ລູກາ 12
12
ໄມ້ ຕູ໋ງ ໂຕສ໋ວ ເປີ້ຍ ຕສະ ໂຮຍ້ວ ອຈ໊ວດ
(ເປີ໊ຍ ໝັ່ງ ມັດທາຍ 10:26-27)
1ນ້າຍ ເຕີ໋ຍ ຕສຢັ້ງ ໂຫ່, ມ່າຍ ເຕສ໋ຍ ທສິນ ລ່ານ ມ່ຽນ ຕ້າຍ ຕສຸ໊ນ ໝວັງ ເຢຊູ, ລ່ານ ຢ່າ ທສ້າຍ ຕສຸ ລ່ານ. ເຢຊູ ເຖສົາ ນິ່ນ ເຍີຍ ໄຊ-ກໍ໋ ບົວ ກ໊ອງ ດ່າງ, “ອ໋ອຍ ຕສຸ ໄຝ ຟິມ ຟາລິສີ ມ່ຽນ ເຍີຍ ປີ໊ງ. ເອີ໋ຍ ເລີ໌ຍ ເຊ ນິ່ນ ບົວ ເປີ້ຍ ຕສະ ໂຮຍ້ວ ອຈ໊ວດ. #ມັດທາຍ 16:6; ມາໂຄ 8:15 2ໄມ້ ມ່າຍ ຫາຍ ຫຍູ່ງ ເກມ ຈ໊ຽນ ໄມ້ ຕສຸ ທສວດ ຢ້າງ. ໄມ້ ມ່າຍ ຫາຍ ຫຍູ່ງ ປີ໋ງ ຈ໊ຽນ ມ່ຽນ ໄມ້ ໄຮ່ ຮິ້ວ. #ມາໂຄ 4:22; ລູກາ 8:17 3ເມີ່ຍ ບົວ ຢຽມ ຫຮມວັງ ຕສົງ ກ໊ອງ ເຍີຍ ຫວ່າ, ມ່ຽນ ຢຽມ ອຈັງ ຕສົງ ໄຮ່ ໝວັງ ຕຸ໊ ໄຮ໌. ຢຽມ ວົ້ວ ເກນ ກະຍົ໌ວ ປີ໋ງ ຈ໊ຽນ ກ໊ອງ ເຍີຍ ຫວ່າ-ຊັບ ຢ່າ ອ໋ອຍ ມ່າຍ ມ່ຽນ ຢຽມ ເປຢົ໊າ-ງໍ່ #12:3 ນິ່ນ ບົວ ເຍີຍ ເປຢົ໊າ-ງໍ່ ແປ້ງ ເຍີຍ. ຕສຸ້ນ ບົ໋ວ ມ່ຽນ.
ບົວ ຫອບ ຕສຸ ກ້ຳ ເດສ໋ຍ ຫາຍ ເຕົ້າ
(ເປີ໊ຍ ໝັ່ງ ມັດທາຍ 10:28-31)
4“ເຢຍ ເຍີຍ ກໍ໋-ໂຢ໌ວ ອ່າ, ເຢຍ ບົ໋ວ ເມີ່ຍ ບົວ, ເມີ່ຍ ບົວ ໄມ້ ຕູ໋ງ ກ້ຳ ເດສ໋ຍ ຂູງ ໄຮ່ ໄຕ໋ ບົວ ເຍີຍ ຊິນ ວົ້ວ ເຕີ໋ຍ, ອກະຮ້າ ໄມ້ ໄຮ່ ໂຕສ໋ວ ຫາຍ ຫຍູ່ງ ຫ່ອຍ. 5ເຢຍ ອ໋ອຍ ຕົ໊ນ ເມີ່ຍ ບົວ, ປຸນ ເມີ່ຍ ບົວ ຮິ້ວ ຕຸ໊ ອ໋ອຍ ຕສຸ ກ້ຳ ເດສ໋ຍ ຫາຍ ເຕົ້າ. ອ໋ອຍ ຕສຸ ກ້ຳ ເດສ໋ຍ ທິນ-ຮູ່ງ. ນິ່ນ ໄຕ໋ ລິ໌ວ ມ່ຽນ, ຖສໍ່ ມ່າຍ ຫລີ່ງ ຕສອຍ ເອຈ່ຍ ເຕີ່ຍ ຫຍົວະ. ເຢຍ ບົ໋ວ ເມີ່ຍ ບົວ, ຕສະເກ້ງ ອ໋ອຍ ຕສຸ ກ້ຳ ເດສ໋ຍ ທິນ-ຮູ່ງ. 6ປຢາ ນອມ ເໜາະ ເໝີຍ ໝ່າຍ ຕຸ໊ ອີ ນອມ ຕົ້ງ ຕສິ້ນ ຮນັ້ງ ໄມ້ ເຕສີ໌ຍ? ມປ່າ ທິນ-ຮູ່ງ ຖສໍ່ ໄມ້ ຫລະຄຸ ຢຽດ ນອມ ນ້າຍ ເຕີ໋ຍ ເໜາະ ເໝີຍ. 7ລ່ຽມ ເມີ່ຍ ບົວ ເຍີຍ ບະເປຢີຍ ຕສູ໊ງ ຊ້າວ ເດສ່ງ ໝີ່ ອ໊ະ. ຮນັ້ງ ໜ່າຍ ໄມ້ ຕູ໋ງ ກ້ຳ ເດສ໋ຍ. ເມີ່ຍ ບົວ ຕສູ໊ງ ເກົ້າ ຈ໋າຍ ເຈ໋ຍ ເໜາະ ເໝີຍ ທສ້ຳ.
