Maliko 11
11
Yesu ayinjila mu Yelusalemu nomuchinshi
(Mat. 21.1-11; Luk. 19.28-40; Yoh. 12.12-19)
1Ulo bapalamine ku Yelusalemu, apepi napamushi wa Betefage na Betani, bafikile kulupili lwa Maolife. Yesu atumine abakusambila bakwe babili 2nokubeba ati, “Kamuya kumushi uuli kuntanshi yenu. Ulo mukoya kwinjilamo, bwangu-bwangu mukoya kusanga umwana punda alikakilwe, uwo umuntu taninapo iyowo. Mukakuleni nokundetela nkuno. 3Kati umuntu akumufumba ati, ‘Mba nindo mukokakwila mwana punda?’ Musose mwati, ‘Ni Bashikulu bakomufwaya, nokubwesha bakomubwesha bwangu-bwangu.’”
4Epo balile kumushi nokusanga umwana punda balimukakile pamulyango panse uwalungatana nomusebo. Ulo balikumukakula, 5bambi abayimakenepo balifumbile ati, “Chindo icho mukokakwila umwana punda?”
6Nabo bayasukile mwenka umo Yesu abebele. Na bantu balibalekele baya nokuya. 7Ulo batwite umwana punda kuli Yesu, bayanshikilepo insalu shabo pamusana waku punda. Elo Yesu anininepo nokunina. 8Abantu abenji bayanshikile insalu shabo mumusebo, bambi nabo balikukonaula imisambo yafiti mumpanga, bakoyanshika mumusebo. 9Abatanjile pantanshi nabali kukonka panuma, balikwaula bati, “Tondayisheni Lesa Mukulu! Lesa ashukishe ngu uwayisa mwishina lyaku Bashikulu! 10Lesa ashukishe ubufumu ubukoyisa ubwakwa nshifwe Davide! Tondayisheni Lesa Mukulu!”
11Yesu ayinjile mu Yelusalemu nokuya munanda yaku Lesa, aloleshe konse-konse nokubona ifyalimo. Pakuba akasuba kali apepi nokuwa, alifuminemo, ayile nabakusambila bakwe ikumi na babili kumushi wa Betaniya.
Yesu alapisha ichiti chamukunyu
(Mat. 2.18-19)
12Uluchelo ulo balikubwela ku Betani, Yesu yalimwikete insala. 13Ulo abwene umukunyu patali-patali uli namabula aaweme, eko ayile mukubona kati walitwala ifitwalo. Pakufika nkulya, asangileko bwaka amabula enka-enka, pakuba tayalipo enshita amakunyu atwalilapo. 14Nomba Yesu alapishe umukunyu ati, “Takwakabepo nangu umo umuntu uwakulyako ifitwalo kuli we!”
Nabakusambila bakwe nabo balyumfwileko.
Yesu aya munanda yakulombelamo Lesa
(Mat. 21.12-17; Luk. 19.5-48; Yoh. 2.13-22)
15Ulo bafikile mu Yelusalemu, Yesu ayinjile munanda yaku Lesa. Atatikile ukutamfisha panse abalikushitishamo ifintu. Nokupenaula namatebulu abantu abali kukabushanya indalama, nefipuna fyaku bo abali kushitisha inkunda. 16Tasuminishepo nabantu bonse abali kupinta ifintu nokupitana munanda yaku Lesa. 17Elo alikusambisha abantu ati, “Kanshi tachalembwa mu Mashiwi aku Lesa ukuti, ‘Inanda yanji yakwitwa ukuti ninanda yakulombelamo abantu bonse.’ Nomba mwe eyo mwasangula uluchengo lwabang’o!”
18Ulo intungulushi shabachipupila nabasambishi ba Mafunde baumfwile, balikufwayilisha inshila yakumwipayilamo Yesu. Nomba balikutina, pantu abantu bonse balishimbilwe pakusambisha kwakwe.
19Ati bwile ubushiku, Yesu nabakusambila bakwe balifuminemo mumusumba.
Isambililo lyachiti chamukunyu
(Mat. 21.20-22)
20Muluchelo-chelo ulo balikuya munshila, babwene ngulya mukunyu ulyumine ukufika nakumishu. 21Petulo alibukishe ifyachitikilwe, elo aebele Yesu ati, “We musambishi, bona ngulya mukunyu walapishe ulyumine!”
