လံာ်လူၤကၣ် 17
17
တၢ်ဒဲးဘး
(မး. ၁၈:၆-၇,၂၁-၂၂; မၢ်. ၉:၄၂)
1ယ့ၣ်ၡူးစံးဘၣ်အပျဲၢ်အဘီၣ်တဖၣ်, “တၢ်သ့ၣ်တဖၣ်လၢအဒုးလီၤနုာ်ပှၤကညီဆူတၢ်ဒဲးဘးအပူၤန့ၣ် ကမၤအသးလီၤ. ဘၣ်ဆၣ်ဒီးပှၤတဂၤလၢအဒုးအိၣ်ထီၣ်တၢ်သ့ၣ် တဖၣ်န့ၣ်, ဘၣ်အဖှီၣ်ဆံးဒိၣ်လဲၣ်. 2ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ. 3လၢတၢ်န့ၣ်အဃိပလီၢ်သုသးတက့ၢ်.
နဒီပုၢ်ဝဲၢ်မ့ၢ်မၤကမၣ်တၢ်န့ၣ်, သိၣ်ဃီၣ်အီၤ, ဒီးအဝဲဒၣ်မ့ၢ်ပီၢ်ယၢ်လီၤက့ၤအသးန့ၣ်, ပျၢ်အတၢ်ကမၣ်တက့ၢ်. 4အဝဲဒၣ်မ့ၢ်မၤကမၣ်နၤနွံဘျီလၢတနံၤအတီၢ်ပူၤ, ဒီးတဘျီဘၣ်တဘျီဖဲအဟဲဒီးစံး, ‘ယပီၢ်ယၢ်လီၤက့ၤယသးလံ’ န့ၣ်, နကဘၣ်ပျၢ်အတၢ်ကမၣ်လီၤ.”
တၢ်စူၢ်တၢ်နာ်
5တၢ်မၢဖိတဖၣ်စံးဘၣ်ကစၢ်, “မၤအါထီၣ်ပတၢ်စူၢ်တၢ်နာ်တက့ၢ်.”
6ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.
တၢ်ခ့တၢ်ပှၤတဂၤအမူအဒါ
7“ပစံးဒၣ်ကလိာ်, သုဝဲအကျါတဂၤအိၣ်ဒီးတၢ်ခ့တၢ်ပှၤတဂၤလၢအထူစံာ်, မ့တမ့ၢ်ကွၢ်သိန့ၣ်လီၤ. ဖဲအဝဲဒၣ်ဟဲက့ၤလၢစံာ်ပျီပူၤန့ၣ်, မ့ၢ်သုစံးဘၣ်အီၤ, ‘မၤချ့ချ့ဒီးအီၣ်တၢ်တက့ၢ်’ န့ၣ်ဧါ. 8တမ့ၢ်လ့ၤတက့ၤဘၣ်. မ့မ့ၢ်သုစံးဘၣ်အီၤ, ‘ကတဲာ်ကတီၤန့ၢ်ယတၢ်အီၣ်ဝံၤဒီး ကံၢ်တူာ်နယီၢ်ဒ့လၢတၢ်ကံးယာ်ဒီးအိၣ်ခိးကွၢ်ထွဲယတၢ်လိၣ်ဖဲ ယအီၣ်တၢ်အဆၢကတီၢ်န့ၣ်တက့ၢ်. အန့ၣ်ဝံၤအလီၢ်ခံနအီၣ်တၢ်သ့ဝဲလီၤ.’ 9အလီၢ်တအိၣ်လၢတၢ်ခ့တၢ်ပှၤတဂၤကဘၣ်တၢ်စံးဘျုးစံးဖှိၣ်အီၤလၢ အစူၢ်တၢ်အကလုၢ်အဃိန့ၣ်ဘၣ်. 10သုဝဲစ့ၢ်ကီးမ့ၢ်တၢ်ဒ်န့ၣ်လီၤ. ဖဲသုမၤလံတၢ်လၢပှၤမၢသုခဲလၢာ်န့ၣ်, စံးသုဝဲ, ‘ပမ့ၢ်ဒၣ်တၢ်ခ့တၢ်ပှၤတဖၣ်လီၤ. မ့ၢ်ဒၣ်ပမၤပှဲၤပမူပဒါတဖၣ်လီၤ.’ ”
