LUKE 5
5
Jesu in Nuazui Masate Hlan
1Khatvei Genesaret buol gei-ah Jesu ding a, mipite in Pasien thu ngai dingin ama a nehgawp laitahin, 2ama in buol gei-a om gunkuong ni a mu hi; tua gunkuongte sung panin ngabengte peikhie-in a lente a sawp sieng uhi. 3Tua gunkuongte sung panin Simon’ gunkuong tungah ama tuong a, pieugei panin tawm khat a khin nadingin a sawl hi. Tua ciengin ama to-in gunkuong sung panin mihonpite thu a hil hi.#Mat 13:1-2; Mrk 3:9-10; 4:1 4A thugen a manzaw ciengin ama in Simon kungah, “Tui thuhna lamah na gunkuong hot inlen, na len tawh nga khu in,” a ci hi. 5Simon in, “Mangpa, zanthapai-in ka na khu vangun bangma khat zong ka man sih uhi. Hizongle khu in nei cileh lah khu mawh ta veng,” ci-in a dawng hi.#Jhn 21:3 6Tua bangin len a khu uleh nga tam awh seng ahi ziehin a len uh a keh khiel vawt hi.#Jhn 21:6 7Gunkuong dang khat-a om a guolte pei a, a hu dingin a khutzap uhi. Tuale amate zong pei-in gunkuong tegel sungah nga a dimin a koi ziehun tui sungah a tum dihtah uhi. 8Ahi vangin Simon Peter in tua thu a mu bepin Jesu mai-ah khupdin a, Topa aw, mawnei mi khat ka hi ziehin kei kung panin peikhie in!” a ci hi. 9Azieh pen nga tuaza a mat thei uh ama le a pawlte zosie in lamdang a sa uhi; 10tua ma bangin Simon kipawlpi Zebedee’ tapate ahi James le John-te in zong lamdang a sa uhi. Tua ciengin Jesu in Simon kungah, “Zau sin; tu-a kipanin mihingte na man ding hi,” a ci hi. 11Tuipieu-ah a gunkuongte uh a khawlsah zaw ciengun amate in na zosie nuasie-in ama a zui uhi.
Jesu in Miphah Damsah
(Mat 8:1-4; Mrk 1:40-45)
12Khumin khatvei, khuopi sung khatah ama a op laitahin a pumtanga a phah mi khat pei a, Jesu a mu bepin tuolah khupbawh a, “Topa aw, ei damsah nuom po lacin nei damsah thei hi,” ci-in a thum hi. 13Tua ciengin Jesu in a khut zahin tham a, “Kang damsah nuom hi. Dam ta in,” a ci leh thakhatin a phah natna in ama a nuasie pailien hi. 14Koima kungah gen sin, ci-in ama thu a pie hi. Ama in, “Pei inlen, siempu pa kungah va kilah tanlen, Moses’ thupieh dung zui-in amate tungah teci ahi dingin na sienna ziehin biehpiehna va bawl ta’n,” ci-in thu a pie hi.#Siem 14:1-32 15Ahi vangin nidang sangin ama’ thu a kizel semsem hi; mi tampitahte a thungai ding le a natnate uh a dam nadingin a kikhawm uhi. 16Ahi vangin gamdai-ah ama kihem dawhin thu a ngen hi.
