PEIKHIETNA 15
15
Moses’ La
(Pei 14:13-14; Late 78:12-14)
1Tua ciengin Moses le Israel-te in Topa kungah tami la a sa uhi:
“Topa tungah zeila sa vang,
azieh pen vangnei tahin
ama guol zo hi;
sakolte le a tunga tuongte
tuili lai-ah sepmang zo hi.#Kln 15:3
2 Topa khu ka zaitha le
ka thahatna#15:2 Ahi sihle “zeila” ahi a,
ama ka hutdamna a suoh zo hi.
Ama ka Pasien ahi a,
ama ka phat ding hi.
Keima in ka pa’ Pasien phatin
ama ka liensah ding hi.#Late 118:14; Isa 12:2
3 Topa khu galhang pa hi a;
ama’ min khu Topa ahi hi.
4“Ama in tuipi sungah
Pharaoh’ leengte le
a galkapte sepsuh a,
San Tuipi#15:4 Ahi sihle “Pumpeng Tuipi” sungah ama’ deiteel uliente a tummang uhi.
5Tuihuol in amate khucip a,
suongtum bangin a thuhna munah
amate a tumsuh uhi.
6 Topa aw, na zietlam khut khu
thahat sil bawl theina hi a-
Topa aw, na zietlam khut in
dogalte a vatmai hi.
7A thupi na vanglietna tawh
ang langbawlte na bungbulet hi;
na lungthahna na lengsah a,
tua in hampa bangin
amate katumsah hi.
8Na husan in tuipi li bang cingsahin,
tuihuolpi zong
cienphung bangin dingsah hi;
tuili lai-a tui thuhte zong
a khalh gawpsah hi.
9Dogalte in, ‘Ka del ding a,
ka nuaphah ding hi,
gal vanlahte ka hawm ding a,
tuate ka deizaza ka kitan ding hi.
Ka namtem ka dawh ding a,
amate ka khut tawh
ka susie ding hi,’ a ci uhi.
10Na hui tawh na sem ciengin
tuipi in amate a tuomcip hi.
Tuipi gimnei sungah amate
ngentang bangin a tumsuh uhi.
11“Topa aw, pasien-te lahah
nangma tawh kibang koi om ahei?
Sienthona-ah a lien,
thupina-ah a lipkhap huoi,
na lamdangte a bawl,
nangma tawh kibang koi om ahei?
12Na zietlam khut na zah a,
lei in amate a valtum hi.
13“A tul ngai lo na itna tawh
nangma in na tatsate na pui a;
a siengtho na tenna munah
na hatna tawh amate na pui hi.
14Mite in za-in a kiling vua;
Philistia gama tengte,
lungkhamna in a tukon hi.
15Tua ciengin Edom uhpite
lungkie-in, Moab makaite
zau-in a ling vua;
Canaan gam sunga tengte zosie
lungkhamin a tuisuoh uhi.
16Amate tungah
zauna le citutna a tung hi.
Topa aw,
na mite in a kalsan masang,
na tatsa mite in
a kalsan masangin,
na ban hat ziehin amate
suongtum bangin pia loin om uhi.
17 Topa aw,
na ten nadinga na bawlsa mun,
Topa aw,
na khut tawh na phusa biehbuh ah,
amate na pui a,
nangma’ luo muol tungah
amate na suon hi.
18 Topa khu kumtawnin
a maang zing ding hi,
ci-in la a sa uhi.
19Pharaoh’ sakolte, a leengte le a leenghawlte tawh tuipi sungah a pei lai-un Topa in a tung vuah tuipi tuite luongsahkia hi; ahi vangin tuipi laikim leihul tungah Israel-te a pei uhi.
Miriam’ La
20Tua ciengin Aaron’ sanggamnu kamsang Miriam in a khutah tawm a tawi hi; numei zosie lamin a tawmte utawh a zui uhi. 21Amate tungah Miriam in la sa hi:
“Topa kungah la sa un,
azieh pen thupi tahin
ama a guol zo hi.
Ama in tuili lai-ah sakol le a hawlte
a sepmang hi,” a ci hi.
Tuikha Hlumsahkia
22Tua ciengin Moses in San Tuipi#15:22 Ahi sihle “Pumpeng Tuipi” pan Israel-te peipi a, Shur senel gam zuonin a pei uhi. Senel gamah nithum sung lam a pei vua, tui a mu sih uhi. 23Marah a tun ciengun tui kha ahi ziehin Marah tui a dawn thei sih uhi. Tua ahi ziehin khum mun pen Marah#15:23 “Khalawng” a cina ahi hi. ci-in a min kiphuo hi. 24Moses tungah mite a phun vua, “Bang dawn ding i hi uh ahei?” a ci uhi. 25Topa kungah ama kiko a, Topa#15:25 Ahi sihle “singkung khat” in ama singthem khat#15:25 Heb “ama” lah hi; ama in tui sungah tua singthem a sep pai leh tuami tui a hlum pai hi.
Topa in khum munah amate dingin thukham khat le ngaina kip khat bawlin khumi munah amate a zelah hi. 26Ama in, “Topa na Pasien uh’ aw limtah ngai-in ama muna-ah a manin na semin a thupiehte na thudon vua, a thukhamte na zui uleh note tungah Egypt gama ka tunsah natnate khat zong kang tungsah sih ding hi; bangzieh ahei cile kei khu note ang damsah Topa ka hi hi,” a ci hi.
27Tua ciengin ciatui sawm le ni phulna le lutu kung sawm sagi a pona Elim ah a tung uhi; tuale amate in khum mun tui gei-ah giephuol a sat uhi.