ယ့ၣ်ၡူးမၤကဆှီထီၣ်က့ၤပှၤလိၤတဂ့ၤ အဂၤတဆံ
11ဖဲယ့ၣ်ၡူးလဲၤဝဲဆူဝ့ၢ်ယရူၤၡလ့ၣ်န့ၣ်, အဝဲဒၣ်လဲၤကျဲလၢအခီဂာ် ကီၢ်ၡၤမရံဒီးကီၢ်ကၤလံၤလါအကီၢ်ဆၢန့ၣ်လီၤ. 12ဖဲအဝဲဒၣ်လဲၤနုာ်လၢသဝီတဖျၢၣ်အပူၤန့ၣ်. အဝဲဘၣ်တၢ်သဂၢၢ်အီၤလၢပှၤလိၤတဂ့ၤအဂၤတဆံလီၤ. အဝဲသ့ၣ်အိၣ်ဆၢထၢၣ်လၢအယံၤ 13ဒီးကိးပသူထီၣ်ဒီးစံးဝဲ, “ယ့ၣ်ၡူးကစၢ်ဧၢ, သူၣ်ကညီၤသးကညီၤပှၤတက့ၢ်.”
14ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ. 15အဝဲသ့ၣ်အကျါတဂၤဖဲအထံၣ်ဘၣ်ဝဲလၢအဘၣ်တၢ်မၤဘျါအီၤလံန့ၣ်, ဟဲက့ၤကဒါက့ၤဒီးစံးထီၣ်ပတြၢၤကစၢ်ယွၤလၢအကလုၢ်ဖးဒိၣ်လီၤ. 16အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ. 17ယ့ၣ်ၡူးကတိၤတၢ်ဒီးစံးဝဲ, “ပှၤလၢအဘၣ်တၢ်မၤကဆှီထီၣ်က့ၤအီၤ အိၣ်ဝဲအဂၤတဆံလီၤ. အဂၤခွံဂၤအိၣ်ဖဲလဲၣ်. 18ဘၣ်မနုၤအဃိပှၤကလုာ်ဂၤတဂၤအံၤမ့ၢ်ဝဲပှၤထဲတဂၤဧိၤလၢ အဟဲက့ၤဒီးဟ့ၣ်က့ၤတၢ်စံးဘျုးဆူကစၢ်ယွၤန့ၣ်လဲၣ်.” 19ဒီးယ့ၣ်ၡူးစံးဘၣ်အီၤ, “ဂဲၤဆၢထၢၣ်ဒီးဟးထီၣ်တက့ၢ်. နတၢ်စူၢ်တၢ်နာ်ဒုးအိၣ်ဆူၣ်အိၣ်ချ့ထီၣ်က့ၤနၤလံ.”
ဘီမုၢ်အတၢ်ဟဲ
(မး. ၂၄:၂၃-၂၈,၃၇-၄၁)
20ပှၤဖၤရံၤၡဲတနီၤသံကွၢ်ယ့ၣ်ၡူးလၢကစၢ်ယွၤအဘီအမုၢ်ကဟဲဝဲဒၣ် ဖဲဆၢကတီၢ်မတၤလဲၣ်န့ၣ်လီၤ. အဝဲဒၣ်အတၢ်စံးဆၢမ့ၢ်ဝဲ, “ကစၢ်ယွၤအဘီအမုၢ်တဟဲဝဲလၢကျဲလၢ ပှၤထံၣ်အီၤသ့အပူၤန့ၣ်ဘၣ်. 21ပှၤတစံးဝဲ, ‘ကွၢ်တက့ၢ်. အိၣ်လၢအံၤ,’ မ့တမ့ၢ် ‘အိၣ်လၢန့ၣ်’ န့ၣ်နီတဂၤဘၣ်. အဂ့ၢ်ဒ်အံၤ, ယွၤအဘီအမုၢ်န့ၣ်အိၣ်ဝဲဒၣ်လၢသုသးကံၢ်ပူၤလီၤ.”
22တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “ဆၢကတီၢ်ကတုၤအိၣ်ဝဲဖဲသုကဆၢထံၣ်ဘၣ်ပှၤကညီဖိခွါ အမုၢ်နံၤမုၢ်သီတဖၣ်အကျါတနံၤ, ဘၣ်ဆၣ်ဒီးသုတထံၣ်ဘၣ်သုဝဲဘၣ်. 23ပှၤကအိၣ်ဝဲဒၣ်လၢအကစံးဘၣ်သု, ‘ကွၢ်စိဃီၤလၢန့ၣ်,’ မ့တမ့ၢ် ‘ကွၢ်စိဃီၤလၢအံၤ,’ န့ၣ်လီၤ. ဘၣ်ဆၣ်ဒီးသုတဘၣ်ဟးထီၣ်ကွၢ်ဃုအီၤတဂ့ၤ. 24ဒ်လီဝၢ်အဒံးလၢမူကပိာ်လိၤတကပၤမၤကပီၤထီၣ်မူခိၣ်ဒီဘ့ၣ်ညါတုၤလၢ အကတၢၢ်တကပၤအသိးန့ၣ်, ပှၤကညီဖိခွါကမ့ၢ်တၢ်ဒ်န့ၣ်အသိးဖဲအဝဲဒၣ်အမုၢ်နံၤတနံၤ န့ၣ်လီၤ. 25ဘၣ်ဆၣ်ဒီးအဆိကတၢၢ်န့ၣ်, အဝဲကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤတစိၤအံၤန့ၣ်လီၤ. 26ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ. 27ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ. 28တၢ်ကမၤအသးဒ်တၢ်မၤတ့ၢ်အသးဖဲစီၤလိာ်အဆၢကတီၢ်အသိးန့ၣ်လီၤ. ပှၤအီၣ်တၢ်ဒီးအီတၢ်, ပှ့ၤတၢ်ဒီးဆါတၢ်, သူၣ်လီၤတၢ်ဒီးဘှီထီၣ်တၢ်ကွ့ၢ်ကွ့ၢ်လီၤ. 29ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ. 30တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.
31ဖဲမုၢ်နံၤအဝဲန့ၣ်, ပှၤတဂၤလၢအအိၣ်လၢအဟံၣ်ခိၣ်အဖီခိၣ်န့ၣ် တဘၣ်ဟဲက့ၤလီၤဒီးက့ၤနုာ်ဆူအဟံၣ်ပူၤဒ်သိးအကဟံးန့ၢ် အတၢ်ဖိတၢ်လံၤလၢအအိၣ်ဖဲန့ၣ်တဖၣ်ဘၣ်. ဒ်န့ၣ်အသိး, ပှၤတဂၤလၢအအိၣ်လၢစံာ်ပျီပူၤန့ၣ်, တဘၣ်က့ၤကဒါက့ၤဆူအဟံၣ်ဘၣ်. 32သ့ၣ်နီၣ်ထီၣ်က့ၤစီၤလိာ်အမါန့ၣ်တက့ၢ်. 33ပှၤတဂၤလၢ်လၢ်လၢအဂုာ်ကျဲးစၢးအုၣ်က့ၤခီၣ်က့ၤအသးဒၣ်ဝဲန့ၣ်, ကဒုးလီၤမၢ်ကွံာ်အီၤ, ပှၤတဂၤလၢ်လၢ်လၢအဒုးလီၤမၢ်ကွံာ်အသးန့ၣ်, ကအုၣ်က့ၤခီၣ်က့ၤအီၤလီၤ. 34ဖဲမုၢ်တနၤန့ၣ်, ယစံးဘၣ်တဲဘၣ်သု, ပှၤကအိၣ်ဝဲဒၣ်ခံဂၤလၢအမံလၢလီၢ်မံတပူၤဃီ, ဒီးတဂၤကဘၣ်တၢ်စိာ်ကွံာ်အီၤ, တဂၤကဘၣ်တၢ်ပာ်လီၤတဲာ်တ့ၢ်အီၤလီၤ. 35ပှၤပိာ်မုၣ်ခံဂၤကဂံာ်ဘုတပူၤဃီ, ဒီးတဂၤကဘၣ်တၢ်စိာ်ကွံာ်အီၤ, အဂၤတဂၤကဘၣ်တၢ်ပာ်လီၤတဲာ်တ့ၢ်အီၤလီၤ. 36(ပှၤပိာ်ခွါခံဂၤကအိၣ်လၢစံာ်ပျီပူၤ, တဂၤကဘၣ်တၢ်ဟံးထီၣ်ကွံာ်အီၤ, ဒီးတဂၤကဘၣ်တၢ်ပာ်လီၤတဲာ်တ့ၢ်အီၤလီၤ.)”