ຕອງ ຕສວັ໋ງ ຫຍ່ຽມ ເຢຊູ
(ເປີ໊ຍ ໝັ່ງ ມັດທາຍ 10:32-33; 12:32; 10:19-20)
8“ເຢຍ ບົ໋ວ ເມີ່ຍ ບົວ, ຫາຍ ເຕົ້າ ຕອງ ຕສວັ໋ງ ຫຍ່ຽມ ເຢຍ, ເຢຍ ປ້າມ ມ່ຽນ ເຍີຍ ຕອນ, ຕສ່ຽວ ຢຽມ ທິນ-ຮູ່ງ ເຍີຍ ຟິນ-ມ່ຽນ ເຍີຍ ດສະຮມຽນ ຫຍ່ຽມ ວົ້ວ ເຕົ້າ. 9ມປ່າ ຫາຍ ເຕົ້າ ໄມ້ ຕອງ ຕສວັ໋ງ ຫຍ່ຽມ ເຢຍ, ເຢຍ, ປ້າມ ມ່ຽນ ເຍີຍ ຕອນ, ຢຽມ ທິນ-ຮູ່ງ ເຍີຍ ຟິນ-ມ່ຽນ ເຍີຍ ດສະຮມຽນ ໄມ້ ຫຍ່ຽມ ວົ້ວ ເຕົ້າ ອ໊ະ.
10“ຫາຍ ເຕົ້າ ກ໊ອງ ໂຕະ ເຢຍ, ປ້າມ ມ່ຽນ ເຍີຍ ຕອນ, ທິນ-ຮູ່ງ ໄຮ່ ກວັ່ງ ວົ້ວ ເຕົ້າ ເຍີຍ ຕສຸ໌ຍ. ມປ່າ ຫາຍ ເຕົ້າ ກ໊ອງ ໂຕະ ສີງ ລີ່ງ, ທິນ-ຮູ່ງ ໄມ້ ກວັ່ງ ວົ້ວ ເຕົ້າ ເຍີຍ ຕສຸ໌ຍ. #ມັດທາຍ 12:32; ມາໂຄ 3:29
11“ນິ່ນ ບົວ ຕໍ້ ເມີ່ຍ ບົວ ມີ່ງ ເຖົາ ຫວຸ່ຍ ຕ້ອງ, ໄຟ ຈຽນ-ໂຟ້ວ, ໄຟ ມ່າຍ ຫລີ່ງ ເຍີຍ ມ່ຽນ, ເມີ່ຍ ບົວ ໄມ້ ຕູ໋ງ ເດສົ້າ ອ໋ອຍ ຕສຸ ຮນັ້ງ ຫາຍ ນໍ ເຕົາ, ຮນັ້ງ ຫາຍ ນໍ ກ໊ອງ. #ມັດທາຍ 10:19-20; ມາໂຄ 13:11; ລູກາ 21:14-15 12ເຖົາ ວົ້ວ ນອມ ຕສຢັ້ງ ໂຫ່ ສີງ ລີ່ງ ອ໋ອຍ ອຈ໋າວ ເມີ່ຍ ບົວ ຮິ້ວ ຕຸ໊ ຮນັ້ງ ຫາຍ ນໍ ກ໊ອງ.”
ປຸ໊ດ-ຕສ້ອຍ ມ່ຽນ ຫຮງົງ ເຍີຍ
13ຢຽມ ວົ້ວ ກວັ້ນ ມ່ຽນ ມ່າຍ ລ່ານ ມ່ຽນ ກ໊ອງ ບົ໋ວ ເຢຊູ, “ຟິນ-ແຊງ ອ່າ, ໂທ້ ບົ໋ວ ເຢຍ ເຍີຍ ກໍ໋ ເຕສ໊າະ ເຢຍ ເຍີຍ ເຕຍ ພ້າຍ ປຸນ ເຢຍ ເຍີຍ ປ່ວນ ຈາ-ຕີ້ງ ປຸນ ເຢຍ ໂອ່.”
14ເຢຊູ ເຕົາ ນິ່ນ, “ໂຢ໌ວ ອ້າ! ຫາຍ ເຕົ້າ ອອນ ເຢຍ ໂຕສ໋ວ ປຸນ-ຕສອງ ມ່ຽນ, ເຕສ໊າະ ເມີ່ຍ ບົວ ເຍີຍ ຈາ-ຕີ້ງ ກະນ້າຍ ປຸນ ອກອຍ?” 15ເຢຊູ ກ໊ອງ ບົ໋ວ ຕສວັ໋ງ ມ່ຽນ, “ອ໋ອຍ ຕສຸ ໄຝ ຟິມ. ໄມ້ ຕູ໋ງ ໂຕສ໋ວ ໂຮຍ້ວ ໂຮລ ເມົ້າ ຫາຍ ຫຍູ່ງ. ໄມ້ ກຸ໊ນ ດົ່ງ ຫາຍ ປຸ໊ດ ຕສ້ອຍ, ຕສຽນ ແໝ່ງ ໄມ້ ເຕສີ໌ຍ ຢຽມ ນ້າຍ ເຕີ໋ຍ ກະນ້າຍ.”
