ລູກາ 14
14
ເຢຊູ ຕສໍ່ ເຕົ້າ ປຸ໊ດ-ແປ່ງ ມ່ຽນ
1ມ່າຍ ນອມ ຕີ້ງ ກົງ ຮນອຍ, ເຢຊູ ມີ່ງ ເຕົ້າ ໂຕສ໋ວ ໂຮລ ເຍີຍ ຟາລິສີ ມ່ຽນ ເຍີຍ ເປຢົ໊າ ຫຍັ່ນ ຫຮນາງ. ມ່ຽນ ຢ່າ ຫລົງໆ ເຍີຍ ໝັ່ງ ຈ໊ຽນ ນິ່ນ. 2ມ່າຍ ເຕົ້າ ມ່ຽນ ປຸ໊ດ ແປ່ງ-ໂຟ່ວ ຕ້າຍ ລໍ໌ ເຢຊູ. 3ເຢຊູ ໜ່າຍ ກ໋າ ຟາລິສີ ມ່ຽນ ເຖສົາ ອຈ໋າວ ເລີ໌ຍ ເຍີຍ ຟິນ-ແຊງ, “ຫລົ່ງ ຕີ້ງ ກົງ ຮນອຍ ຕສໍ່ ແປ່ງ, ຕ່ອງ ບົວ ເຍີຍ ເລີ໌ຍ ໄຟ ໄມ້ ຕ່ອງ?”
4ມປ່າ ນິ່ນ ບົວ ໄມ້ ໂຄ ໂລ. ເຢຊູ ຕສ່ຽວ ຕສໍ່ ຫລົງ ວົ້ວ ເຕົ້າ ມ່ຽນ, ບົ໋ວ ນິ່ນ ມີ່ງ ອ໊ະ.
5ເຢຊູ ໜ່າຍ ກ໋າ ນິ່ນ ບົວ, “ເຊ ກ໊ອງ ຕີ້ງ ກົງ ຮນອຍ ເມີ່ຍ ບົວ ຫາຍ ເຕົ້າ ມ່າຍ ເຕົ້າ ລໍ່ #14:5 ມ່າຍ ເຕີ໋ຍ ໂຊວ ກ໊ອງ ຕອນ. ໄຟ ມ່າຍ ເຕົ້າ ງົ່ງ ທສະ-ໂປ່ວ ດ໊ອດ ຄວດ, ເມີ່ຍ ບົວ ໄມ້ ເຕສີ໌ຍ ລ່ຽມ ເຕສີ້ຍ ມີ່ງ ເຕສ໊າະ ທສວດ ໄຟ?” 6ມປ່າ ໄມ້ ມ່າຍ ຫາຍ ເຕົ້າ ມ່າຍ ຫວ່າ ເຕົາ.
ມີ່ງ ໂຕສ໋ວ ແຄະ ໄມ້ ຕູ໋ງ ທ່າຍ ກັ້ນ
7ເຢຊູ ປວັດ ທສີ້ງ ຕ້າຍ ເຍີຍ ແຄະ ມ່ຽນ ຂູງ ກິ໊ນ ເຕສວີ໌ຍ ເຈ໋ຍ ແໝງ ປູງ ເຕ້ຍ, ນິ່ນ ຕສ່ຽວ ກ໊ອງ ນ້າຍ ຕິ້ວ ຫວ່າ-ເປີ໊ຍ ປຸນ ນິ່ນ ບົວ ໝວັງ. 8ນິ່ນ ກ໊ອງ, “ມ່ຽນ ທສີ້ງ ເມີ່ຍ ມີ່ງ ທສີງ-ຈາ-ຢິ້ນ ໄມ້ ຕູ໋ງ ມີ່ງ ເຕສວີ໌ຍ ເຕ້ຍ ກອນ. ເດສ໋ຍ ເປຢົ໊າ-ຕສ໊ຽວ ທສີ້ງ ຕ້າຍ ເຍີຍ ແຄະ ມ່າຍ ເຕົ້າ ເກົ້າ ໂຮລ ເມີ່ຍ ມເປີຍ. 9ເປຢົ໊າ-ຕສ໊ຽວ ທສີ້ງ ເມີ່ຍ ບົວ ອີ ລ່ານ ຕ້າຍ ນິ່ນ ຕສ່ຽວ ອ໋ອຍ ຕສຸ ຕ້າຍ ບົ໋ວ ເມີ່ຍ, ‘ອ໋ອຍ ຕສຸ ຊິ້ມ ອກອຍ ປຸນ ນ້າຍ ລ່ານ ມ່ຽນ ເຕສວີ໌ຍ ນ້າຍ.’ ເມີ່ຍ ຕສ່ຽວ ໄຍ້ ໄຫ່ ອ໊ະ. ອ໋ອຍ ຕສຸ ຊຸ້ຍ ມີ່ງ ເຕສວີ໌ຍ ເດ໊ຍ ແໝງ ປູງ. 10ເປັຍ ຢິ້ນ ວົ້ວ ຕສັ່ນ, ເມີ່ຍ ອ໋ອຍ ຕສຸ ເຕສວີ໌ຍ ເດ໊ຍ ແໝງ ປູງ. ຮນັ້ງ ໜ່າຍ ເປຢົ໊າ-ຕສ໊ຽວ ອ໋ອຍ ບົ໋ວ ເມີ່ຍ, ‘ກໍ໋ ອ່າ, ຝາວ ເຈ໋ຍ ແໝງ ປູງ ເຕສວີ໌ຍ ໂອ່.’ ເຖສົາ ເມີ່ຍ ໂຕສ໋ວ ແຄະ ວົ້ວ ເຕີ໋ຍ ຕສ່ຽວ ທ່າຍ ເມີ່ຍ ອ໊ະ. 11ຫາຍ ເຕົ້າ ທ່າຍ ນິ່ນ ກັ້ນ ໂຕສ໋ວ ໂຮລ, ວົ້ວ ເຕົ້າ ອ໋ອຍ ຕສຸ ໂຕສ໋ວ ໄຝ. ຫາຍ ເຕົ້າ ຫຍ່ຽມ ກັ້ນ ໂຕສ໋ວ ໄຝ, ວົ້ວ ເຕົ້າ ອ໋ອຍ ຕຸ໊ ໂຕສ໋ວ ໂຮລ.” #ມັດທາຍ 23:12; ລູກາ 18:14
12ເຢຊູ ບົ໋ວ ທສີ້ງ ນິ່ນ ຕ້າຍ ວົ້ວ ເຕົ້າ ເປຢົ໊າ-ຕສ໊ຽວ, “ເມີ່ຍ ຫາຍ ຕສັ່ນ ທສີ້ງ ແຄະ ຕ້າຍ ຫຍັ່ນ ຫຮນາງ, ໄມ້ ຕູ໋ງ ທສີ້ງ ເມີ່ຍ ເຍີຍ ໂລ໌-ແກງ ຕ່ອຍ, ມົ໌ວ-ຕ່ອຍ, ທສຽນ-ເທສະ ໄຟ ລ໌າງ ຕສັ່ງ ເຍີຍ ປຸ໊ດ-ຕສ້ອຍ ມ່ຽນ. ມເດສ໋ຍ ນິ່ນ ບົວ ອ໋ອຍ ທສີ້ງ ເມີ່ຍ ມີ່ງ ວິ່ນ ເມີ່ຍ ເຍີຍ ເອນ-ຕສີ້ງ. 13ເມີ່ຍ ເບ່ນ ຫຮນາງ ທສີ້ງ ແຄະ, ອ໋ອຍ ຕສຸ ທສີ້ງ ມ່ຽນ ຈົ່ມ ມ່ຽນ, ເຕສົ໋າ ໄບ, ປົ໌ວ-ເຕສົ໋າ ຫວ່າຍ ເຖສົາ ມຕສີງ ແມ່ງ ມຕສີງ ບົ໊ວ ເຍີຍ ມ່ຽນ. 14ຮນັ້ງ ໜ່າຍ ເມີ່ຍ ຕສ່ຽວ ຕຸ໊ ອຈຽນ-ໂຢ້ວ ອ໊ະ. ເຫວີ່ຍ ຕສຸ ນິ່ນ ບົວ ໄມ້ ໄຮ່ ວິ່ນ ປຸນ ເມີ່ຍ. ຕສົ໊ວ ຄູ້ ມ່ຽນ ນັ່ງ ຕ້າຍ ວົ້ວ ຮນອຍ, ທິນ-ຮູ່ງ ອ໋ອຍ ວິ່ນ ປຸນ ເມີ່ຍ.”