22Yesu abasukile ati, “Mulokuchetekela muli Lesa. 23Nachine nkomweba ati, umuntu nga aeba ndu lupili ati, ‘Fuma mpa, uye uyipose muli bemba,’ ukwambula ukukayika mumutima wakwe, kuntu akosumina ukuti icho akososa chikochitika, chili nokuchitika. 24Kanshi pali nchi nkomweba ati chonse icho mwakufumba mukulomba kwenu, sumineni ukuti mwapelwa. Nachine mwakupelwa. 25Elo lonse ulo mukolomba kati mulipo nomulandu umo uubi nomuntu umbi, munakilileni pakuti Bawishinwe bakumulu nabo bengamunakilila amabifyo enu. [ 26Nomba mwebo nga tamukonakililapo amabifyo, namwe Bawishinwe bakumulu nabo tabakamunakililepo amabifyo enu.]”
Ubuleme bwaku Yesu uko bwafuma
(Mat. 21.23-27; Luk. 20.1-8)
27Balibwelele nakambi ku Yelusalemu. Nomba ulo Yesu alikwendauka munanda yaku Lesa, intungulushi shabachipupila nabasambishi ba Mafunde pamo nabakulu Babayuda, bayile kuli Yesu nokumufumba ati, 28“Ninsambu ndo uchitilamo mfi fintu? Mba uwakupela nshi nsambu ninani?”
29Elo Yesu abasukile ati, “Nandibo nkomufumbapo chimo bwaka, namwe nga mwangasuka, elo nandibo nkomwebako ukwafuma nshi nsambu nchitilamo mfi fintu. 30Napo ulubatisho lwakwa Yohane nikuli Lesa lwafumine nangula nikubantu? Ngasukeni tumfwe.”
31Batatikile ukutalikishanya bati, “Nga twaeba ati, ‘Lwafumine kuli Lesa,’ Yesu akutweba ati, ‘Mba nindo mutachetekele Yohane?’ 32Elo atwaeba ati, ‘Lwafumine kubantu.’” (Baletina pantu abantu bonse balishininkishe ukweba ati Yohane ali musoseshi uwachine.) 33Echo bayasukile Yesu ati, “Tatwishibilepo.”
Elo Yesu naye asosele ati, “Kanshi nandibo nshamubushepo ukwafuma insambu nshi nchitilamo mfi fintu.”
Currently Selected:
Maliko 11: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Maliko 11
11
Yesu ayinjila mu Yelusalemu nomuchinshi
(Mat. 21.1-11; Luk. 19.28-40; Yoh. 12.12-19)
1Ulo bapalamine ku Yelusalemu, apepi napamushi wa Betefage na Betani, bafikile kulupili lwa Maolife. Yesu atumine abakusambila bakwe babili 2nokubeba ati, “Kamuya kumushi uuli kuntanshi yenu. Ulo mukoya kwinjilamo, bwangu-bwangu mukoya kusanga umwana punda alikakilwe, uwo umuntu taninapo iyowo. Mukakuleni nokundetela nkuno. 3Kati umuntu akumufumba ati, ‘Mba nindo mukokakwila mwana punda?’ Musose mwati, ‘Ni Bashikulu bakomufwaya, nokubwesha bakomubwesha bwangu-bwangu.’”
4Epo balile kumushi nokusanga umwana punda balimukakile pamulyango panse uwalungatana nomusebo. Ulo balikumukakula, 5bambi abayimakenepo balifumbile ati, “Chindo icho mukokakwila umwana punda?”
6Nabo bayasukile mwenka umo Yesu abebele. Na bantu balibalekele baya nokuya. 7Ulo batwite umwana punda kuli Yesu, bayanshikilepo insalu shabo pamusana waku punda. Elo Yesu anininepo nokunina. 8Abantu abenji bayanshikile insalu shabo mumusebo, bambi nabo balikukonaula imisambo yafiti mumpanga, bakoyanshika mumusebo. 9Abatanjile pantanshi nabali kukonka panuma, balikwaula bati, “Tondayisheni Lesa Mukulu! Lesa ashukishe ngu uwayisa mwishina lyaku Bashikulu! 10Lesa ashukishe ubufumu ubukoyisa ubwakwa nshifwe Davide! Tondayisheni Lesa Mukulu!”
11Yesu ayinjile mu Yelusalemu nokuya munanda yaku Lesa, aloleshe konse-konse nokubona ifyalimo. Pakuba akasuba kali apepi nokuwa, alifuminemo, ayile nabakusambila bakwe ikumi na babili kumushi wa Betaniya.