16ເຢຊູ ຕສ່ຽວ ກ໊ອງ ນ້າຍ ຕິ້ວ ຫວ່າ-ເປີ໊ຍ ບົ໋ວ ນິ່ນ ບົວ. “ມ່າຍ ເຕົ້າ ປຸ໊ດ-ຕສ້ອຍ ມ່ຽນ ມ່າຍ ລີ່ງ ເຕີ່ຍ ຫລົງ ໄຫ່, ຕສວັ໋ງ ຕຸ໊ ກະນ້າຍ ທສ້ຳ. 17ນ້າຍ ເຕົ້າ ປຸ໊ດ-ຕສ້ອຍ ມ່ຽນ ຮນ້ຳ ຕ້າຍ, ‘ອ໋ອຍ ຕສຸ ຮນັ້ງ ຫາຍ ນໍ ໂຕສ໋ວ ມເປີຍ? ເຢຍ ຊຽວ ຕ້າຍ ເຍີຍ ກະນ້າຍ ເຢຍ ໄມ້ ມ່າຍ ຕ໋ອງ ຕັ໊ບ ຕຸ໊ ເອຈ່ຍ.’ 18ນິ່ນ ແອ໋ງ ຮນ້ຳ ທສວດ, ‘ອາ, ເຢຍ ອ໋ອຍ ຕສຸ ແທສະ ອກອຍ ເຢຍ ເຍີຍ ໂລ໌-ລ໌ຳ, ແອ໋ງ ກັ້ນ ໂຕສ໋ວ ເກົ້າ ໂຮລ, ຕສ່ຽວ ເຕສ໊າະ ເຢຍ ເຍີຍ ລ່າງ ຕສິ ເຖສົາ ຢຽດ ຕສູ໊ງ ຊຽວ ຕ້າຍ ເຍີຍ ກະນ້າຍ ຕັ໊ບ ຈ໊ຽນ.’ 19ນິ່ນ ແອ໋ງ ຮນ້ຳ ຕ້າຍ, ‘ອາ, ເຢຍ ແໝ່ງ ຫລົງ ໄຫ່ ອ໊ະ. ຫຍູ່ງໆ ຫລົງ ເຍີຍ ກະນ້າຍ ເຢຍ ມ່າຍ ເກົ໋າ ຫຍັ່ນ ເກົ໋າ ຮົບ ເຕສ໋ຍ ຫຮຍັງ. ເຢຍ ຂູງ ເປວີ໋ຍ ຈ໊ຽນ ຫຍັ່ນ, ເປວີ໋ຍ ຈ໊ຽນ ຮົບ, ອຈຽນ-ໂຢ້ວ ອະດສຢ່າວ ຮນັ້ງ.’
20“ມປ່າ ທິນ-ຮູ່ງ ກ໊ອງ ບົ໋ວ ນິ່ນ, ‘ກະນ້າຍ-ຫຮງົງ ອ້າ! ອີ້ ມ໌ວນ ເມີ່ຍ ອ໋ອຍ ຕສຸ ໄຕ່ ອ໊ະ. ເມີ່ຍ ຊຽວ ຕ້າຍ ລ່ຽວ ເມີ່ຍ ກັ້ນ ຫລົ່ງ ເຍີຍ ກະນ້າຍ, ນ້າຍ ດສຸ່ນ ອ໋ອຍ ເປ໋ນ ຫາຍ ເຕົ້າ ເຍີຍ?’”
21ເຢຊູ ແອ໋ງ ກ໊ອງ ເຊດ ເມວີ໌ຍ ຫວ່າ, “ຫາຍ ເຕົ້າ ຂູງ ອ໋ອຍ ຊຽວ ຈ໊ຽນ ກະນ້າຍ ທສ້ຳ ລ່ຽວ ນິ່ນ ກັ້ນ ຫລົ່ງ, ເຊ ຮນັ້ງ ວົ້ວ ເຕົ້າ ປຸ໊ດ ຕສ້ອຍ ເຍີຍ ມ່ຽນ ຫຮງົງ ມ່ຽນ ນໍ. ເອີຍ ທິນ-ຮູ່ງ ໝັ່ງ, ນິ່ນ ເຊ ມ່ຽນ ຈົ່ມ ມ່ຽນ.”
