ajirikaka'ini. 26Éneware maka'e'i ema Wínaraji, te maiputsikawa, waipa makurata'a'i makurujikawaka ena manerejiruana. Taka'e titekapainapa eta maitavira.
27“Nájina tirata'aina, masiapiraina'ini te mapena ema achane túmekene'i. Takamunu'i nakaratakanumayare, náitiakanumayare'i ema, jé'esare náituruyechasareyarepa eta máima'akeneana.
28“Nutupiruwa numetaka'e, ema Viya maemetavikaya eta naviurewana'i nákani achaneana eta napekaturana, tamutu jákani naka'ira'i: 29te'esera mákaini kaeka'i'i ema Machanewa Viya, tajinapa majapanukarewaina, maitawakakainapa eta maikuñayare.”
30Taka'e'i eta máechejiriruwa'i ema Jesús, taicha ena tachutiri'ana naimijachapa mawa'aka'i eta machanewa éreana.
Esu maena ema Jesús énapa ena maparapenaveana
(Mt 12.46-50; Lc 8.19-21)
31Taka'e, titekapanapa esu maena énapa ena maparapenaveana ema Jesús, te naurujisiawa'i tási'a nanasipasera nakuchapa te aneka taka'e naimichu'apa. 32Enasera ena kamurikeneana achaneana nachayaka'i ema Jesús naichapa:
–Esu pena, énapa ena piparapenaveana narari'i ani te aneka tanukaviana'i nawara'a'i techejikaviana.
33Taka'e ema, majikapapa:
–¿Naja'asika ena yatupikeneana'i, meme, nuparapenaveana?
34Taka'e, máesenimuri'apa ena téjakana'i te machakaya, maka'epa:
–Je'eware ena nani tejakana'i te nuchakaya, ena memeana'i, enaichuwa nuparapeana'i. 35Taicha namutu nákani naicha eta mawanairipi ema Tata, ema nuparape esu nuparape, esu meme'i.
Currently Selected:
Marcos 3: IGB
Highlight
Share
Copy
Want to have your highlights saved across all your devices? Sign up or sign in
Nuevo Testamento Ignaciano © Sociedad Bíblica Boliviana, 2004.
Marcos 3
3
Ema Jesús makanaraka ema achane tépenawa'u
(Mt 12.9-14; Lc 6.6-11)
1Ema Jesús tisiapawarepa te peti náurujisirarewa ena juriyuana, tási'a matiari'i ema émana achane, tépenawa'u'i eta mawa'u. 2Tási'a najiñañararaka'i ema Jesús, eta maipuchirayare'i ema achane te jena sache sáwarumu'u. Natanunuirika'i eta tiviuchayare'i. 3Taka'e ema Jesús máichapa ema achane tépenawa'u'i:
–Péchepuka, tási'a pitúpi'a ani te namira'u.
4Tási'a, mayáserekapa ema apana:
–¿Taja'apuka táurika víchayare te sawarumu'u: víchayare eta táurinakene, étapuka víchayare eta tamaurikeneana? ¿Táurikapuka vipuchawaka ena achaneana? ¿Vikaparekapuka?
Énasera tímatinamurianapa. 5Taka'e ema Jesús máesenimuri'apa ena tichayakana'i, tisemaine'i, katisamurewaine'i taicha eta namúrakasamurewa'i ena achaneana, maichapa ema achane.
–Pikánukecha eta piwa'u.
Ema achane énewanepa makanukecha'i eta mawa'u, tási'a tinarakapa. 6Énasera te tiuchukanapa ena fariséuana tepanawanapa eta napanerechira'i, tisamakakanapa ena machanerana ema Aluresi, eta nakapasirayare'i ema Jesús.
Kamuriana achaneana te tachausi eta kákiure
7Ema Jesús tiyanapa te tachausi eta kákiure, mámapa ena máimitureana. Náe'ikaware ena ichapemurikeneana achaneana tikawasana'i te Galilea. 8Te nasamairikapa eta máichakeneana'i, títekapanapa ena ichapemurikeneana achaneana, tiási'ana'i te Jerusalén, te Judea, te Idumea, te'epa te tinapaika eta Jordán, enapa ena tikawasana'i te Tiro etapa te Sidón. 9Eta taka'e ema Jesús matuparakawakapa ena máimitureana natsesina'ini étasina eta pakure, apaesa wa'i nakútupiaraka ena ichapemurikeneana achaneana. 10Taicha kamurianaipa'i ena makanararuana'i ena nakajumakeneana, namutu ena nakajumakeneana nawara'a'i náemama'aka.
11Taka'e ena éreanana tiáwa'akana'i ena achaneana, te náima'apa ema Jesús, tíakipaikawanapa te mamira'u ema. Tipiararekanapa:
–¡Pítira Machicha ema Viya!
