ၥ မိ 30
30
30
1နးရၫခ့လၭ ဒၪဘၪဝ့ၫ လၧအလအီၪဖျဲၪန့ဘၪအဖိၪ လၧစယၫကူၭအဂးတၭ, နးရၫခ့လၭနီၪၥၭခ့ၬအထၧၫ့ ဖုဝဲတၭ, စံၭစယၫကူၭ, ဖ့ၪလၫ့ယၧၩ လၧဖိၪလဖၪဆံၭ. 2အ့ၪလမွဲဘၪတၭယၥံၫလီၫ.- စယၫကူၭၥၭထၪ့နးရၫခ့ လၭတၭ,စံၭဝ့ၫဒၪ, ယဝ့ၫဒၪယီၩ, မွဲယအီၪလၧယွၩအ လး,လၧအပဒၩ့ထၬဒၧၩ့လး အဆၧၥၪလၧနၧၩဆ့ဧၪ. 3တၭအဝ့ၫနီၪစံၭဝ့ၫဒၪ, ယိခွါ,ယဎီးမုၪ နးဘံလဟၫလ ဂၩယီၩ, လ့ၩနုၬလၧအဝ့ၫနီၪအအီၪဆံၭ. မိဘၪအီၪ ဖျဲၪန့လၧယခၪ့လုးခိၪအဖၫ့ခိၪတၭ, ယမိန့ဘၪယဖိၪ 4ဆ့လၧအဝ့ၫနီၪလီၫ.- အဆၧဖ့ၪလၫ့ဝ့ၫ လၧအဎီးမုၪနး ဘံလဟၫလၧအမၫအဂးတၭ, စယၫကူၭလ့ၩနုၬလၧ 5အအီၪလီၫ.- နးဘံလဟၫနီၪ ဒၧၩ့ထၪ့တၭ, အီၪဖျဲၪန့အ 6ဖိၪခွၫလၧစယၫကူၭအဂးလီၫ.- နးရၫခ့လၭစံၭဝ့ၫဒၪ, ယွၩစ့ၩရၫ့ယၧၩတၭ, ခိၭနၪယလူဆ့တၭ, ဖ့ၪလၫ့ယၧၩ လၧယဖိၪခွၫလီၫ. မၩအၥၭဘဲၫနီၪတၭ ကိၭဝ့ၫအမံၩ့ 7စဒၫ့လီၫ.- နးရၫခ့လၭအဎီးမုၪ နးဘံလဟၫနီၪဒၧၩ့ထၪ့ ဒီၭလဖၧၫ့တၭ, အီၪဖျဲၪန့အဖိၪခွၫ နံၫဂၩလဂၩလၧစယၫ 8ကူၭအဂးလီၫ.- တၭနးရၫခ့လၭစံၭဝ့ၫဒၪ, ယနီၫလိၬ ယၥၭလၧယထၧၫ့ဖုဝဲမုၪ လၧယွၩအဆၧနီၫတၭ, ယ မၩနၧၩ့ဆၧလီၫ. တၭကိၭဝ့ၫအမံၩ့ စနၭၥလဲၫလီၫ.
9နးလံအၫနီၪဒၪဘၪဝ့ၫ လၧအအီၪဖျဲၪန့ဆၧနီၪ အီၪပ ထုၬဝ့ၫတၭ, မၩန့အဎီးမုၪ နးဇံလဖၫတၭ, ဖ့ၪလၫ့အဝ့ၫ 10လၧစယၫကူၭအမၫအဂးလီၫ.- တၭနးလံအၫအဎီး မုၪနးဇံလဖၫနီၪ, အီၪဖျဲၪန့အဖိၪခွၫ လၧစယၫကူၭအဂး 11လီၫ.- တၭနးလံအၫစံၭဝ့ၫဒၪ, ယလၩဂ့ၩတၭ, ကိၭအ 12မံၩ့လၧစဂၭလီၫ.- တၭနးလံအၫအဎီးမုၪ နးဇံလဖၫအီၪ ဖျဲၪန့အဖိၪခွၫ လၧစယၫကူၭအဂး နံၩဂၩလဂၩနီၪလီၫ. 13တၭနးလံအၫစံၭဝ့ၫဒၪ, မုၬယၥၭဖီၬ အဂဲးဘဲၫယီၩၦအ ဖိၪမုၪလဖၪမိကိၭယၧၩ လၧၦဘၪဆၧအမုၬလီၫ. တၭ ကိၭဝ့ၫအမံၩ့ လၧစအၭၡၧၫလီၫ.
