လံာ်တၢ်ကဲထီၣ်အခီၣ်ထံး 18
18
တၢ်အၢၣ်လီၤန့ၢ်ဖိခွါတဂၤလၢစီၤအၤဘြၤဟၣ်အဂီၢ်
1ယွၤလီၣ်ဖျါထီၣ်အသးလၢစီၤအၤဘြၤဟၣ်ဖဲမးမရ့အသ့ၣ်စီဆှံ တဖၣ်န့ၣ်လီၤ. ဖဲလၢမုၢ်တနံၤအပူၤတၢ်ကိၢ်ဆူၣ်ကတၢၢ်အက တီၢ်န့ၣ်စီၤအၤဘြၤဟၣ်ဆ့ၣ်နီၤဝဲလၢအဒဲအကျဲစၢၤအခါ, 2အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ, 3ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ. 4ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ. 5ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”
6ဒီးစီၤအၤဘြၤဟၣ်ဟဲက့ၤချ့သဒံးဆူအဒဲပူၤဒီးစံးဘၣ်နီၢ် စၤရါ, “မၤချ့ချ့ဒီးဟံးန့ၢ်နကိၣ်ကမူၣ်လၢအဂ့ၤကတၢၢ်တထၢၣ်ဒီး ကုၢ်ကိၣ်တနီၤတက့ၢ်. 7ဒီးစီၤအၤဘြၤဟၣ်လဲၤဃ့ၢ်ဆူဂီၤဖံးတဖုအအိၣ်ဒီးမၤန့ၢ်ဂီၤ ဖံးဖိလၢအညၣ်ကပုာ်ဒီးဘီၣ်ဝဲတဒုဒီးဟ့ၣ်လီၤဝဲဆူအကုၢ်တဂၤ အအိၣ်လၢကကတဲာ်ကတီၤအီၤချ့သဒံးအဂီၢ်န့ၣ်လီၤ. 8ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.
9ဒီးအဝဲသ့ၣ်သံကွၢ်အီၤ, “နမါနီၢ်စၤရါအိၣ်ဖဲလဲၣ်.”
ဒီးစီၤအၤဘြၤဟၣ်စံးဆၢ, “အိၣ်ဝဲလၢဒဲပူၤလီၤ.”
10ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ. 11စီၤအၤဘြၤဟၣ်ဒီးနီၢ်စၤရါသ့ၣ်တဖၣ်အသးပှၢ်ထီၣ်ဝဲဒိၣ်မးဒီး နီၢ်စၤရါန့ၣ်အပိာ်မုၣ်အလုၢ်အလၢ်တလါတဘျီန့ၣ်ဆိကတီၢ်တ့ၢ်လံ အသးလံ. 12ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”
13တုၤနုၤတစု, ယွၤသံကွၢ်စီၤအၤဘြၤဟၣ်, “ဘၣ်မနုၤလၢနီၢ်စၤ ရါနံၤဒီးစံးဝဲလၢ, ယသးပှၢ်ထဲအံၤန့ၣ်ယအိၣ်ဒီးယဖိကန့ၢ်က သ့သပှၢ်တၢၢ်ဒ်လဲၣ်, န့ၣ်လဲၣ်. 14မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ. 15မ့ၢ်လၢနီၢ်စၤရါပျံၤတၢ်အဃိသမၢတၢ်ဒီးစံး, “ယတနံၤဘၣ်”
ဘၣ်ဆၣ်ဒီးကလူးစံးဝဲ, “နနံၤတ့ၢ်လီၤ. နနံၤသပှၢ်တၢၢ်လီၤ.”