ຕົ້ມ ຢິ້ນ ເຍີຍ ຫວ່າ-ເປີ໊ຍ
(ເປີ໊ຍ ໝັ່ງ ມັດທາຍ 22:1-10)
15ມ່າຍ ລ່ານ ມ່ຽນ ເຖສົາ ເຢຊູ ຈວັ່ງ ເຕ້ຍ ຫຍັ່ນ ຫຮນາງ ໄຮ໌ ນ້າຍ ເຕີ໋ຍ ຫວ່າ ນິ່ນ ຕສ່ຽວ ບົ໋ວ ເຢຊູ, “ຫາຍ ເຕົ້າ ຕຸ໊ ຢຽມ ທິນ-ຮູ່ງ ເຍີຍ ກົ໊ວະ ຫຍັ່ນ ວົ້ວ ນອມ ຢິ້ນ ເຍີຍ ຫຮນາງ, ວົ້ວ ເຕົ້າ ມ່າຍ ອຈຽນ-ໂຢ້ວ ອ໊ະ.”
16ເຢຊູ ກ໊ອງ ບົ໋ວ ນິ່ນ, “ມ່າຍ ລ່ານ ມ່ຽນ ເບ່ນ ນອມ ຢິ້ນ ໂຮລ ເຍີຍ ຢ່າ ທສີ້ງ ແຄະ ທສ້ຳ.
17“ເຖົາ ຫຍັ່ນ ເຍີຍ ຕສຢັ້ງ ໂຫ່, ນິ່ນ ເຫ່ວ ນິ່ນ ເຍີຍ ໂປວ ມີ່ງ ບົ໋ວ ທສີ້ງ ລິ໌ວ ເຍີຍ ແຄະ ມ່ຽນ, ‘ຕ້າຍ ອ໊ະ ໂອ່. ຫຍູ່ງໆ ເບ່ນ ຕສຢັ໋ງ ອ໊ະ.’
18“ມປ່າ ວົ້ວ ເຕີ໋ຍ ມ່ຽນ ຢຽດ ຕສູ໊ງ ຂູງ ກ໊ອງ ຖຸຍ ຕສີ້ງ ຫວ່າ. ຕະຢ໊ຽດ ເຕົ້າ ກ໊ອງ, ‘ເຢຍ ມ໌າຍ ດສົງ ເດີ່ຍ, ອ໋ອຍ ຕສຸ ມີ່ງ ໝັ່ງ ຕັ້ງ. ເມີ່ຍ ດສ໋ວນ ມີ່ງ ບົ໋ວ ເມີ່ຍ ເຍີຍ ຕສ໊ຽວ, ເຢຍ ໄມ້ ຕຸ໊ ມີ່ງ ມປ່າ ແລ໌ງ ຕສີ້ງ ອ໊ະ. ເບ່ນ ຊູງ ຫລົງ ອ໊ະ.’
19“ແອ໋ງ ມ່າຍ ເຕົ້າ ກ໊ອງ, ‘ເຢຍ ມ໌າຍ ຕຸ໊ ປຢາ ຕ໋ອຍ ງົ່ງ ອ໋ອຍ ຕສຸ ຕໍ້ ມີ່ງ ເສີຍ ໝັ່ງ ກ໋າ. ເມີ່ຍ ດສ໋ວນ ມີ່ງ ບົ໋ວ ເມີ່ຍ ເຍີຍ ຕສ໊ຽວ, ເຢຍ ໄມ້ ຕຸ໊ ມີ່ງ ມປ່າ ແລ໌ງ ຕສີ້ງ ອ໊ະ. ເບ່ນ ຊູງ ຫລົງ ອ໊ະ.’
20“ແອ໋ງ ມ່າຍ ເຕົ້າ ກ໊ອງ, ‘ເຢຍ ໂທສະ ໂຫະ ຫລົ່ງ ຈ໊ຽນ ເອົ໊າ, ໄມ້ ໄຮ່ ມີ່ງ ອ໊ະ.’
21“ໂປວ ດສ໋ວນ ມີ່ງ ເຕສ໊າະ ນ້າຍ ເຕີ໋ຍ ເຈົ໊າ-ໂຫລ່ວ ບົ໋ວ ນິ່ນ ເຍີຍ ຕສ໊ຽວ. ເປຢົ໊າ-ຕສ໊ຽວ ເຖຈຍ ເຈ໌ຍ ໄຫ່. ນິ່ນ ບົ໋ວ ນິ່ນ ເຍີຍ ໂປວ, ‘ກ໊ານ ມີ່ງ ມູ້ງ ຕສັ່ງ ຕົ້ມ ຈາຍ ຟິ້ວ-ຫ່ອງ ລໍ໌ ມ່ຽນ ຈົ່ມ ມ່ຽນ, ຫວ່າຍ ຝັງ ເຍີຍ, ມຕສີງ ແມ່ງ ມຕສີງ ບົ໊ວ ເຍີຍ, ເຖສົາ ເຕສົ໋າ ໄບ ເຍີຍ ມ່ຽນ.’