37အပျဲၢ်အဘီၣ်တဖၣ်သံကွၢ်အီၤ, “ဖဲလဲၣ်ပူၤလဲၣ်, ကစၢ်ဧၢ,”
ယ့ၣ်ၡူးစံးဆၢဝဲ, “ဖဲတၢ်သံစိၣ်အိၣ်ဝဲအလီၢ်န့ၣ်, လီတာ်တဖၣ်ကအိၣ်ပာ်ဖှိၣ်ထီၣ်အသးလီၤ.”
Currently Selected:
လံာ်လူၤကၣ် 17: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်လူၤကၣ် 17
17
တၢ်ဒဲးဘး
(မး. ၁၈:၆-၇,၂၁-၂၂; မၢ်. ၉:၄၂)
1ယ့ၣ်ၡူးစံးဘၣ်အပျဲၢ်အဘီၣ်တဖၣ်, “တၢ်သ့ၣ်တဖၣ်လၢအဒုးလီၤနုာ်ပှၤကညီဆူတၢ်ဒဲးဘးအပူၤန့ၣ် ကမၤအသးလီၤ. ဘၣ်ဆၣ်ဒီးပှၤတဂၤလၢအဒုးအိၣ်ထီၣ်တၢ်သ့ၣ် တဖၣ်န့ၣ်, ဘၣ်အဖှီၣ်ဆံးဒိၣ်လဲၣ်. 2ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ. 3လၢတၢ်န့ၣ်အဃိပလီၢ်သုသးတက့ၢ်.
နဒီပုၢ်ဝဲၢ်မ့ၢ်မၤကမၣ်တၢ်န့ၣ်, သိၣ်ဃီၣ်အီၤ, ဒီးအဝဲဒၣ်မ့ၢ်ပီၢ်ယၢ်လီၤက့ၤအသးန့ၣ်, ပျၢ်အတၢ်ကမၣ်တက့ၢ်. 4အဝဲဒၣ်မ့ၢ်မၤကမၣ်နၤနွံဘျီလၢတနံၤအတီၢ်ပူၤ, ဒီးတဘျီဘၣ်တဘျီဖဲအဟဲဒီးစံး, ‘ယပီၢ်ယၢ်လီၤက့ၤယသးလံ’ န့ၣ်, နကဘၣ်ပျၢ်အတၢ်ကမၣ်လီၤ.”
တၢ်စူၢ်တၢ်နာ်
5တၢ်မၢဖိတဖၣ်စံးဘၣ်ကစၢ်, “မၤအါထီၣ်ပတၢ်စူၢ်တၢ်နာ်တက့ၢ်.”
6ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.
