လံာ်တၢ်ကဲထီၣ်အခီၣ်ထံး 8
8
ထံလုၣ်ဘၢတၢ်အကတၢၢ်
1ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ. 2ထံထီၣ်ပၢၢ်အလီၢ်တဖၣ်လၢဟီၣ်ခိၣ်လာ်, ဒီးထံလုၣ်ဘၢတၢ်အတြဲၤ တဖၣ်လၢမူခိၣ်ဘၣ်တၢ်ကးတံာ်က့ၤအီၤလီၤ. တၢ်စူၤတုာ်ဝဲ, 3ဒီးထံလီၤက့ၤဝဲကယီကယီလၢအနံၤတကယၤယဲၢ်ဆံအတီၢ်ပူၤန့ၣ် လီၤ. 4ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ. 5ထံလီၤက့ၤဝဲပှီၢ်ပှီၢ်ဒီးလၢတဆံလါတလါထီၣ်အခီၣ်ထံးတသီ အနံၤန့ၣ်ကစၢၢ်အစိခိၣ်တဖၣ်အိၣ်ဖျါထီၣ်ဝဲဒၣ်လီၤ.
6ဒီးအသီလွံၢ်ဆံပူၤကွံာ်အလီၢ်ခံန့ၣ်စီၤနိအၤအိးထီၣ်ပဲ တြီတဘ့ၣ်, 7ဒီးပျၢ်လီၤဝဲစိးဝၣ်ဃးတဘ့ၣ်န့ၣ်လီၤ. စိးဝၣ်ဃးန့ၣ်တဟဲ က့ၤဝဲဒၣ်ဘၣ်. မ့မ့ၢ်ယူၤဝ့ၤဝီၤဝဲတုၤထံလီၤသံးလၢာ်လၢာ် ဆ့ဆ့တစုန့ၣ်လီၤ. 8ဒီးဖဲတၢ်မၤအသးဒ်န့ၣ်အခါန့ၣ်စီၤနိအၤပျၢ်လီၤထိၣ်လွံၢ် တဘ့ၣ်ဒ်သိးအကသ့ၣ်ညါထံလီၤသံးကွံာ်လၢာ်လံဧါန့ၣ်လီၤ. 9ဘၣ်ဆၣ်ဒီးမ့ၢ်လၢထံလုၣ်ဘၢဒံးဟီၣ်ခိၣ်ဒီဘ့ၣ်ညါ, ဒီးထိၣ်လွံၢ်တထံၣ်န့ၢ်ဘၣ်တၢ်လီၢ်လၢကစီၢ်လီၤဝဲအဂီၢ်ဘၣ်. ဒီးယူၤကဒါက့ၤဝဲဆူကဘီအအိၣ်, ဒီးစီၤနိအၤယူာ်ဃီၤအစုဒီးဒုးနုာ်ကဒါက့ၤအီၤန့ၣ်လီၤ. 10ဒီးစီၤနိအၤအိၣ်ခိးကဒီးဝဲဆူညါနွံသီဒီးပျၢ်လီၤကဒီး ထိၣ်လွံၢ်န့ၣ်လီၤ. 11ဒီးထိၣ်လွံၢ်ဟဲက့ၤဆူအအိၣ်လၢမုၢ်ဟါဃုာ်ဒီးသ့ၣ်စၤယံးအလၣ် သံကစဲာ်တဘ့ၣ်အိၣ်လၢအနိာ်ပူၤန့ၣ်လီၤ. လၢတၢ်န့ၣ်အဃိစီၤနိအၤသ့ၣ်ညါလၢထံလီၤသံးလံန့ၣ်လီၤ. 12တုၤနုၤတစုစီၤနိအၤအိၣ်ခိးကဒီးဆူညါနွံသီဝံၤပျၢ်လီၤ ကဒီးထိၣ်လွံၢ်လၢခံတဘျီန့ၣ်လီၤ. တဘျီအံၤထိၣ်လွံၢ်တဟဲက့ၤလၢၤဘၣ်.
13ဖဲစီၤနိအၤအသးအိၣ်ဃုကယၤတနံၣ်, လၢလါအခီၣ်ထံးတလါထီၣ် အခီၣ်ထံးတသီအနံၤန့ၣ်ထံဟါမၢ်လၢာ်လံန့ၣ်လီၤ. စီၤနိအၤသုးကွံာ်ကဘီအတြဲၤ, ဒီးကွၢ်တၢ်ဝးဝး, ဒီးထံၣ်ဝဲဒၣ်လၢဟီၣ်ခိၣ်ဃ့ထီထီၣ်ဝဲလံန့ၣ်လီၤ. 14ဒီးလၢလါခံလါတလါထီၣ်ခံဆံနွံသီတသီအနံၤန့ၣ်ဟီၣ်ခိၣ်ဃ့ ထီထီၣ်လၢာ်လၢာ်ဆ့ဆ့န့ၣ်လီၤ.