22“ໄມ້ ເລົ່າ ວົ້ວ ເຕົ້າ ໂປວ ດສ໋ວນ ຕ້າຍ ກ໊ອງ, ‘ຕົ້ມ ກໍ໋ ອ່າ, ເຢຍ ເອີຍ ເມີ່ຍ ເຍີຍ ຫວ່າ ໂຕສ໋ວ ລິ໌ວ ອ໊ະ. ມປ່າ ຖສໍ່ ມ່າຍ ຕ໋ອງ ຂູງ ເຍີຍ.’
23“ຕສ໊ຽວ ແອ໋ງ ບົ໋ວ ວົ້ວ ເຕົ້າ ໂປວ, ‘ອ໋ອຍ ຕສຸ ທສວດ ມີ່ງ ເຕສວີ້ຍ ຕົ້ມ ເຈົ໊າ ຟິ້ວ-ເຈົ໊າ ລໍ໌ ຈ໊ຽນ ມີ່ງ. ປວັດ ຫາຍ ເຕົ້າ ອ໋ອຍ ຕສຸ ອ໊າບ ຈ໊ຽນ ນິ່ນ ບົວ ຕ້າຍ, ຕສ່ຽວ ຕຸ໊ ມ່ຽນ ປວັ໊ງ ເຢຍ ເຍີຍ ເປຢົ໊າ ອ໊ະ. 24ເຢຍ ບົ໋ວ ເມີ່ຍ ບົວ, ຕົ້ງ ເຢຍ ທສີ້ງ ດ່າງ ວົ້ວ ເຕີ໋ຍ ມ່ຽນ, ໄມ້ ມ່າຍ ຢຽດ ລ່ານ ໄຮ່ ຕຸ໊ ເສີຍ ເຢຍ ເຍີຍ ໄລ-ຫຮນາງ ເຍີຍ ເໝວີຍ.’”
ໂຕສ໋ວ ເຢຊູ ເຍີຍ ໄຊ-ກໍ໋ ເຊ ອະ ເຍີຍ
(ເປີ໊ຍ ໝັ່ງ ມັດທາຍ 10:37-38)
25ມ່ຽນ ທສ້ຳ ເຍີຍ ກັນ ຈ໊ຽນ ເຢຊູ ມີ່ງ. ເຢຊູ ຕສ່ຽວ ຮວິນ ດສ໋ວນ ບົ໋ວ ນິ່ນ ບົວ, 26“ຫາຍ ເຕົ້າ ຕ້າຍ ລໍ໌ ເຢຍ ຢ່າ ໄມ້ ຮນ້ຳ ເຢຍ ເກົ້າ ທສ້ຳ ຮນ້ຳ ນິ່ນ ເຍີຍ ເຕ໋ຍ ໝ່າ, ນິ່ນ ເຍີຍ ເອົ໊າ ເຖສົາ ຝຸຈ໊ວຍ ເຖສົາ ມົ໌ວ-ຕ່ອຍ, ລ່ຽມ ນິ່ນ ກັ້ນ ເຍີຍ ແໝ່ງ, ວົ້ວ ເຕົ້າ ໄມ້ ໄຮ່ ໂຕສ໋ວ ເຢຍ ເຍີຍ ໄຊ-ກໍ໋. #ມັດທາຍ 10:37 27ຫາຍ ເຕົ້າ ໄມ້ ດາມ ຈ໊ຽນ ນິ່ນ ກັ້ນ ເຍີຍ ຕສຽບ ດສັ່ງ ຈ໋າ ກັນ ຈ໊ຽນ ມີ່ງ, ວົ້ວ ເຕົ້າ ຢ່າ ໂຕສ໋ວ ໄມ້ ຕຸ໊ ເຢຍ ເຍີຍ ໄຊ-ກໍ໋. #ມັດທາຍ 10:38; 16:24; ມາໂຄ 8:34; ລູກາ 9:23
28“ເຊ ກ໊ອງ ເມີ່ຍ ບົວ ມ່າຍ ເຕົ້າ ອ໋ອຍ ກົ໊ມ ນອມ ເປຢົ໊າ, ນິ່ນ ໄມ້ ເຕສີ໌ຍ ຈາ-ດ່າງ ເຕສວີ໌ຍ ຈ໊ຽນ ຝຸນ ໝັ່ງ ກ໋າ ຍ່ານ ເກົ໋າ ໂຕສ໋ວ ຕຸ໊ ຕສຢັ໋ງ ໄຟ ໄມ້ ຕສຢັ໋ງ? 29ນິ່ນ ໄມ້ ຝຸນ ດ່າງ ນໍ, ໂຕສ໋ວ ເກົາ ເຖົາ ດ໊າມ-ເຈົ໊າ ດ໊າມ-ຈູງ ຕສ່ຽວ ກວັ່ງ ຈ໊ຽນ. ຫາຍ ເຕົ້າ ປວັດ ຢ່າ ຈັ໊ດ ນິ່ນ. 30ນິ່ນ ບົວ ອ໋ອຍ ກ໊ອງ, ‘ນ້າຍ ເຕົ້າ ໂລ້ ເຈ໌ຍ ກອນ ກົ໊ມ ຢ່າ ໄມ້ ມ່າຍ ປັ້ນ ເຕສີ່ຍ ກົ໊ມ ໄມ້ ຕສຢັ໋ງ.’
