PEIKHIETNA 19
19
Sinai Muolah Israel-te Tung
(Thkna 5:1-22)
1Egypt leitang panin Israel-te a peikhiet zaw uh a hla thumna khum ni ma-in amate Sinai senel gam a tung uhi. 2Rephidim panin amate khuolzinin Sinai senel gamah a lut vua, tua senel gamah giephuol a sat uhi; Israel-te in khumi muna muol mai-ah giephuol a sat uhi. 3Tua ciengin Pasien kungah Moses peito hi; Topa in muol panin ama lhanin ama kungah, “Jacob’ innkuonte le Israel-te kungah tam bangin na gen ding hi: 4Egypt-te tunga ka bawlna le muvanlai’ hla tungah hing puo-in ka kunga kang tut na mu zo ta uhi. 5Tua ahi ziehin tu-in ka thu mangin ka thuciemna na zui uleh mi namcin lah panin keima’ gou nei manpha na hi ding uhi. A tahtahin leitung vannuoi keima- a’ hi a, 6hinanle note na hi ule keima dingin siempu minam, le minam siengtho na hi ding uhi. Tam teng khu Israel-te kunga na gen ding uh thute ahi hi,” a ci hi.#Kln 1:6; 5:10
7Tuaci’n Moses pei-in mipi upate hlan a, Topa in ama a thupieh tam thu zosie amate mai-ah a sung hi. 8Mi zosie in, “Topa’ gensa poma ka sem ding uhi,” ci-in lung kituohin a dawng uhi. Moses in Topa kungah mite’ thugente a tut hi. 9Tua ciengin Topa in Moses kungah, “Kang hopi ciengin mite in a zah thei nading ule ang muon zing nadingun na kunga meii sapi sungah kang pei ding hi,” a ci hi.
Mite Kisiensuo
Topa kungah Moses in mite’ thugente a gen ciengin, 10Topa in Moses kungah, “Mite kungah va pei ta’nlen tuni le zing sung tengin amate siensuo in. A puonsilte uh sawpsah inlen, 11a ni thum ni adingin kithawisah in, bangzieh ahei cile a ni thum ni-in mi zosie’ mu-in Sinai muol tungah Topa ang kumsuh ding hi. 12Mite adingin a kimvelah dai na kai ding a, ‘Muol tungah kato loin, a muolmong zong na thamkhah lo nadingun kidawm un. Tua muol a thamkha poma kithat ding hi. 13Koima’ khut in ama thamkha lo ding a, ahi vangin suong tawh ama kiseplia-in ahi sihle thaltangte#19:13 Heb ah “thaltangte tawh” om lo hi. tawh ama kikaplia ding hi; ganhing hile mihing hile kihinkhawi lo ding hi,’ na ci ding hi. Pengkul sawt veipi a kimut ciengin muol tungah amate a kato ding uhi,” a ci hi.#Heb 12:18-20 14Tuaci’n muol tung panin mite kungah Moses kumsuh hi. Ama in mite siensuo a, amate in a puonte a sawp uhi. 15Ama in mite kungah, “A ni thum ni adingin kithawi un; numei gei-ah pei sih un,” a ci hi.
16A ni thum ni zingmawngin van to-in tun phe a, muol tungah meii sapi a om hi. Pengkul kimut gin a ngai seng ziehin giephuol a om mi zosie a citun uhi.#Kln 4:5 17Pasien tawh kimu dingin giephuol panin Moses in mite a zawpi hi. Muol bulah amate a ding uhi. 18Tu-in mei sung tua muol tungah Topa a kumsuh ziehin meikhu in Sinai Muol a tuommang hi; meikhuh sunga meikhu bangin a tung lamah meikhu kileh to a, tua laitahin tua muol buppi nahpitahin kiling hi.#Thkna 4:11-12 19Pengkul aw a nah gin semsem laitahin Moses in hopi a, Pasien in vanto lahah ama a dawng hi. 20Sinai muol vumah Topa a kumsuh ciengin muol tungah Topa in Moses hlan a, tuale Moses a peito hi. 21Tua ciengin Topa in Moses kungah, “Kumsuh inlen, Topa en dingin mite in tua daithaw a kansan lo nadingun va hilkhol ta’n; tua hi sihle amate lah panin mi tampi in a silaw ding uhi. 22Topa lam a neh siempute na ngawn zong kisiensuo tawmsah in. Tua ahi sihle amate tungah Topa lungthah ding hi,” a ci hi. 23Moses in Topa kungah, “Sinai muol tungah mite kikato sah lo hi; azieh pen nang mama in kote nei hilkhol a, ‘Muol kimvelah dai kai inlen siengthosah in,’ nei ci hi,” a ci hi. 24Topa in ama kungah, “Kumsuh inlen Aaron hing zawpito in; ahi vangin siempute ahi a, mite ahi zongin Topa kunga pei dingin daithaw hing kalsah sin; a tua ci teitei uleh a tung vuah ama lungthah ding hi,” a ci hi. 25Tuaci’n mipi lamah Moses kumsuhin a kung vuah a gen hi.