တၢ်ခ့တၢ်ပှၤတဂၤအမူအဒါ
7“ပစံးဒၣ်ကလိာ်, သုဝဲအကျါတဂၤအိၣ်ဒီးတၢ်ခ့တၢ်ပှၤတဂၤလၢအထူစံာ်, မ့တမ့ၢ်ကွၢ်သိန့ၣ်လီၤ. ဖဲအဝဲဒၣ်ဟဲက့ၤလၢစံာ်ပျီပူၤန့ၣ်, မ့ၢ်သုစံးဘၣ်အီၤ, ‘မၤချ့ချ့ဒီးအီၣ်တၢ်တက့ၢ်’ န့ၣ်ဧါ. 8တမ့ၢ်လ့ၤတက့ၤဘၣ်. မ့မ့ၢ်သုစံးဘၣ်အီၤ, ‘ကတဲာ်ကတီၤန့ၢ်ယတၢ်အီၣ်ဝံၤဒီး ကံၢ်တူာ်နယီၢ်ဒ့လၢတၢ်ကံးယာ်ဒီးအိၣ်ခိးကွၢ်ထွဲယတၢ်လိၣ်ဖဲ ယအီၣ်တၢ်အဆၢကတီၢ်န့ၣ်တက့ၢ်. အန့ၣ်ဝံၤအလီၢ်ခံနအီၣ်တၢ်သ့ဝဲလီၤ.’ 9အလီၢ်တအိၣ်လၢတၢ်ခ့တၢ်ပှၤတဂၤကဘၣ်တၢ်စံးဘျုးစံးဖှိၣ်အီၤလၢ အစူၢ်တၢ်အကလုၢ်အဃိန့ၣ်ဘၣ်. 10သုဝဲစ့ၢ်ကီးမ့ၢ်တၢ်ဒ်န့ၣ်လီၤ. ဖဲသုမၤလံတၢ်လၢပှၤမၢသုခဲလၢာ်န့ၣ်, စံးသုဝဲ, ‘ပမ့ၢ်ဒၣ်တၢ်ခ့တၢ်ပှၤတဖၣ်လီၤ. မ့ၢ်ဒၣ်ပမၤပှဲၤပမူပဒါတဖၣ်လီၤ.’ ”
ယ့ၣ်ၡူးမၤကဆှီထီၣ်က့ၤပှၤလိၤတဂ့ၤ အဂၤတဆံ
11ဖဲယ့ၣ်ၡူးလဲၤဝဲဆူဝ့ၢ်ယရူၤၡလ့ၣ်န့ၣ်, အဝဲဒၣ်လဲၤကျဲလၢအခီဂာ် ကီၢ်ၡၤမရံဒီးကီၢ်ကၤလံၤလါအကီၢ်ဆၢန့ၣ်လီၤ. 12ဖဲအဝဲဒၣ်လဲၤနုာ်လၢသဝီတဖျၢၣ်အပူၤန့ၣ်. အဝဲဘၣ်တၢ်သဂၢၢ်အီၤလၢပှၤလိၤတဂ့ၤအဂၤတဆံလီၤ. အဝဲသ့ၣ်အိၣ်ဆၢထၢၣ်လၢအယံၤ 13ဒီးကိးပသူထီၣ်ဒီးစံးဝဲ, “ယ့ၣ်ၡူးကစၢ်ဧၢ, သူၣ်ကညီၤသးကညီၤပှၤတက့ၢ်.”
14ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ. 15အဝဲသ့ၣ်အကျါတဂၤဖဲအထံၣ်ဘၣ်ဝဲလၢအဘၣ်တၢ်မၤဘျါအီၤလံန့ၣ်, ဟဲက့ၤကဒါက့ၤဒီးစံးထီၣ်ပတြၢၤကစၢ်ယွၤလၢအကလုၢ်ဖးဒိၣ်လီၤ. 16အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ. 17ယ့ၣ်ၡူးကတိၤတၢ်ဒီးစံးဝဲ, “ပှၤလၢအဘၣ်တၢ်မၤကဆှီထီၣ်က့ၤအီၤ အိၣ်ဝဲအဂၤတဆံလီၤ. အဂၤခွံဂၤအိၣ်ဖဲလဲၣ်. 18ဘၣ်မနုၤအဃိပှၤကလုာ်ဂၤတဂၤအံၤမ့ၢ်ဝဲပှၤထဲတဂၤဧိၤလၢ အဟဲက့ၤဒီးဟ့ၣ်က့ၤတၢ်စံးဘျုးဆူကစၢ်ယွၤန့ၣ်လဲၣ်.” 19ဒီးယ့ၣ်ၡူးစံးဘၣ်အီၤ, “ဂဲၤဆၢထၢၣ်ဒီးဟးထီၣ်တက့ၢ်. နတၢ်စူၢ်တၢ်နာ်ဒုးအိၣ်ဆူၣ်အိၣ်ချ့ထီၣ်က့ၤနၤလံ.”