ໄມ້ ຕູ໋ງ ຂວນ ໂຮຍ້ວ ເສີຍ ຕສັ່ງ ເຍີຍ ເຈົ໊າ
(ເປີ໊ຍ ໝັ່ງ ມັດທາຍ 6:25-34)
22ເຢຊູ ແອ໋ງ ບົ໋ວ ນິ່ນ ເຍີຍ ໄຊ-ກໍ໋, “ຮນັ້ງ ໜ່າຍ ເຢຍ ບົ໋ວ ເມີ່ຍ ບົວ, ໄມ້ ຕູ໋ງ ເຫວີ່ຍ ຢູ໌ງ ແໝ່ງ ເຍີຍ ຫຍັ່ນ ຮົບ ຂວນ ໂຮຍ້ວ. ຢ່າ ໄມ້ ຕູ໋ງ ເຫວີ່ຍ ຊິນ ຕສັ່ງ ເຍີຍ ລຸຍ-ໂຫວ ຂວນ ໂຮຍ້ວ. 23ແໝ່ງ ເກົ້າ ຈ໋າຍ ເຈ໋ຍ ຫຍັ່ນ ຮົບ. ຊິນ ຢ່າ ເກົ້າ ຈ໋າຍ ເຈ໋ຍ ລຸຍ-ໂຫວ. 24ຮນ້ຳ ໝັ່ງ ກ໋າ, ເໜາະ ອາ! ນິ່ນ ບົວ ໄມ້ ຕສວັ໋ງ ຢ່າ ໄມ້ ຊຽວ. ນິ່ນ ບົວ ໄມ້ ມ່າຍ ບາດ ຢ່າ ໄມ້ ມ່າຍ ລ໌ຳ. ມປ່າ ທິນ-ຮູ່ງ ຫວຸຍ ນິ່ນ ບົວ. ເມີ່ຍ ບົວ ຕສູ໊ງ ເກົ້າ ຈ໋າຍ ເຈ໋ຍ ເໜາະ. 25ເມີ່ຍ ບົວ ຫາຍ ເຕົ້າ ຫລາຍ ຂວນ ໂຮຍ້ວ ໄຮ່ ເປ໊າະ ຕຸ໊ ແໝ່ງ ດ໊າວ ເຕີ໋ຍ? #12:25 ໄຟ “ໄຮ່ ປຸນ ຊິນ ເກົ້າ ຮລັງ ເຕີ໋ຍ?” 26ດົ່ງ ນ້າຍ ໄຝ ເຍີຍ ສີ່ ເມີ່ຍ ບົວ ຕສູ໊ງ ໄມ້ ໄຮ່ ໂຕສ໋ວ, ເມີ່ຍ ບົວ ຖສໍ່ ຂວນ ໂຮຍ້ວ ຕະເຫຍີ່ຍ ຫຍູ່ງ ໂຕສ໋ວ ຫາຍ ຫຍູ່ງ?”
27ຮນ້ຳ ໝັ່ງ ກ໋າ, ແປະ ເຫາະ ປຢັ້ງ ຮນັ້ງ ຫາຍ ນໍ ຕສຢັ້ງ! ປຢັ້ງ ໄມ້ ໂຕສ໋ວ ກົງ ຢ່າ ໄມ້ ແປງ ສຸຍ ດັ໊ດ ເດຍ, ມປ່າ ເຢຍ ບົ໋ວ ເມີ່ຍ ບົວ, ລ່ຽມ ຊາໂລມອນ ຮູ່ງ ດົ່ງ ໜ່າຍ ປຸ໊ດ ຕສ້ອຍ ຢ່າ ໄມ້ ມ່າຍ ຕສອງ-ຕສຸ໊ ດົ່ງ ຢຽດ ຕໍ໊ ນ້າຍ ເຕີ໋ຍ ປຢັ້ງ ເດສວີ່ຍ. #1 ຮູ່ງ ໂຕ້ວ 10:4-7; 2 ຕສຸ້ນ ຕ່ອຍ ໂຕ້ວ 9:3-6 28ຫລົ່ມ ເຍີຍ ເມ້ຍ ອີ້ ຮນອຍ ຕສຢັ້ງ, ອຈັງ ຮນອຍ ໂຄວ ອກາຍ ຕສຸ ໂຕ໌ວ ປົ໊ວ, ມປ່າ ທິນ-ຮູ່ງ ຕສອງ ເມ້ຍ ເດສວີ່ຍ. ຮນັ້ງ ໜ່າຍ, ທິນ-ຮູ່ງ ຕສູ໊ງ ເກົ້າ ອ໋ອຍ ຕສອງ ເມີ່ຍ ບົວ. ເມີ່ຍ ບົວ ສຽນ ຕຸ໊ ເຮີຍ ໄຫ່ ເວ່ະ!
