PEIKHIETNA 25
25
Biehbuh Ading Biehnate
(Pei 35:4-9)
1 Topa in Moses kungah tam bangin gen hi: 2Keima ading biehna ang peipi nadingun Israel-te kungah gen in; alungtang sungah a pie nuom mi zosie tung panin kei adingin biehna na sang ding hi. 3Amate tung pana na san ding biehna khu tam teng ahi hi: Kham, ngun, sumngo, 4a dum, a dupsan, le a ausan puonte le hoitaha kigan puonte, keelmul, 5a sana kibum tuutang vunte, savun kizutnem sa,#25:5 Heb ah a khietna kicien lo hi. gising, 6meivahte ading sathau, nu sathau ding le gimnamtui dingin sil namtuite, 7siempu puon le awmdal-a kikhai ding suongsan le onyx suongte ahi hi. 8Amate lahah ka ten thei nadingin kei adingin amate mun siengtho khat bawlsah in. 9Biehbuh le a vanzah zosie’ lim dan ding tawh kisai-in na kunga kang lah zosie tawh kituohin na bawl ding hi.
Thuciemna Singkuong
(Pei 37:1-9)
10Amate in gising tawh singkuong khat bawl ding uhi; adung tong ni le alang, avai tong khat le khap, a sanna tong khat le khap hi ding hi. 11Nangma in kham citah tawh tuami singkuong a sung a puo na zut ding a, a tung kimvelah kham tawh a geihuol na bawl ding hi. 12Nangma in tua singkuong adingin kham kuol li sungin singkuong keng lite tungah tuate na bul ding a, apang khatah kuol ni, apang lang khatah kuol ni ma na bul ding hi. 13Gising singzawl na sui ding a, kham tawh tuate na zut ding hi. 14Singkuong puoh nadingin singkuong panga a kuolte sungah a zawlte na siet ding hi. 15Singkuong’ bilte sungah zawlte om suoh ding hi; tuate kilakhie lo ding hi. 16Nangma in singkuong sungah kang pieh ding thuciemna#25:16 Ahi sihle “thukimna”, ahi sihle “thuciemna”; Heb “eduth” na koi ding hi.
17Tua ciengin kham citah tawh hepina topha!#25:17 Ahi sihle “asin khat” khat na bawl ding hi; adung tong ni le khap, avai tong khat le khap hi ding hi.#Rom 3:25; Heb 9:5 18Kham Cherub ni na bawl ding hi; hepina topha#25:18 Ahi sihle “asin” mong tuohah a kikheng tua Cherub-te na omsah ding hi. 19Among khatah Cherub khat bawl inlen, among lang khatah Cherub khat ma bawl in; among tuohah Cherub-te na bawl ding a, tuate hepina topha#25:19 Ahi sihle “asin” tawh sakhatin na bawl ding hi. 20Cherub-te in a tung lamah a hlate zahin, a hlate tawh hepina topha lie suhin khatlekhat kimaingat ding hi; Cherub-te’ maitang in hepina topha lam nga ding uhi. 21Singkuong tungah hepina topha na koi ding a, singkuong sungah nangma kang pieh ding thuciemna#25:21 Ahi sihle “thukimna”, ahi sihle “thuciemna”, Heb “eduth” na koi ding hi. 22Hepina topha tung, thuciemna singkuong tunga om Cherub nite kikal panin nang kang kimupi ding a, khumi munah Israel-te adinga ka thupiehte zosie a unpi-in nangma tungah kang pie ding hi.
