Luka 3

Ukubilisha kwakwa Yohane Mubatishi

(Mat. 3.1-12; Mk. 1.1-8; Yoh. 1.19-28)

1Epo mumwaka wekumi nayisano iyabufumu bwaku Tibeliyasi, kateka uwaku Loma na Pontiyo Pilato ewali kateka waku Yudeya. Elo Helodi ewali imfumu yamu Galili, nawabo Filipo naye ewali imfumu yamufyalo ifyaku Ituleya naku Tulakonitisi. Lisaniyasi naye ewali imfumu yamuchalo cha Abilene. 2Nomba Anasi#3.2 Anasi: Boneni pali Yoh. 11.49. na Kayafasi#3.2 Kayafasi: Boneni pali Mat. 26.57; Yoh. 11.49. Abena Loma babikile Kayafasi ukuti abe umukulu waba chipupila bonse muchifulo chakwa Anasi. Nomba ku Bayuda umukulu wabo bachipupila ali ni Anasi. bali bachipupila bakulu pali njilya nshita. Ishiwi lyaku Lesa lyalishile kuli Yohane, mwana Sekeliya, muchiswebebe. 3Yohane ayile muchalo chonse ichaku Yolodani, akobilisha ati, “Lapileni nokubatishiwa ukuti Lesa amunakilile amabifyo enu.” 4Ukubati nimfilya chalembwa mwibuku lyaku Esaya umusoseshi ati,

“Umuntu akobilikisha muchiswebebe ati,

‘Wamyeni umusebo waku Bashikulu,

lungamikeni bwino inshila yabo,

ukuti bese bendemo!#Esa. 40.3-5; Yoh. 1.23

5Iwisheni imipoka yonse nokutambalalika amapili nemilundu.

Ongololeni imisebo iyapotama,

wamyeni nenshila ishabipa.

6Nemishobo yonse yabantu

yakwisa kubona ichipulusho chaku Lesa!’”

7Abantu abenji bayishile kuli Yohane mukubatishiwa kuli ye. Elo asosele kuli bo ati, “Mwebana bansoka mwe! Ninani wamuchenjeshe ukubutuka kubukali bwaku Lesa ubukoyisa? 8Chiteni ifintu ifyakulanga ukupilibuka kwamitima yenu. Elo mwilokwibepapo mumitima yenu mwati, twaliba nanshifwe Abulahamu. Nachine nkomweba ati, Lesa aakwalula nga mabwe ukuti abe abana bakwa Abulahamu. 9Isembe lilipekanishiwe kale pamushu uukulu uuli onse uwachiti. Pakuti ichiti chonse ichitatwalapo ifitwalo ifiweme bakuchitema nokuchiposa mumulilo.”

10Elo abantu bamufumbile ati, “Mba nindo twakuchita fwebo?”

11Yohane ayasukile ati, “Uyo onse uuli neminjila ibili, apeleko uutakwetepo. Nangulya uukwete ichakulya achite mumo mwenka.”

12Abamisonko bambi nabo balishile mukubatishiwa nokumufumba ati, “We musambishi, mba fwebo nindo twakuchita?”

13Naye asosele kuli bo ati, “Mwilokusonkesha abantu indalama ukuchila pachipimo chefunde.”

14Abashilikali bambi nabo kabamufumba bati, “Mba fwebo, Nindo twakuchita?”

Yohane asosele ati, “Mwilokupoka indalama kumuntu mukupatikisha nangu ukumubepesha. Amalipilo awo mupokelela nienka ayo.”

15Ichichetekelo chabantu chalikulile, nokulanguluka bati, “Nangula ngu Yohane kuti aba Ewasubwa waku Lesa.” 16Yohane alyasukile ati, “Nebo nkomubatisha namenshi, kuntu uwakwisa alinchililepo ifiso, tanshilingilepo nokukakula ulushinga lwankwabilo shakwe. Ngu akoyisa kumubatisha no Mupashi Wabuta nomulilo. 17Alikwete nolupe muminwe yakwe ulwakwelako tiligu. Elo akututila tiligu mubutala bwakwe, kuntu imisungu akayocha mumulilo uutashimapo.”