31“ໄຟ ເຊ ກ໊ອງ ມ່າຍ ເຕົ້າ ຮູ່ງ ອ໋ອຍ ມີ່ງ ເຖສົາ ກັ້ນ ເຕົ້າ ຮູ່ງ ເບ໊າະ ຈ໋າ, ນິ່ນ ໄມ້ ເຕສີ໌ຍ ອ໋ອຍ ເຕສວີ໌ຍ ຈ໊ຽນ ຝຸນ ໝັ່ງ ກ໋າ ນິ່ນ ເຍີຍ ຢຽດ ຫວ່ານ ແປງ ໄຮ່ ເບ໊າະ ຕຸ໊ ວົ້ວ ເຕົ້າ ເຍີຍ ອີ ຫວ່ານ ແປງ ຮີ່ງ ໄຟ ໄມ້ ຮີ່ງ? 32ຝຸນ ຕ້າຍ ເບ໊າະ ໄມ້ ຮີ່ງ ນໍ, ວົ້ວ ເຕີ໋ຍ ອີ ຫວ່ານ ຖສໍ່ ຢຽມ ໂກ ເຍີຍ, ນິ່ນ ອ໋ອຍ ຕສຸ ພ້າຍ ມ່ຽນ ມີ່ງ ດ່າງ ໂທ້ ກ໊ອງ ຫອບ. 33ຟີ່ ຮນັ້ງ ເຍີຍ, ເມີ່ຍ ບົວ ຫາຍ ເຕົ້າ ໄມ້ ເຊ້ຍ ຈ໊ຽນ ກວັ່ງ ເມີ່ຍ ມ່າຍ ເຍີຍ ຢຽດ ຕສູ໊ງ, ໄມ້ ໄຮ່ ໂຕສ໋ວ ໄມ້ ຕຸ໊ ເຢຍ ເຍີຍ ໄຊ-ກໍ໋.
ເດສົ໊າ ເຍີຍ ຫວ່າ-ເປີ໊ຍ
(ເປີ໊ຍ ໝັ່ງ ມັດທາຍ 5:13; ມາໂຄ 9:50)
34“ເດສົ໊າ ເຊ ຫລົງ ເຍີຍ. ມປ່າ ເຊ ກ໊ອງ ເດສົ໊າ ເຍີຍ ເໝວີຍ ຖຸຍ ຕສ໊າມ ມີ່ງ, ຮນັ້ງ ຫາຍ ນໍ ໜ່ອຍ ຕຸ໊ ດສ້າຍ ຕ້າຍ? 35ໂຕສ໋ວ ປ໋ວນ ອັນ ເດີ່ຍ ຢ່າ ໄມ້ ລ່ຳ ຫລົ່ງ. ໂຕ໋ ກວັ່ງ ງົ່ງ ໄອກ໊ ດຸຍ ໂຕສ໋ວ ປ໋ວນ ຢ່າ ໄມ້ ຕຸ໊. ອ໋ອຍ ຕສຸ ກວັ່ງ ຮນັ້ງ.
“ຫາຍ ເຕົ້າ ມ່າຍ ມນ່ອມ ອ໋ອຍ ຕສຸ ແປງ ມນ່ອມ ໝວັງ ຫລົງ.”
Currently Selected:
ລູກາ 14: IuMiLAO
Highlight
Share
Copy
Want to have your highlights saved across all your devices? Sign up or sign in
Mien Bible (Lao Script) © 2007 Thailand Bible Society, 2007.