29“ເມີ່ຍ ບົວ ໄມ້ ຕູ໋ງ ຕສັ່ນໆ ເດສົ້າ ຈ໊ຽນ ອ໋ອຍ ຕສຸ ຫຍັ່ນ ອ໋ອຍ ຕສຸ ຮົບ ຫາຍ ຫຍູ່ງ, ຢ່າ ໄມ້ ຕູ໋ງ ຂວນ ໂຮຍ້ວ. 30ລູ່ງ ເດ໊ຍ ໝ່ານ ຝີງ, ໄມ້ ສຽນ ທິນ-ຮູ່ງ ເຍີຍ ມ່ຽນ, ຕສັ່ນໆ ລໍ໌ ນ້າຍ ເຕີ໋ຍ ກະນ້າຍ. ເມີ່ຍ ບົວ ເຍີຍ ຕສັ່ງ ເຕ໋ຍ ຮິ້ວ ຕຸ໊ ເມີ່ຍ ບົວ ຖຈຽມ ຕສຸ ຫລົ່ງ ນ້າຍ ເຕີ໋ຍ ກະນ້າຍ. 31ອ໋ອຍ ຕສຸ ປຸນ ທິນ-ຮູ່ງ ໂຕສ໋ວ ເມີ່ຍ ບົວ ເຍີຍ ຕສ໊ຽວ ກຸ໊ນ ເມີ່ຍ ບົວ, ນ້າຍ ເຕີ໋ຍ ຢຽດ ຕສູ໊ງ ກະນ້າຍ ນິ່ນ ຕສ່ຽວ ຈາ ທິບ ປຸນ ເມີ່ຍ ບົວ.
ຊຽວ ຈ໋າຍ ເຍີຍ ກະນ້າຍ ຢຽມ ທິນ-ຕ້ອງ
(ເປີ໊ຍ ໝັ່ງ ມັດທາຍ 6:19-21)
32“ເມີ່ຍ ບົວ ນ້າຍ ກວັ້ນ ໂຕສະ ເຍີຍ ມ່ຽນ ອ້າ! ໄມ້ ຕູ໋ງ ກ້ຳ ເດສ໋ຍ ໂອ່. ເມີ່ຍ ບົວ ເຍີຍ ຕສັ່ງ ເຕ໋ຍ ອະເຮນີ້ຍ ເຕສ໊າະ ນິ່ນ ເຍີຍ ກົ໊ວະ ປຸນ ເມີ່ຍ ບົວ. 33ອ໋ອຍ ຕສຸ ໝ່າຍ ເດສ່ງ ເມີ່ຍ ບົວ ເຍີຍ ຈາ-ຕີ້ງ ແອ໋ງ ທສວດ ຟິມ ເຖງ ມ່ຽນ ຈົ່ມ ມ່ຽນ. ອ໋ອຍ ຕສຸ ລໍ໌ ຢຽດ ລິ໌ວ ໄມ້ ໄຮ່ ຫວ່າຍ ເຍີຍ ຍ່ານ ບົວະ ຕັ໊ບ ຈ໋າຍ ເຍີຍ ກະນ້າຍ ຊຽວ ວົ້ວ ທິນ-ຕ້ອງ. ຢຽມ ວົ້ວ, ນ້າຍ ເຕີ໋ຍ ກະນ້າຍ ໄມ້ ໄຮ່ ຕສິດ, ຈັ໋ນ-ຕສະ ໄມ້ ໄຮ່ ເປ໊ດ ເປັຍ ມີ່ງ ໜິ່ມ, ແກງ ຢ່າ ໄມ້ ໄຮ່ ຫງາດ ຫວ່າຍ. 34ເມີ່ຍ ບົວ ຊຽວ ຈ໋າຍ ເຍີຍ ກະນ້າຍ ຢຽມ ຫາຍ ນອມ ຕ໋ອງ, ເມີ່ຍ ບົວ ເຍີຍ ໂຮຍ້ວ ຫາຍ ຕສັ່ນ ຢ່າ ຈັ໋ງ ຈ໊ຽນ ວົ້ວ ອ໊ະ.
ໂປວ ກີງ ໂຮຍ້ວ ຕສົ໊ວ ຕສ໊ຽວ ດສ໋ວນ
35“ເມີ່ຍ ບົວ ອ໋ອຍ ຕສຸ ຫລິ່ວ ເລີ໌ຍ ຕສຢັ໋ງ ຕສອງ ຈ໊ຽນ ຢ່າ ຕ໊ຽມ ເຕສັຍ ຕັງ ຕສົ໊ວ ຈ໊ຽນ, #ມັດທາຍ 25:1-13 36ຮນັ້ງ ໂປວ ຕສົ໊ວ ຈ໊ຽນ ນິ່ນ ບົວ ເຍີຍ ຕສ໊ຽວ ມີ່ງ ທສີງ-ຈາ-ຢິ້ນ ດສ໋ວນ ນໍ. ເຖົາ ເປຢົ໊າ-ຕສ໊ຽວ ເຫ່ວ, ໂປວ ບົວ ຕສ່ຽວ ລ່ຽມ ເຕສີ້ຍ ຄອຍ ແກ້ງ. #ມາໂຄ 13:34-36 37ຕສ໊ຽວ ດສ໋ວນ ຕ້າຍ ປວັດ ໂປວ ຮນັ້ງ ນ້າຍ ກີງ ໂຮຍ້ວ ຕສົ໊ວ ຈ໊ຽນ, ໂປວ ຕສ່ຽວ ມ່າຍ ອຈຽນ-ໂຢ້ວ ອ໊ະ. ເຢຍ ບົ໋ວ ເມີ່ຍ ບົວ, ຕສ໊ຽວ ອ໋ອຍ ເຫ່ວ ນິ່ນ ເຍີຍ ໂປວ ບົວ ເຕສວີ໌ຍ ຈ໊ຽນ ຫຍັ່ນ ຫຮນາງ, ນິ່ນ ກັ້ນ ຕສ່ຽວ ອຈຸ່ນ ຈ໊ຽນ ລຸຍ-ເມວີ໌ຍ ຫລິ່ວ ເລີ໌ຍ ໂປວ ບົວ. 38ໄມ້ ກຸ໊ນ ວົ້ວ ເຕົ້າ ຕສ໊ຽວ ດ໊າມ ມ໌ວນ ໄຟ ດ໊າມ ມ໌ວນ ເຈ໋ຍ ດສ໋ວນ ຕ້າຍ, ເຊ ກ໊ອງ ປວັດ ໂປວ ບົວ ຖສໍ່ ກີງ ໂຮຍ້ວ ຕສົ໊ວ ຈ໊ຽນ ເຍີຍ, ວົ້ວ ເຕີ໋ຍ ໂປວ ຕສ່ຽວ ຕຸ໊ ອຈຽນ-ໂຢ້ວ ອ໊ະ.