Jesu in Phalsi Khat Damsah
(Mat 9:1-8; Mrk 2:1-12)
17Nikhat Jesu in thu a hil laitahin ama gei-ah Galilee gam, Judea gam, le Jerusalem pana ang pei Pharisee-te le thukham hil siete a to uhi. Tuale natna damsah nading Topa’ vanglietna in ama tungah a om hi. 18Tua zaw ciengin mi pawlkhat pei-in phalsi mi khat a lupna tawh a zawng uhi. Amate in inn sungah ama tumpi-in Jesu mai-a siel dingin a hanciem uhi; 19ahi vangin mihonpi tam seng ahi ziehin a lutpi nading uh lampi a mu zo sih vua, tua bepin innkhumah kato-in a khumvang panin mipite laikim Jesu mai sontah ah a lupna pumin a khiesuh uhi. 20Ama in a upna uh a mu ciengin, “Lawm aw,#5:20 Gk “Nang pa” na mawna teng kimaisah zo hi,” a ci hi. 21Tua ciengin thukham hil siete le Pharisee-te a kiho vua, “Pasien a gensie tam pa koi ahei? Pasien longal koi in mawna maisah thei ahei?” ci-in thudawh ding a kipan uhi. 22Jesu in a thudawh uh a thei ciengin amate kungah, “Na lungsim sung vua bang dinga tua bang thute na dawh uh ahei? 23‘Na mawnate kimaisah zo hi’ ci ding le ‘Tho inlen lampei in,’ ci ding koi baizaw ahei? 24Ahi vangin Mihing Tapa in leitungah mawna maisah thei nading thuneina a nei lamtah na thei nadingun phalsi pa kungah, “Nang kungah kang ci-in, tho inlen na lupna puo-in na inn ah pei in,” a ci hi. 25Tua pa zong thakhatin amate mai-ah tho-in a lupna puo a, Pasien phat kawmin a inn ah a pei hi. 26Amate in a unpi-un lamdang a sa vua, a zau kawmun Pasien phatin, “Eite in tuni-in na lamdang i mu zo ta uhi,” a ci uhi.
Jesu in Levi Hlan
(Mat 9:9-13; Mrk 12:13-17)
27Tua zaw ciengin Jesu a pusuoh leh siehdonna zuma a to Levi kici siehdong khat mu a, ama in, “Ei zui in,” a ci hi. 28Tuale ama in zong na zosie nuasie-in ama a zui hi.
29Tua ciengin Levi in a inn ah Jesu adingin anneh pawi khat a bawl hi; siehdong honpite le midangte in amate tawh ankuong a imton uhi. 30Pharisee-te le thukham hil a siete un a nuazuite kungah, “Bang dinga siehdongte le mawneite tawh neton dawnton na hi uh ahei? ci-in a mawsiet uhi.#Luk 15:1-2 31Jesu in, “Sievuon a tulmaw pen cidamte hi loin cinate hizaw hi. 32Midihte hlan dinga ang pei ka hi sih a, mawneite a kisiakia nadinga ang pei ka hizaw hi,” ci-in a dawng hi.
Antanna Thu Dohna
(Mat 9:14-17; Mrk 2:18-22)
33Tua ciengin amate in ama kungah, “John’ nuazuite in Pharisee-te’ nuazuite bangin an tangin thu ngen zel napi, na nuazuite ahile an ne tui dawnin a om uhi,” a ci uhi. 34Jesu in amate kungah, “Mopawi simte in zi nei ding pa tawh a om sungun an na tangsah thei ding uh amah? 35Amate kung panin zineipa a kilahdawh hun ang tung ding a, khum ni ciengin amate in an a tang ding uhi,” a ci hi. 36Jesu in amate kungah thugentena khat tawh thu a gen hi: “Koima in puon tha ehkehin puonsie phawna-in a zang sih hi; tua banga a bawl leh a puontha ehkeh ding a, puontha beh le a lui a kituoh thei sih ding hi. 37Koima in savun umlui sungah lenggazu tha a thal sih hi; a tuaci bawl leh lenggazu tha in savun um pawhkeh sahin lenggazu phulmang ding a, savun um a kisie ding hi. 38Lenggazu tha pen savun um tha sunga thal ding hizaw hi. 39Koima in lenggazu lui a dawn zaw ciengin lenggazu tha a lunggul ta sih a, ‘Lenggazu lui ma tuizaw hi,’ ci hi,” a ci hi.#5:39 Adang tang laibute in “tuizaw” ci-in giel hi; adangte ah tami tang 39 om lo hi.
