Luka 5
5
Yesu ayita abalofi banswi bane
(Mat. 4.18-22; Mk. 1.16-20)
1Ubushiku bumo Yesu ayimakene mumbali yachishiba ichikulu icha Genesaleti.#5.1 yachishiba… icha Genesaleti: Ndi lishina limbi ilyachishiba icha Galili. Abantu abenji bali kumufininkisha ukuti bomfwe amashiwi aku Lesa. 2Abwene amato abili mululamba lwaku bemba awo abalofi bashile. Epo balikusamfya amasumbu abo. 3Yesu apateme mubwato bumo, ubwakwa Simoni. Amwebele ukuti atalamusheko panini kumulundu. Elo ayikele mubwato atatikile ukusambisha abantu.
4Ulo alekele ukusambisha, asosele kuli Simoni ati, “Sesheni ubwato buye mwitenga, muteye namasumbu yenu ukuti mwipaye inswi ishinji.”
5Simoni ayasukile ati, “Bashikulu, ubushiku bonse tulichulile, tatwipeyepo nangu kamo, kuntu pakuba mwasosa mwebo katuteye amasumbu.” 6Baliteyele nokwikatamo inswi ishinji ukwinekantu ichakuti namasumbu ali apepi nokulepuka. 7Epo bachebwile abanabo abali mubwato bumbi ukwisa kubafwako. Balishile nokwiusha amato onse abili nenswi ichakuti namato alikufwaya ukwibila. 8Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”
9Simoni nabanakwe ali nabo balishimbilwe pabwinji bwanswi bayipeye. 10Elo abanakwe bakwa Simoni, Yemusi na Yohane abana bakwa Sebedi, nabo balishimbilwe. Yesu asosele kuli Simoni ati, “Witina, ukufuma nomba wakuba umulofi wabantu.”
11Bakulile amato abo pamulundu, balishile fyonse nokukonka Yesu.
Yesu aposha uwafyona
(Mat. 8.1-4; Mk. 1.40-45)
12Panshita imo Yesu ali mumushi umwali umuntu uwalwele ifyona. Ulo ngu muntu abwene Yesu, alifukeme nokumulomba ati, “Bashikulu, kati mukofwaya kuti mwamposha!”
13Elo Yesu atambulwile ukuboko kwakwe nokumukumya nokusosa ati, “Ina, nkofwaya, pola!” Bwangu-bwangu nefyona fyakwe fyalipolele. 14Elo Yesu amukonkobeshe ati, “Wibushapo umuntu nangu umo. Nomba koya ukayilange kuli chipupila, ukatwale ichipupo ichakupola kobe kubati nimulya Mosesi aebele, chibe chilangililo kuli bonse.”#Ab.Lef. 14.1-32
15Nomba umunkunta waku Yesu walyumfwikile konse-konse, namabumba abantu ayishile kuli Ye mukumfwa nokuposhewa kumalwele abo. 16Elo ena alifumineko nokuya kumpanga enka mukulomba.
Yesu aposha umuntu uwauminine umubili
(Mat. 9.1-8; Mk. 2.1-12)
17Ubushiku bumo ulo Yesu alikusambisha, Abafalisi bambi nabasambishi ba Mafunde akwa Mosesi nabo epo bali. Mba bonse bafumine mumishi yamuchalo cha Galili namu Yudeya elo nakumusumba wa Yelusalemu. Ifiso fyaku Lesa ifyakuposha ubulwele emo fyali muli Yesu. 18Epo boneni abantu bambi baletele pamachila ichilema. Balyeseshe ukwinjila munanda ukuti bamutwale kuli Yesu. 19Pamulandu webumba lyabantu, tababwenepo inshila yakumwinjishishamo munanda. Echo baninine pamutenge wananda nokutibula ichipunda. Elo bamwishishe pamachila ukulungatana napabelele Yesu. 20Ulo Yesu abwene ukuchetekela kwabo, asosele ati, “We munanji, amabifyo obe anakililwa.”
21Abasambishi ba Mafunde akwa Mosesi naba Falisi balikusoshanya ati, “Nga uyu ninani uukopontela Lesa? Tepo Lesa enka eunganakilila amabifyo?”
22Yesu alishibile amalangulushi abo. Epo asosele ati, “Mba nindo mukolangulukila mfi mumitima yenu? 23Nichisa ichayanguka ukusosa ukwebati ati, ‘Amabifyo obe anakililwa,’ nangula ukwebati ati, ‘Ima wende’? 24Pakuti mwishibe ukuti Umwana wa Muntu ali nensambu muchalo ishakunakilila amabifyo.” Elo aebele uwauminina umubili ati, “Nkokweba nati, ima, bula amachila obe uye kunanda yobe.”
25Bwangu-bwangu alimakene nabonse balimubwene. Abulile amachila nokuya kunanda yakwe, ulo atondayisha Lesa. 26Elo abantu bonse bayiketwe mwenso uukulu, bachinshika Lesa nokusosa bati, “Lelo twabona ifyakushimbwisha.”
