PIENCILNA 39
39
Joseph le Potiphar’ Zi
1Tu-in Egypt ah Joseph kipeipi suh a, khum muna a peipi suh ahi Ishmael-te kung panin Egypt mi, Pharaoh’ ulien inncing galkapmangpa Potiphar in ama na lei hi. 2Joseph tawh Topa a omton a, a lawcing mi khat a suoh hi; Egypt mi a pupa’ inn ah ama a om hi. 3Topa in ama ompi a, a khut tawh a bawlsa zosie mavangsah hi, ci-in a pupa in a mu hi. 4Tuaci’n Joseph in a mai-ah maipha nga-in ama’ na a sem hi; ama in a innsungah a makai-in koi a, a neisa zosie a uhsah hi. 5A a innsung le a neisa zosie tungah vaisai-a a koi huna kipan Joseph ziehin Topa in Egypt mipa’ innsung thupha a pie hi; innsung hitale lo sung hitale ama’ neisa zosie tungah Topa’ thupha a tung hi. 6Tuaci’n ama in a neisa vannuoi Joseph khut sungah a ap sieng hi; khum munah a an neh ding simlo bangma lunghimawna a nei sih hi.
Joseph ngaihbaangin melhoi hi. 7Hun khat zaw ciengin a pupa’ zi in ama zawlmit ha a, “Kei ei luppi in,” a ci hi. 8Ahi vangin ama in a niel a, a pupa’ zinu kungah, “En in, kei ziehin inn sungah ka pupa in lunghimawna kici bangma nei nawn loin a nei vannuoi ka khut sungah koi zo ta hi. 9Tami inn sungah ama kei sanga a lienzaw ahi tuon sih a, nang ama’ zi na hi ziehin nang khat ci simlo kei kung panin ama in a keptuom bangma khat beh a om sih hi. Tua ahi ziehin kei in bangci bangin tam bang gitlona lienpite bawlin Pasien tungah maw thei ding ka hei?” a ci hi. 10Ama in ni khat zaw ni khat Joseph a zawl vangin, ama tawh lupton ding hitale ama tawh opton ding hitale a thukim sih hi. 11Ahi vangin ni khat, a nasep sem dingin ama inn sungah a lut a, tua inn sungah midang koima khat beh a op lo laitahin, 12tua nu in ama a puonin man a, “Ei luppi in!” a ci hi. Hinanle tua nu khut sungah a puon nuasie-in inn pulamah a taimang hi. 13A khut sungah a puon nuasie-in inn pulamah ama a tai khu tua nu in a mu bepin, 14a innkuonpite hlanin amate kungah, “En un, eite ei simmaw dingin ka pasal#39:14 Heb “ama” in Hebrew mi khat i lah vuah ang tut hi! Kei tawh a lumton dingin ama ang lut a, kei zong nahpitahin ka kiko pai hi; 15ka aw sangsahin ka kiko a zah bepin ama in ka gei-ah a puon nuasie-in inn pulamah a taimang ta hi,” a ci hi. 16A pu inn a tun masangsie-in tua nu in a puon a kemcing hi. 17Tua nu in ama kungah tua thu ma a gen a, “Kei ei no dingin i lah vua nang tut Hebrew nasempa ang lut a, ahi vangin 18ka aw sangsahin ka kiko bepin ama in ka gei-ah a puon nuasie-in inn pulamah a taimang hi,” a ci hi.
19“Na nasempa in kei ei bawl dan tam bang ahi hi,” ci-in a zinu in ama kunga a thugen teng a pupa in a zah ciengin a hangzah gawp hi. 20Tuale Joseph’ pupa in ama manin kumpipa’ thongkiete kikoina thong sungah ama a khum hi; tua thong sungah ama a om hi. 21ahi vangin Joseph tawh Topa a omton a, ama tungah a itna kip a lah hi; ama in thongcing pa’ maipha a ngasah hi. 22Thongcing pa in thong sunga om thongkie mi zosie Joseph’ et dingin ap a, khumi muna kisem zosie ama sepsa vive ahi hi. 23Topa in ama a oppi ziehin Joseph’ etna sunga a om poma thongcing pa in donin zong a nei vet sih hi; tuale a bawl na khat popo ah Topa in a dau a peisah hi.
