ၥ မိ 23
23
23
နးစၫရၫၥံၫဒဲစအၫဘြဟၫ့အၪ့ဎွ့ၩန့ဖံၬလး လၧကဘၧၩ့လၩ့ဆၧအလးလစီၪ့.
1တၭနးစၫရၫအၥၭၡါ အနံၪ့လယၩနံၫဆံၫနွ့ၫနံၪ့နီၪ, 2မွဲနးစၫရၫအၥၭမၧၫ့ဝ့ၫ အနံၪ့လဖၪလီၫ.- တၭနးစၫရၫ ၥံၫဝ့ၫလၧကၧၫယၭအါဘၫ, အဝ့ၫနီၪ မွဲဟံဘြၧၫ့အီၪ လၧခးကၫနအၫ့အဖၧၩ့လီၫ. တၭစအၫဘြဟၫ့ဂဲၫဘဲၫ ၥိၭအမိဂၪ့ဝ့ၫ လၧနးစၫရၫအဂး, ဒဲအမ့ၬထံၫမိလၩ့လၧ 3အကၠီၩ့လီၫ.- စအၫဘြဟၫ့ဂဲထုၪ့ လၧအဆၧၥံၫအမ့ၬ ယၫတၭ, ချဲၩ့ဆၧလၧစဟ့ၥၭအဖိၪခွၫလဖၪတၭ, စံၭ 4ဝ့ၫဒၪ,- ယဝ့ၫဒၪယီၩ, ယမွဲၦမွံၩတၭ, ယအီၪမွံၩလၧ နၥံၪအကျၩလီၫ. ဖ့ၪလၫ့ယၧၩဆၧၥွၪခိၪ လၧဆၧဖီၪ့ ထၬအဂးလၧနၥံၪအကျၩဆံၭ. တၭယမိခုၪ့လၩ့ဘၧၩ့ ခွံၬယဆၧၥံၫ လၧယမ့ၬယၫလီၫ.
5စဟ့ၥၭ အဖိၪခွၫလဖၪစံၭဆၧၫ့ စအၫဘြဟၫ့တၭ, 6စံၭဝ့ၫ,- ကဆါဧ့, ခိၭနၪပလူဆံၭ, နမွဲယွၩအၦဒိၪလ ဂၩ လၧပကျၩလီၫ. ထီးဒၪနရွံန့ ဆၧလၧပၥွၪခိၪအ ကျၩလစီၪ့စီၪ့နီၪ ခုၪ့လၩ့ဘၧၩ့ခွံၬ နဆၧၥံၫလၧအဖၧၩ့ နီၪဆံၭ. ၦလၧအပဒၩ့နခုၪ့လၩ့ဘၧၩ့ခွံၬ နဆၧၥံၫလၧ အၥွၪခိၪဖၧၩ့နီၪ အီၪလၧပကျၩနးဂၩအ့ၬ.
7စအၫဘြဟၫ့ဂဲထုၪ့တၭ, ၡီၫ့ကူၭလၩ့အၥၭလၧၦခး 8ဖိၪစဟ့ၥၭအဖိၪခွၫလဖၪ အမ့ၬယၫလီၫ.- ချဲၩ့ဆၧလၧ အဝ့ၫၥံၪတၭ, စံၭဝ့ၫဒၪ, အ့ၪဘၪနၥံၪအၥၭ လၧယမိခုၪ့ လၩ့ဘၧၩ့ခွံၬ ယဆၧၥံၫလၧယမ့ၬယၫတၭ, ခိၭနၪယ လူတၭ, အၪ့ကံၩ့အၪ့ယၫန့ယဂး လၧစဇိဟၫအဖိၪခွၫ 9စအံဖၧၫ့လဂၩ,- ဘဲၫၥိၭအမိဖ့ၪလၫ့ယၧၩ လၧဆၧအိၩ ဖၧၩ့ မၭကပံလၫလၧအမွဲအဆၧ, အီၪလၧဂၪ့ခိၪလဝၩ့ ဖၧၩ့အထုၬနီၪဆံၭ. မွဲအဘၪအၪ့ဆၫန့ယၧၩ လၧစ့ၩ အလၧၫ့အဎွ့ၩအဂးနီၪ, ဘဲၫၥိၭအမိကဲၪထၪ့ဆၧၥွၪ ခိၪအဆၧဖီၪ့ထၬ လၧနၥံၪအကျၩလီၫ.