14ကူၭဘုၪကၠိၩ့ အမုနံၩလဖၪနီၪ, စရုဘံၫ့ လ့ၩဆၧ တၭ,ဒၪန့ဒူဒၭၥၪ လၧဂၪ့ခိၪအဝၩ့ဖၧၩ့တၭ ဂဲၫထဲၩ့ဆိၬ ဝ့ၫလၧအမိနးလံအၫအအီၪလီၫ.- တၭနးရၫခ့လၭစံၭ နးလံအၫဖ့ၪလၫ့လါယၧၩ လၧနဖိၪခွၫအဒူဒၭၥၪနီၪလ 15နၩ့ဆံၭ.- အဝ့ၫဒၪစံၭအဝ့ၫ, နမၩန့ခွံၬယဝၩနီၪ, မွဲဆၧ အဆံၭဧၪ. တၭနမိမၩန့ခွံၬ ယဖိၪခွၫအဒူဒၭၥၪဆ့ဧၪ. နးရၫခ့လၭစံၭဝ့ၫဒၪ, အခိးမွဲဘဲၫနီၪတၭ, မွဲအမိဘၪမံၫ ဎုၬလၧနၧၩကဲမုနၩယီၩ, လၧနဖိၪခွၫအဒူဒၭၥၪအကၠီၩ့ 16လီၫ.- လၧမုဂၪလၩ့နီၪ, စယၫကူၭဂဲၫထဲၩ့ လၧဂၪ့ခိၪအ ဝၩ့ဖၧၩ့တၭ, နးလံအၫလ့ၩထၪ့ အၪ့ဂၬအဝ့ၫနီၪ, စံၭဝ့ၫ ဒၪ, နဘၪဂဲၫနုၬ လၧယအီၪလီၫ. အဂဲးဘဲၫယီၩယအၪ့ လံၩ့န့နၧၩ လၧယဖိၪခွၫအဒူဒၭၥၪလီၫ. တၭအဆၧမံၫ ဎုၬအဝ့ၫဒၪ လၧမုနၩနီၪလီၫ.
17ယွၩခိၭနၪနးလံအၫအလူတၭ, ဒၧၩ့ထၪ့ဝ့ၫ, အီၪဖျဲၪ 18န့အဖိၪခွၫ လၧစယၫကူၭအဂး ယဲဂၩလဂၩလီၫ.-တၭ နးလံအၫစံၭဝ့ၫဒၪ, ယွၩဖ့ၪလၫ့ယၧၩ လၧယလံၩ့ယလဲၫ လၧယဖ့ၪလၫ့ယဎီးမုၪ လၧယဝၩအကၠီၩ့လီၫ. တၭ 19ကိၭဝ့ၫအမံၩ့ လၧစအံစခၫလီၫ.- နးလံအၫဒၧၩ့ထၪ့ဒီၭ လဖၧၫ့တၭ, အီၪဖျဲၪန့အဖိၪခွၫ လၧစယၫကူၭအဂး ဎူၫ 20ဂၩလဂၩလီၫ.- တၭနးလံအၫစံၭဝ့ၫဒၪ, ယွၩနီၪဖ့ၪလၫ့ ယၧၩလၧဆၧနၩ့ဖၭ ဖ့ၪလၫ့အဂ့ၩလီၫ. ဘိၩ့နဲၪ့ယီၩ, ယဝၩမိအီၪဎုၬလၧယၧၩ လၧယအီၪဖျဲၪန့အဖိၪခွၫ ဎူၫ ဂၩအကၠီၩ့လီၫ. တၭကိၭဝ့ၫအမံၩ့ စဇ့ၭဘလၧၫ့လီၫ. 21လၧခဲၫ့ထဲၩ့တၭ အီၪဖျဲၪန့အဖိၪမုၪလဂၩတၭ, ကိၭဝ့ၫ အမံၩ့နးဒံနၫလီၫ.