12Tási'asera ema Jesús mawanekaipa'i muraka wa'i nakumetajirika, eta émaira'i tikanarakawaka'i.
Ema Jesús manerejikapa ena ducekeneana apústuleana
(Mt 10.1-4; Lc 6.12-16)
13Te taekenepa ema Jesús tiapanapa te tapusi eta mari, tási'a maichu'awakapa ena maimitureana makurujiruana'i, 14manerejikapa ena dósekekeneana maye'eanayare'i apústule. Matuparakawakapa tauri eta nakametarairuraya eta maechejiriruwa, 15taka'e máijarakapa eta náitupajijiasirawaya, narata'airayare nakuchuka ena éreanana tiáwa'akana'i ena achaneana. 16Ena nakana ena dúceana manerejiruana'i: Ema Simón tikaijareware Pedro. 17Ema Santiago émapa ema maparapeichu Juan, machichanaveana ema Zebedeo, ema kapija'i Boanerges (eta takayemakene'i, “tachicha eta tirureka”) 18ema Andrés, Felipe, Bartolomé, Mateo, Tomás, émapa ema Santiago machicha ema Alfeo Tadeo, ema Simón ema Cananeo, 19émapa ema Júlasi Iscariote, ema tíjarareka'i ema Jesús.
Ema Jesús emapa ema nákenumuri ena Wínarajiana
(Mt 12.22-32; Lc 11.14-23; 12.10)
20Taka'e, tichawapa ema Jesús te maitekapirare. Tiápechawanawarepa tiúrujikawana ena achaneana. Taka'e waipa náitujikawa'ini tinikana taicha tétavikawa'i eta nasimutuwa'i ena achaneana. 21Ena maparapenaveana ema Jesús te nasamairikapa, tiyananapa náepanayare'i ema, taicha náimijachaipa'i máurishi'i.
22Éneichuware ena escriwánuana náitekapirawa'i, násinepa'i te Jerusalén naka'epa: “Ema Beelzebú, émakene'i ema nákenumuri'i ena éreanana, éma'i tijaraka'i eta máitupajijiasirawa'i ema maka achane, eta makuchusirawaka'i.”
23Ema Jesús máichu'awakapa, máimikutichinapa ánipa maka'e: “¿Ímijachapuka ema Wínaraji maimijunaya ema apana Wínaraji? 24Nímikutichina'eya, ena machanerana ema akenuka, ena wa'i típutsimuri'akakanaima'i, te tiputsimuri'akakanapa énajikakainapa tiakipaikakana, 25émaipa mákani achane te kamuriana'i ena machichanaveana, wáipaine'i típutsimuriawanaima'i náe'ajirikaka'ini. 26Éneware maka'e'i ema Wínaraji, te maiputsikawa, waipa makurata'a'i makurujikawaka ena manerejiruana. Taka'e titekapainapa eta maitavira.
27“Nájina tirata'aina, masiapiraina'ini te mapena ema achane túmekene'i. Takamunu'i nakaratakanumayare, náitiakanumayare'i ema, jé'esare náituruyechasareyarepa eta máima'akeneana.
28“Nutupiruwa numetaka'e, ema Viya maemetavikaya eta naviurewana'i nákani achaneana eta napekaturana, tamutu jákani naka'ira'i: 29te'esera mákaini kaeka'i'i ema Machanewa Viya, tajinapa majapanukarewaina, maitawakakainapa eta maikuñayare.”
30Taka'e'i eta máechejiriruwa'i ema Jesús, taicha ena tachutiri'ana naimijachapa mawa'aka'i eta machanewa éreana.
Esu maena ema Jesús énapa ena maparapenaveana
(Mt 12.46-50; Lc 8.19-21)
31Taka'e, titekapanapa esu maena énapa ena maparapenaveana ema Jesús, te naurujisiawa'i tási'a nanasipasera nakuchapa te aneka taka'e naimichu'apa. 32Enasera ena kamurikeneana achaneana nachayaka'i ema Jesús naichapa:
–Esu pena, énapa ena piparapenaveana narari'i ani te aneka tanukaviana'i nawara'a'i techejikaviana.
33Taka'e ema, majikapapa:
–¿Naja'asika ena yatupikeneana'i, meme, nuparapenaveana?
34Taka'e, máesenimuri'apa ena téjakana'i te machakaya, maka'epa:
–Je'eware ena nani tejakana'i te nuchakaya, ena memeana'i, enaichuwa nuparapeana'i. 35Taicha namutu nákani naicha eta mawanairipi ema Tata, ema nuparape esu nuparape, esu meme'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Ignaciano © Sociedad Bíblica Boliviana, 2004.