Yesu alapisha ichiti chamukunyu
(Mat. 2.18-19)
12Uluchelo ulo balikubwela ku Betani, Yesu yalimwikete insala. 13Ulo abwene umukunyu patali-patali uli namabula aaweme, eko ayile mukubona kati walitwala ifitwalo. Pakufika nkulya, asangileko bwaka amabula enka-enka, pakuba tayalipo enshita amakunyu atwalilapo. 14Nomba Yesu alapishe umukunyu ati, “Takwakabepo nangu umo umuntu uwakulyako ifitwalo kuli we!”
Nabakusambila bakwe nabo balyumfwileko.
Yesu aya munanda yakulombelamo Lesa
(Mat. 21.12-17; Luk. 19.5-48; Yoh. 2.13-22)
15Ulo bafikile mu Yelusalemu, Yesu ayinjile munanda yaku Lesa. Atatikile ukutamfisha panse abalikushitishamo ifintu. Nokupenaula namatebulu abantu abali kukabushanya indalama, nefipuna fyaku bo abali kushitisha inkunda. 16Tasuminishepo nabantu bonse abali kupinta ifintu nokupitana munanda yaku Lesa. 17Elo alikusambisha abantu ati, “Kanshi tachalembwa mu Mashiwi aku Lesa ukuti, ‘Inanda yanji yakwitwa ukuti ninanda yakulombelamo abantu bonse.’ Nomba mwe eyo mwasangula uluchengo lwabang’o!”
18Ulo intungulushi shabachipupila nabasambishi ba Mafunde baumfwile, balikufwayilisha inshila yakumwipayilamo Yesu. Nomba balikutina, pantu abantu bonse balishimbilwe pakusambisha kwakwe.
19Ati bwile ubushiku, Yesu nabakusambila bakwe balifuminemo mumusumba.
Isambililo lyachiti chamukunyu
(Mat. 21.20-22)
20Muluchelo-chelo ulo balikuya munshila, babwene ngulya mukunyu ulyumine ukufika nakumishu. 21Petulo alibukishe ifyachitikilwe, elo aebele Yesu ati, “We musambishi, bona ngulya mukunyu walapishe ulyumine!”
22Yesu abasukile ati, “Mulokuchetekela muli Lesa. 23Nachine nkomweba ati, umuntu nga aeba ndu lupili ati, ‘Fuma mpa, uye uyipose muli bemba,’ ukwambula ukukayika mumutima wakwe, kuntu akosumina ukuti icho akososa chikochitika, chili nokuchitika. 24Kanshi pali nchi nkomweba ati chonse icho mwakufumba mukulomba kwenu, sumineni ukuti mwapelwa. Nachine mwakupelwa. 25Elo lonse ulo mukolomba kati mulipo nomulandu umo uubi nomuntu umbi, munakilileni pakuti Bawishinwe bakumulu nabo bengamunakilila amabifyo enu. [ 26Nomba mwebo nga tamukonakililapo amabifyo, namwe Bawishinwe bakumulu nabo tabakamunakililepo amabifyo enu.]”
Ubuleme bwaku Yesu uko bwafuma
(Mat. 21.23-27; Luk. 20.1-8)
27Balibwelele nakambi ku Yelusalemu. Nomba ulo Yesu alikwendauka munanda yaku Lesa, intungulushi shabachipupila nabasambishi ba Mafunde pamo nabakulu Babayuda, bayile kuli Yesu nokumufumba ati, 28“Ninsambu ndo uchitilamo mfi fintu? Mba uwakupela nshi nsambu ninani?”
29Elo Yesu abasukile ati, “Nandibo nkomufumbapo chimo bwaka, namwe nga mwangasuka, elo nandibo nkomwebako ukwafuma nshi nsambu nchitilamo mfi fintu. 30Napo ulubatisho lwakwa Yohane nikuli Lesa lwafumine nangula nikubantu? Ngasukeni tumfwe.”
31Batatikile ukutalikishanya bati, “Nga twaeba ati, ‘Lwafumine kuli Lesa,’ Yesu akutweba ati, ‘Mba nindo mutachetekele Yohane?’ 32Elo atwaeba ati, ‘Lwafumine kubantu.’” (Baletina pantu abantu bonse balishininkishe ukweba ati Yohane ali musoseshi uwachine.) 33Echo bayasukile Yesu ati, “Tatwishibilepo.”
Elo Yesu naye asosele ati, “Kanshi nandibo nshamubushepo ukwafuma insambu nshi nchitilamo mfi fintu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.