စီၤအၤဘြၤဟၣ်ဃ့သကွံၢ်ကညးတၢ်လၢ ဝ့ၢ်စဒိၣ်အဂီၢ်
16ဒီးပှၤတဖၣ်န့ၣ်ဟးထီၣ်ဝဲဒီးလဲၤဆူတၢ်လီၢ်တတီၤဖဲအကွၢ်လီၤ တၢ်ဆူဝ့ၢ်စဒိၣ်သ့ဝဲဒီးစီၤအၤဘြၤဟၣ်လဲၤဃုာ်ဒီးအဝဲသ့ၣ် လၢအကဆှၢလီၤအဝဲသ့ၣ်အတၢ်လဲၤဆူညါအဂီၢ်န့ၣ်လီၤ. 17ဒီးယွၤစံးလီၤအသး, “တၢ်လၢယကမၤအီၤန့ၣ်ယတပာ်ခူ သူၣ်အီၤလၢစီၤအၤဘြၤဟၣ်ဘၣ်. 18အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ. 19ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”
20ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ. 21ယကဘၣ်လဲၤလီၤဒီးဃုထံၣ်သ့ၣ်ညါလၢတၢ်ဆှိးထီၣ်တဖၣ်လၢယနၢ်ဟူ တ့ၢ်အံၤတီတတီန့ၣ်လီၤ.”
22တုၤနုၤတစု, ပှၤခံဂၤန့ၣ်ဟးထီၣ်ဒီးလဲၤဝဲလိၤလိၤဆူဝ့ၢ် စဒိၣ်လီၤ. မ့မ့ၢ်ယွၤအိၣ်လီၤတဲာ်ဒီးစီၤအၤဘြၤဟၣ်လီၤ. 23ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ. 24ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ. 25နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”
26ဒီးယွၤစံးဆၢအီၤ, “ယမ့ၢ်ထံၣ်န့ၢ်ပှၤလၢအတၢ်ကမၣ်တအိၣ်အဂၤ ယဲၢ်ဆံလၢဝ့ၢ်စဒိၣ်အပူၤန့ၣ်, ယကပျဲပူၤဝ့ၢ်ဒီဝ့ၢ်အံၤလၢအဝဲသ့ၣ်အဃိန့ၣ်လီၤ.”
27စီၤအၤဘြၤဟၣ်စံးကဒီးဝဲ, “ယွၤဧၢ, ဝံသးစူၤပျၢ်ယၤလၢ ယကတိၤတၢ်ဒူဒူတနဲးနဲးဒီးနၤအဃိတက့ၢ်. ယမ့ၢ်ဒၣ်ပှၤကညီတဂၤဒီးတၢ်ခွဲးတၢ်ယာ်တအိၣ်ဒီးယၤနီတမံၤလၢ ယကတဲတၢ်တမံၤမံၤအဂီၢ်န့ၣ်ဘၣ်. 28ဘၣ်ဆၣ်ဒီးဘၣ်သ့ၣ်သ့ၣ်ပှၤလၢအတၢ်ကမၣ်တအိၣ်န့ၣ်ကအိၣ်ဒၣ်ထဲလွံၢ် ဆံယဲၢ်ဂၤဧိၤလၢပှၤယဲၢ်ဆံအလီၢ်န့ၣ်လီၤ. မ့ၢ်လၢပှၤတပှဲၤထီၣ်ယဲၢ်ဆံဘၣ်အဃိနကမၤဟးဂီၤကွံာ်ဝ့ၢ်ဒီဝ့ၢ် ညါန့ၣ်ဧါ.”
ဒီးယွၤစံးဆၢအီၤ, “ယမ့ၢ်ထံၣ်ပှၤလၢအတၢ်ကမၣ်တအိၣ်ထဲလွံၢ် ဆံယဲၢ်ဂၤန့ၣ်ယတမၤဟးဂီၤဝ့ၢ်န့ၣ်ဘၣ်.”
29စီၤအၤဘြၤဟၣ်စံးကဒီးဝဲ, “ဘၣ်သ့ၣ်သ့ၣ်ပှၤကအိၣ်ထဲအဂၤလွံၢ် ဆံဧိၤန့ၣ်လီၤ.”
ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤလွံၢ်ဆံန့ၣ်ယတမၤဟး ဂီၤအီၤဘၣ်.”
30စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.”
ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”
31စီၤအၤဘြၤဟၣ်စံးဝဲ, “ယွၤဧၢ, ဝံသးစူၤပျၢ်ယၤလၢယက တိၤတၢ်ဒူဒူတနဲးနဲးအဃိန့ၣ်တက့ၢ်. ပစံးဒၣ်ကလိာ်, တၢ်မ့ၢ်ထံၣ်ထဲပှၤအဂၤခံဆံတခီန့ၣ်လဲၣ်.”
ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤခံဆံန့ၣ်ယတမၤဟး ဂီၤဝ့ၢ်န့ၣ်ဘၣ်.”
32ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.”
ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.” 33ယွၤစံးကတိၤတၢ်ဒီးစီၤအၤဘြၤဟၣ်ဝံၤအလီၢ်ခံန့ၣ်ဟးထီၣ် ကွံာ်ဝဲဒၣ်ဒီးစီၤအၤဘြၤဟၣ်ဟဲက့ၤဆူဟံၣ်န့ၣ်လီၤ.
Currently Selected:
လံာ်တၢ်ကဲထီၣ်အခီၣ်ထံး 18: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်တၢ်ကဲထီၣ်အခီၣ်ထံး 18
18
တၢ်အၢၣ်လီၤန့ၢ်ဖိခွါတဂၤလၢစီၤအၤဘြၤဟၣ်အဂီၢ်
1ယွၤလီၣ်ဖျါထီၣ်အသးလၢစီၤအၤဘြၤဟၣ်ဖဲမးမရ့အသ့ၣ်စီဆှံ တဖၣ်န့ၣ်လီၤ. ဖဲလၢမုၢ်တနံၤအပူၤတၢ်ကိၢ်ဆူၣ်ကတၢၢ်အက တီၢ်န့ၣ်စီၤအၤဘြၤဟၣ်ဆ့ၣ်နီၤဝဲလၢအဒဲအကျဲစၢၤအခါ, 2အဝဲကွၢ်ထီၣ်တၢ်ဒီးထံၣ်ဘၣ်ပှၤသၢဂၤဂဲၤဆၢထၢၣ်ဖဲန့ၣ်လီၤ. ဒီးတုၤအထံၣ်အဝဲသ့ၣ်တဘျီဃီန့ၣ်, အဝဲလဲၤဃ့ၢ်ထီၣ်သဂၢၢ်အဝဲ သ့ၣ်လီၤ. ဒီးတီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ်လိၤ, 3ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ. 4ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ. 5ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”
6ဒီးစီၤအၤဘြၤဟၣ်ဟဲက့ၤချ့သဒံးဆူအဒဲပူၤဒီးစံးဘၣ်နီၢ် စၤရါ, “မၤချ့ချ့ဒီးဟံးန့ၢ်နကိၣ်ကမူၣ်လၢအဂ့ၤကတၢၢ်တထၢၣ်ဒီး ကုၢ်ကိၣ်တနီၤတက့ၢ်. 7ဒီးစီၤအၤဘြၤဟၣ်လဲၤဃ့ၢ်ဆူဂီၤဖံးတဖုအအိၣ်ဒီးမၤန့ၢ်ဂီၤ ဖံးဖိလၢအညၣ်ကပုာ်ဒီးဘီၣ်ဝဲတဒုဒီးဟ့ၣ်လီၤဝဲဆူအကုၢ်တဂၤ အအိၣ်လၢကကတဲာ်ကတီၤအီၤချ့သဒံးအဂီၢ်န့ၣ်လီၤ. 8ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.
9ဒီးအဝဲသ့ၣ်သံကွၢ်အီၤ, “နမါနီၢ်စၤရါအိၣ်ဖဲလဲၣ်.”
ဒီးစီၤအၤဘြၤဟၣ်စံးဆၢ, “အိၣ်ဝဲလၢဒဲပူၤလီၤ.”
10ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ. 11စီၤအၤဘြၤဟၣ်ဒီးနီၢ်စၤရါသ့ၣ်တဖၣ်အသးပှၢ်ထီၣ်ဝဲဒိၣ်မးဒီး နီၢ်စၤရါန့ၣ်အပိာ်မုၣ်အလုၢ်အလၢ်တလါတဘျီန့ၣ်ဆိကတီၢ်တ့ၢ်လံ အသးလံ. 12ဒီးနီၢ်စၤရါနံၤဒၣ်အတၢ်ဒီးစံးဝဲ, “ခဲအံၤယသးပှၢ်တ့ၢ် ဒီးယဂံၢ်ယဘါလၢာ်လံ. မ့ၢ်ယကအိၣ်ဒံးဒီးတၢ်ဖံးတၢ်ညၣ်အတၢ်မုာ်လၤစ့ၢ်ကီးဧါ. လၢန့ၣ်အမဲာ်ညါယဝၤစ့ၢ်ကီးအသးပှၢ်လံ.”
