လံာ်စီၤမိၤရှ့အခီၣ်ထံးတဘ့ၣ်. ၂
၂
1ဒီးမူခိၣ်, ဒီးဟီၣ်ခိၣ်, ဒီးကယဲၢ်အသုးမုၢ်ဂီၢ်မုၢ်န့ၣ် ဝံၤဝဲခဲလၢာ်လီၤ. 2ဒီးလၢမုၢ်နွံနံၤတနံၤန့ၣ်ယွၤမၤဝံၤတၢ် မၤလၢအမၤဝဲ, ဒီးအိၣ်ဘှံးလၢမုၢ်နွံနံၤတနံၤလၢကယဲၢ် အတၢ်မၤလၢအမၤဝဲခဲလၢာ်လီၤ.
3ဒီးယွၤဆိၣ်ဂ့ၤမုၢ်နွံနံၤတနံၤန့ၣ်, ဒီးပာ်စီဆှံအီၤလီၤ. အဂ့ၢ်ဒ်အံၤ, အိၣ်ဘှံးဝဲလၢမုၢ်တနံၤန့ၣ်လၢကယဲၢ်အ တၢ်မၤလၢအတ့ဒီးမၤဝဲခဲလၢာ်လီၤ.
4ဖဲအဘၣ်တၢ်တ့လီၤအီၤ, လၢမုၢ်တနံၤလၢကစၢ်ယွၤ တ့လီၤဟီၣ်ခိၣ်ဒီးမူခိၣ်န့ၣ်, မူခိၣ်ဒီးဟီၣ်ခိၣ်အတၢ်အိၣ် ဖျဲၣ်တဖၣ်မ့ၢ်အအံၤ, 5ဒီးကယဲၢ်တၢ်မဲတၢ်မါလၢပှၢ်လၢ် ကျါလၢအတချုးအိၣ်ဒံးဘၣ်လၢဟီၣ်ခိၣ်ပူၤ, ဒီးကယဲၢ် ဘုဧိၤဟုဧိၤလၢပျီပူၤလၢအတချုးမဲထီၣ်ဒံးဘၣ်. အဂ့ၢ် ဒ်အံၤ, ကစၢ်ယွၤတဒုးဟဲစူၤဒံးဘၣ်တၢ်လၢဟီၣ်ခိၣ်ချၢ ဘၣ်, ဒီးပှၤကညီလၢအကမၤဟီၣ်ခိၣ်တအိၣ်ဘၣ်နီတ ဂၤဘၣ်. 6ဘၣ်ဆၣ်ဒီးဘှ့ၣ်ထီၣ်ဝဲလၢဟီၣ်ခိၣ်, ဒီးမၤ ဘၣ်စီၣ်ဟီၣ်ခိၣ်ဒီဘ့ၣ်ညါလီၤ.
7ဒီးကစၢ်ယွၤတ့လီၤပှၤကညီလၢ ဟီၣ်ခိၣ်အကမူၣ်, ဒီးအူသဖှိတၢ်မူအသါဆူအနါဒ့ပူၤ, ဒီးပှၤကညီကဲထီၣ် ပှၤအသးသမူတဂၤလီၤ.
8ဒီးကစၢ်ယွၤ သူၣ်လီၤဖျးလီၤတၤသၣ်အလီၢ် ဆူမုၢ် ထီၣ်တခီလၢဧ့ၤဒ့ၣ်အပူၤ, ဒီးပှၤကညီလၢအတ့လီၤဝဲ န့ၣ်ပာ်ဝဲဖဲန့ၣ်လီၤ.
9ဒီးကစၢ်ယွၤဒုးမဲထီၣ် ကယဲၢ်သ့ၣ်လၢပကွၢ်ဂ့ၤ, ဒီး ပအီၣ်ဂ့ၤလၢဟီၣ်ခိၣ်ပူၤတထံးလၢ်လၢ်, ဒီးတၢ်မူအသ့ၣ် တထံးလၢအအိၣ်ဝဲလၢ တၤသၣ်အလီၢ်အသးကံၢ်ပူၤ, ဒီးတၢ်သ့ၣ်ညါတၢ်ဂ့ၤဒီးတၢ်အၢအသ့ၣ်တထံးလီၤ.
