Mateyo 6
6
Pamulandu wakupela ifyankumbu
1“Chenjeleni ukuti mwilokuchitapo imilimo iiweme kubantu pakuti mubonekele. Pantu nga mukochita mfi, tamwakapokelelepo ichilambu kuli Bawishinwe abakumulu.
2“Pamulandu ngu, ulo mukopela ichabupe kubantu bachula, mwiibwenesha palwalala kubati nimfilya bachita abakutumpayika mumananda aakulombelamo Lesa namumisebo ukuti bachinshikwe kubantu. Nkomweba ati, mba bantu balipokele kabela ichilambu chabo. 3Nomba mwebo pakupela ichabupe kumuntu mwilekapo nangu umunenu eshibe icho muchitile. 4Nga mwachita mfi, ubupe bwenu ubwankumbu bwakwishibikwa kuli mwebo mwenka. Epo Bawishinwe nabo ababona ifyamubumfisolo, bakumulambula.
Ukusambisha pamulandu wakulomba
(Luk. 11.2-4)
5“Ulo mukolomba, mulokubati abakutumpayika. Pakuba bo balitemwa ukwimakana pakulomba mumananda aakulombelamo Lesa napamampandwa amisebo, ukuti babonekele kubantu. Nkomweba ati, mba balipokele kabela ichilambu chabo. 6Nomba mwebo ulo mukolomba injileni munanda yenu mwisaleko nechibi. Mulombe kuli Bawishinwe abatabonekapo. Elo Bawishinwe ababona ifyo muchita mubumfinsolo bakumulambula.
7“Nakambi pakulomba mwilokubwabwata bwaka, nga mfilya fichita abatayishibapo Lesa. Bo balanguluka ukwebati mukusosa ifinji emo Lesa angabomfwa. 8Mwipalanapo nabo pakuti Bawishinwe bakumulu balishiba ifyo mukochulila ulo mutalabalomba. 9Echo mwebo mulokulomba ati,
‘Banshifwe bakumulu,
ishina lyenu lichinshikwe.
10Ubufumu bwenu bwise,
ukufwaya kwenu kuchitike panonshi,
ukubati nikumulu.
11Mutupele lelo ichakulya chesu ichalelo.
12Mutunakilileko amabifyo yesu,
kubati nimfilya tunakilila bonse abatubifisha.
13Mwitulekelesha mukwesheka,
kuntu mutupokeko kumubi.’#6.13 Kuntu mutupokeko kumubi: Nangula, kuntu mutupokeko kububi.
14“Kati mukobanakilila abantu imilandu yabo, Bawishinwe bakumulu bakumunakilila namwe. 15Nga tamukobanakililapo abantu imilandu yabo, Bawishinwe bakumulu nabo tabakamunakililepo imilandu yenu.
Ukusambisha pamulandu wakuyikanya ukulya
16“Ulo mukoyikanya ukulya, mulokwikalapo abachikonko nga mfilya bachita abakutumpayika. Bo balayishimfyanya pamenso pakuti abantu bababone ukuti bakoyikanya ukulya. Nachine nkomweba ati, mba balipokelela kabela ichilambu chabo. 17Nomba webo, panshita iyo ukoyikanyapo ukulya, usambe pamenso nokusakula imishishi yobe, 18ukwebati ukuyikanya ukulya kobe kwishibikwe bwaka kuli Bawiso ababona ifyamubumfisolo. Elo nabo bakukulambula.
Ububoni mumulu
(Luk. 12.33-34)
19“Muyibikilapo ububoni bwenu panonshi, apo finamupapila nendalabwa fyonaula, nabang’o nabo balatoba nokwiba. 20Nomba muyibikile ububoni bwenu kumulu, uko finamupapila nangula indalabwa tafyonaulapo, nabang’o nabo tabatobapo nokwiba. 21Pakuti ukuli ububoni bobe, ekuba nomutima obe.
Ukusanika kwamubili
(Luk. 11.34-36)
22“Amenso enu enyali yamubili wenu. Nga amenso enu ali bwino, nomubili wenu wakuyiulamo ukusanika. 23Nomba amenso enu nga taali bwino, umubili wenu wakuba mumfinshi. Nomba ukusanika kwenu nga kwaaluka imfinshi, imfinshi njilya yakuba fititi!