39“ນ້າຍ ເມີ່ຍ ບົວ ຮິ້ວ ຕຸ໊ ເຍີຍ. ເຊ ກ໊ອງ ເປຢົ໊າ-ຕສ໊ຽວ ຮິ້ວ ຕຸ໊ ຈັ໋ນ-ຕສະ ຫາຍ ນອມ ຕສຢັ້ງ ໂຫ່ ອ໋ອຍ ຕ້າຍ, ນິ່ນ ຕສ່ຽວ ຕສົ໊ວ ຈ໊ຽນ ໄມ້ ປຸນ ຈັ໋ນ-ຕສະ ເປັຍ ເປຢົ໊າ. #ມັດທາຍ 24:43-44 40ເມີ່ຍ ບົວ ຢ່າ ອ໋ອຍ ຕສຸ ຫລິ່ວ ເລີ໌ຍ ຕສຢັ໋ງ ຕສັ່ນໆ ຕສົ໊ວ ຈ໊ຽນ, ເຫວີ່ຍ ຕສຸ ເມີ່ຍ ບົວ ຈັ໋ງ ໄມ້ ຕສ່າຍ ເຍີຍ ຕສຢັ້ງ ໂຫ່ ເຢຍ, ປ້າມ ມ່ຽນ ເຍີຍ ຕອນ, ຕສ່ຽວ ເຖົາ ອ໊ະ.”
ໂຮຍ້ວ ຕສີ໋ງ ເຍີຍ ໂປວ ເຖສົາ ໂຮຍ້ວ ໄມ້ ຕສີ໋ງ ເຍີຍ ໂປວ
(ເປີ໊ຍ ໝັ່ງ ມັດທາຍ 24:45-51)
41ປີເຕ ໜ່າຍ ກ໋າ, “ຕສ໊ຽວ ອ້າ! ນ້າຍ ຕິ້ວ ຫວ່າ-ເປີ໊ຍ ກ໊ອງ ປຸນ ເຢຍ ບົວ ໄຟ ກ໊ອງ ປຸນ ຕສວັ໋ງ ມ່ຽນ?”
42ຕສ໊ຽວ ເຕົາ, “ຫາຍ ເຕົ້າ ໂຕສ໋ວ ໂຮຍ້ວ ຕສີ໋ງ, ທສົງ-ເມ່ງ ເຍີຍ ໂປວ, ຕົ້ງ ເປຢົ໊າ-ຕສ໊ຽວ ອ໋ອຍ ພ້າຍ ໂກ໋ວ ນິ່ນ ເຍີຍ ເປຢົ໊າ ຢ່າ ຕສິ໋ວ ຕສຢັ້ງ ໂຫ່ ເຕສ໊າະ ຫອບ ຕສຸ ຕຸ໊ ເຍີຍ ປ່ວນ ຫຍັ່ນ ຮົບ ປຸນ ໂປວ ບົວ? 43ຕສ໊ຽວ ດສ໋ວນ ຕ້າຍ ປວັດ ນ້າຍ ເຕົ້າ ໂປວ ໂຕສ໋ວ ຕຸ໊ ຕສີ໋ງ, ໂປວ ຕສ່ຽວ ອຈຽນ-ໂຢ້ວ ອ໊ະ. 44ເຢຍ ບົ໋ວ ຕສຽນ ເມີ່ຍ ບົວ, ຕສ໊ຽວ ອ໋ອຍ ປຸນ ນ້າຍ ເຕົ້າ ໂປວ ໂກ໋ວ ເດສ່ງ ນິ່ນ ເຍີຍ ຢຽດ ຕສູ໊ງ ຈາ-ຕີ້ງ. 45ມປ່າ ເຊ ກ໊ອງ ວົ້ວ ເຕົ້າ ໂປວ ຢຽມ ໂຮຍ້ວ ຮນ້ຳ, ‘ອາ, ເຢຍ ເຍີຍ ຕສ໊ຽວ ໄມ້ ແກ້ງ ດສ໋ວນ ຊຽບ,’ ນິ່ນ ຕສ່ຽວ ຕົ໌ງ ຊິນ ເບ໊າະ ມຈັ່ງ ໂປວ ມເຊັຍ ໂປວ ຢ່າ ຫຍັ່ນ ເປ໊ວ ຮົບ ອກວິນ. 46ໂປວ ຈັ໋ງ ໄມ້ ຕສ່າຍ ເຍີຍ ຮນອຍ, ຈັ໋ງ ໄມ້ ຕສ່າຍ ເຍີຍ ຕສຢັ້ງ ໂຫ່, ນິ່ນ ເຍີຍ ຕສ໊ຽວ ຕສ່ຽວ ດສ໋ວນ ຕ້າຍ ອ໊ະ. ຕສ໊ຽວ ອ໋ອຍ ຕີ່ງ ນິ່ນ ເຍີຍ ຕສຸ໌ຍ ເຮນ້ຍ ເຍີຍ. #12:46 ມ່າຍ ເຕີ໋ຍ ໂຊວ ກ໊ອງ ຮງະ ໂຕສ໋ວ ເຕສ໋ຍ ເຕີ໋ຍ. ຢ່າ ຕສຸ່ນ ນິ່ນ ມີ່ງ ເຖສົາ ໄມ້ ສຽນ ເຍີຍ ມ່ຽນ ຢຽມ.
