PIANPATNAK 38
38
Judah le Tamar
1Mah hun laihin, Judah cu a unau zamin, Adullam mi Hirah lakah um hi. 2Mahlaiah Kanaan mi Shua i canu a muh ten zi in huai hi. 3A zi cu naupai in, capa hing a, a min Er sa hi. 4A zi cu naupai leleu a, capa hinglehin, a min Onan sa hi. 5A zi in capa hing leleu in, a min Shelah sa hi. A zi in Shelah a hin laihin, Judah cu Khezib khua ah um hi.
6Judah in, a ca upabel Er ca tukin zi zeisak a, a min Tamar hi. 7Er cu Topa i mai ah misual a hih hangin, Topa in, a nunnak botik hi. 8Judah in Onan lakah, “Na u i zi tuah zaukawm unna, na u in casuan a neih theihnak tukin, a pasal i unau na hihnak na dehvo cu kimtik inna, na unaupa ca tukin ca nei in,” ti hi. 9Mahnaven Onan in, ca a cawi vangin ama casuan hi tukma tih cu thei hi. Mah hangin, a u i zi tuah a zaukawm sialin, a u i ca piang thei tuk ngawlin leiah caktik hi. 10A nuncan cu Topa i lungkimmi a hih ngawl hangin Topa in, a nunnak botik bok hi. 11Judah in, a capa i zi Tamar lakah, “Na pa i innah kik hih inna, ka capa Shelah a tangval laklawh cu meivongin, na umhih tehin,” ti hi. Hitih bangin a tihnak cu a u tei pa nih a thih haw bangin, Shelah vang thi bok kawn tih a lau hang hi. Mah hangin Tamar cu a pa i innah kikleh hi.
12Mah hun sungin, Judah i zi, Shua i canu cu thi hi. Mithi ngaih a phat ten, Timnah khua ah a ngualcam Adullam khua mi Hirah tuah a tuuhon tei mul mehnakah hawh haw hi. 13Tamar lakah, “Na pasal i pa cu a tuu mulmet tukin Timnah ah hawh hi,” tin hilh haw hi. 14Mah hangin a meivong puan cu thekin, maikhuhnak puan pano tuah a mai hupin, Timnah hawhnak lampi el a, Enaim khuasung tumnakah khung hi. Shelah cu tangval li zo naven, a zi tukin huai tum haw ma tih cu Tamar in thei hi.
15Judah in Tamar amuh ten, a mai a khuh hangin numei pha ngawl hi tin ngaisung hi. 16Lampi mawkah hawhin, a capa zi a hihlam a theih ngawl hangin, “Hung inna, zaukawm nung?” tin ti hi.
Tamar in, “Ikaw na piak tuk?” tin dong hi.
17Judah in, “Ka ngan sung pen keelno pa khat kuat tung,” ti hi.
Tamar in, “Mah hen, na kuat laklawh tian thutepnak na pia tale na tih bangin hi tahen,” ti hi.
18Judah in, “Ikaw thutepnakin ka piak tuk?” tin dong hi.
Tamar in, “Na min khetnak, khauhual le atu a, na kenmi na thiangkhut pia in hi,” tin a nget ten, a tih bangin pia hi. Zaukawm haw a, Tamar cu naupai hi. 19Tamar cu tho in, a mai khuhnak puan a duh ten, a meivong puan cu silhlehin, innah pinta hi.
20Judah in, Adullam khua mi a ngualcampa Hirah cu a thutepnak thil tanleh tukin, keelno pa khat tuah a hah ten, Tamar cu mu lehma toh hi. 21Mahlai elkim a, um pano khenkhat tei lakah, “Enaim lampi el a, um numei pha ngawl ilai ah kaw?” tin, a dot ten, amuhten, “Mahlaiah numei pha ngawlnu um awng ma hi,” tin ti haw hi.
22Judah lakah kiklehin, “Numei nu tawk mang, a elkim ten, mahlaiah numei pha ngawl um awng ma,” ti haw si, tin hilh hi.
23Judah in, “Kemta poh hen, tawk thei ngawl na hih ten, a lak a, ka thil cu lak tum toh pahsun; nuihsan kha haw tuk hi.”
24Ha thum nungten Judah lakah, “Na monu Tamar cu midang tuah sualin, casawn pai hi,” tin miten hilh haw hi.
Judah in, “Khua sung pen suah unna, mei tuah haal hum un,” tin thupia hi.
25Tamar cu a pui haw laih takin, a tekpa Judah lakah kamcah hi, “Hi thil a neitu pa i ca pai ing hi, zo hem un; min khetnak, khauhual le thiangkhut hi a koita kaw?” tin ti hi.
26Judah in mah thu a theih ten, “Hi nu cu thuman hi, keimah saw misual ing. Ka capa Shelah ca tukin huai tukmi toh naven ti in, Tamar cu zaupihleh nuam ma toh hi”.
27A ni le ha a kim ten caphil pai hi tih cu thei haw hi. 28Nau hing tukin a von a nat ten, a ca pa khat saw in, a khut pa khat suahtul hi. Naudomtu in, a khutah nim san khihin, “Hi cu a suak masa saw,” ti hi. 29a khut cu doktumlehin, a dang pa khat masa saw in a suahleh ten naudomtu in, “Nangmah saw maw a suak masaleh,” ti hi. Mah hangin Perez#38:29 Perez tih cu Hebru awnin Pahtulvawk tihnak hi tin a minsa haw hi. 30Mah nungten a khutah nimsan khihmi a nau pa saw suak tulin, a min cu Zerah#38:30 Zerah tih cu Hebru awnin A sanmi tihnak hi. sa hi.
