PEIKHIETNA 4
4
A Lamdang Moses’ Vanglietna
1Tua ciengin Moses in, “Ahi vangin amate in kei ei tahsang loin ahi sihle ka thu ei ngai sih hinlen, ‘Nangma kungah Topa hing kilaa sih,’ ei ci mawh uleh bang ka law ta diei?” ci-in a dawng hi. 2Topa in ama kungah, “Na khut sunga khu bang ahiei?” a ci hi. Ama in, “Ciengkhut,” a ci hi. 3Tuale ama in, “Tua khu tuolah sep vawi,” a ci hi. Tuaci’n ama in tua ciengkhut tuolah a sep leh gul khat a suoh hi; tuale ama kung panin Moses a nuakin hi. 4Tua ciengin Topa in Moses kungah, “Na khut zah inlen tua gul a mei-ah man in,” a ci hi. Tuaci’n a khut zahin gulpi a man le ama’ khut sungah ciengkhut khat a suoh hi. 5“Tuaci’n amate in a tahsan thei nadingun nangma kungah Topa, a Pasien uh ahi Abraham’ Pasien, Isaac’ Pasien le Jacob’ Pasien ang kilangzo hi,” a ci hi.
6 Topa in ama kungah, “Na puontuol kawmah na khut koi in,” khatvei a cikia hi. Ama in a puontuol kawmah a khut a koi hi; ama in a khut a lah ciengin a khut phah gawp#4:6 innatna tampite adinga kizang kammal ahi hi. A cinopna lien kicien lo hi. a, vua bangin a ngo hi. 7Tua ciengin Pasien in, “Na puontuol kawmah na khut koikia vawi,” a ci hi. Tuaci’n ama in a puontuol kawmah a khut koikia-in a khut a lakia leh a tahsa ngai ma bangin a omkia hi. 8“Amate in nang ang tahsan sih vua, ahi sihle lim masa pen a thudon sih phiel ule zong lim nukhia pen tahsang kha thei ding uhi. 9Tami lim ni tegel nangawn tahsang loin ang thudon sih uleh Nile gun panin tui halkhat la-in lei gawta lahah na sung ding hi; tuale Nile gun pana na lah ding tui pen lei gawta tungah sisan a suoh ding hi,” a ci hi.
10Ahi vangin Moses in Topa kungah, “Ka Topa aw, tu masie ahi a, na sila pa nei hopi tu mama nangawnin ahi zongin kei mi dangnal ka hi ngai vawt sih hi; a muon ham vahuot le a lei awhpi ka hi bo hi,” a ci hi. 11Tua ciengin Topa in ama kungah, “Mihingte kam koi pieh ahiei? Koi in amate hamsah thei lo, ahi sihle bil bingsah, khuo musah, ahi sihle mit tawsah ahei? Topa, ahi keima’ bawl hi lo amah? 12Tu-in kuon inlen na kam tawh kang om ding a, na thugen ding kang hil ding hi,” a ci hi. 13Hinanle ama in, “Ka Topa aw, hing thum ing, midang khat sawl zaw in,” a ci hi. 14Tua ciengin Moses tungah Topa a sin so a, ama in, “Levi mi na sanggampa Aaron om hi lo amah? Ama in hoitahin thu a gen thei lam ka thei hi; tu nangawnin nang ang dawn dingin ama ang pei a, nangma ang mu ciengin a lung a nuom ding hi. 15Nang in ama hopi-in a kam sungah thu na muom ding hi; nangma’ kam le ama’ kam tawh keima kang om ding a, na sep na bawl ding uh kang hil ding hi. 16Ama in mite tungah nang adingin thu a gen ding hi; ama pen nang adingin na kamin ang pang ding a, nang zong ama adingin a Pasien bangin na pang ding hi. 17Na khut sungah tami ciengkhut tawi inlen, tua tawh limte na bawl ding hi,” a ci hi.
Egypt-ah Moses Kilekia
18A sungpa Jethro kungah Moses peikia-in a kungah, “Hing thum ing, Egypt gama ka unaute a hing lai uh amah, a en dingin amate kungah ei hawsah in,” a ci hi. Tuale Jethro in Moses kungah, “Lungnuom tahin pei in,” a ci hi. 19Midian gam sungah Topa in Moses kungah, “Egypt gamah peikia in; azieh pen nangma ang tha sawm mi zosie si sieng zo hi,” a ci hi. 20Tuaci’n Moses in a zi le a tapate a la a, laa tung khatah amate tuongsahin Egypt gamah a peikia uhi; tuale Moses in a khut sungah Pasien’ ciengkhut a tawi hi.