13တုၤနုၤတစု, ယွၤသံကွၢ်စီၤအၤဘြၤဟၣ်, “ဘၣ်မနုၤလၢနီၢ်စၤ ရါနံၤဒီးစံးဝဲလၢ, ယသးပှၢ်ထဲအံၤန့ၣ်ယအိၣ်ဒီးယဖိကန့ၢ်က သ့သပှၢ်တၢၢ်ဒ်လဲၣ်, န့ၣ်လဲၣ်. 14မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ. 15မ့ၢ်လၢနီၢ်စၤရါပျံၤတၢ်အဃိသမၢတၢ်ဒီးစံး, “ယတနံၤဘၣ်”
ဘၣ်ဆၣ်ဒီးကလူးစံးဝဲ, “နနံၤတ့ၢ်လီၤ. နနံၤသပှၢ်တၢၢ်လီၤ.”
စီၤအၤဘြၤဟၣ်ဃ့သကွံၢ်ကညးတၢ်လၢ ဝ့ၢ်စဒိၣ်အဂီၢ်
16ဒီးပှၤတဖၣ်န့ၣ်ဟးထီၣ်ဝဲဒီးလဲၤဆူတၢ်လီၢ်တတီၤဖဲအကွၢ်လီၤ တၢ်ဆူဝ့ၢ်စဒိၣ်သ့ဝဲဒီးစီၤအၤဘြၤဟၣ်လဲၤဃုာ်ဒီးအဝဲသ့ၣ် လၢအကဆှၢလီၤအဝဲသ့ၣ်အတၢ်လဲၤဆူညါအဂီၢ်န့ၣ်လီၤ. 17ဒီးယွၤစံးလီၤအသး, “တၢ်လၢယကမၤအီၤန့ၣ်ယတပာ်ခူ သူၣ်အီၤလၢစီၤအၤဘြၤဟၣ်ဘၣ်. 18အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ. 19ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”
20ဒီးယွၤစံးဘၣ်စီၤအၤဘြၤဟၣ်, “တၢ်ဆှိးထီၣ်လီၤပျံၤလီၤ ဖုးထီဒါဝ့ၢ်စဒိၣ်ဒီးဂမိရၤန့ၣ်အိၣ်ဝဲ, ဒီးအတၢ်ဒဲးဘးန့ၣ်ဒိၣ်နီၢ်မးလီၤ. 21ယကဘၣ်လဲၤလီၤဒီးဃုထံၣ်သ့ၣ်ညါလၢတၢ်ဆှိးထီၣ်တဖၣ်လၢယနၢ်ဟူ တ့ၢ်အံၤတီတတီန့ၣ်လီၤ.”