ဘီမုၢ်အတၢ်ဟဲ
(မး. ၂၄:၂၃-၂၈,၃၇-၄၁)
20ပှၤဖၤရံၤၡဲတနီၤသံကွၢ်ယ့ၣ်ၡူးလၢကစၢ်ယွၤအဘီအမုၢ်ကဟဲဝဲဒၣ် ဖဲဆၢကတီၢ်မတၤလဲၣ်န့ၣ်လီၤ. အဝဲဒၣ်အတၢ်စံးဆၢမ့ၢ်ဝဲ, “ကစၢ်ယွၤအဘီအမုၢ်တဟဲဝဲလၢကျဲလၢ ပှၤထံၣ်အီၤသ့အပူၤန့ၣ်ဘၣ်. 21ပှၤတစံးဝဲ, ‘ကွၢ်တက့ၢ်. အိၣ်လၢအံၤ,’ မ့တမ့ၢ် ‘အိၣ်လၢန့ၣ်’ န့ၣ်နီတဂၤဘၣ်. အဂ့ၢ်ဒ်အံၤ, ယွၤအဘီအမုၢ်န့ၣ်အိၣ်ဝဲဒၣ်လၢသုသးကံၢ်ပူၤလီၤ.”
22တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “ဆၢကတီၢ်ကတုၤအိၣ်ဝဲဖဲသုကဆၢထံၣ်ဘၣ်ပှၤကညီဖိခွါ အမုၢ်နံၤမုၢ်သီတဖၣ်အကျါတနံၤ, ဘၣ်ဆၣ်ဒီးသုတထံၣ်ဘၣ်သုဝဲဘၣ်. 23ပှၤကအိၣ်ဝဲဒၣ်လၢအကစံးဘၣ်သု, ‘ကွၢ်စိဃီၤလၢန့ၣ်,’ မ့တမ့ၢ် ‘ကွၢ်စိဃီၤလၢအံၤ,’ န့ၣ်လီၤ. ဘၣ်ဆၣ်ဒီးသုတဘၣ်ဟးထီၣ်ကွၢ်ဃုအီၤတဂ့ၤ. 24ဒ်လီဝၢ်အဒံးလၢမူကပိာ်လိၤတကပၤမၤကပီၤထီၣ်မူခိၣ်ဒီဘ့ၣ်ညါတုၤလၢ အကတၢၢ်တကပၤအသိးန့ၣ်, ပှၤကညီဖိခွါကမ့ၢ်တၢ်ဒ်န့ၣ်အသိးဖဲအဝဲဒၣ်အမုၢ်နံၤတနံၤ န့ၣ်လီၤ. 25ဘၣ်ဆၣ်ဒီးအဆိကတၢၢ်န့ၣ်, အဝဲကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤတစိၤအံၤန့ၣ်လီၤ. 26ဒ်တၢ်မၤအသးဖဲစီၤနိအၤအဆၢကတီၢ်အသိးန့ၣ်, တၢ်ကမၤအသးဒ်န့ၣ်အသိးဖဲပှၤကညီဖိခွါအမုၢ်နံၤမုၢ်သီတဖၣ်န့ၣ်လီၤ. 27ပှၤအီၣ်တၢ်ဒီးအီတၢ်, န့ၢ်မါန့ၢ်ဝၤတုၤလီၤမုၢ်တနံၤဖဲစီၤနိအၤလဲၤနုာ်လၢ ကဘီပူၤ, ဒီးထံဒိၣ်ထီၣ် ဒီးပှၤအိၣ်လၢခိတဖၣ်သံကွံာ်ဝဲဒၣ်ကိးဂၤ ဒဲးလီၤ. 28တၢ်ကမၤအသးဒ်တၢ်မၤတ့ၢ်အသးဖဲစီၤလိာ်အဆၢကတီၢ်အသိးန့ၣ်လီၤ. ပှၤအီၣ်တၢ်ဒီးအီတၢ်, ပှ့ၤတၢ်ဒီးဆါတၢ်, သူၣ်လီၤတၢ်ဒီးဘှီထီၣ်တၢ်ကွ့ၢ်ကွ့ၢ်လီၤ. 29ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ. 30တၢ်ကမၤအသးဒ်န့ၣ်အသိးဖဲမုၢ်တနံၤလၢပှၤကညီဖိခွါဘၣ် တၢ်လီၣ်ဖျါထီၣ်အီၤန့ၣ်လီၤ.