Currently Selected:
LUKE 5: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
LUKE 5
5
Jesu in Nuazui Masate Hlan
1Khatvei Genesaret buol gei-ah Jesu ding a, mipite in Pasien thu ngai dingin ama a nehgawp laitahin, 2ama in buol gei-a om gunkuong ni a mu hi; tua gunkuongte sung panin ngabengte peikhie-in a lente a sawp sieng uhi. 3Tua gunkuongte sung panin Simon’ gunkuong tungah ama tuong a, pieugei panin tawm khat a khin nadingin a sawl hi. Tua ciengin ama to-in gunkuong sung panin mihonpite thu a hil hi.#Mat 13:1-2; Mrk 3:9-10; 4:1 4A thugen a manzaw ciengin ama in Simon kungah, “Tui thuhna lamah na gunkuong hot inlen, na len tawh nga khu in,” a ci hi. 5Simon in, “Mangpa, zanthapai-in ka na khu vangun bangma khat zong ka man sih uhi. Hizongle khu in nei cileh lah khu mawh ta veng,” ci-in a dawng hi.#Jhn 21:3 6Tua bangin len a khu uleh nga tam awh seng ahi ziehin a len uh a keh khiel vawt hi.#Jhn 21:6 7Gunkuong dang khat-a om a guolte pei a, a hu dingin a khutzap uhi. Tuale amate zong pei-in gunkuong tegel sungah nga a dimin a koi ziehun tui sungah a tum dihtah uhi. 8Ahi vangin Simon Peter in tua thu a mu bepin Jesu mai-ah khupdin a, Topa aw, mawnei mi khat ka hi ziehin kei kung panin peikhie in!” a ci hi. 9Azieh pen nga tuaza a mat thei uh ama le a pawlte zosie in lamdang a sa uhi; 10tua ma bangin Simon kipawlpi Zebedee’ tapate ahi James le John-te in zong lamdang a sa uhi. Tua ciengin Jesu in Simon kungah, “Zau sin; tu-a kipanin mihingte na man ding hi,” a ci hi. 11Tuipieu-ah a gunkuongte uh a khawlsah zaw ciengun amate in na zosie nuasie-in ama a zui uhi.
Jesu in Miphah Damsah
(Mat 8:1-4; Mrk 1:40-45)
12Khumin khatvei, khuopi sung khatah ama a op laitahin a pumtanga a phah mi khat pei a, Jesu a mu bepin tuolah khupbawh a, “Topa aw, ei damsah nuom po lacin nei damsah thei hi,” ci-in a thum hi. 13Tua ciengin Jesu in a khut zahin tham a, “Kang damsah nuom hi. Dam ta in,” a ci leh thakhatin a phah natna in ama a nuasie pailien hi. 14Koima kungah gen sin, ci-in ama thu a pie hi. Ama in, “Pei inlen, siempu pa kungah va kilah tanlen, Moses’ thupieh dung zui-in amate tungah teci ahi dingin na sienna ziehin biehpiehna va bawl ta’n,” ci-in thu a pie hi.#Siem 14:1-32 15Ahi vangin nidang sangin ama’ thu a kizel semsem hi; mi tampitahte a thungai ding le a natnate uh a dam nadingin a kikhawm uhi. 16Ahi vangin gamdai-ah ama kihem dawhin thu a ngen hi.