10တၭစအံဖၧၫ့အီၪဆၧၫ့နၩ့ဝ့ၫ လၧစဟ့ၥၭအဖိၪခွၫ လဖၪအကျၩလီၫ. တၭၦဟ့ၥၭဖိၪစအံဖၧၫ့ စံၭဆၧၫ့ စအၫဘြဟၫ့ လၧစဟ့ၥၭအဖိၪခွၫလဖၪအနါဖၧၩ့,က ယဲၦလ့ၩနုၬဝ့ၫ လၧအဒိၩ့အတရၫ့နီၪတၭ, စံၭဝ့ၫဒၪ, 11မွဲအ့ၬ,ကဆါဧ့, ခိၭနၪယလူဆံၭ. ဂၪ့ခိၪလဝၩ့နီၪယ ဖ့ၪလၫ့ဒဲဆၧအိၩဖၧၩ့ အီၪဝ့ၫလၧအဖၧၩ့နီၪ, ယဖ့ၪလၫ့ နၧၩလၧယဆၨၩဒၪယဝ့ၫ အမ့ၬယၫယီၩ, ယဖ့ၪလၫ့ နၧၩလီၫ, ခုၪ့လၩ့ဘၧၩ့ခွံၬနဆၧၥံၫဆံၭ.
12တၭစအၫဘြဟၫ့ ကူၭလၩ့အၥၭ လၧၦခးဖိၪအမ့ၬ 13ယၫ,- တၭချဲၩ့ဆၧလၧစအံဖၧၫ့ လၧၦခးဖိၪအနါဖၧၩ့, စံၭဝ့ၫဒၪ, မွဲကဒၪယူၭ, လါနၫ့တၭ, ခိၭနၪလါယလူဆံၭ. ယမိဖ့ၪလၫ့နၧၩ လၧစ့ၩလၧဂၪ့ခိၪလဝၩ့ယီၩ အဂးလီၫ. မၩန့လၧယစူၪဖၧၩ့ဆံၭ, တၭယမိခုၪ့လၩ့ဘၧၩ့ ယ ဆၧၥံၫထီးနီၪလီၫ. စအံဖၧၫ့စံၭဆၧၫ့ စအၫဘြဟၫ့တၭ, စံၭဝ့ၫ, 14-15က ဆါဧ့,ခိၭနၪယလူဆံၭ, ဂၪ့ခိၪလဝၩ့အဎွ့ၩနီၪ စ့ၩၡက့ လၭလံယၩ ဎၡက့လၭနီၪမွဲလဘၭၭ တၭ, ဆၧနီၪလၧ ယၧၩဒဲနၧၩ အတွၭအီၪဘဲၫၥ့ၪလဲၪ. တၭခုၪ့လၩ့ဘၧၩ့ ခွံၬနဆၧၥံၫဆံၭ.
16စအၫဘြဟၫ့ခိၭနၪ စအံဖၧၫ့အလူတၭ, စအၫဘြ ဟၫ့ခံၫ့န့စအံဖၧၫ့စ့ၩ လၧအစံၭလၧစဟ့ၥၭ အဖိၪခွၫ လဖၪအနါဖၧၩ့, စ့ၩၡက့လၭ ဎအဘၭၭ လံယၩလၧၦ အၪ့ခၩဆၧဖိၪထိးဆၧၫ့ဝ့ၫဒၪလီၫ.
17တၭစအံဖၧၫ့အဂၪ့ခိၪလဝၩ့ လၧအအီၪဝ့ၫလၧမၭ ကပံလၫအဖၧၩ့ လၧမၫမရံၫအမ့ၬယၫ, ဂၪ့ခိၪလဝၩ့ ဒဲဆၧအိၩဖၧၩ့ အီၪလၧအဖၧၩ့, ဒဲကယဲၥံၪ့လၧအအီၪ လၧဂၪ့ခိၪလဝၩ့အဖၧၩ့, ဒဲအီၪဝ့ၫလၧအနဲၩ့ထံၭဝၬဝၬ 18ထီးအလူၬနီၪ, ဆၧမၩခၧၫ့ဝ့ၫ,- လၧစအၫဘြဟၫ့အ ဆၧဎွ့ၩထၬအဂး လၧစဟ့ၥၭအဖိၪခွၫ လဖၪအမ့ၬယၫ, လၧကယဲၦလၧအလ့ၩနုၬ လၧဒိၩ့အတရၫ့ထီးအလူၬ လဖၪအမ့ၬယၫလီၫ.
19လၧဆၧလဖၪနီၪ အလးခဲၫ့, စအၫဘြဟၫ့ ခုၪ့လၩ့ ဘၧၩ့ခွံၬအမၫနးစၫရၫ လၧဆၧအိၩဖၧၩ့အီၪဝ့ၫ လၧမၭ ကပံလၫအဂၪ့ခိၪလဝၩ့အဖၧၩ့ လၧမၫမရံၫအမ့ၬယၫ လီၫ. အနီၪမွဲဟံဘြၧၫ့အီၪဝ့ၫ လၧခးကၫနအၫ့အဖၧၩ့ 20လီၫ.- တၭဂၪ့ခိၪလဝၩ့ဒဲဆၧအိၩဖၧၩ့ အီၪဝ့ၫလၧအဖၧၩ့ နီၪ,စဟ့ၥၭအဖိၪခွၫလဖၪ မၩခၧၫ့ဝ့ၫလၧစအၫဘြဟၫ့ အဂး,လၧဆၧၥွၪခိၪ အဆၧဖီၪ့ထၬအဂးလီၫ.
Currently Selected:
ၥ မိ 23: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