18Munshila ishinji, Yohane alikubasambisha abantu ulo alikubilisha Ubutumi Ubwawama. 19Nomba Yohane akalipile imfumu Helodi#3.19 imfumu Helodi: Ngu aali ni Helodi Antipasi. Ye alipokele umukashi wakwa Filipo wabo. Pafyabulondoloshi bwashina lya Helodi, boneni pali Mat.14.1-4. pamulandu wakupa Helodiya umukashi wakuwabo, nefibi fyonse ifyo Helodi achitile. 20Elo Helodi achitile ichibi ukuchila pali fyonse, ukubika Yohane muchifungo.

Ukubatishiwa kwaku Yesu

(Mat. 3.13-17; Mk. 1.9-11)

21Ulo abantu bonse babatishiwe, Yesu naye alibatishiwe. Munshita ali mukulomba, kumulu kwalisukile, 22no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Ifikolwe fyaku Yesu

(Mat. 1.1-17)

23Ulo Yesu atatikile ukusambisha ali nemyaka nangula amakumi atatu. Abantu balangulukile bati nangula nimwana Yosefe, umwana wakwa Heli, 24umwana wakwa Matati, umwana wakwa Lefi, umwana wakwa Meleki, umwana wakwa Yanai, umwana wakwa Yosefe, 25umwana wakwa Matatiyasi, umwana wakwa Amosi, umwana wakwa Nahumi, umwana wakwa Esili, umwana wakwa Nagayi, 26umwana wakwa Maati, umwana wakwa Matatiyasi, umwana wakwa Semeyini, umwana wakwa Yoseki, umwana wakwa Yoda, 27umwana wakwa Yowanani, umwana-Lesa, umwana wakwa Selubabeli, umwana wakwa Shealitiyeli, umwana wakwa Neli, 28umwana wakwa Meleki, umwana wakwa Adi, umwana wakwa Kosamu, umwana wakwa Elimadamu, umwana wakwa Ele, 29umwana wakwa Yoshua, umwana wakwa Eliyesa, umwana wakwa Yolimu, umwana wakwa Matati, umwana wakwa Lefi, 30umwana wakwa Simyoni, umwana wakwa Yuda, umwana wakwa Yosefe, umwana wakwa Yonamu, umwana wakwa Eliyakimu, 31umwana wakwa Meleya, umwana wakwa Mena, umwana wakwa Matata, umwana wakwa Natani, umwana wakwa Davide, 32umwana wakwa Yese, umwana wakwa Obedi, umwana wakwa Boasi, umwana wakwa Salimoni, umwana wakwa Nashoni, 33umwana wakwa Aminadabu, umwana wakwa Adimini, umwana wakwa Alini, umwana Hesiloni, umwana wakwa Peleshi, umwana wakwa Yuda, 34umwana wakwa Yakobe, umwana wakwa Isake, umwana wakwa Abulahamu, umwana wakwa Tela, umwana wakwa Naho, 35umwana wakwa Seluki, umwana wakwa Leu, umwana wakwa Pelegi, umwana wakwa Ebeli, umwana wakwa Shela, 36umwana wakwa Kainani, umwana wakwa Afakisadi, umwana wakwa Shemu, umwana wakwa Nowa, umwana wakwa Lameki, 37umwana wakwa Metusela, umwana wakwa Enoki, umwana wakwa Yaledi, umwana wakwa Mahalaleli, umwana wakwa Kenani, 38umwana wakwa Enoshi, umwana wakwa Seti, umwana wakwa Adamu, umwana waku Lesa.

Currently Selected:

Luka 3: LalaNT

Highlight

Copy