21 Topa in Moses kungah, “Egypt gamah na peikia ciengin Pharaoh mai-ah na sep thei dinga kang piehsa na lamdang zosie na bawl ding thei gige in; ahi vangin keima in a lungtang ka khausah ding a, tuaci’n mite a peisah sih ding hi. 22Tua ciengin nangma in Pharaoh kungah, ‘Topa in tam bangin ci hi: Israel ka tapa a tapen ahi hi. 23Keima nang kungah, “Ama in kei ei bieh thei nadingin ka tapa peisah in,” kang ci hi. Ahi vangin nang in ama a pei ding na phal sih hi; tu-in keima in na tapa a tapen pa ka that ding hi,’ vaci ta’n,” a ci hi.#Pei 12:29
24Lamkal mun khatah amate a zan gie vua, Topa in Moses na dawnin ama tha ding a na hanciem hi. 25Ahi vangin Zipporah in suonghiem khat la-in a tapa’ tep tanpieh a, tua tawh Moses’#4:25 Heb “ama’ “ keng thamin, “A mantahin nang pen kei tungah sisan tawh ka mopa na hi hi!” a ci hi. 26Tuaci’n ama guohin a omsah hi. Tua ciengin ama in, “Teptanna hangin sisan tawh ka mopa na hi hi,” a ci hi.
27 Topa in Aaron kungah, “Moses dawn dingin gamlahah pei in,” a ci hi. Tuaci’n ama a pei hi; tuale ama in Pasien’ muolah ama mu-in a nam hi. 28Topa in ama a sawlna thu zosie le a bawl dinga a sawl limte zosie Moses in Aaron kungah a gen hi. 29Tua ciengin Moses le Aaron pei-in Israel upate a unpi-in a kaikhawm uhi. 30Aaron in Moses kungah Topa gensa thu zosie a unpi-in a gen a, mite muna-ah limte a bawl hi. 31Mite in a um uhi; Topa in Israel-te a thudon lam za-in, a gentheina uh a mu lam a thei ciengun amate kunin Pasien a bie uhi.
Currently Selected:
PEIKHIETNA 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
PEIKHIETNA 4
4
A Lamdang Moses’ Vanglietna
1Tua ciengin Moses in, “Ahi vangin amate in kei ei tahsang loin ahi sihle ka thu ei ngai sih hinlen, ‘Nangma kungah Topa hing kilaa sih,’ ei ci mawh uleh bang ka law ta diei?” ci-in a dawng hi. 2Topa in ama kungah, “Na khut sunga khu bang ahiei?” a ci hi. Ama in, “Ciengkhut,” a ci hi. 3Tuale ama in, “Tua khu tuolah sep vawi,” a ci hi. Tuaci’n ama in tua ciengkhut tuolah a sep leh gul khat a suoh hi; tuale ama kung panin Moses a nuakin hi. 4Tua ciengin Topa in Moses kungah, “Na khut zah inlen tua gul a mei-ah man in,” a ci hi. Tuaci’n a khut zahin gulpi a man le ama’ khut sungah ciengkhut khat a suoh hi. 5“Tuaci’n amate in a tahsan thei nadingun nangma kungah Topa, a Pasien uh ahi Abraham’ Pasien, Isaac’ Pasien le Jacob’ Pasien ang kilangzo hi,” a ci hi.
6 Topa in ama kungah, “Na puontuol kawmah na khut koi in,” khatvei a cikia hi. Ama in a puontuol kawmah a khut a koi hi; ama in a khut a lah ciengin a khut phah gawp#4:6 innatna tampite adinga kizang kammal ahi hi. A cinopna lien kicien lo hi. a, vua bangin a ngo hi. 7Tua ciengin Pasien in, “Na puontuol kawmah na khut koikia vawi,” a ci hi. Tuaci’n ama in a puontuol kawmah a khut koikia-in a khut a lakia leh a tahsa ngai ma bangin a omkia hi. 8“Amate in nang ang tahsan sih vua, ahi sihle lim masa pen a thudon sih phiel ule zong lim nukhia pen tahsang kha thei ding uhi. 9Tami lim ni tegel nangawn tahsang loin ang thudon sih uleh Nile gun panin tui halkhat la-in lei gawta lahah na sung ding hi; tuale Nile gun pana na lah ding tui pen lei gawta tungah sisan a suoh ding hi,” a ci hi.