Ompina Anlum Ading Sabuoi
(Pei 37:10-16)
23Gising tawh sabuoi khat na bawl ding a, adung tong ni, avai tong khat, a sanna tong khat le khap hi ding hi. 24Kham citah tawh tua sabuoi na zut ding a, a kimvelah kham tawh a geihuol na bawl ding hi. 25Sabuoi kimvelah avai khutpeh cie a pha zawlpeh khat na bawl ding a, tua zawlpeh kimvelah kham tawh a geihuol na bawl ding hi. 26Tua sabuoi adingin kham kuol li na bawl ding a, a ning li, a keng lite-ah na hen ding hi. 27Sabuoi zawn nading zawlte a tu dingin a zawlpeh gei-ah a kuolte om ding hi. 28Gising tawh zawlte bawlin kham tawh na zut ding a, tamte tawh sabuoi kizawng ding hi. 29Gimnamtui adingin kuongdaite le pakante, dawn thei biehna sun nadingin thawlte le haite na bawl ding hi; kham citah tawh tuate na bawl ding hi. 30Keima’ mai sabuoi tungah Ompina Anlum na koi zing ding hi.#Siem 24:5-8
Meivah Tunna
(Pei 37:17-24)
31Kham citah tawh meivah tunna khat na bawl ding hi. Meivah tunna bul le a kungte pen sehta tawh kikhensa hi ding hi; a haite, a nunte le a papete tua tawh kisamat ding hi; 32a pangte panin ba guh meng ding a, a pang khatah meivah tunna ba thum mengin, a pang lang khatah meivah tunna ba thum ma meng ding hi; 33a ba khat ciet tungah a nun le a pape a om almond ga tawh a kibang hai thum, le adang ba khat ciet tungah a nun le a pape a om almond ga tawh a kibang hai thum ma om ding a, meivah tunna panin a ba guh mengkhie ding hi. 34Tua meivah tunna tung mama-ah a nunte le pape khat ciet a nei almond ga tawh a kibang hai li om ding hi. 35A kopa a menkhietna a masa pen nei-ah a nun khat om ding a, a kop nina nei-ah a nun khat ma om ding hi. A kop tawpna nei-ah a nun khat om ding a, meivah tunna panin a ba guh mengkhie ding hi. 36A nunte le a bate kisamat ding a, a unpi-in kham citah tawh kikheng hi ding hi. 37Ama adingin meivah sagi na bawl ding hi; a mai teng a tanvah dingin meivahte kikoi ding hi. 38A meitena taite le a dopna kuongte kham citah hi ding hi. 39A umlebeel zosie kham citah talent khat tawh kibawl ding hi. 40Muol tunga kang lah lim dan bangbanga tuate na bawl ding ahi lam thei in.#Sawl 7:44; Heb 8:5
Currently Selected:
PEIKHIETNA 25: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
PEIKHIETNA 25
25
Biehbuh Ading Biehnate
(Pei 35:4-9)
1 Topa in Moses kungah tam bangin gen hi: 2Keima ading biehna ang peipi nadingun Israel-te kungah gen in; alungtang sungah a pie nuom mi zosie tung panin kei adingin biehna na sang ding hi. 3Amate tung pana na san ding biehna khu tam teng ahi hi: Kham, ngun, sumngo, 4a dum, a dupsan, le a ausan puonte le hoitaha kigan puonte, keelmul, 5a sana kibum tuutang vunte, savun kizutnem sa,#25:5 Heb ah a khietna kicien lo hi. gising, 6meivahte ading sathau, nu sathau ding le gimnamtui dingin sil namtuite, 7siempu puon le awmdal-a kikhai ding suongsan le onyx suongte ahi hi. 8Amate lahah ka ten thei nadingin kei adingin amate mun siengtho khat bawlsah in. 9Biehbuh le a vanzah zosie’ lim dan ding tawh kisai-in na kunga kang lah zosie tawh kituohin na bawl ding hi.
Thuciemna Singkuong
(Pei 37:1-9)
10Amate in gising tawh singkuong khat bawl ding uhi; adung tong ni le alang, avai tong khat le khap, a sanna tong khat le khap hi ding hi. 11Nangma in kham citah tawh tuami singkuong a sung a puo na zut ding a, a tung kimvelah kham tawh a geihuol na bawl ding hi. 12Nangma in tua singkuong adingin kham kuol li sungin singkuong keng lite tungah tuate na bul ding a, apang khatah kuol ni, apang lang khatah kuol ni ma na bul ding hi. 13Gising singzawl na sui ding a, kham tawh tuate na zut ding hi. 14Singkuong puoh nadingin singkuong panga a kuolte sungah a zawlte na siet ding hi. 15Singkuong’ bilte sungah zawlte om suoh ding hi; tuate kilakhie lo ding hi. 16Nangma in singkuong sungah kang pieh ding thuciemna#25:16 Ahi sihle “thukimna”, ahi sihle “thuciemna”; Heb “eduth” na koi ding hi.