15-16ဒီးကစၢ်ယွၤစံးဘၣ်စီၤနိအၤ, “ဟးထီၣ်လၢကဘီပူၤဃုာ်ဒီးနမါ, နဖိခွါတဖၣ်ဒီးအမါတဖၣ် န့ၣ်တက့ၢ်.
17ဟံးထီၣ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိခဲလၢာ်ဃုာ်ဒီး နၤဒ်သိးကလိၣ်ထီၣ်ဖးထီၣ်ဒီးရၤလီၤအသးလၢဟီၣ်ခိၣ်ဒီဘ့ၣ် န့ၣ်တက့ၢ်.” 18လၢတၢ်န့ၣ်အဃိစီၤနိအၤဟးထီၣ်လၢကဘီပူၤဃုာ်ဒီးအမါ, အဖိခွါတဖၣ်ဒီးအမါတဖၣ်န့ၣ်လီၤ. 19ဒီးကယဲၢ်ဆၣ်ဖိကီၢ်ဖိဒီးထိၣ်ဧိၤလံာ်ဧိၤခဲလၢာ်ဟးထီၣ်လၢ ကဘီလိၤလၢအကရူၢ်ဒၣ်ဝဲဒီးအကလုာ်ဒၣ်ဝဲစုာ်စုာ်န့ၣ်လီၤ.
စီၤနိအၤလုၢ်ထီၣ်တၢ်လုၢ်တၢ်ပာ်တမံၤ
20ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ. 21တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်. 22ဟီၣ်ခိၣ်အိၣ်ဂၢၢ်ကျၢၤဒံးဝဲအကတီၢ်ပူၤန့ၣ်, တၢ်သူၣ်လီၤဖျးလီၤဒီးတၢ်ကူးဘုအကတီၢ်ကအိၣ်ဝဲလီၤ. တၢ်ခုၣ်ဒီးတၢ်ကိၢ်, တၢ်ကိၢ်ခါအကတီၢ်ဒီးတၢ်ဂိၢ်ခါအကတီၢ်, မုၢ်နံၤဒီးမုၢ်နၤကအိၣ်ဝဲတဘိယူၢ်ဃီလီၤ.”
Currently Selected:
လံာ်တၢ်ကဲထီၣ်အခီၣ်ထံး 8: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်တၢ်ကဲထီၣ်အခီၣ်ထံး 8
8
ထံလုၣ်ဘၢတၢ်အကတၢၢ်
1ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ. 2ထံထီၣ်ပၢၢ်အလီၢ်တဖၣ်လၢဟီၣ်ခိၣ်လာ်, ဒီးထံလုၣ်ဘၢတၢ်အတြဲၤ တဖၣ်လၢမူခိၣ်ဘၣ်တၢ်ကးတံာ်က့ၤအီၤလီၤ. တၢ်စူၤတုာ်ဝဲ, 3ဒီးထံလီၤက့ၤဝဲကယီကယီလၢအနံၤတကယၤယဲၢ်ဆံအတီၢ်ပူၤန့ၣ် လီၤ. 4ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ. 5ထံလီၤက့ၤဝဲပှီၢ်ပှီၢ်ဒီးလၢတဆံလါတလါထီၣ်အခီၣ်ထံးတသီ အနံၤန့ၣ်ကစၢၢ်အစိခိၣ်တဖၣ်အိၣ်ဖျါထီၣ်ဝဲဒၣ်လီၤ.
6ဒီးအသီလွံၢ်ဆံပူၤကွံာ်အလီၢ်ခံန့ၣ်စီၤနိအၤအိးထီၣ်ပဲ တြီတဘ့ၣ်, 7ဒီးပျၢ်လီၤဝဲစိးဝၣ်ဃးတဘ့ၣ်န့ၣ်လီၤ. စိးဝၣ်ဃးန့ၣ်တဟဲ က့ၤဝဲဒၣ်ဘၣ်. မ့မ့ၢ်ယူၤဝ့ၤဝီၤဝဲတုၤထံလီၤသံးလၢာ်လၢာ် ဆ့ဆ့တစုန့ၣ်လီၤ. 8ဒီးဖဲတၢ်မၤအသးဒ်န့ၣ်အခါန့ၣ်စီၤနိအၤပျၢ်လီၤထိၣ်လွံၢ် တဘ့ၣ်ဒ်သိးအကသ့ၣ်ညါထံလီၤသံးကွံာ်လၢာ်လံဧါန့ၣ်လီၤ. 9ဘၣ်ဆၣ်ဒီးမ့ၢ်လၢထံလုၣ်ဘၢဒံးဟီၣ်ခိၣ်ဒီဘ့ၣ်ညါ, ဒီးထိၣ်လွံၢ်တထံၣ်န့ၢ်ဘၣ်တၢ်လီၢ်လၢကစီၢ်လီၤဝဲအဂီၢ်ဘၣ်. ဒီးယူၤကဒါက့ၤဝဲဆူကဘီအအိၣ်, ဒီးစီၤနိအၤယူာ်ဃီၤအစုဒီးဒုးနုာ်ကဒါက့ၤအီၤန့ၣ်လီၤ. 10ဒီးစီၤနိအၤအိၣ်ခိးကဒီးဝဲဆူညါနွံသီဒီးပျၢ်လီၤကဒီး ထိၣ်လွံၢ်န့ၣ်လီၤ. 11ဒီးထိၣ်လွံၢ်ဟဲက့ၤဆူအအိၣ်လၢမုၢ်ဟါဃုာ်ဒီးသ့ၣ်စၤယံးအလၣ် သံကစဲာ်တဘ့ၣ်အိၣ်လၢအနိာ်ပူၤန့ၣ်လီၤ. လၢတၢ်န့ၣ်အဃိစီၤနိအၤသ့ၣ်ညါလၢထံလီၤသံးလံန့ၣ်လီၤ. 12တုၤနုၤတစုစီၤနိအၤအိၣ်ခိးကဒီးဆူညါနွံသီဝံၤပျၢ်လီၤ ကဒီးထိၣ်လွံၢ်လၢခံတဘျီန့ၣ်လီၤ. တဘျီအံၤထိၣ်လွံၢ်တဟဲက့ၤလၢၤဘၣ်.