10ဒီးထံမိၢ်ပှၢ်တကျိဟးထီၣ်လၢ ဧ့ၤဒ့ၣ်အပူၤဒ်သိးအ ကမၤဘၣ်စီၣ် တၤသၣ်အလီၢ်လီၤ. ဒီးဖးဒ့ထီၣ်ဖဲန့ၣ်, ဒီးကဲထီၣ် ထံလွံၢ်ကျိလီၤ. 11အခီၣ်ထံးတကျိအမံၤန့ၣ် မ့ၢ်ပံၤၡိၣ်လီၤ. ဒီးအဝဲန့ၣ်လဲၤတရံးကီၢ်ဃဝံၤလၤဒီဘ့ၣ် ညါ, ဒီးဖဲန့ၣ်ထူအိၣ်ဝဲလီၤ. 12ဒီးကီၢ်အထူန့ၣ်မ့ၢ်အဂ့ၤ လီၤ. တၢ်မျၢ်ပလဲ, ဒီးတၢ်မျၢ်မဟူယၤအိၣ်ဝဲဖဲန့ၣ်လီၤ.-
13ဒီးထံကျိလၢအပှဲၤထီၣ်ခံကျိတကျိ အမံၤန့ၣ်မ့ၢ်ကံဃိၣ် လီၤ. အဝဲန့ၣ်လဲၤတရံးကီၢ်ကူၤၡးဒီဘ့ၣ်ညါလီၤ. 14ဒီး ထံကျိလၢအပှဲၤထီၣ်သၢကျိတကျိအမံၤန့ၣ် မ့ၢ်ဃံးဒ က့လးလီၤ. အဝဲန့ၣ်လဲၤဆူမုၢ်ထီၣ် ဆူကီၢ်အၤရှူၢ်အ ဃၢၤန့ၣ်လီၤ. ဒီးထံကျိလၢအပှဲၤထီၣ်လွံၢ်ကျိတကျိန့ၣ် မ့ၢ်ဖရၤသးလီၤ.
15ဒီးကစၢ်ယွၤဟံးန့ၢ်ပှၤကညီ, ဒီးပာ်ဝဲလၢဧ့ၤဒ့ၣ်အ တၤသၣ်အလီၢ်ပူၤဒ်သိးအကမၤအီၤ, ဒီးပၢၤအီၤလီၤ. 16ဒီးကစၢ်ယွၤမၤလိာ်ပှၤကညီဒီးစံးဝဲဒၣ်, ကယဲၢ်သ့ၣ်လၢ တၤသၣ်အလီၢ်ပူၤအံၤ, နအီၣ်ဒီးနအီၣ်ဘၣ်သၢၣ်. 17မ့ မ့ၢ်တၢ်သ့ၣ်ညါတၢ်ဂ့ၤဒီးတၢ်အၢအသ့ၣ်တထံးန့ၣ်အီၣ် အသၣ်တဂ့ၤ. အဂ့ၢ်ဒ်အံၤ, မုၢ်တနံၤလၢနအီၣ်အီၤန့ၣ် သံဒီးနကသံလီၤ.
18ဒီးယွၤစံးဝဲဒၣ်, ပှၤကညီအိၣ်တဂၤဃီ တဂ့ၤဘၣ် ယကတ့န့ၢ်အီၤလၢတၢ်မၤစၢၤလၢအကြၢးဒီးအီၤလီၤ.
19ဒီးကစၢ်ယွၤတ့လီၤ ကယဲၢ်ဆၣ်ဧိၤကီၢ်ဧိၤလၢပှၢ်လၢ် ကျါ, ဒီးကယဲၢ်ထိၣ်ဧိၤလံၣ်ဧိၤလၢတၢ်ဖးဖီလၢဟီၣ်ခိၣ် ကိးမံၤဒဲး, ဒီးဒုးဟဲဝဲဆူပှၤကညီအအိၣ်ဒ်သိးအကထံၣ် ဝဲလၢအဝဲဒၣ်ကယုၢ်အမံၤဒ်လဲၣ်ဒ်လဲၣ်န့ၣ်လီၤ. ဒီးဖဲဒၣ် ပှၤကညီယုၢ်တၢ်အသးအမံၤန့ၣ်မ့ၢ်အမံၤလီၤ. 20ဒီးပှၤ ကညီယုၢ်ကယဲၢ်ဆၣ်ဧိၤကီၢ်ဧိၤအဒၢ, ဒီးထိၣ်ဧိၤလံၣ် ဧိၤလၢတၢ်ဖးဖီ, ဒီးကယဲၢ်ဆၣ်ဧိၤကီၢ်ဧိၤလၢပှၢ်လၢ်ကျါ ကိးကလုာ်ဒဲးအမံၤလီၤ. မ့မ့ၢ်လၢပှၤကညီအဂီၢ်န့ၣ်တၢ် မၤစၢၤကြၢးဒီးအီၤန့ၣ်တၢ်တထံၣ်န့ၢ်ဘၣ်ဝဲဘၣ်.