47“ຫາຍ ເຕົ້າ ໂປວ ຮິ້ວ ຕຸ໊ ນິ່ນ ເຍີຍ ຕສ໊ຽວ ອ໋ອຍ ນິ່ນ ຮນັ້ງ ຫາຍ ນໍ ໂຕສ໋ວ, ນິ່ນ ຢ່າ ໄມ້ ຫລິ່ວ ເລີ໌ຍ ຢ່າ ໄມ້ ເອີຍ ຈ໊ຽນ ໂຕສ໋ວ, ວົ້ວ ເຕົ້າ ຕສຸ ເບ໊າະ ເກົ້າ ທສ້ຳ. 48ຫາຍ ເຕົ້າ ໂປວ ໄມ້ ຮິ້ວ ຕຸ໊ ຕສ໊ຽວ ອ໋ອຍ ນິ່ນ ຮນັ້ງ ຫາຍ ນໍ ໂຕສ໋ວ, ນິ່ນ ໂຕສ໋ວ ລິ໌ວ ເຍີຍ ສີ່ ຫອບ ຕສຸ ເບ໊າະ ເຍີຍ ມປ່າ ຕສຸ ເບ໊າະ ໂຕສະ. ຫາຍ ເຕົ້າ ຕຸ໊ ທສ້ຳ, ວົ້ວ ເຕົ້າ ອ໋ອຍ ຕສຸ ທສວດ ທສ້ຳ. ຈິວ ປຸນ ຫາຍ ເຕົ້າ ຕສິ໊ບ ທສ້ຳ, ວົ້ວ ເຕົ້າ ອ໋ອຍ ຕສຸ ທສວດ ເກົ້າ ທສ້ຳ.”
ມ່ຽນ ຫລາຍ ເຢຊູ ປຸນ ອກອຍ
(ເປີ໊ຍ ໝັ່ງ ມັດທາຍ 10:34-36)
49“ເຢຍ ຕ້າຍ ເຫວີ່ຍ ອ໋ອຍ ປຸນ ໂຕ໌ວ ເຕສັຍ ປ້າມ ເກນ. ເຝີຍ ຕຸ໊ ອີ້ ຕສັ່ນ ເຕສັຍ ຈ໊ຽນ ອ໊ະ ໄມ້ ເຕສີຍ! 50ມປ່າ ເຢຍ ເຝີຍ-ຫຍູ່ງ ຕສູ໊ງ ອ໋ອຍ ຕສຸ ສ່ຽວ ໂຄ້ວ #12:50 ກີກ ຫວ່າ ກ໊ອງ ເຈ໋ຍ ຫຍູ່ງ ເລີ໌ຍ. ດ່າງ. ໄມ້ ແກ້ງ ເຈ໋ຍ ວົ້ວ ເຕີ໋ຍ ສ່ຽວ ໂຄ້ວ ເຍີຍ ຮນອຍ ເຢຍ ໄຮ໌ ໂຮຍ້ວ ໄມ້ ເຮ່ນ ຢຽດ ເຕີ໋ຍ. #ມາໂຄ 10:38 51ເມີ່ຍ ບົວ ຮນ້ຳ ເຢຍ ຕ້າຍ ປຸນ ປ້າມ ເກນ ຖາຍ-ແປ້ງ ໄຟ? ໄມ້ ເຕສີ໌ຍ. ເຢຍ ບົ໋ວ ເມີ່ຍ ບົວ, ເຢຍ ຕ້າຍ ໂຕສ໋ວ ປຸນ ມ່ຽນ ປຸນ ອກອຍ. 52ຢຽມ ນ້າຍ ມີ່ງ, ຢຽດ ປ່ວນ ມ່ຽນ ມ່າຍ ປຢາ ລ່ານ ມປ່າ ອ໋ອຍ ຕສຸ ປຸນ ອກອຍ. ປົວ ລ່ານ ເຖສົາ ອີ ລ່ານ ປຸນ ອກອຍ. ອີ ລ່ານ ເຖສົາ ປົວ ລ່ານ ປຸນ ອກອຍ. 53ເຕຍ ເຖສົາ ຕອນ, ຕອນ ເຖສົາ ເຕຍ ຢ່າ ປຸນ ອກອຍ. ມາ ເຖສົາ ເຊັຍ, ເຊັຍ ເຖສົາ ມາ ປຸນ ອກອຍ. ມາ-ປົ່ວ ເຖສົາ ບວັ໌ງ, ບວັ໌ງ ເຖສົາ ມາ-ປົ່ວ ຢ່າ ປຸນ ອກອຍ.” #ມີຄາ 7:6