Yesu ayita Lefi
(Mat. 9.9-13; Mk. 2.13-17)
27Panuma yaku mfi, Yesu alifumine kunse. Abwene uwamusonko umo uwitwa Lefi, ayikele pamulimo wakwe munanda yamusonko. Yesu amwitile ati, “Nkonka.” 28Elo ashile fyonse alimine nokumukonka.
29Elo Lefi atebetele Yesu ifyakulya ifinji munanda yakwe. Kwali ibumba ilikulu ilyabakusonkesha nabantu bambi abayikele pakulya. 30Bambi Abafalisi nabasambishi ba Mafunde baliyilishenye kubakusambila bakwe ati, “Mba nindo mukolila nokunwena pamo nabakasonkesha nembifi?”
31Elo Yesu abasukile ati, “Abakosele tabafwayapo ing’anga iyowo, kuntu abalwele. 32Tanshayisapo mukwita abaololoka imitima, sembi imbifi ukuti shilapile kumabifyo ashiko.”
Ukwikanya ukulya
(Mat. 9.14-17; Mk. 2.18-22)
33Abantu bambi basosele kuli Yesu ati, “Abakusambila bakwa Yohane balayikanya ukulya libili-libili nakambi balalomba, abakusambila baba Falisi nabo efyo bachita, nomba abakusambila benu balalya nokunwa.”
34Yesu abasukile ati, “Napo mungakanya abanakwe bakwa nshibwinga ukulya ulo bali nanshibwinga? Nangu panini! 35Nomba akasuba kakwisa ulo nshibwinga akupintwa pali bo, elo bakuyikanya ukulya.”
36Nakambi Yesu abebele nchi chelusho ati, “Takupo umuntu uulepula ichikamba kwilaya lyabwangu nokukambika pelaya lyakale. Nga achita mfi, ekwebati aonaula ndilya ilyabwangu, nechikamba chansalu yabwangu tachalinganepo nelyakale. 37Elo tabetulwilapo waini wabwangu mumatumba ampapa akale,#5.37 mumatumba ampapa akale: Munshiku njilya mu Palesitaini waini mumatumba ampapa. Amatumba anduno yalakula nga bayitulwilamo waini, nomba ayakale yalikulepuka bwangu. pakuti amatumba akalepauka, nawaini akoyisa kuswila panshi. 38Echo bikeni waini wabwangu mumatumba ampapa aabwangu! 39Elo umuntu uwanwa waini wakale tayise kufwaya uwabwangu, pantu kuti asosa ati, ‘Ngu wakale euweme.’”
Currently Selected:
Luka 5: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Luka 5
5
Yesu ayita abalofi banswi bane
(Mat. 4.18-22; Mk. 1.16-20)
1Ubushiku bumo Yesu ayimakene mumbali yachishiba ichikulu icha Genesaleti.#5.1 yachishiba… icha Genesaleti: Ndi lishina limbi ilyachishiba icha Galili. Abantu abenji bali kumufininkisha ukuti bomfwe amashiwi aku Lesa. 2Abwene amato abili mululamba lwaku bemba awo abalofi bashile. Epo balikusamfya amasumbu abo. 3Yesu apateme mubwato bumo, ubwakwa Simoni. Amwebele ukuti atalamusheko panini kumulundu. Elo ayikele mubwato atatikile ukusambisha abantu.
4Ulo alekele ukusambisha, asosele kuli Simoni ati, “Sesheni ubwato buye mwitenga, muteye namasumbu yenu ukuti mwipaye inswi ishinji.”
5Simoni ayasukile ati, “Bashikulu, ubushiku bonse tulichulile, tatwipeyepo nangu kamo, kuntu pakuba mwasosa mwebo katuteye amasumbu.” 6Baliteyele nokwikatamo inswi ishinji ukwinekantu ichakuti namasumbu ali apepi nokulepuka. 7Epo bachebwile abanabo abali mubwato bumbi ukwisa kubafwako. Balishile nokwiusha amato onse abili nenswi ichakuti namato alikufwaya ukwibila. 8Simoni Petulo pakubona ichachitikile, afukeme pamakasa aku Yesu nokulabila ati, “Bashikulu, fumeniko kuli nebo pantu ndi mbifi!”
9Simoni nabanakwe ali nabo balishimbilwe pabwinji bwanswi bayipeye. 10Elo abanakwe bakwa Simoni, Yemusi na Yohane abana bakwa Sebedi, nabo balishimbilwe. Yesu asosele kuli Simoni ati, “Witina, ukufuma nomba wakuba umulofi wabantu.”
11Bakulile amato abo pamulundu, balishile fyonse nokukonka Yesu.
Yesu aposha uwafyona
(Mat. 8.1-4; Mk. 1.40-45)
12Panshita imo Yesu ali mumushi umwali umuntu uwalwele ifyona. Ulo ngu muntu abwene Yesu, alifukeme nokumulomba ati, “Bashikulu, kati mukofwaya kuti mwamposha!”