13ဖဲစီၤနိအၤအသးအိၣ်ဃုကယၤတနံၣ်, လၢလါအခီၣ်ထံးတလါထီၣ် အခီၣ်ထံးတသီအနံၤန့ၣ်ထံဟါမၢ်လၢာ်လံန့ၣ်လီၤ. စီၤနိအၤသုးကွံာ်ကဘီအတြဲၤ, ဒီးကွၢ်တၢ်ဝးဝး, ဒီးထံၣ်ဝဲဒၣ်လၢဟီၣ်ခိၣ်ဃ့ထီထီၣ်ဝဲလံန့ၣ်လီၤ. 14ဒီးလၢလါခံလါတလါထီၣ်ခံဆံနွံသီတသီအနံၤန့ၣ်ဟီၣ်ခိၣ်ဃ့ ထီထီၣ်လၢာ်လၢာ်ဆ့ဆ့န့ၣ်လီၤ.
15-16ဒီးကစၢ်ယွၤစံးဘၣ်စီၤနိအၤ, “ဟးထီၣ်လၢကဘီပူၤဃုာ်ဒီးနမါ, နဖိခွါတဖၣ်ဒီးအမါတဖၣ် န့ၣ်တက့ၢ်.
17ဟံးထီၣ်ကယဲၢ်ထိၣ်ဧိၤလံာ်ဧိၤဒီးဆၣ်ဖိကီၢ်ဖိခဲလၢာ်ဃုာ်ဒီး နၤဒ်သိးကလိၣ်ထီၣ်ဖးထီၣ်ဒီးရၤလီၤအသးလၢဟီၣ်ခိၣ်ဒီဘ့ၣ် န့ၣ်တက့ၢ်.” 18လၢတၢ်န့ၣ်အဃိစီၤနိအၤဟးထီၣ်လၢကဘီပူၤဃုာ်ဒီးအမါ, အဖိခွါတဖၣ်ဒီးအမါတဖၣ်န့ၣ်လီၤ. 19ဒီးကယဲၢ်ဆၣ်ဖိကီၢ်ဖိဒီးထိၣ်ဧိၤလံာ်ဧိၤခဲလၢာ်ဟးထီၣ်လၢ ကဘီလိၤလၢအကရူၢ်ဒၣ်ဝဲဒီးအကလုာ်ဒၣ်ဝဲစုာ်စုာ်န့ၣ်လီၤ.
စီၤနိအၤလုၢ်ထီၣ်တၢ်လုၢ်တၢ်ပာ်တမံၤ
20ဒီးစီၤနိအၤမၤတၢ်လုၢ်လီၢ်တခါလၢယွၤအဂီၢ်လီၤ. အဝဲဟံးန့ၢ်တၢ်လၢကယဲၢ်ဆၣ်ဖိကီၢ်ဖိလၢအကဆှီဒီးကယဲၢ်ထိၣ်ဖိ လံာ်ဖိလၢအကဆှီအကျါတဒုဒီးတဘ့ၣ်စုာ်စုာ်ဒီးဆူးကဲၤထီၣ် အီၤခဲလၢာ်ဒ်တၢ်လုၢ်တၢ်ပာ်တမံၤအသိးလၢတၢ်လုၢ်လီၢ်န့ၣ်အဖီ ခိၣ်လီၤ. 21တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်. 22ဟီၣ်ခိၣ်အိၣ်ဂၢၢ်ကျၢၤဒံးဝဲအကတီၢ်ပူၤန့ၣ်, တၢ်သူၣ်လီၤဖျးလီၤဒီးတၢ်ကူးဘုအကတီၢ်ကအိၣ်ဝဲလီၤ. တၢ်ခုၣ်ဒီးတၢ်ကိၢ်, တၢ်ကိၢ်ခါအကတီၢ်ဒီးတၢ်ဂိၢ်ခါအကတီၢ်, မုၢ်နံၤဒီးမုၢ်နၤကအိၣ်ဝဲတဘိယူၢ်ဃီလီၤ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.