22တုၤနုၤတစု, ပှၤခံဂၤန့ၣ်ဟးထီၣ်ဒီးလဲၤဝဲလိၤလိၤဆူဝ့ၢ် စဒိၣ်လီၤ. မ့မ့ၢ်ယွၤအိၣ်လီၤတဲာ်ဒီးစီၤအၤဘြၤဟၣ်လီၤ. 23ဒီးစီၤအၤဘြၤဟၣ်သုးဘူးအသးဆူယွၤအအိၣ်ဒီးသံကွၢ်ဝဲ, “မ့ၢ်နကမၤဟးဂီၤကွံာ်ပှၤလၢအတၢ်ကမၣ်တအိၣ်ဃုာ်ဒီးပှၤလၢအတၢ် ကမၣ်အိၣ်န့ၣ်သပှၢ်တၢၢ်ဧါ. 24ပှၤလၢအတၢ်ကမၣ်တအိၣ်မ့ၢ်အိၣ်လၢဝ့ၢ်ပူၤအဂၤယဲၢ်ဆံန့ၣ်မ့ၢ် နကမၤဟးဂီၤကွံာ်ဝ့ၢ်ဒီဝ့ၢ်ညါဧါ. လၢတၢ်အုၣ်က့ၤခီၣ်က့ၤပှၤအဂၤယဲၢ်ဆံအဂီၢ်န့ၣ်မ့ၢ်နတပျဲပူၤ ဝ့ၢ်အံၤဘၣ်ဧါ. 25နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”
26ဒီးယွၤစံးဆၢအီၤ, “ယမ့ၢ်ထံၣ်န့ၢ်ပှၤလၢအတၢ်ကမၣ်တအိၣ်အဂၤ ယဲၢ်ဆံလၢဝ့ၢ်စဒိၣ်အပူၤန့ၣ်, ယကပျဲပူၤဝ့ၢ်ဒီဝ့ၢ်အံၤလၢအဝဲသ့ၣ်အဃိန့ၣ်လီၤ.”
27စီၤအၤဘြၤဟၣ်စံးကဒီးဝဲ, “ယွၤဧၢ, ဝံသးစူၤပျၢ်ယၤလၢ ယကတိၤတၢ်ဒူဒူတနဲးနဲးဒီးနၤအဃိတက့ၢ်. ယမ့ၢ်ဒၣ်ပှၤကညီတဂၤဒီးတၢ်ခွဲးတၢ်ယာ်တအိၣ်ဒီးယၤနီတမံၤလၢ ယကတဲတၢ်တမံၤမံၤအဂီၢ်န့ၣ်ဘၣ်. 28ဘၣ်ဆၣ်ဒီးဘၣ်သ့ၣ်သ့ၣ်ပှၤလၢအတၢ်ကမၣ်တအိၣ်န့ၣ်ကအိၣ်ဒၣ်ထဲလွံၢ် ဆံယဲၢ်ဂၤဧိၤလၢပှၤယဲၢ်ဆံအလီၢ်န့ၣ်လီၤ. မ့ၢ်လၢပှၤတပှဲၤထီၣ်ယဲၢ်ဆံဘၣ်အဃိနကမၤဟးဂီၤကွံာ်ဝ့ၢ်ဒီဝ့ၢ် ညါန့ၣ်ဧါ.”
ဒီးယွၤစံးဆၢအီၤ, “ယမ့ၢ်ထံၣ်ပှၤလၢအတၢ်ကမၣ်တအိၣ်ထဲလွံၢ် ဆံယဲၢ်ဂၤန့ၣ်ယတမၤဟးဂီၤဝ့ၢ်န့ၣ်ဘၣ်.”
29စီၤအၤဘြၤဟၣ်စံးကဒီးဝဲ, “ဘၣ်သ့ၣ်သ့ၣ်ပှၤကအိၣ်ထဲအဂၤလွံၢ် ဆံဧိၤန့ၣ်လီၤ.”
ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤလွံၢ်ဆံန့ၣ်ယတမၤဟး ဂီၤအီၤဘၣ်.”
30စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.”
ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”
31စီၤအၤဘြၤဟၣ်စံးဝဲ, “ယွၤဧၢ, ဝံသးစူၤပျၢ်ယၤလၢယက တိၤတၢ်ဒူဒူတနဲးနဲးအဃိန့ၣ်တက့ၢ်. ပစံးဒၣ်ကလိာ်, တၢ်မ့ၢ်ထံၣ်ထဲပှၤအဂၤခံဆံတခီန့ၣ်လဲၣ်.”
ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤခံဆံန့ၣ်ယတမၤဟး ဂီၤဝ့ၢ်န့ၣ်ဘၣ်.”
32ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.”
ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.” 33ယွၤစံးကတိၤတၢ်ဒီးစီၤအၤဘြၤဟၣ်ဝံၤအလီၢ်ခံန့ၣ်ဟးထီၣ် ကွံာ်ဝဲဒၣ်ဒီးစီၤအၤဘြၤဟၣ်ဟဲက့ၤဆူဟံၣ်န့ၣ်လီၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.