22ယွၩနၪ့ထၪ့ထဲၩ့ နးရၫခ့လၭတၭ, ယွၩခိၭနၪအလူဝဲ 23ထၪ့အဒၧၩ့လးနီၪလီၫ.- အဝ့ၫဒၧၩ့ထၪ့တၭ, အီၪဖျဲၪန့ အဖိၪခွၫ,စံၭဝ့ၫဒၪ, ယွၩမၩဖီၩ့ဖျ့ၭယၧၩ လၧဆၧဒုၪဒွ့ၪ 24လီၫ.- တၭကိၭဝ့ၫအမံၩ့ လၧစယိၥၭတၭ, စံၭဝ့ၫဒၪ,မွဲ ယဟိဝၩ ဖ့ၪလၫ့ဒံၭယၧၩ လၧဖိၪခွၫအဂူၫဂၩလဂၩ ဒံၭဆံၭ.
စယၫကူၭချဲၩ့ဆၧၥၭလၩ့ဎိၭလၧစလၫဘၫ့.
25နးရၫခ့လၭအီၪဖျဲၪန့စယိၥၭဂီၩ့တၭ, ဆၧမၩအၥၭ လၧစယၫကူၭစံၭစလၫဘၫ့နီၪ, ဖျါခွံၬယၧၩ ဘဲၫၥိၭယ မိထဲၩ့ထဲၩ့လၧယလးဒၪယဝ့ၫ, ဒဲလၧယခးဒၪယဝ့ၫနီၪ 26ဆံၭ.- ဖ့ၪလၫ့ယၧၩလၧယမၫၥံၪ, ဒဲယဖိၪၥံၪလၧယမၩ နဆၧအကၠီၩ့တၭ, ဒုၭစဲၪ့ထၪ့ယၧၩဆံၭ. အဂဲးဘဲၫယီၩ နၥ့ၪယၫယဆၧမၩ လၧယမၩလၧနဂးလီၫ.
27တၭစလၫဘၫ့စံၭအဝ့ၫ, ယဘၪခိးဘၪတၩလၧနမ့ၬ ယၫး ဘဲၫယဖၭဆၧအၥိၭနီၪ, ယဟိဝၩဆိၪဂ့ၩယၧၩ 28လၧနကၠီၩ့လီၫ.- တၭစံၭဝ့ၫဒၪ, လီၩဘၪယၧၩလၧနလံၩ့ နလဲၫဘီၪး တၭယမိဖ့ၪလၫ့ယဝ့ၫလီၫ.
29အဝ့ၫနီၪစံၭ,ယမၩနဆၧတၭ, နဆၧဖိၪဆၧဎါအဒိၩ့ အီၪလၧယၧၩ ဘဲၫၥ့ၪလဲၪဘဲၫၥ့ၪလဲၪနီၪ နၥ့ၪယၫလီၫ. 30အဂဲးဘဲၫယီၩ လၧယလချႃၭအီၪဒံၭဘၪနီၪ နဆၧအီၪ ၡၩခိၬလီၫ. ဘိၩ့နဲၪ့ယီၩအၪထၪ့ယူၭ အၪအၪလ့ၬယူၭ တၭ,ယဟိဝၩဆိၪဂ့ၩနၧၩ လၧယဂဲၫအီၪဝ့ၫအကၠီၩ့ လီၫ.တၭဘိၩ့နဲၪ့ယီၩ, ယမိမၩလၧယဂံၪ့ ဒၪယဝ့ၫအ ဂးအထီဆံၭယံၬလဲၪ.