Currently Selected:
PEIKHIETNA 15: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
PEIKHIETNA 15
15
Moses’ La
(Pei 14:13-14; Late 78:12-14)
1Tua ciengin Moses le Israel-te in Topa kungah tami la a sa uhi:
“Topa tungah zeila sa vang,
azieh pen vangnei tahin
ama guol zo hi;
sakolte le a tunga tuongte
tuili lai-ah sepmang zo hi.#Kln 15:3
2 Topa khu ka zaitha le
ka thahatna#15:2 Ahi sihle “zeila” ahi a,
ama ka hutdamna a suoh zo hi.
Ama ka Pasien ahi a,
ama ka phat ding hi.
Keima in ka pa’ Pasien phatin
ama ka liensah ding hi.#Late 118:14; Isa 12:2
3 Topa khu galhang pa hi a;
ama’ min khu Topa ahi hi.
4“Ama in tuipi sungah
Pharaoh’ leengte le
a galkapte sepsuh a,
San Tuipi#15:4 Ahi sihle “Pumpeng Tuipi” sungah ama’ deiteel uliente a tummang uhi.
5Tuihuol in amate khucip a,
suongtum bangin a thuhna munah
amate a tumsuh uhi.
6 Topa aw, na zietlam khut khu
thahat sil bawl theina hi a-
Topa aw, na zietlam khut in
dogalte a vatmai hi.
7A thupi na vanglietna tawh
ang langbawlte na bungbulet hi;
na lungthahna na lengsah a,
tua in hampa bangin
amate katumsah hi.
8Na husan in tuipi li bang cingsahin,
tuihuolpi zong
cienphung bangin dingsah hi;
tuili lai-a tui thuhte zong
a khalh gawpsah hi.
9Dogalte in, ‘Ka del ding a,
ka nuaphah ding hi,
gal vanlahte ka hawm ding a,
tuate ka deizaza ka kitan ding hi.
Ka namtem ka dawh ding a,
amate ka khut tawh
ka susie ding hi,’ a ci uhi.
10Na hui tawh na sem ciengin
tuipi in amate a tuomcip hi.
Tuipi gimnei sungah amate
ngentang bangin a tumsuh uhi.
11“Topa aw, pasien-te lahah
nangma tawh kibang koi om ahei?
Sienthona-ah a lien,
thupina-ah a lipkhap huoi,
na lamdangte a bawl,
nangma tawh kibang koi om ahei?
12Na zietlam khut na zah a,
lei in amate a valtum hi.
13“A tul ngai lo na itna tawh
nangma in na tatsate na pui a;
a siengtho na tenna munah
na hatna tawh amate na pui hi.
14Mite in za-in a kiling vua;
Philistia gama tengte,
lungkhamna in a tukon hi.
15Tua ciengin Edom uhpite
lungkie-in, Moab makaite
zau-in a ling vua;
Canaan gam sunga tengte zosie
lungkhamin a tuisuoh uhi.
16Amate tungah
zauna le citutna a tung hi.
Topa aw,
na mite in a kalsan masang,
na tatsa mite in
a kalsan masangin,
na ban hat ziehin amate
suongtum bangin pia loin om uhi.
17 Topa aw,
na ten nadinga na bawlsa mun,
Topa aw,
na khut tawh na phusa biehbuh ah,
amate na pui a,
nangma’ luo muol tungah
amate na suon hi.
18 Topa khu kumtawnin
a maang zing ding hi,
ci-in la a sa uhi.
19Pharaoh’ sakolte, a leengte le a leenghawlte tawh tuipi sungah a pei lai-un Topa in a tung vuah tuipi tuite luongsahkia hi; ahi vangin tuipi laikim leihul tungah Israel-te a pei uhi.
Miriam’ La
20Tua ciengin Aaron’ sanggamnu kamsang Miriam in a khutah tawm a tawi hi; numei zosie lamin a tawmte utawh a zui uhi. 21Amate tungah Miriam in la sa hi:
“Topa kungah la sa un,
azieh pen thupi tahin
ama a guol zo hi.
Ama in tuili lai-ah sakol le a hawlte
a sepmang hi,” a ci hi.
Tuikha Hlumsahkia
22Tua ciengin Moses in San Tuipi#15:22 Ahi sihle “Pumpeng Tuipi” pan Israel-te peipi a, Shur senel gam zuonin a pei uhi. Senel gamah nithum sung lam a pei vua, tui a mu sih uhi. 23Marah a tun ciengun tui kha ahi ziehin Marah tui a dawn thei sih uhi. Tua ahi ziehin khum mun pen Marah#15:23 “Khalawng” a cina ahi hi. ci-in a min kiphuo hi. 24Moses tungah mite a phun vua, “Bang dawn ding i hi uh ahei?” a ci uhi. 25Topa kungah ama kiko a, Topa#15:25 Ahi sihle “singkung khat” in ama singthem khat#15:25 Heb “ama” lah hi; ama in tui sungah tua singthem a sep pai leh tuami tui a hlum pai hi.
Topa in khum munah amate dingin thukham khat le ngaina kip khat bawlin khumi munah amate a zelah hi. 26Ama in, “Topa na Pasien uh’ aw limtah ngai-in ama muna-ah a manin na semin a thupiehte na thudon vua, a thukhamte na zui uleh note tungah Egypt gama ka tunsah natnate khat zong kang tungsah sih ding hi; bangzieh ahei cile kei khu note ang damsah Topa ka hi hi,” a ci hi.
27Tua ciengin ciatui sawm le ni phulna le lutu kung sawm sagi a pona Elim ah a tung uhi; tuale amate in khum mun tui gei-ah giephuol a sat uhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.