10Ahi vangin Moses in Topa kungah, “Ka Topa aw, tu masie ahi a, na sila pa nei hopi tu mama nangawnin ahi zongin kei mi dangnal ka hi ngai vawt sih hi; a muon ham vahuot le a lei awhpi ka hi bo hi,” a ci hi. 11Tua ciengin Topa in ama kungah, “Mihingte kam koi pieh ahiei? Koi in amate hamsah thei lo, ahi sihle bil bingsah, khuo musah, ahi sihle mit tawsah ahei? Topa, ahi keima’ bawl hi lo amah? 12Tu-in kuon inlen na kam tawh kang om ding a, na thugen ding kang hil ding hi,” a ci hi. 13Hinanle ama in, “Ka Topa aw, hing thum ing, midang khat sawl zaw in,” a ci hi. 14Tua ciengin Moses tungah Topa a sin so a, ama in, “Levi mi na sanggampa Aaron om hi lo amah? Ama in hoitahin thu a gen thei lam ka thei hi; tu nangawnin nang ang dawn dingin ama ang pei a, nangma ang mu ciengin a lung a nuom ding hi. 15Nang in ama hopi-in a kam sungah thu na muom ding hi; nangma’ kam le ama’ kam tawh keima kang om ding a, na sep na bawl ding uh kang hil ding hi. 16Ama in mite tungah nang adingin thu a gen ding hi; ama pen nang adingin na kamin ang pang ding a, nang zong ama adingin a Pasien bangin na pang ding hi. 17Na khut sungah tami ciengkhut tawi inlen, tua tawh limte na bawl ding hi,” a ci hi.
Egypt-ah Moses Kilekia
18A sungpa Jethro kungah Moses peikia-in a kungah, “Hing thum ing, Egypt gama ka unaute a hing lai uh amah, a en dingin amate kungah ei hawsah in,” a ci hi. Tuale Jethro in Moses kungah, “Lungnuom tahin pei in,” a ci hi. 19Midian gam sungah Topa in Moses kungah, “Egypt gamah peikia in; azieh pen nangma ang tha sawm mi zosie si sieng zo hi,” a ci hi. 20Tuaci’n Moses in a zi le a tapate a la a, laa tung khatah amate tuongsahin Egypt gamah a peikia uhi; tuale Moses in a khut sungah Pasien’ ciengkhut a tawi hi.
21 Topa in Moses kungah, “Egypt gamah na peikia ciengin Pharaoh mai-ah na sep thei dinga kang piehsa na lamdang zosie na bawl ding thei gige in; ahi vangin keima in a lungtang ka khausah ding a, tuaci’n mite a peisah sih ding hi. 22Tua ciengin nangma in Pharaoh kungah, ‘Topa in tam bangin ci hi: Israel ka tapa a tapen ahi hi. 23Keima nang kungah, “Ama in kei ei bieh thei nadingin ka tapa peisah in,” kang ci hi. Ahi vangin nang in ama a pei ding na phal sih hi; tu-in keima in na tapa a tapen pa ka that ding hi,’ vaci ta’n,” a ci hi.#Pei 12:29
24Lamkal mun khatah amate a zan gie vua, Topa in Moses na dawnin ama tha ding a na hanciem hi. 25Ahi vangin Zipporah in suonghiem khat la-in a tapa’ tep tanpieh a, tua tawh Moses’#4:25 Heb “ama’ “ keng thamin, “A mantahin nang pen kei tungah sisan tawh ka mopa na hi hi!” a ci hi. 26Tuaci’n ama guohin a omsah hi. Tua ciengin ama in, “Teptanna hangin sisan tawh ka mopa na hi hi,” a ci hi.
27 Topa in Aaron kungah, “Moses dawn dingin gamlahah pei in,” a ci hi. Tuaci’n ama a pei hi; tuale ama in Pasien’ muolah ama mu-in a nam hi. 28Topa in ama a sawlna thu zosie le a bawl dinga a sawl limte zosie Moses in Aaron kungah a gen hi. 29Tua ciengin Moses le Aaron pei-in Israel upate a unpi-in a kaikhawm uhi. 30Aaron in Moses kungah Topa gensa thu zosie a unpi-in a gen a, mite muna-ah limte a bawl hi. 31Mite in a um uhi; Topa in Israel-te a thudon lam za-in, a gentheina uh a mu lam a thei ciengun amate kunin Pasien a bie uhi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.