21ဒီးကစၢ်ယွၤဒုးလီၤဘၣ်တၢ်မံသပ့ၤလၢ ပှၤကညီအ လိၤ, ဒီးအဝဲဒၣ်မံသပ့ၤ, ဒီးထဲးထီၣ်န့ၢ်ဝဲအဂုာ်ဃံတ ဘ့ၣ်, ဒီးမၤမံထီက့ၤဝဲအလီၢ်လၢအညၣ်လီၤ. 22ဒီးတၢ် ဂုာ်ဃံလၢအထဲးထီၣ်န့ၢ်ဝဲလၢပိာ်ခွါအလိၤန့ၣ်, ကစၢ် ယွၤတ့လီၤအီၤလၢပိာ်မုၣ်, ဒီးဆှၢအီၤဆူပိာ်ခွါအအိၣ်လီၤ.
23ဒီးပိာ်ခွါစံးဝဲဒၣ်, ခဲကနံၣ်အံၤအဝဲဒၣ်အံၤမ့ၢ်ဃံလၢ ယဃံ, ဒီးညၣ်လၢယညၣ်လီၤ. တၢ်ကကိးအီၤလၢပိာ် မုၣ်, အဂ့ၢ်ဒ်အံၤ, ဘၣ်တၢ်ထဲးထီၣ်ကွံာ်အီၤလၢပိာ်ခွါ အလိၤလီၤ. 24မၤသးဒ်န့ၣ်ဒီး တၢ်လၢပိာ်ခွါအံၤကဟး သဒၣ်အမိၢ်အပၢ်, ဒီးကဘျုးအသးဆူ ပိာ်မုၣ်အအိၣ်, ဒီးတၢ်လၢပှၤခံဂၤန့ၣ် ကကဲထီၣ်တၢ်တသွံၣ်ဃီတညၣ် ဃီလီၤ. 25ဒီးပှၤခံဂၤ, ပိာ်ခွါဒီးအမါန့ၣ်အိၣ်ဘ့ၣ်ဆ့, ဒီးအမဲာ်တဆှးဘၣ်လီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၂: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.
လံာ်စီၤမိၤရှ့အခီၣ်ထံးတဘ့ၣ်. ၂
၂
1ဒီးမူခိၣ်, ဒီးဟီၣ်ခိၣ်, ဒီးကယဲၢ်အသုးမုၢ်ဂီၢ်မုၢ်န့ၣ် ဝံၤဝဲခဲလၢာ်လီၤ. 2ဒီးလၢမုၢ်နွံနံၤတနံၤန့ၣ်ယွၤမၤဝံၤတၢ် မၤလၢအမၤဝဲ, ဒီးအိၣ်ဘှံးလၢမုၢ်နွံနံၤတနံၤလၢကယဲၢ် အတၢ်မၤလၢအမၤဝဲခဲလၢာ်လီၤ.
3ဒီးယွၤဆိၣ်ဂ့ၤမုၢ်နွံနံၤတနံၤန့ၣ်, ဒီးပာ်စီဆှံအီၤလီၤ. အဂ့ၢ်ဒ်အံၤ, အိၣ်ဘှံးဝဲလၢမုၢ်တနံၤန့ၣ်လၢကယဲၢ်အ တၢ်မၤလၢအတ့ဒီးမၤဝဲခဲလၢာ်လီၤ.
4ဖဲအဘၣ်တၢ်တ့လီၤအီၤ, လၢမုၢ်တနံၤလၢကစၢ်ယွၤ တ့လီၤဟီၣ်ခိၣ်ဒီးမူခိၣ်န့ၣ်, မူခိၣ်ဒီးဟီၣ်ခိၣ်အတၢ်အိၣ် ဖျဲၣ်တဖၣ်မ့ၢ်အအံၤ, 5ဒီးကယဲၢ်တၢ်မဲတၢ်မါလၢပှၢ်လၢ် ကျါလၢအတချုးအိၣ်ဒံးဘၣ်လၢဟီၣ်ခိၣ်ပူၤ, ဒီးကယဲၢ် ဘုဧိၤဟုဧိၤလၢပျီပူၤလၢအတချုးမဲထီၣ်ဒံးဘၣ်. အဂ့ၢ် ဒ်အံၤ, ကစၢ်ယွၤတဒုးဟဲစူၤဒံးဘၣ်တၢ်လၢဟီၣ်ခိၣ်ချၢ ဘၣ်, ဒီးပှၤကညီလၢအကမၤဟီၣ်ခိၣ်တအိၣ်ဘၣ်နီတ ဂၤဘၣ်. 6ဘၣ်ဆၣ်ဒီးဘှ့ၣ်ထီၣ်ဝဲလၢဟီၣ်ခိၣ်, ဒီးမၤ ဘၣ်စီၣ်ဟီၣ်ခိၣ်ဒီဘ့ၣ်ညါလီၤ.
