PIANPATNAK 29
29
Laban Inn Ah Jakob Heng
1Jakob cu tul leleu in, nisuahnak lam tei ngamah hawh hi. 2Upmawh ngawlpi in hampa lak a, tuikhuk pa khatah hengin, a elkimah tuuhon hon thum a kual leng haw cu na mu hi. Mah tuikhuk pen tuute tui intik mek haw hi. Tuikhuk sin suangpeek cu ngeng ngangai hi. 3Tuu hempoh hengkim khawng haw a, tuucing ten mah suangpeekpi cu thawnin, a tuu haw cu tui intik mek haw hi. A in celh haw ten tuikhuk cu sinleh mek haw hi.
4Jakob in, a lak hawah, “Ngualcamte aw, ilai lam pen hung nge uh cim?” tin a dot ten, “Haran khua pen,” tin don haw hi.
5“Nahor i capa Laban thei uh cim?” tin a dot ten, “Thei ung,” tin ti haw hi.
6“Dam laih maw?” tin a dot leleu ten, “Dam laih heng vei; zo inna, a canu Rachel, a pa i tuuhon tuah a hunlih khi!” tin ti haw hi.
7Jakob in, “Ni sang em laih poh si, pin hun laihngawl ngen, ita na tuu uhte tui intikin, na tattik hih uh ngawl?” tin ti hi.
8Amuh ten, “Tuuhon a hen kim haw ten suangpeekpi hi thawn masa tuk ung hi; mahnung bek ten tui pia thei pan tuk laih ung,” tin ti haw hi.
9Mahti bangin Jakob le tuucingte a otpihdun lih laihtak haw in, Rachel cu a pa i tuuhon tuah heng hi. A pa i tuucingtu cu amah Rachel hi. 10Jakob in, a pu Laban i tuuhon tuah Rachel a hun cu amuh ten tuikhukah hawh a, suangpeekpi cu thawnin, a pu Laban i tuuhon cu tui pia hi. 11Rachel cu thutin, ngingzet kap hi. 12A lakah, “Na ni, Rebekah i capa ing hi,” tin hilh hi.
Rachel cu tai vingvengin, a pa i lakah hilh hi. 13Laban in, a tupa Jakob i thu a zak ten muak tukin tai in, a tawh ten pomin namin, a innah pui hi. Jakob in, a thu la hempoh cu a pu Laban lakah kimcang zetin hilh khawng hi. 14Laban in, “Ka thi le ka sa ngangai hi ci,” ti in, Jakob cu a pu lakah ha khat sung um hi.
Rachel le Leah Co Nuamin Nadek
15Laban in Jakob lakah, “Ka unaupih na hih hangin a thawnthongin ka na nadeh tuk cu hi thei tukma hi. Na thaman izong kaw ka piak tuk?” tin dong hi. 16A pu Laban in, canu pa nih nei in; a canu upa saw min cu Leah hi, a nauta saw cu Rachel hi. 17Leah cu mi melpha sapma hi. Mahnaven Rachel cu a thuangpha, a mel vang pha in mawizet hi.
18Jakob in Rachel a deih hangin a pu Laban lakah, “Na canu nauta saw Rachel co tukin, kum salih sung nangma nadeh sak nang,” ti hi.
19Laban in, “Lemcang tuk poh, ka lakah umin hi. Midang lak a, ka canu umtik sangin na lak a, umtik tuk deih saw ma ing maw,” ti hi. 20Jakob cu Rachel co tukin kum salih sung Laban i na dehsak liphet naven, Rachel a deihzet taktohin, kum salih cu ni dawmlaih sungno bangin thei poh hi.
21Jakob in Laban lakah, “A ni tep uh kim zo hi, mah hangin na canu cu huaitik tohin hi,” tin ngen hi. 22Mah hangin Laban in huaidunnak puai bawlsakin, a khuasung mi hempoh sam haw hi. 23Mahnaven mah zanin Rachel hi ngawlin a pa in Leah saw cu Jakob lakah a piak taktohin, Jakob in Leah cu zaupih hi. 24Laban in, a canu Leah cingkhawitu tukin a sila nu Zilpah cu Leah lakah pia hi. 25Zing a thawh haw ten, Leah saw na hi nei pah, tih cu Jakob in thei hi. Jakob in Laban lakah, “Ka humah ita hi bangin bawl cim? Rachel co tukin na nadek hi ma ing maw? Ita hi bangin kei zol cim?” tin ti hi.