17Tua ciengin kham citah tawh hepina topha!#25:17 Ahi sihle “asin khat” khat na bawl ding hi; adung tong ni le khap, avai tong khat le khap hi ding hi.#Rom 3:25; Heb 9:5 18Kham Cherub ni na bawl ding hi; hepina topha#25:18 Ahi sihle “asin” mong tuohah a kikheng tua Cherub-te na omsah ding hi. 19Among khatah Cherub khat bawl inlen, among lang khatah Cherub khat ma bawl in; among tuohah Cherub-te na bawl ding a, tuate hepina topha#25:19 Ahi sihle “asin” tawh sakhatin na bawl ding hi. 20Cherub-te in a tung lamah a hlate zahin, a hlate tawh hepina topha lie suhin khatlekhat kimaingat ding hi; Cherub-te’ maitang in hepina topha lam nga ding uhi. 21Singkuong tungah hepina topha na koi ding a, singkuong sungah nangma kang pieh ding thuciemna#25:21 Ahi sihle “thukimna”, ahi sihle “thuciemna”, Heb “eduth” na koi ding hi. 22Hepina topha tung, thuciemna singkuong tunga om Cherub nite kikal panin nang kang kimupi ding a, khumi munah Israel-te adinga ka thupiehte zosie a unpi-in nangma tungah kang pie ding hi.
Ompina Anlum Ading Sabuoi
(Pei 37:10-16)
23Gising tawh sabuoi khat na bawl ding a, adung tong ni, avai tong khat, a sanna tong khat le khap hi ding hi. 24Kham citah tawh tua sabuoi na zut ding a, a kimvelah kham tawh a geihuol na bawl ding hi. 25Sabuoi kimvelah avai khutpeh cie a pha zawlpeh khat na bawl ding a, tua zawlpeh kimvelah kham tawh a geihuol na bawl ding hi. 26Tua sabuoi adingin kham kuol li na bawl ding a, a ning li, a keng lite-ah na hen ding hi. 27Sabuoi zawn nading zawlte a tu dingin a zawlpeh gei-ah a kuolte om ding hi. 28Gising tawh zawlte bawlin kham tawh na zut ding a, tamte tawh sabuoi kizawng ding hi. 29Gimnamtui adingin kuongdaite le pakante, dawn thei biehna sun nadingin thawlte le haite na bawl ding hi; kham citah tawh tuate na bawl ding hi. 30Keima’ mai sabuoi tungah Ompina Anlum na koi zing ding hi.#Siem 24:5-8
Meivah Tunna
(Pei 37:17-24)
31Kham citah tawh meivah tunna khat na bawl ding hi. Meivah tunna bul le a kungte pen sehta tawh kikhensa hi ding hi; a haite, a nunte le a papete tua tawh kisamat ding hi; 32a pangte panin ba guh meng ding a, a pang khatah meivah tunna ba thum mengin, a pang lang khatah meivah tunna ba thum ma meng ding hi; 33a ba khat ciet tungah a nun le a pape a om almond ga tawh a kibang hai thum, le adang ba khat ciet tungah a nun le a pape a om almond ga tawh a kibang hai thum ma om ding a, meivah tunna panin a ba guh mengkhie ding hi. 34Tua meivah tunna tung mama-ah a nunte le pape khat ciet a nei almond ga tawh a kibang hai li om ding hi. 35A kopa a menkhietna a masa pen nei-ah a nun khat om ding a, a kop nina nei-ah a nun khat ma om ding hi. A kop tawpna nei-ah a nun khat om ding a, meivah tunna panin a ba guh mengkhie ding hi. 36A nunte le a bate kisamat ding a, a unpi-in kham citah tawh kikheng hi ding hi. 37Ama adingin meivah sagi na bawl ding hi; a mai teng a tanvah dingin meivahte kikoi ding hi. 38A meitena taite le a dopna kuongte kham citah hi ding hi. 39A umlebeel zosie kham citah talent khat tawh kibawl ding hi. 40Muol tunga kang lah lim dan bangbanga tuate na bawl ding ahi lam thei in.#Sawl 7:44; Heb 8:5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.