မဲ 5
5
5
ယွၩအုၩ့လၩ့လၧၦပၧၩ့ဆၧလဂၩ မိအီၪထၪ့လၧဝံးဘ့ၭၥလံဟံၫ့.
1ဘိၩ့နဲၪ့ယီၩအီၪကိၩ့အီၪကီၪ့ လဒီၪ့လဒီၪ့ဆံၭ. ၦ အဒီၪ့လဖၪအဖိၪမုၪၥံၪဧ့, ၦၡၩမိဝၩ့ထၬပၧၩလီၫ.အဝ့ၫ ၥံၪထးယူၭ အံၫစရ့လၭအၡၩ စ့ၩရၫ့ဆၧလဂၩ အနိၭ 2ဖၩထံၭလၧနိၪထးယူၭ.- အ့ၪမွဲနဝ့ၫဒၪ ဘ့ၭၥလံဟံၫ့ အ့ၭဖတၫဧ့, နအ့ၪဆံၭလၧယုဒၫအထီၫ့လဖၪအကျၩ လါနၫ့တၭ, ၦလၧအမိကဲၪထၪ့ၦပၧၩ့ဆၧလၧအံၫစရ့ လၭအဖၫ့ခိၪနီၪ မိဂဲၫထၪ့လၧနဖၧၩ့ ထီၩ့လၧယအီၪ လီၫ.ၦလဂၩနီၪဂဲၫဝ့ၫခီၫလၧဖျိၩ့ လၩ့ဆိၩလၩ့ကၠၪနီၪ 3လီၫ.- မွဲလါနၫ့တၭ, အဝ့ၫဒၪမိဖ့ၪလၫ့ခွံၬအဝ့ၫၥံၪထီးအ ထီဘၪလၧၦလၧအမိအီၪဖျဲၪလဂၩနီၪမိအီၪဖျဲၪဆၧလီၫ. တၭအထၧၫ့ဖုဝဲ အဆၧအီၪလၩ့ထးနီၪမိဂဲၫထဲၩ့လၧ 4ၦအံၫစရ့လၭဖိၪအအီၪလီၫ.- အဝ့ၫဒၪမိဆၧၫ့ထုၪ့တၭ, ယိဆၧလၧယဟိဝၩအစီၩ့အမၩ့ဒဲလၧအယွၩယဟိဝၩ 5အမံၩ့အကယးကဖးတၭ,အဝ့ၫၥံၪမိအီၪဝ့ၫလီၫ.- အ ဂဲးဘဲၫယီၩဘိၩ့နဲၪ့ယီၩအဝ့ၫဒၪမိဒိၪထၪ့ဝ့ၫဖိးလၧဂၪ့ ခိၪအထုၬလဖၪလီၫ. အဝ့ၫဒၪမိမွဲဆၧဘၪလိၬအိၭလိၬ, ထီးၦအစံရအၫဖိၪ ဂဲၫနုၬလၧပခးဖၧၩ့တၭ, ယဲးလၩ့ ပနီးလဖၪနီၪပမိဒုၭဂဲထုၪ့ထၫ့ဒုၪဒၩ အဝ့ၫၥံၪလၧၦယိ ၥိၪနွ့ၫဂၩ, ဒဲၦဒိၭဂုၪအၥၭဎိၭဂၩလီၫ.
ဆၧမၩဖီၩ့ဖျ့ၭဒဲဆၧစ့ၩရၫ့.
6အဝ့ၫၥံၪနီၪမိမၩယူခးအစံရအၫလၧနၭ, ဒဲခး နံးမရီၭထီးဆၧလ့ၩနုၬ အဖၧၩ့လီၫ. ထီးအဂဲၫနုၬလၧ ပခးဖၧၩ့ဒဲယဲးလၩ့ ပခးအနဲၩ့ထံၭတၭ, ဆၧမိမၩဖီၩ့ 7မၩဖျ့ၭဆၧ လၧၦအစံရအၫဖိၪနီၪလီၫ.- စယၫကူၭ အဆၧအီၪလၩ့ထးနီၪမိအီၪ လၧယၡၩခမျၧးအကျၩ, ဘဲၫဆၩ့ထံၫလၧယဟိဝၩအအီၪအၥိၭ လၧအလအီၪ ပထုၬဘၪလၧယၡၩအဂး, ဒဲလအီၪခိၭဘၪဝ့ၫ လၧၦ 8ၡၩအဖိၪခွၫၥံၪအဂးအၥိၭနီၪလီၫ.- စယၫကူၭအဆၧ အီၪလၩ့ထးမိအီၪ လၧၦဆၨၩလဖၪအကျၩ, လၧၦ အၪဆၨၩအကျၩ ဘဲၫဆၬလၥၧၫ့ လၧဆၧဖိၪဆၧဎါ လၧမံၩ့လၬကျၩအကျၩအၥိၭ ဘဲၫဆၬလၥၧၫ့ဖိၪ လၧ ၥိၪဒဲဘ့ၪအကျၩအၥိၭလီၫ. အဝ့ၫဒၪ အ့ၪလ့ၩခၫ့ဂၬဆၧ, ဒဲယဲးထဲးလၩ့ဆၧ,ဒဲအဲၪ့ၡၫ့ခွံၬဆၧတၭ, ဆၧမၩဖီၩ့ဖျ့ၭ 9ၥ့ၪနးမံၩ့အ့ၬ.- နစူၪမိအီၪထၪ့ထီၫလၧနဒုၪနဒၩၥံၪအဖၫ့ ခိၪတၭ, နဒုၪနဒၩထီးအလူၬ မိဘၪဒၪ့ထ့ၬခွံၬဝ့ၫလီၫ.
10တၭယဟိဝၩစံၭဝ့ၫဒၪ, ဆၧမိမၩအၥၭလၧမုလနံၩ နီၪလၧယမိဒၪ့ထ့ၬခွံၬ နကၥ့ၪလဖၪလၧနကျၩတၭ, 11ယမိမၩဂၭဂီၩ့ခွံၬ နလဲၪ့ၥုၭလဖၪ,- ယမိမၩလူၬထူၬ နခးအဒိၩ့လဖၪ,ဒဲမၩလၩ့ဎီးခွံၬ နထိၬလဖၪထီးအ 12လူၬလီၫ.- ယမိဒၪ့ထ့ၬခွံၬဆၧမၩကဒၩၦမ့ၬလၧနစူၪ 13ဖၧၩ့တၭ,နအီၪလၧၩ့လၧၦချဲၩ့ဆၧလၧမီၪအချိၬအ့ၬ.-ယ မိဒၪ့ထ့ၬခွံၬနဆၧဂၩ့စိၭဖျၩအၥၭ, ဒဲနဆၧဂၩ့ဆၧၫ့ထုၪ့ လၧနကျၩတၭ နဘိၪ့ထၪ့ဘၩထၪ့လၧၩ့နစူၪအမၩဆၧ 14အ့ၬ.- ယမိမၩခါလၩ့ခွံၬနဆၧဂၩ့ဘၡ့ၫရိၭလဖၪလၧ 15နကျၩ,ဒဲမၩဂၭဂီၩ့ခွံၬဒိၩ့လဖၪလီၫ.- ယမိမၩဆၧၫ့ ဆၧအၧၩ့လၧဆၧၥၭထၪ့ ဒဲၥၭခဲၩထၪ့လၧၦဆၨၩလဖၪ အလီၩ့လၧအလခိၭနၪဘၪဆၧလီၫ.
Currently Selected:
မဲ 5: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.