26Laban in, “Ka ngam uhah canu upa saw pasal neih laih ngawlin, canu nauta saw pasal neih daan ma hi. 27Ni pi khat, hih mopuai sung hi a ceng tian ngak inna, adang kum salih sung ka na nadeh sakleh tale, Rachel cu pia tung,” ti hi.
28Jakob a lungkimin, ni pi khat sung a mopuai haw a bo ten, Laban in, a canu Rachel cu Jakob i zi tukin pia hi. 29Laban in Rachel cingkhawitu tukin a sila nu Bilhah pia hi. 30Jakob cu Rachel tuah zaukawmin, Leah sangin deih saw himpo hi. Laban lakah a dang kum salih nadekin um leleu hi.
Jakob Cate
31 Topa in, Jakob in Leah cu Rachel sangin deih ngawl saw deuh hi tih amuh ten ca neitikin, Rachel cu ca nei ngawlin um hi. 32Leah in naupai in capa hing hi. “Topa in, ka cimkham dan mu zo; atu-in ka pasalin deih tuk toh,” tin ti in, a capa min cu Reuben#29:32 Reuben tih cu Hebru awn hi a, ka cimkhamnak mu hi ahimata, Mu zo, capa tihnak hi. tin sa hi. 33Ca pailehin capa hing leleu a, Leah in, “Ka pasal i deih ngawlmi ka hihlam Topa in thei hi; mah hangin capa pia hi,” ti in, a min Simeon#29:33 Simeon tih cu Hebru awn hi a, Thei hi tihnak hi sa hi. 34Ca pai thuah lehin capa hing leleu hi. “Capa pa thum ka hin zo toh hangin ka pasal cu ka lakah kop saw deuh tuktoh hei,” ti in, a capa min cu Levi#29:34 Levitih cu Hebru awnin kop tihnak hi sa hi. 35Mah nungten naupai leleu in, capa dang pa khat hing leleu hi. “Atu-in Topa thangphat tung,” ti in, a min Judah#29:35 Judah tih cu Hebru awnin Thangphat tihnak hi sa hi. Mah nungten ca dang cawi lehma toh hi.
Currently Selected:
PIANPATNAK 29: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 29
29
Laban Inn Ah Jakob Heng
1Jakob cu tul leleu in, nisuahnak lam tei ngamah hawh hi. 2Upmawh ngawlpi in hampa lak a, tuikhuk pa khatah hengin, a elkimah tuuhon hon thum a kual leng haw cu na mu hi. Mah tuikhuk pen tuute tui intik mek haw hi. Tuikhuk sin suangpeek cu ngeng ngangai hi. 3Tuu hempoh hengkim khawng haw a, tuucing ten mah suangpeekpi cu thawnin, a tuu haw cu tui intik mek haw hi. A in celh haw ten tuikhuk cu sinleh mek haw hi.
4Jakob in, a lak hawah, “Ngualcamte aw, ilai lam pen hung nge uh cim?” tin a dot ten, “Haran khua pen,” tin don haw hi.
5“Nahor i capa Laban thei uh cim?” tin a dot ten, “Thei ung,” tin ti haw hi.
6“Dam laih maw?” tin a dot leleu ten, “Dam laih heng vei; zo inna, a canu Rachel, a pa i tuuhon tuah a hunlih khi!” tin ti haw hi.
7Jakob in, “Ni sang em laih poh si, pin hun laihngawl ngen, ita na tuu uhte tui intikin, na tattik hih uh ngawl?” tin ti hi.
8Amuh ten, “Tuuhon a hen kim haw ten suangpeekpi hi thawn masa tuk ung hi; mahnung bek ten tui pia thei pan tuk laih ung,” tin ti haw hi.
9Mahti bangin Jakob le tuucingte a otpihdun lih laihtak haw in, Rachel cu a pa i tuuhon tuah heng hi. A pa i tuucingtu cu amah Rachel hi. 10Jakob in, a pu Laban i tuuhon tuah Rachel a hun cu amuh ten tuikhukah hawh a, suangpeekpi cu thawnin, a pu Laban i tuuhon cu tui pia hi. 11Rachel cu thutin, ngingzet kap hi. 12A lakah, “Na ni, Rebekah i capa ing hi,” tin hilh hi.