Currently Selected:
PIANPATNAK 38: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 38
38
Judah le Tamar
1Mah hun laihin, Judah cu a unau zamin, Adullam mi Hirah lakah um hi. 2Mahlaiah Kanaan mi Shua i canu a muh ten zi in huai hi. 3A zi cu naupai in, capa hing a, a min Er sa hi. 4A zi cu naupai leleu a, capa hinglehin, a min Onan sa hi. 5A zi in capa hing leleu in, a min Shelah sa hi. A zi in Shelah a hin laihin, Judah cu Khezib khua ah um hi.
6Judah in, a ca upabel Er ca tukin zi zeisak a, a min Tamar hi. 7Er cu Topa i mai ah misual a hih hangin, Topa in, a nunnak botik hi. 8Judah in Onan lakah, “Na u i zi tuah zaukawm unna, na u in casuan a neih theihnak tukin, a pasal i unau na hihnak na dehvo cu kimtik inna, na unaupa ca tukin ca nei in,” ti hi. 9Mahnaven Onan in, ca a cawi vangin ama casuan hi tukma tih cu thei hi. Mah hangin, a u i zi tuah a zaukawm sialin, a u i ca piang thei tuk ngawlin leiah caktik hi. 10A nuncan cu Topa i lungkimmi a hih ngawl hangin Topa in, a nunnak botik bok hi. 11Judah in, a capa i zi Tamar lakah, “Na pa i innah kik hih inna, ka capa Shelah a tangval laklawh cu meivongin, na umhih tehin,” ti hi. Hitih bangin a tihnak cu a u tei pa nih a thih haw bangin, Shelah vang thi bok kawn tih a lau hang hi. Mah hangin Tamar cu a pa i innah kikleh hi.
12Mah hun sungin, Judah i zi, Shua i canu cu thi hi. Mithi ngaih a phat ten, Timnah khua ah a ngualcam Adullam khua mi Hirah tuah a tuuhon tei mul mehnakah hawh haw hi. 13Tamar lakah, “Na pasal i pa cu a tuu mulmet tukin Timnah ah hawh hi,” tin hilh haw hi. 14Mah hangin a meivong puan cu thekin, maikhuhnak puan pano tuah a mai hupin, Timnah hawhnak lampi el a, Enaim khuasung tumnakah khung hi. Shelah cu tangval li zo naven, a zi tukin huai tum haw ma tih cu Tamar in thei hi.
15Judah in Tamar amuh ten, a mai a khuh hangin numei pha ngawl hi tin ngaisung hi. 16Lampi mawkah hawhin, a capa zi a hihlam a theih ngawl hangin, “Hung inna, zaukawm nung?” tin ti hi.
Tamar in, “Ikaw na piak tuk?” tin dong hi.
17Judah in, “Ka ngan sung pen keelno pa khat kuat tung,” ti hi.
Tamar in, “Mah hen, na kuat laklawh tian thutepnak na pia tale na tih bangin hi tahen,” ti hi.
18Judah in, “Ikaw thutepnakin ka piak tuk?” tin dong hi.
Tamar in, “Na min khetnak, khauhual le atu a, na kenmi na thiangkhut pia in hi,” tin a nget ten, a tih bangin pia hi. Zaukawm haw a, Tamar cu naupai hi. 19Tamar cu tho in, a mai khuhnak puan a duh ten, a meivong puan cu silhlehin, innah pinta hi.
20Judah in, Adullam khua mi a ngualcampa Hirah cu a thutepnak thil tanleh tukin, keelno pa khat tuah a hah ten, Tamar cu mu lehma toh hi. 21Mahlai elkim a, um pano khenkhat tei lakah, “Enaim lampi el a, um numei pha ngawl ilai ah kaw?” tin, a dot ten, amuhten, “Mahlaiah numei pha ngawlnu um awng ma hi,” tin ti haw hi.
22Judah lakah kiklehin, “Numei nu tawk mang, a elkim ten, mahlaiah numei pha ngawl um awng ma,” ti haw si, tin hilh hi.
23Judah in, “Kemta poh hen, tawk thei ngawl na hih ten, a lak a, ka thil cu lak tum toh pahsun; nuihsan kha haw tuk hi.”
24Ha thum nungten Judah lakah, “Na monu Tamar cu midang tuah sualin, casawn pai hi,” tin miten hilh haw hi.
Judah in, “Khua sung pen suah unna, mei tuah haal hum un,” tin thupia hi.
25Tamar cu a pui haw laih takin, a tekpa Judah lakah kamcah hi, “Hi thil a neitu pa i ca pai ing hi, zo hem un; min khetnak, khauhual le thiangkhut hi a koita kaw?” tin ti hi.
26Judah in mah thu a theih ten, “Hi nu cu thuman hi, keimah saw misual ing. Ka capa Shelah ca tukin huai tukmi toh naven ti in, Tamar cu zaupihleh nuam ma toh hi”.
27A ni le ha a kim ten caphil pai hi tih cu thei haw hi. 28Nau hing tukin a von a nat ten, a ca pa khat saw in, a khut pa khat suahtul hi. Naudomtu in, a khutah nim san khihin, “Hi cu a suak masa saw,” ti hi. 29a khut cu doktumlehin, a dang pa khat masa saw in a suahleh ten naudomtu in, “Nangmah saw maw a suak masaleh,” ti hi. Mah hangin Perez#38:29 Perez tih cu Hebru awnin Pahtulvawk tihnak hi tin a minsa haw hi. 30Mah nungten a khutah nimsan khihmi a nau pa saw suak tulin, a min cu Zerah#38:30 Zerah tih cu Hebru awnin A sanmi tihnak hi. sa hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.