Currently Selected:
PEIKHIETNA 19: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
PEIKHIETNA 19
19
Sinai Muolah Israel-te Tung
(Thkna 5:1-22)
1Egypt leitang panin Israel-te a peikhiet zaw uh a hla thumna khum ni ma-in amate Sinai senel gam a tung uhi. 2Rephidim panin amate khuolzinin Sinai senel gamah a lut vua, tua senel gamah giephuol a sat uhi; Israel-te in khumi muna muol mai-ah giephuol a sat uhi. 3Tua ciengin Pasien kungah Moses peito hi; Topa in muol panin ama lhanin ama kungah, “Jacob’ innkuonte le Israel-te kungah tam bangin na gen ding hi: 4Egypt-te tunga ka bawlna le muvanlai’ hla tungah hing puo-in ka kunga kang tut na mu zo ta uhi. 5Tua ahi ziehin tu-in ka thu mangin ka thuciemna na zui uleh mi namcin lah panin keima’ gou nei manpha na hi ding uhi. A tahtahin leitung vannuoi keima- a’ hi a, 6hinanle note na hi ule keima dingin siempu minam, le minam siengtho na hi ding uhi. Tam teng khu Israel-te kunga na gen ding uh thute ahi hi,” a ci hi.#Kln 1:6; 5:10
7Tuaci’n Moses pei-in mipi upate hlan a, Topa in ama a thupieh tam thu zosie amate mai-ah a sung hi. 8Mi zosie in, “Topa’ gensa poma ka sem ding uhi,” ci-in lung kituohin a dawng uhi. Moses in Topa kungah mite’ thugente a tut hi. 9Tua ciengin Topa in Moses kungah, “Kang hopi ciengin mite in a zah thei nading ule ang muon zing nadingun na kunga meii sapi sungah kang pei ding hi,” a ci hi.
Mite Kisiensuo
Topa kungah Moses in mite’ thugente a gen ciengin, 10Topa in Moses kungah, “Mite kungah va pei ta’nlen tuni le zing sung tengin amate siensuo in. A puonsilte uh sawpsah inlen, 11a ni thum ni adingin kithawisah in, bangzieh ahei cile a ni thum ni-in mi zosie’ mu-in Sinai muol tungah Topa ang kumsuh ding hi. 12Mite adingin a kimvelah dai na kai ding a, ‘Muol tungah kato loin, a muolmong zong na thamkhah lo nadingun kidawm un. Tua muol a thamkha poma kithat ding hi. 13Koima’ khut in ama thamkha lo ding a, ahi vangin suong tawh ama kiseplia-in ahi sihle thaltangte#19:13 Heb ah “thaltangte tawh” om lo hi. tawh ama kikaplia ding hi; ganhing hile mihing hile kihinkhawi lo ding hi,’ na ci ding hi. Pengkul sawt veipi a kimut ciengin muol tungah amate a kato ding uhi,” a ci hi.#Heb 12:18-20 14Tuaci’n muol tung panin mite kungah Moses kumsuh hi. Ama in mite siensuo a, amate in a puonte a sawp uhi. 15Ama in mite kungah, “A ni thum ni adingin kithawi un; numei gei-ah pei sih un,” a ci hi.
16A ni thum ni zingmawngin van to-in tun phe a, muol tungah meii sapi a om hi. Pengkul kimut gin a ngai seng ziehin giephuol a om mi zosie a citun uhi.#Kln 4:5 17Pasien tawh kimu dingin giephuol panin Moses in mite a zawpi hi. Muol bulah amate a ding uhi. 18Tu-in mei sung tua muol tungah Topa a kumsuh ziehin meikhu in Sinai Muol a tuommang hi; meikhuh sunga meikhu bangin a tung lamah meikhu kileh to a, tua laitahin tua muol buppi nahpitahin kiling hi.#Thkna 4:11-12 19Pengkul aw a nah gin semsem laitahin Moses in hopi a, Pasien in vanto lahah ama a dawng hi. 20Sinai muol vumah Topa a kumsuh ciengin muol tungah Topa in Moses hlan a, tuale Moses a peito hi. 21Tua ciengin Topa in Moses kungah, “Kumsuh inlen, Topa en dingin mite in tua daithaw a kansan lo nadingun va hilkhol ta’n; tua hi sihle amate lah panin mi tampi in a silaw ding uhi. 22Topa lam a neh siempute na ngawn zong kisiensuo tawmsah in. Tua ahi sihle amate tungah Topa lungthah ding hi,” a ci hi. 23Moses in Topa kungah, “Sinai muol tungah mite kikato sah lo hi; azieh pen nang mama in kote nei hilkhol a, ‘Muol kimvelah dai kai inlen siengthosah in,’ nei ci hi,” a ci hi. 24Topa in ama kungah, “Kumsuh inlen Aaron hing zawpito in; ahi vangin siempute ahi a, mite ahi zongin Topa kunga pei dingin daithaw hing kalsah sin; a tua ci teitei uleh a tung vuah ama lungthah ding hi,” a ci hi. 25Tuaci’n mipi lamah Moses kumsuhin a kung vuah a gen hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.