31ဖဲမုၢ်နံၤအဝဲန့ၣ်, ပှၤတဂၤလၢအအိၣ်လၢအဟံၣ်ခိၣ်အဖီခိၣ်န့ၣ် တဘၣ်ဟဲက့ၤလီၤဒီးက့ၤနုာ်ဆူအဟံၣ်ပူၤဒ်သိးအကဟံးန့ၢ် အတၢ်ဖိတၢ်လံၤလၢအအိၣ်ဖဲန့ၣ်တဖၣ်ဘၣ်. ဒ်န့ၣ်အသိး, ပှၤတဂၤလၢအအိၣ်လၢစံာ်ပျီပူၤန့ၣ်, တဘၣ်က့ၤကဒါက့ၤဆူအဟံၣ်ဘၣ်. 32သ့ၣ်နီၣ်ထီၣ်က့ၤစီၤလိာ်အမါန့ၣ်တက့ၢ်. 33ပှၤတဂၤလၢ်လၢ်လၢအဂုာ်ကျဲးစၢးအုၣ်က့ၤခီၣ်က့ၤအသးဒၣ်ဝဲန့ၣ်, ကဒုးလီၤမၢ်ကွံာ်အီၤ, ပှၤတဂၤလၢ်လၢ်လၢအဒုးလီၤမၢ်ကွံာ်အသးန့ၣ်, ကအုၣ်က့ၤခီၣ်က့ၤအီၤလီၤ. 34ဖဲမုၢ်တနၤန့ၣ်, ယစံးဘၣ်တဲဘၣ်သု, ပှၤကအိၣ်ဝဲဒၣ်ခံဂၤလၢအမံလၢလီၢ်မံတပူၤဃီ, ဒီးတဂၤကဘၣ်တၢ်စိာ်ကွံာ်အီၤ, တဂၤကဘၣ်တၢ်ပာ်လီၤတဲာ်တ့ၢ်အီၤလီၤ. 35ပှၤပိာ်မုၣ်ခံဂၤကဂံာ်ဘုတပူၤဃီ, ဒီးတဂၤကဘၣ်တၢ်စိာ်ကွံာ်အီၤ, အဂၤတဂၤကဘၣ်တၢ်ပာ်လီၤတဲာ်တ့ၢ်အီၤလီၤ. 36(ပှၤပိာ်ခွါခံဂၤကအိၣ်လၢစံာ်ပျီပူၤ, တဂၤကဘၣ်တၢ်ဟံးထီၣ်ကွံာ်အီၤ, ဒီးတဂၤကဘၣ်တၢ်ပာ်လီၤတဲာ်တ့ၢ်အီၤလီၤ.)”
37အပျဲၢ်အဘီၣ်တဖၣ်သံကွၢ်အီၤ, “ဖဲလဲၣ်ပူၤလဲၣ်, ကစၢ်ဧၢ,”
ယ့ၣ်ၡူးစံးဆၢဝဲ, “ဖဲတၢ်သံစိၣ်အိၣ်ဝဲအလီၢ်န့ၣ်, လီတာ်တဖၣ်ကအိၣ်ပာ်ဖှိၣ်ထီၣ်အသးလီၤ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.