31တၭအဆၧစံၭဝ့ၫဒၪ, ယမိဘၪဖ့ၪလၫ့နၧၩ လၧဆၧ နီၪလမံၩ့လဲၪ. တၭစယၫကူၭစံၭ, နဘၪဖ့ၪလၫ့ ယၧၩ လၧဆၧနးမံၩ့အ့ၬ. နအ့ၪမၩဆၧယီၩ လမံၩ့လၧယဂး 32တၭ,ယမိယိ, ဒဲပၧၩ့ဘၪဒီၭနၥိၪဒဲဘ့ၪလီၫ.- ဆၧလၧမု ဆၫလနံၩယီၩ, ယမိလ့ၩလၧနၥိၪဒဲဘ့ၪ ထီးအလူၬအ ကျၩတၭ,မၩန့ထၪ့ခွံၬထီးနီၪ, ကယဲဆၧဖိၪဆၧဎါလၧ အစံၫဖီး,ဒဲကံၪကဲၩ့ထီးအလူၬလဒုၩလါလါ, ဒဲကယဲဆၧ အပၠူၭလၧၥိၪလဖၪအကျၩ လဒုၩလါလါ, ဒဲလၧအစံၫ ဖီး,ဒဲကံၪကဲၩ့ လၧဘ့ၪအကျၩနီၪ, မွဲယလံၩ့ယလဲၫ 33လီၫ.- ထီးနဂဲၫလၩ့ဒၪဘၪ ယလံၩ့ယလဲၫတၭ, ယဆၧ တီၩဆၧလီၩ့မိထိးအၥၭ လၧယဂး လၧမုလနံၩကဲခိၬ နီၪလီၫ. ကယဲဆၧလၧအလကံၪကဲၩ့ဘၪ ဒဲလကံၪကဲၩ့ စံၫဖီးဘၪ လၧဘ့ၪအကျၩ, ဒဲလပၠူၭဘၪလၧၥိၪအကျၩ နီၪ,မိကဲၪထၪ့ဆၧ လၧယအၪ့ဂူၪန့နီၪလီၫ.
34စလၫဘၫ့စံၭဝ့ၫဒၪ, ယိခွါ, မွဲဆၧမၩအၥၭဘဲၫနလူ အၥိၭနီၪဆံၭ.
35တၭဆၧလၧမုနံၩနီၪ အဝ့ၫမၩန့ထၪ့ခွံၬဘ့ၪအဖၫလၧ အကံၪကဲၩ့ဒဲအဘွၩ, ဒဲကံၪစံၫဖီး, ဒဲကယဲဘ့ၪမိလၧ အကံၪကဲၩ့,ဒဲစံၫဖီး, ဒဲကယဲဆၧအဘွၩ အီၪလၧအလီၩ့, ဒဲကယဲဆၧလၧအပၠူၭ လၧၥိၪအကျၩ ထီးအလူၬတၭ, 36ဖ့ၪလၫ့ဝ့ၫလၧအဖိၪခွၫ လဖၪအစူၪဖၧၩ့လီၫ.- တၭအ ဝ့ၫဒၪအီၪက့ၪၥၧၫ့ၥၫ့ဖၧၩ့ၥၭ လၧအနၫ့ဆါဒၪဝ့ၫ, ဒဲစယၫ ကူၭအဘိၩ့ဆၧၩ့လီၫ. တၭစယၫကူၭယိစလၫဘၫ့အ ၥိၪဒဲဘ့ၪလၧအအီၪ လၩ့ထးလဖၪနီၪလီၫ.