13Elo Yesu atambulwile ukuboko kwakwe nokumukumya nokusosa ati, “Ina, nkofwaya, pola!” Bwangu-bwangu nefyona fyakwe fyalipolele. 14Elo Yesu amukonkobeshe ati, “Wibushapo umuntu nangu umo. Nomba koya ukayilange kuli chipupila, ukatwale ichipupo ichakupola kobe kubati nimulya Mosesi aebele, chibe chilangililo kuli bonse.”#Ab.Lef. 14.1-32
15Nomba umunkunta waku Yesu walyumfwikile konse-konse, namabumba abantu ayishile kuli Ye mukumfwa nokuposhewa kumalwele abo. 16Elo ena alifumineko nokuya kumpanga enka mukulomba.
Yesu aposha umuntu uwauminine umubili
(Mat. 9.1-8; Mk. 2.1-12)
17Ubushiku bumo ulo Yesu alikusambisha, Abafalisi bambi nabasambishi ba Mafunde akwa Mosesi nabo epo bali. Mba bonse bafumine mumishi yamuchalo cha Galili namu Yudeya elo nakumusumba wa Yelusalemu. Ifiso fyaku Lesa ifyakuposha ubulwele emo fyali muli Yesu. 18Epo boneni abantu bambi baletele pamachila ichilema. Balyeseshe ukwinjila munanda ukuti bamutwale kuli Yesu. 19Pamulandu webumba lyabantu, tababwenepo inshila yakumwinjishishamo munanda. Echo baninine pamutenge wananda nokutibula ichipunda. Elo bamwishishe pamachila ukulungatana napabelele Yesu. 20Ulo Yesu abwene ukuchetekela kwabo, asosele ati, “We munanji, amabifyo obe anakililwa.”
21Abasambishi ba Mafunde akwa Mosesi naba Falisi balikusoshanya ati, “Nga uyu ninani uukopontela Lesa? Tepo Lesa enka eunganakilila amabifyo?”
22Yesu alishibile amalangulushi abo. Epo asosele ati, “Mba nindo mukolangulukila mfi mumitima yenu? 23Nichisa ichayanguka ukusosa ukwebati ati, ‘Amabifyo obe anakililwa,’ nangula ukwebati ati, ‘Ima wende’? 24Pakuti mwishibe ukuti Umwana wa Muntu ali nensambu muchalo ishakunakilila amabifyo.” Elo aebele uwauminina umubili ati, “Nkokweba nati, ima, bula amachila obe uye kunanda yobe.”
25Bwangu-bwangu alimakene nabonse balimubwene. Abulile amachila nokuya kunanda yakwe, ulo atondayisha Lesa. 26Elo abantu bonse bayiketwe mwenso uukulu, bachinshika Lesa nokusosa bati, “Lelo twabona ifyakushimbwisha.”
Yesu ayita Lefi
(Mat. 9.9-13; Mk. 2.13-17)
27Panuma yaku mfi, Yesu alifumine kunse. Abwene uwamusonko umo uwitwa Lefi, ayikele pamulimo wakwe munanda yamusonko. Yesu amwitile ati, “Nkonka.” 28Elo ashile fyonse alimine nokumukonka.
29Elo Lefi atebetele Yesu ifyakulya ifinji munanda yakwe. Kwali ibumba ilikulu ilyabakusonkesha nabantu bambi abayikele pakulya. 30Bambi Abafalisi nabasambishi ba Mafunde baliyilishenye kubakusambila bakwe ati, “Mba nindo mukolila nokunwena pamo nabakasonkesha nembifi?”
31Elo Yesu abasukile ati, “Abakosele tabafwayapo ing’anga iyowo, kuntu abalwele. 32Tanshayisapo mukwita abaololoka imitima, sembi imbifi ukuti shilapile kumabifyo ashiko.”
Ukwikanya ukulya
(Mat. 9.14-17; Mk. 2.18-22)
33Abantu bambi basosele kuli Yesu ati, “Abakusambila bakwa Yohane balayikanya ukulya libili-libili nakambi balalomba, abakusambila baba Falisi nabo efyo bachita, nomba abakusambila benu balalya nokunwa.”
34Yesu abasukile ati, “Napo mungakanya abanakwe bakwa nshibwinga ukulya ulo bali nanshibwinga? Nangu panini! 35Nomba akasuba kakwisa ulo nshibwinga akupintwa pali bo, elo bakuyikanya ukulya.”
36Nakambi Yesu abebele nchi chelusho ati, “Takupo umuntu uulepula ichikamba kwilaya lyabwangu nokukambika pelaya lyakale. Nga achita mfi, ekwebati aonaula ndilya ilyabwangu, nechikamba chansalu yabwangu tachalinganepo nelyakale. 37Elo tabetulwilapo waini wabwangu mumatumba ampapa akale,#5.37 mumatumba ampapa akale: Munshiku njilya mu Palesitaini waini mumatumba ampapa. Amatumba anduno yalakula nga bayitulwilamo waini, nomba ayakale yalikulepuka bwangu. pakuti amatumba akalepauka, nawaini akoyisa kuswila panshi. 38Echo bikeni waini wabwangu mumatumba ampapa aabwangu! 39Elo umuntu uwanwa waini wakale tayise kufwaya uwabwangu, pantu kuti asosa ati, ‘Ngu wakale euweme.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.