Lesa nobuboni bwapanonshi
(Luk. 16.13; 12.22-31)
24“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.
25“Nachine nkomweba ati, mulokusakamanapo pabumi bwenu mwati, nindo tukolyapo, nangula, nindo tukonwapo? Nangula napamubili wenu mwati, nindo tukofwalapo? Napo ubumi tabwachindamapo ukuchila ifyakulya? Napo umubili nawo tawachilapo pafyakufwala? 26Boneni ifyuni fyamumulu! Tafiminsapo nangula ukulobolola nangula ukututila mumatala, kuntu Bawishinwe bakumulu ebafilisha. Napo mwebo tamwachilapo ukuchindama pafyuni? 27Mba ninani uwamuli mwe mukusakamana kwakwe engalundapo nangu akasuba kamo kubumi bwakwe?
28“Findo mukosakamanina pafyakufwala? Boneni amaluba aamumpanga ifyo akula! Yo taabombapo nangula ukupikula insalu shakufwala iyowo. 29Nachine, nangu imfumu Solomoni uwali nobuboni ubwinji, tafwelepo ifiweme kubati limo ilyamumaluba nga.#1 Ishamf. 10.4-7; 2 Imil. 9.3-6 30Nomba Lesa nga alafwika mfi amaluba aamumpanga aaliko lelo, mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!
31“Kanshi mwilokusakamanapo mumitima yenu mwati, ‘Nindo tukolya? Nangula, nindo tukonwa? Nangula mwati, nindo tukofwala?’ 32(Fyonse mfi efyo abantu abatayishibapo Lesa babikapo imitima yabo.) Nomba mwe mwishibe ukwebati Bawishinwe bakumulu balishiba ati fyonse mfi mulafikabila. 33Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe. 34Kanshi mwilokusakamanapo pafyakasuba kamayilo. Ifyamayilo fyamayilo. Akasuba kamo kali nobuchushi ubwakako.
Currently Selected:
Mateyo 6: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Mateyo 6
6
Pamulandu wakupela ifyankumbu
1“Chenjeleni ukuti mwilokuchitapo imilimo iiweme kubantu pakuti mubonekele. Pantu nga mukochita mfi, tamwakapokelelepo ichilambu kuli Bawishinwe abakumulu.
2“Pamulandu ngu, ulo mukopela ichabupe kubantu bachula, mwiibwenesha palwalala kubati nimfilya bachita abakutumpayika mumananda aakulombelamo Lesa namumisebo ukuti bachinshikwe kubantu. Nkomweba ati, mba bantu balipokele kabela ichilambu chabo. 3Nomba mwebo pakupela ichabupe kumuntu mwilekapo nangu umunenu eshibe icho muchitile. 4Nga mwachita mfi, ubupe bwenu ubwankumbu bwakwishibikwa kuli mwebo mwenka. Epo Bawishinwe nabo ababona ifyamubumfisolo, bakumulambula.
Ukusambisha pamulandu wakulomba
(Luk. 11.2-4)
5“Ulo mukolomba, mulokubati abakutumpayika. Pakuba bo balitemwa ukwimakana pakulomba mumananda aakulombelamo Lesa napamampandwa amisebo, ukuti babonekele kubantu. Nkomweba ati, mba balipokele kabela ichilambu chabo. 6Nomba mwebo ulo mukolomba injileni munanda yenu mwisaleko nechibi. Mulombe kuli Bawishinwe abatabonekapo. Elo Bawishinwe ababona ifyo muchita mubumfinsolo bakumulambula.
7“Nakambi pakulomba mwilokubwabwata bwaka, nga mfilya fichita abatayishibapo Lesa. Bo balanguluka ukwebati mukusosa ifinji emo Lesa angabomfwa. 8Mwipalanapo nabo pakuti Bawishinwe bakumulu balishiba ifyo mukochulila ulo mutalabalomba. 9Echo mwebo mulokulomba ati,
‘Banshifwe bakumulu,
ishina lyenu lichinshikwe.
10Ubufumu bwenu bwise,
ukufwaya kwenu kuchitike panonshi,
ukubati nikumulu.
11Mutupele lelo ichakulya chesu ichalelo.
12Mutunakilileko amabifyo yesu,
kubati nimfilya tunakilila bonse abatubifisha.