37တၭစယၫကူၭ မၩန့နိၪထိၭဘီၩ့ လၧၥံၪ့လံၫဘန့အ ၥံၫ့,ဒဲလၧၥံၪ့လူစၭ, ဒဲလၧဖံစလီၫ့တၭး ကူၭပလူၬဒဲ 38ကူၭကံၪကဲၩ့ဝ့ၫအလီၩ့လီၫ.- တၭထီးၥိၪဒဲဘ့ၪလဖၪ ဂဲၫအီၩထံၫနီၪ, မွဲအအီၪက့ၪ နိၪထိၭဘီၩ့ လၧအကူၭ လၩ့ဝ့ၫလဖၪ လၧအအီၩထံၫအဖၧၩ့ လၧချိၬအဖၧၩ့, လၧၥိၪဒဲဘ့ၪလဖၪအမ့ၬယၫ, ဘဲၫၥိၭထီးအဂဲၫအီၩ 39ထံၫတၭ, အဝ့ၫၥံၪမိဒၧၩ့ထၪ့ဝ့ၫလီၫ.- ၥိၪဒဲဘ့ၪလဖၪ ဒၧၩ့ထၪ့လၧနိၪထိၭဘီၩ့လဖၪ အမ့ၬယၫတၭ, ဖိၪဆါၥိၪ ဒဲဘ့ၪလဖၪအကံၪဘွၩ, ဒဲကံၪစံၫဖီး, ဒဲကံၪကဲၩ့လီၫ.
40စယၫကူၭအၪ့နၩ့ဖၭ ၥိၪဖိၪလဖၪတၭ, အီၪက့ၪၥိၪ ဒဲဘ့ၪၥံၪအမ့ၬတီၩ လၧဆၧလၧအကံၪပလူၬပလူၬ, ဒဲက ယဲအပၠူၭလၧစလၫဘၫ့ အၥိၪဒဲဘ့ၪအကျၩလီၫ. တၭ အီၪက့ၪအဆၧဖိၪဆၧဎါ အဒီၪ့ဒၪဝ့ၫလဖၪ, လၧဆၧလ စီၪ့ဒၪ, ဒဲလအီၪက့ၪဘၪလစီၪ့ဎး လၧစလၫဘၫ့အၥိၪ ဒဲဘ့ၪလဖၪလီၫ.
41ကယဲဆၧအဂဲးဆီၪ့အဘၭဆီၪ့လဖၪ ဒၧၩ့ထၪ့ဝ့ၫလ ဘျၩ့လါလါနီၪ, ဆၧမၩအၥၭလၧစယၫကူၭ အီၪက့ၪနိၪ ထိၭဘီၩ့လဖၪ လၧချိၬၥံၪအဖၧၩ့, လၧၥိၪဒဲဘ့ၪအမ့ၬ ယၫ,ဘဲၫၥိၭအမိဒၧၩ့ထၪ့ လၧနိၪထိၭဘီၩ့လဖၪ အကျၩ 42လီၫ.- တၭထီးအဒီၪ့ၥံၪ အဂဲးဆါဘၭဆါနီၪ, လအီၪ က့ၪဘၪဝ့ၫ လၧအဖၧၩ့နီၪလီၫ. မၩအၥၭဘဲၫနီၪတၭ, ဆၧလၧအဂဲးဆါ အဘၭဆါလဖၪနီၪ, မွဲစလၫဘၫ့အ ဆၧ, ဒဲဆၧလၧအဂဲးဆီၪ့အဘၭဆီၪ့နီၪ, မွဲစယၫကူၭ အဆၧလီၫ.
43တၭၦလဂၩနီၪ ဖျိၭထၪ့အၪအၪလ့ၬတၭ, အီၪလၧၥိၪ ဒဲဘ့ၪအၪဒီၪ့, ဒဲဎီးမုၪၥံၪ, ဒဲဎီးခွၫၥံၪ, ဒဲကလအူၭၥံၪ, ဒဲကၥ့ၪယီၩ့ၥံၪလီၫ.
Currently Selected:
ၥ မိ 30: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