Currently Selected:
PIENCILNA 39: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
PIENCILNA 39
39
Joseph le Potiphar’ Zi
1Tu-in Egypt ah Joseph kipeipi suh a, khum muna a peipi suh ahi Ishmael-te kung panin Egypt mi, Pharaoh’ ulien inncing galkapmangpa Potiphar in ama na lei hi. 2Joseph tawh Topa a omton a, a lawcing mi khat a suoh hi; Egypt mi a pupa’ inn ah ama a om hi. 3Topa in ama ompi a, a khut tawh a bawlsa zosie mavangsah hi, ci-in a pupa in a mu hi. 4Tuaci’n Joseph in a mai-ah maipha nga-in ama’ na a sem hi; ama in a innsungah a makai-in koi a, a neisa zosie a uhsah hi. 5A a innsung le a neisa zosie tungah vaisai-a a koi huna kipan Joseph ziehin Topa in Egypt mipa’ innsung thupha a pie hi; innsung hitale lo sung hitale ama’ neisa zosie tungah Topa’ thupha a tung hi. 6Tuaci’n ama in a neisa vannuoi Joseph khut sungah a ap sieng hi; khum munah a an neh ding simlo bangma lunghimawna a nei sih hi.
Joseph ngaihbaangin melhoi hi. 7Hun khat zaw ciengin a pupa’ zi in ama zawlmit ha a, “Kei ei luppi in,” a ci hi. 8Ahi vangin ama in a niel a, a pupa’ zinu kungah, “En in, kei ziehin inn sungah ka pupa in lunghimawna kici bangma nei nawn loin a nei vannuoi ka khut sungah koi zo ta hi. 9Tami inn sungah ama kei sanga a lienzaw ahi tuon sih a, nang ama’ zi na hi ziehin nang khat ci simlo kei kung panin ama in a keptuom bangma khat beh a om sih hi. Tua ahi ziehin kei in bangci bangin tam bang gitlona lienpite bawlin Pasien tungah maw thei ding ka hei?” a ci hi. 10Ama in ni khat zaw ni khat Joseph a zawl vangin, ama tawh lupton ding hitale ama tawh opton ding hitale a thukim sih hi. 11Ahi vangin ni khat, a nasep sem dingin ama inn sungah a lut a, tua inn sungah midang koima khat beh a op lo laitahin, 12tua nu in ama a puonin man a, “Ei luppi in!” a ci hi. Hinanle tua nu khut sungah a puon nuasie-in inn pulamah a taimang hi. 13A khut sungah a puon nuasie-in inn pulamah ama a tai khu tua nu in a mu bepin, 14a innkuonpite hlanin amate kungah, “En un, eite ei simmaw dingin ka pasal#39:14 Heb “ama” in Hebrew mi khat i lah vuah ang tut hi! Kei tawh a lumton dingin ama ang lut a, kei zong nahpitahin ka kiko pai hi; 15ka aw sangsahin ka kiko a zah bepin ama in ka gei-ah a puon nuasie-in inn pulamah a taimang ta hi,” a ci hi. 16A pu inn a tun masangsie-in tua nu in a puon a kemcing hi. 17Tua nu in ama kungah tua thu ma a gen a, “Kei ei no dingin i lah vua nang tut Hebrew nasempa ang lut a, ahi vangin 18ka aw sangsahin ka kiko bepin ama in ka gei-ah a puon nuasie-in inn pulamah a taimang hi,” a ci hi.
19“Na nasempa in kei ei bawl dan tam bang ahi hi,” ci-in a zinu in ama kunga a thugen teng a pupa in a zah ciengin a hangzah gawp hi. 20Tuale Joseph’ pupa in ama manin kumpipa’ thongkiete kikoina thong sungah ama a khum hi; tua thong sungah ama a om hi. 21ahi vangin Joseph tawh Topa a omton a, ama tungah a itna kip a lah hi; ama in thongcing pa’ maipha a ngasah hi. 22Thongcing pa in thong sunga om thongkie mi zosie Joseph’ et dingin ap a, khumi muna kisem zosie ama sepsa vive ahi hi. 23Topa in ama a oppi ziehin Joseph’ etna sunga a om poma thongcing pa in donin zong a nei vet sih hi; tuale a bawl na khat popo ah Topa in a dau a peisah hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.