ສຳ ໄມ້ ທສວດ ອີ້ ຈ໋າ ເຍີຍ ສີ່
(ເປີ໊ຍ ໝັ່ງ ມັດທາຍ 16:2-3)
54ເຢຊູ ຢ່າ ກ໊ອງ ບົ໋ວ ຕສວັ໋ງ ມ່ຽນ, “ເມີ່ຍ ບົວ ປວັດ ໄຟ ປູງ ແໝງ ຝາວ ຕໍ໊ ບ໋ວນ ເມີ່ຍ ບົວ ຕສ່ຽວ ກ໊ອງ, ‘ອ໋ອຍ ຕຸ້ຍ ບຢູ່ງ ອ໊ະ,’ ຢ່າ ຕສະເກ້ງ ຮນັ້ງ ໜ່າຍ. 55ເມີ່ຍ ບົວ ໄຮ໌ ດສຢ໋າວ ຢຽມ ນ່າມ ປູງ ແໝງ ປ່ວນ ຕ້າຍ, ເມີ່ຍ ບົວ ກ໊ອງ, ‘ອ໋ອຍ ຢົ໊ວະ ອ໊ະ,’ ຢ່າ ຕສະເກ້ງ ຢົ໊ວະ. 56ເປີ້ຍ ຕສະ ໂຮຍ້ວ ອຈ໊ວດ ເຍີຍ ມ່ຽນ ອ້າ! ເມີ່ຍ ບົວ ໄຮ່ ສຳ ລູ່ງ ສຳ ເດົາ ເຍີຍ ເຊດ ເຕສີ໊ຍ. ເຫວີ່ຍ ຫາຍ ຕິ່ວ ສຳ ໄມ້ ທສວດ ອີ້ ຈ໋າ ເຍີຍ ສີ່?
ອ໋ອຍ ຕສຸ ຈາ-ດ່າງ ກ໊ອງ ຊູງ
(ເປີ໊ຍ ໝັ່ງ ມັດທາຍ 5:25-26)
57“ເມີ່ຍ ບົວ ກັ້ນ ເຫວີ່ຍ ຫາຍ ຕິ່ວ ໄມ້ ໄຮ່ ຕີ່ງ ຫາຍ ຫຍູ່ງ ເຊ ຫອບ ໄຟ ໄມ້ ຫອບ? 58ເຊ ກ໊ອງ ມ່າຍ ເຕົ້າ ມ່ຽນ ໂກ໋ ເມີ່ຍ, ອ໋ອຍ ຕໍ້ ເມີ່ຍ ມີ່ງ ເບ່ນ ສີ່ ມ່ຽນ ວົ້ວ, ຢຽມ ດ໊າມ-ເຈົ໊າ ເມີ່ຍ ອ໋ອຍ ຕສຸ ເຖສົາ ນິ່ນ ກ໊ອງ ຊູງ. ໄມ້ ເຕສີຍ ນໍ, ນິ່ນ ອ໋ອຍ ທໍ ເມີ່ຍ ມີ່ງ ຊ້ຽມ ຕສຸ໌ຍ ຈຽນ ວົ້ວ. ຊ້ຽມ ຕສຸ໌ຍ ຈຽນ ອ໋ອຍ ເຕສ໊າະ ເມີ່ຍ ຈິວ ປຸນ ຮູ່ງ ແປງ. ຮູ່ງ ແປງ ຕສ່ຽວ ຕໍ້ ເມີ່ຍ ມີ່ງ ຫວວນ ຈ໊ຽນ ໂລ່. 59ເຢຍ ບົ໋ວ ເມີ່ຍ ບົວ, ເມີ່ຍ ອ໋ອຍ ຕສຸ ຫວວນ ຈ໊ຽນ ໂລ່ ເຖົາ ຝຸນ ຊູງ ເດສ່ງ, ໄມ້ ທສາ ຢຽດ ນອມ ຕົ້ງ ຕສິ້ນ ເຍີຍ ແຕສ໊ະ ຖສີງ ຕ້າຍ ຕຸ໊ ທສວດ.”
Currently Selected:
ລູກາ 12: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