7ဒီးကစၢ်ယွၤတ့လီၤပှၤကညီလၢ ဟီၣ်ခိၣ်အကမူၣ်, ဒီးအူသဖှိတၢ်မူအသါဆူအနါဒ့ပူၤ, ဒီးပှၤကညီကဲထီၣ် ပှၤအသးသမူတဂၤလီၤ.
8ဒီးကစၢ်ယွၤ သူၣ်လီၤဖျးလီၤတၤသၣ်အလီၢ် ဆူမုၢ် ထီၣ်တခီလၢဧ့ၤဒ့ၣ်အပူၤ, ဒီးပှၤကညီလၢအတ့လီၤဝဲ န့ၣ်ပာ်ဝဲဖဲန့ၣ်လီၤ.
9ဒီးကစၢ်ယွၤဒုးမဲထီၣ် ကယဲၢ်သ့ၣ်လၢပကွၢ်ဂ့ၤ, ဒီး ပအီၣ်ဂ့ၤလၢဟီၣ်ခိၣ်ပူၤတထံးလၢ်လၢ်, ဒီးတၢ်မူအသ့ၣ် တထံးလၢအအိၣ်ဝဲလၢ တၤသၣ်အလီၢ်အသးကံၢ်ပူၤ, ဒီးတၢ်သ့ၣ်ညါတၢ်ဂ့ၤဒီးတၢ်အၢအသ့ၣ်တထံးလီၤ.
10ဒီးထံမိၢ်ပှၢ်တကျိဟးထီၣ်လၢ ဧ့ၤဒ့ၣ်အပူၤဒ်သိးအ ကမၤဘၣ်စီၣ် တၤသၣ်အလီၢ်လီၤ. ဒီးဖးဒ့ထီၣ်ဖဲန့ၣ်, ဒီးကဲထီၣ် ထံလွံၢ်ကျိလီၤ. 11အခီၣ်ထံးတကျိအမံၤန့ၣ် မ့ၢ်ပံၤၡိၣ်လီၤ. ဒီးအဝဲန့ၣ်လဲၤတရံးကီၢ်ဃဝံၤလၤဒီဘ့ၣ် ညါ, ဒီးဖဲန့ၣ်ထူအိၣ်ဝဲလီၤ. 12ဒီးကီၢ်အထူန့ၣ်မ့ၢ်အဂ့ၤ လီၤ. တၢ်မျၢ်ပလဲ, ဒီးတၢ်မျၢ်မဟူယၤအိၣ်ဝဲဖဲန့ၣ်လီၤ.-
13ဒီးထံကျိလၢအပှဲၤထီၣ်ခံကျိတကျိ အမံၤန့ၣ်မ့ၢ်ကံဃိၣ် လီၤ. အဝဲန့ၣ်လဲၤတရံးကီၢ်ကူၤၡးဒီဘ့ၣ်ညါလီၤ. 14ဒီး ထံကျိလၢအပှဲၤထီၣ်သၢကျိတကျိအမံၤန့ၣ် မ့ၢ်ဃံးဒ က့လးလီၤ. အဝဲန့ၣ်လဲၤဆူမုၢ်ထီၣ် ဆူကီၢ်အၤရှူၢ်အ ဃၢၤန့ၣ်လီၤ. ဒီးထံကျိလၢအပှဲၤထီၣ်လွံၢ်ကျိတကျိန့ၣ် မ့ၢ်ဖရၤသးလီၤ.
15ဒီးကစၢ်ယွၤဟံးန့ၢ်ပှၤကညီ, ဒီးပာ်ဝဲလၢဧ့ၤဒ့ၣ်အ တၤသၣ်အလီၢ်ပူၤဒ်သိးအကမၤအီၤ, ဒီးပၢၤအီၤလီၤ. 16ဒီးကစၢ်ယွၤမၤလိာ်ပှၤကညီဒီးစံးဝဲဒၣ်, ကယဲၢ်သ့ၣ်လၢ တၤသၣ်အလီၢ်ပူၤအံၤ, နအီၣ်ဒီးနအီၣ်ဘၣ်သၢၣ်. 17မ့ မ့ၢ်တၢ်သ့ၣ်ညါတၢ်ဂ့ၤဒီးတၢ်အၢအသ့ၣ်တထံးန့ၣ်အီၣ် အသၣ်တဂ့ၤ. အဂ့ၢ်ဒ်အံၤ, မုၢ်တနံၤလၢနအီၣ်အီၤန့ၣ် သံဒီးနကသံလီၤ.