Jesu in Phalsi Khat Damsah
(Mat 9:1-8; Mrk 2:1-12)
17Nikhat Jesu in thu a hil laitahin ama gei-ah Galilee gam, Judea gam, le Jerusalem pana ang pei Pharisee-te le thukham hil siete a to uhi. Tuale natna damsah nading Topa’ vanglietna in ama tungah a om hi. 18Tua zaw ciengin mi pawlkhat pei-in phalsi mi khat a lupna tawh a zawng uhi. Amate in inn sungah ama tumpi-in Jesu mai-a siel dingin a hanciem uhi; 19ahi vangin mihonpi tam seng ahi ziehin a lutpi nading uh lampi a mu zo sih vua, tua bepin innkhumah kato-in a khumvang panin mipite laikim Jesu mai sontah ah a lupna pumin a khiesuh uhi. 20Ama in a upna uh a mu ciengin, “Lawm aw,#5:20 Gk “Nang pa” na mawna teng kimaisah zo hi,” a ci hi. 21Tua ciengin thukham hil siete le Pharisee-te a kiho vua, “Pasien a gensie tam pa koi ahei? Pasien longal koi in mawna maisah thei ahei?” ci-in thudawh ding a kipan uhi. 22Jesu in a thudawh uh a thei ciengin amate kungah, “Na lungsim sung vua bang dinga tua bang thute na dawh uh ahei? 23‘Na mawnate kimaisah zo hi’ ci ding le ‘Tho inlen lampei in,’ ci ding koi baizaw ahei? 24Ahi vangin Mihing Tapa in leitungah mawna maisah thei nading thuneina a nei lamtah na thei nadingun phalsi pa kungah, “Nang kungah kang ci-in, tho inlen na lupna puo-in na inn ah pei in,” a ci hi. 25Tua pa zong thakhatin amate mai-ah tho-in a lupna puo a, Pasien phat kawmin a inn ah a pei hi. 26Amate in a unpi-un lamdang a sa vua, a zau kawmun Pasien phatin, “Eite in tuni-in na lamdang i mu zo ta uhi,” a ci uhi.
Jesu in Levi Hlan
(Mat 9:9-13; Mrk 12:13-17)
27Tua zaw ciengin Jesu a pusuoh leh siehdonna zuma a to Levi kici siehdong khat mu a, ama in, “Ei zui in,” a ci hi. 28Tuale ama in zong na zosie nuasie-in ama a zui hi.
29Tua ciengin Levi in a inn ah Jesu adingin anneh pawi khat a bawl hi; siehdong honpite le midangte in amate tawh ankuong a imton uhi. 30Pharisee-te le thukham hil a siete un a nuazuite kungah, “Bang dinga siehdongte le mawneite tawh neton dawnton na hi uh ahei? ci-in a mawsiet uhi.#Luk 15:1-2 31Jesu in, “Sievuon a tulmaw pen cidamte hi loin cinate hizaw hi. 32Midihte hlan dinga ang pei ka hi sih a, mawneite a kisiakia nadinga ang pei ka hizaw hi,” ci-in a dawng hi.
Antanna Thu Dohna
(Mat 9:14-17; Mrk 2:18-22)
33Tua ciengin amate in ama kungah, “John’ nuazuite in Pharisee-te’ nuazuite bangin an tangin thu ngen zel napi, na nuazuite ahile an ne tui dawnin a om uhi,” a ci uhi. 34Jesu in amate kungah, “Mopawi simte in zi nei ding pa tawh a om sungun an na tangsah thei ding uh amah? 35Amate kung panin zineipa a kilahdawh hun ang tung ding a, khum ni ciengin amate in an a tang ding uhi,” a ci hi. 36Jesu in amate kungah thugentena khat tawh thu a gen hi: “Koima in puon tha ehkehin puonsie phawna-in a zang sih hi; tua banga a bawl leh a puontha ehkeh ding a, puontha beh le a lui a kituoh thei sih ding hi. 37Koima in savun umlui sungah lenggazu tha a thal sih hi; a tuaci bawl leh lenggazu tha in savun um pawhkeh sahin lenggazu phulmang ding a, savun um a kisie ding hi. 38Lenggazu tha pen savun um tha sunga thal ding hizaw hi. 39Koima in lenggazu lui a dawn zaw ciengin lenggazu tha a lunggul ta sih a, ‘Lenggazu lui ma tuizaw hi,’ ci hi,” a ci hi.#5:39 Adang tang laibute in “tuizaw” ci-in giel hi; adangte ah tami tang 39 om lo hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.