Maliko 16
16
Yesu abuka kubafwa
(Mat. 28.1-8; Luk. 24.1-12; Yoh. 20.1-10)
1Ulo ubushiku bwe Sabata bwapitile, Maliya Magadala, Maliya banyina wakwa Yemusi, na Salome bashitile amafuta aabwema ubuweme ukwinekantu aakuti bayile mukusuba umubili waku Yesu. 2Nomba muluchelo-chelo, pakasuba kakwamba aka Mulungu, bayile kumanda. Pali njilya nshita akasuba nokutula kalitulile. 3Bayile ulo bafumbana bati, “Nga kanshi ukoya kutufumishapo ichibwe pamulyango wamanda ninani?” 4Nomba ulo baloleshe, babwene ichibwe chilikunkulukilepo, (nchi chibwe chali chikulu ukwinekantu.) 5Penkapo bayinjile mumanda, babwene umulumbwana ekele kulubali lwaku mulyo, afwite nelaya ilitubile, nokupapuka balipapukile.
6Umulumbwana ngulya alibebele ati, “Mwipapuka, ndishibile mukofwaya Yesu umwina Nasaleti, uwo basamikile. Alibukile, tamo muno. Boneni napo bamulalikile. 7Nomba kamuya, mukabushe abakusambila bakwe pamo na Petulo, mwati, ‘Yesu alitanjile, ele ku Galili, eko mwakuya kubonana nakwe kubati ifyo amwebele!’”
8Elo abanakashi bafumine mumanda, babutukile ulubilo, bakotutuma nokututuma, pantu chalibapeseshe amano. Elo tabashimikileko nomuntu nangu umo pantu bali nomwenso.
Yesu aboneka kuli Maliya Magadala
(Mat. 28.9-10; Yoh. 20.11-18)
[ 9Ulo Yesu abukile uluchelo-chelo pakasuba kakwamba aka Mulungu, abonekele pakubala kuli Maliya Magadala, uwo afumishemo imipashi iibi isano na ibili. 10Naye ayile kushimikilako abalikwenda na Yesu, bo abayikele nechikonko nokulila. 11Nabo pakumfwa ukuti Yesu ali uwabumi, nokuti Maliya ye abonana nakwe, balikene ukusumina.
Yesu aboneka kubakusambila babili
(Luk. 24.13-35)
12Panuma Yesu abonekele mumusango umbi kubakusambila bambi babili, ulo balikuya mumishi. 13Nomba nabo balibwelelemo nokuya kushimikilako abanabo. Nangu babebele, abanabo balikene ukusumina.
Yesu abonekela kubakusambila ikumi na umo
(Mat. 28.16-20; Luk. 24.36-49; Yoh. 20.19-23; Mil. 1.6-8)
14Panuma Yesu abonekele kubakusambila bakwe ikumi na umo ulo bali pakulya. Alikubebaula pamulandu wakutasumina nokutomfwa kwabo. Pakuti tabasumine ifyo baebelwe kubabalilepo ukubona Yesu ulo abukile kubafwa. 15Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse. 16Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa. 17Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji, 18balikwikata nensoka, nakambi nga banwa umuli ubulembe tabwalokubachitapo nangu chimo iyowo. Bakubika amaboko pabalwele, nabo bakupola.”
Yesu apintwa kumulu
(Luk. 24.50-53; Mil. 1.9-11)
19Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa. 20Nomba abakusambila bakwe balifuminepo nokupalangana, bayile ulo bashimikila konse-konse, na Bashikulu balikupyunga pamo nabo, nokukosha amashiwi abo mufishibilo ifyo balikuchita.]
Currently Selected:
Maliko 16: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Maliko 16
16
Yesu abuka kubafwa
(Mat. 28.1-8; Luk. 24.1-12; Yoh. 20.1-10)
1Ulo ubushiku bwe Sabata bwapitile, Maliya Magadala, Maliya banyina wakwa Yemusi, na Salome bashitile amafuta aabwema ubuweme ukwinekantu aakuti bayile mukusuba umubili waku Yesu. 2Nomba muluchelo-chelo, pakasuba kakwamba aka Mulungu, bayile kumanda. Pali njilya nshita akasuba nokutula kalitulile. 3Bayile ulo bafumbana bati, “Nga kanshi ukoya kutufumishapo ichibwe pamulyango wamanda ninani?” 4Nomba ulo baloleshe, babwene ichibwe chilikunkulukilepo, (nchi chibwe chali chikulu ukwinekantu.) 5Penkapo bayinjile mumanda, babwene umulumbwana ekele kulubali lwaku mulyo, afwite nelaya ilitubile, nokupapuka balipapukile.
6Umulumbwana ngulya alibebele ati, “Mwipapuka, ndishibile mukofwaya Yesu umwina Nasaleti, uwo basamikile. Alibukile, tamo muno. Boneni napo bamulalikile. 7Nomba kamuya, mukabushe abakusambila bakwe pamo na Petulo, mwati, ‘Yesu alitanjile, ele ku Galili, eko mwakuya kubonana nakwe kubati ifyo amwebele!’”
8Elo abanakashi bafumine mumanda, babutukile ulubilo, bakotutuma nokututuma, pantu chalibapeseshe amano. Elo tabashimikileko nomuntu nangu umo pantu bali nomwenso.
Yesu aboneka kuli Maliya Magadala
(Mat. 28.9-10; Yoh. 20.11-18)
[ 9Ulo Yesu abukile uluchelo-chelo pakasuba kakwamba aka Mulungu, abonekele pakubala kuli Maliya Magadala, uwo afumishemo imipashi iibi isano na ibili. 10Naye ayile kushimikilako abalikwenda na Yesu, bo abayikele nechikonko nokulila. 11Nabo pakumfwa ukuti Yesu ali uwabumi, nokuti Maliya ye abonana nakwe, balikene ukusumina.
Yesu aboneka kubakusambila babili
(Luk. 24.13-35)
12Panuma Yesu abonekele mumusango umbi kubakusambila bambi babili, ulo balikuya mumishi. 13Nomba nabo balibwelelemo nokuya kushimikilako abanabo. Nangu babebele, abanabo balikene ukusumina.
Yesu abonekela kubakusambila ikumi na umo
(Mat. 28.16-20; Luk. 24.36-49; Yoh. 20.19-23; Mil. 1.6-8)
14Panuma Yesu abonekele kubakusambila bakwe ikumi na umo ulo bali pakulya. Alikubebaula pamulandu wakutasumina nokutomfwa kwabo. Pakuti tabasumine ifyo baebelwe kubabalilepo ukubona Yesu ulo abukile kubafwa. 15Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse. 16Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa. 17Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji, 18balikwikata nensoka, nakambi nga banwa umuli ubulembe tabwalokubachitapo nangu chimo iyowo. Bakubika amaboko pabalwele, nabo bakupola.”
Yesu apintwa kumulu
(Luk. 24.50-53; Mil. 1.9-11)
19Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa. 20Nomba abakusambila bakwe balifuminepo nokupalangana, bayile ulo bashimikila konse-konse, na Bashikulu balikupyunga pamo nabo, nokukosha amashiwi abo mufishibilo ifyo balikuchita.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.