18ဒီးယွၤစံးဝဲဒၣ်, ပှၤကညီအိၣ်တဂၤဃီ တဂ့ၤဘၣ် ယကတ့န့ၢ်အီၤလၢတၢ်မၤစၢၤလၢအကြၢးဒီးအီၤလီၤ.
19ဒီးကစၢ်ယွၤတ့လီၤ ကယဲၢ်ဆၣ်ဧိၤကီၢ်ဧိၤလၢပှၢ်လၢ် ကျါ, ဒီးကယဲၢ်ထိၣ်ဧိၤလံၣ်ဧိၤလၢတၢ်ဖးဖီလၢဟီၣ်ခိၣ် ကိးမံၤဒဲး, ဒီးဒုးဟဲဝဲဆူပှၤကညီအအိၣ်ဒ်သိးအကထံၣ် ဝဲလၢအဝဲဒၣ်ကယုၢ်အမံၤဒ်လဲၣ်ဒ်လဲၣ်န့ၣ်လီၤ. ဒီးဖဲဒၣ် ပှၤကညီယုၢ်တၢ်အသးအမံၤန့ၣ်မ့ၢ်အမံၤလီၤ. 20ဒီးပှၤ ကညီယုၢ်ကယဲၢ်ဆၣ်ဧိၤကီၢ်ဧိၤအဒၢ, ဒီးထိၣ်ဧိၤလံၣ် ဧိၤလၢတၢ်ဖးဖီ, ဒီးကယဲၢ်ဆၣ်ဧိၤကီၢ်ဧိၤလၢပှၢ်လၢ်ကျါ ကိးကလုာ်ဒဲးအမံၤလီၤ. မ့မ့ၢ်လၢပှၤကညီအဂီၢ်န့ၣ်တၢ် မၤစၢၤကြၢးဒီးအီၤန့ၣ်တၢ်တထံၣ်န့ၢ်ဘၣ်ဝဲဘၣ်.
21ဒီးကစၢ်ယွၤဒုးလီၤဘၣ်တၢ်မံသပ့ၤလၢ ပှၤကညီအ လိၤ, ဒီးအဝဲဒၣ်မံသပ့ၤ, ဒီးထဲးထီၣ်န့ၢ်ဝဲအဂုာ်ဃံတ ဘ့ၣ်, ဒီးမၤမံထီက့ၤဝဲအလီၢ်လၢအညၣ်လီၤ. 22ဒီးတၢ် ဂုာ်ဃံလၢအထဲးထီၣ်န့ၢ်ဝဲလၢပိာ်ခွါအလိၤန့ၣ်, ကစၢ် ယွၤတ့လီၤအီၤလၢပိာ်မုၣ်, ဒီးဆှၢအီၤဆူပိာ်ခွါအအိၣ်လီၤ.
23ဒီးပိာ်ခွါစံးဝဲဒၣ်, ခဲကနံၣ်အံၤအဝဲဒၣ်အံၤမ့ၢ်ဃံလၢ ယဃံ, ဒီးညၣ်လၢယညၣ်လီၤ. တၢ်ကကိးအီၤလၢပိာ် မုၣ်, အဂ့ၢ်ဒ်အံၤ, ဘၣ်တၢ်ထဲးထီၣ်ကွံာ်အီၤလၢပိာ်ခွါ အလိၤလီၤ. 24မၤသးဒ်န့ၣ်ဒီး တၢ်လၢပိာ်ခွါအံၤကဟး သဒၣ်အမိၢ်အပၢ်, ဒီးကဘျုးအသးဆူ ပိာ်မုၣ်အအိၣ်, ဒီးတၢ်လၢပှၤခံဂၤန့ၣ် ကကဲထီၣ်တၢ်တသွံၣ်ဃီတညၣ် ဃီလီၤ. 25ဒီးပှၤခံဂၤ, ပိာ်ခွါဒီးအမါန့ၣ်အိၣ်ဘ့ၣ်ဆ့, ဒီးအမဲာ်တဆှးဘၣ်လီၤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.