13Mwitulekelesha mukwesheka,
kuntu mutupokeko kumubi.’#6.13 Kuntu mutupokeko kumubi: Nangula, kuntu mutupokeko kububi.
14“Kati mukobanakilila abantu imilandu yabo, Bawishinwe bakumulu bakumunakilila namwe. 15Nga tamukobanakililapo abantu imilandu yabo, Bawishinwe bakumulu nabo tabakamunakililepo imilandu yenu.
Ukusambisha pamulandu wakuyikanya ukulya
16“Ulo mukoyikanya ukulya, mulokwikalapo abachikonko nga mfilya bachita abakutumpayika. Bo balayishimfyanya pamenso pakuti abantu bababone ukuti bakoyikanya ukulya. Nachine nkomweba ati, mba balipokelela kabela ichilambu chabo. 17Nomba webo, panshita iyo ukoyikanyapo ukulya, usambe pamenso nokusakula imishishi yobe, 18ukwebati ukuyikanya ukulya kobe kwishibikwe bwaka kuli Bawiso ababona ifyamubumfisolo. Elo nabo bakukulambula.
Ububoni mumulu
(Luk. 12.33-34)
19“Muyibikilapo ububoni bwenu panonshi, apo finamupapila nendalabwa fyonaula, nabang’o nabo balatoba nokwiba. 20Nomba muyibikile ububoni bwenu kumulu, uko finamupapila nangula indalabwa tafyonaulapo, nabang’o nabo tabatobapo nokwiba. 21Pakuti ukuli ububoni bobe, ekuba nomutima obe.
Ukusanika kwamubili
(Luk. 11.34-36)
22“Amenso enu enyali yamubili wenu. Nga amenso enu ali bwino, nomubili wenu wakuyiulamo ukusanika. 23Nomba amenso enu nga taali bwino, umubili wenu wakuba mumfinshi. Nomba ukusanika kwenu nga kwaaluka imfinshi, imfinshi njilya yakuba fititi!
Lesa nobuboni bwapanonshi
(Luk. 16.13; 12.22-31)
24“Takupo umuntu uupyungila imfumu shibili, pakuba angapatapo imo nokutemwapo imbi, elo angalokumfwilapo imo nokusula iinakwe. Echo tekuti mupyungilepo Lesa nobuboni.
25“Nachine nkomweba ati, mulokusakamanapo pabumi bwenu mwati, nindo tukolyapo, nangula, nindo tukonwapo? Nangula napamubili wenu mwati, nindo tukofwalapo? Napo ubumi tabwachindamapo ukuchila ifyakulya? Napo umubili nawo tawachilapo pafyakufwala? 26Boneni ifyuni fyamumulu! Tafiminsapo nangula ukulobolola nangula ukututila mumatala, kuntu Bawishinwe bakumulu ebafilisha. Napo mwebo tamwachilapo ukuchindama pafyuni? 27Mba ninani uwamuli mwe mukusakamana kwakwe engalundapo nangu akasuba kamo kubumi bwakwe?
28“Findo mukosakamanina pafyakufwala? Boneni amaluba aamumpanga ifyo akula! Yo taabombapo nangula ukupikula insalu shakufwala iyowo. 29Nachine, nangu imfumu Solomoni uwali nobuboni ubwinji, tafwelepo ifiweme kubati limo ilyamumaluba nga.#1 Ishamf. 10.4-7; 2 Imil. 9.3-6 30Nomba Lesa nga alafwika mfi amaluba aamumpanga aaliko lelo, mailo aposwa mumulilo, napo mwebo tekuti amufwikepo ukwinenene? Mwe bachichetekelo ichinini!
31“Kanshi mwilokusakamanapo mumitima yenu mwati, ‘Nindo tukolya? Nangula, nindo tukonwa? Nangula mwati, nindo tukofwala?’ 32(Fyonse mfi efyo abantu abatayishibapo Lesa babikapo imitima yabo.) Nomba mwe mwishibe ukwebati Bawishinwe bakumulu balishiba ati fyonse mfi mulafikabila. 33Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe. 34Kanshi mwilokusakamanapo pafyakasuba kamayilo. Ifyamayilo fyamayilo. Akasuba kamo kali nobuchushi ubwakako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.