Rachel cu tai vingvengin, a pa i lakah hilh hi. 13Laban in, a tupa Jakob i thu a zak ten muak tukin tai in, a tawh ten pomin namin, a innah pui hi. Jakob in, a thu la hempoh cu a pu Laban lakah kimcang zetin hilh khawng hi. 14Laban in, “Ka thi le ka sa ngangai hi ci,” ti in, Jakob cu a pu lakah ha khat sung um hi.
Rachel le Leah Co Nuamin Nadek
15Laban in Jakob lakah, “Ka unaupih na hih hangin a thawnthongin ka na nadeh tuk cu hi thei tukma hi. Na thaman izong kaw ka piak tuk?” tin dong hi. 16A pu Laban in, canu pa nih nei in; a canu upa saw min cu Leah hi, a nauta saw cu Rachel hi. 17Leah cu mi melpha sapma hi. Mahnaven Rachel cu a thuangpha, a mel vang pha in mawizet hi.
18Jakob in Rachel a deih hangin a pu Laban lakah, “Na canu nauta saw Rachel co tukin, kum salih sung nangma nadeh sak nang,” ti hi.
19Laban in, “Lemcang tuk poh, ka lakah umin hi. Midang lak a, ka canu umtik sangin na lak a, umtik tuk deih saw ma ing maw,” ti hi. 20Jakob cu Rachel co tukin kum salih sung Laban i na dehsak liphet naven, Rachel a deihzet taktohin, kum salih cu ni dawmlaih sungno bangin thei poh hi.
21Jakob in Laban lakah, “A ni tep uh kim zo hi, mah hangin na canu cu huaitik tohin hi,” tin ngen hi. 22Mah hangin Laban in huaidunnak puai bawlsakin, a khuasung mi hempoh sam haw hi. 23Mahnaven mah zanin Rachel hi ngawlin a pa in Leah saw cu Jakob lakah a piak taktohin, Jakob in Leah cu zaupih hi. 24Laban in, a canu Leah cingkhawitu tukin a sila nu Zilpah cu Leah lakah pia hi. 25Zing a thawh haw ten, Leah saw na hi nei pah, tih cu Jakob in thei hi. Jakob in Laban lakah, “Ka humah ita hi bangin bawl cim? Rachel co tukin na nadek hi ma ing maw? Ita hi bangin kei zol cim?” tin ti hi.
26Laban in, “Ka ngam uhah canu upa saw pasal neih laih ngawlin, canu nauta saw pasal neih daan ma hi. 27Ni pi khat, hih mopuai sung hi a ceng tian ngak inna, adang kum salih sung ka na nadeh sakleh tale, Rachel cu pia tung,” ti hi.
28Jakob a lungkimin, ni pi khat sung a mopuai haw a bo ten, Laban in, a canu Rachel cu Jakob i zi tukin pia hi. 29Laban in Rachel cingkhawitu tukin a sila nu Bilhah pia hi. 30Jakob cu Rachel tuah zaukawmin, Leah sangin deih saw himpo hi. Laban lakah a dang kum salih nadekin um leleu hi.
Jakob Cate
31 Topa in, Jakob in Leah cu Rachel sangin deih ngawl saw deuh hi tih amuh ten ca neitikin, Rachel cu ca nei ngawlin um hi. 32Leah in naupai in capa hing hi. “Topa in, ka cimkham dan mu zo; atu-in ka pasalin deih tuk toh,” tin ti in, a capa min cu Reuben#29:32 Reuben tih cu Hebru awn hi a, ka cimkhamnak mu hi ahimata, Mu zo, capa tihnak hi. tin sa hi. 33Ca pailehin capa hing leleu a, Leah in, “Ka pasal i deih ngawlmi ka hihlam Topa in thei hi; mah hangin capa pia hi,” ti in, a min Simeon#29:33 Simeon tih cu Hebru awn hi a, Thei hi tihnak hi sa hi. 34Ca pai thuah lehin capa hing leleu hi. “Capa pa thum ka hin zo toh hangin ka pasal cu ka lakah kop saw deuh tuktoh hei,” ti in, a capa min cu Levi#29:34 Levitih cu Hebru awnin kop tihnak hi sa hi. 35Mah nungten naupai leleu in, capa dang pa khat hing leleu hi. “Atu-in Topa thangphat tung,” ti in, a min Judah#29:35 Judah tih cu Hebru awnin Thangphat tihnak hi sa hi. Mah nungten ca dang cawi lehma toh hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.