PIANPATNAK 43
43
Izipt Ah Benjamin Hawhpihnak
1Kanaan ngamah paampi cu nase sesem hi. 2Jakob i innkuapihte cu Izipt ngam pen a lei haw mi an a eih khawng haw ten Jakob in, a capa tei lakah, “Hawhlehta unna, an leileh hihta un,” ti hi.
3Judah in, “Na naupa uh na hunpih uh ma tale ka mel hei mu thei tukma uh ci. Izipt ngam a bawipa in ciangno in ngallinnak pia zo hi. 4Ka naupa uh ka lak uhah na hawhtik tale hawh tuk ung a, na ca in an lei tuk ung. 5Na hawhtik phal ma tale hawh tukma ung. Itahim titale mahpa in, na naupa uh na pui uh ma tale keimah tawk thei tukma uh ci, tin ti zo,” tin ti hi.
6A pa haw Israel in, “Ita keima ca demno hei ngaisung ngawlin nau pa khat nei laih ung tihte cu mah pai lakah na son khak lih uh?” tin ti hi.
7A capa ten, “Na pa uh nunglaih maw? Unau dang nei uh cim? Tin a inn sang uh thute bek mahpa in, a dot tinten lih tak cu son ngawlin imthei ma ung hi. Na naupa uh hunpih un tin tituk tih cu ngaisung kha hihim ma ung,” ti haw hi.
8Judah in, a pa i lakah, “Ka nau pa uh cu keimuh tuah zui hihtik poh inna, tuangtim ni ung a, hawh tuk ung. Nangmah hei hihen, ka cano uhte le keimah hei hihen ka venghawng uhin ngilkial thihnak pen luat thei tuk hung hi. 9Ka naupa uh ca in ka nunnak tuah thutiam ing hi; thuak tuk a um hei in keimah in thuak tuk poh ing. Na lakah damno le himno in ka kik pihleh uh ma tale ka nun sung hempoh na maiah mawhsiatnak thuak nang. 10Ngei um hah zetin peiping li ma le ung, Izipt ngamah hawhin, vei nih hei kikleh man tuk toh nave ung,” ti hi.
11A pa haw in, “Mahtibang leleng tuk ahi tale hi bangin bawl un; A ngamsung uh pen a phabel thingnai, khuaihum, namtui, khumkhal le meitei ngah demno ten keng unna, mahpa cu laksawng na pia un hi. 12Na dip sung uh a, sumpai na muhleh uh mite vang na piak kikleh uh a kul tuk hangin sumpai vang a let nihin keng un hi. Sumpai a kihleh haw cu thei sual haw hi tuk hi. 13Timtuah unna, na naupa uh cu pui in, mahpa i lakah hawhpihta un. 14Cungnungbel Pathian in, na unau uh pa khat pa le Benjamin cu nangmu lakah a kikleh theihnak haw tukin na hum uhah hehpihnak lungmu neitik zal tahen. Keima ca in ka cate pailal khawng tuk hi, a thuak tuk hihim ka hi tale thuak pohpah nang,” ti hi.
15Mah hangin laksawng kengin sumpai vang a let nihin keng haw hi. Bawm bawlin Izipt ngamah Benjamin vang pui in hawh haw. Josef cu tawkin, a maiah ding haw hi. 16A lak hawah Benjamin hung bok tih Josef in, amuh ten a umlawhpa i lakah, “Ka inn sungah pui in hi; ngan pa khat ngo inna, huanin; itahim titale tuni in keimah tuah an ei ten tuk ung,” ti hi. 17Josef i hilh bangin a umlawhpa in bawlin, a inn sungah hawhpih hi.
18Josef i inn a hen haw ten a thinsuzet haw in, “Masa an a lei uh laihin, a sumpai uhte a dip sung uhah a um hangin hilai munah henpih haw hi. A sual uh zei in, upmawh khak ngawl pi in, salah manbelh haw tuk hi. A laak uhte vang lonsak khawng haw tuk hei,” tin ngaisung haw hi. 19Mah hangin Josef i umlawhpa i lakah kongka elah hawhin, 20“Bawipa aw, an lei tukin hi laiah vei khat heng zo ung. 21Ka pin uhten lampi lakah ka camnak uh pen ka dip sung uhte ka zo uhten an leinak man sumpai ka piak uhmi kimno in, ka dip sung uh humtabelah mu tek ung. Mah sumpai cu atu-in pua kikleh ung hi. 22An lei lehnak tukin sumpai dang vang keng ung. Ka dip sung uhah akua in sumpai koih him tih cu thei ma ung,” tin ti haw hi.
23Josef i umlawhpa in, “Lau pahsuh un, thinsu hei in um pahsuh un. Na Pathian uh le na pa uh i Pathian in, na sumpai uh cu na dip sung uhah koih hi tuk hi. An man sumpai kimno in ngah leng ing,” ti hi. Mahnung ten a lak hawah Simeon cu hunpih hi.
24A umlawhpa in, a unau hon haw in Josef i inn sungah hawhpihin, a ke somnak haw tuk tui pia in, a laak haw vang an pia hi. 25Sun ten Josef heng tuk a, amuh tuah an ei ten tuk hi, tih a theih haw ten a ken haw mi laksawng cu suahin pia tukin mansa haw hi. 26Josef cu heng ngangai in, laksawng a ken haw mi cu inn sung pen pia haw a, a maiah lei tawngkhavo in kuun haw hi. 27Josef in, a thu haw cangkimno in, a dot nungten, “Nung na hun laih uhin tekzet toh na tih uhmi na pa uh i thu hilh uh ci. Atu aw iti bangin um li kaw? Dam laih maw?” tin dong hi.
28A muh ten, “Ka pa uh na sila pa cu dam laih hi,” tin, a don ceng haw ten a khuk haw dinin, a maiah kuun haw hi.
29Josef in, a nau Benjamin amuh ten, “A thu na hilh lih uhmi na nautabel pa uh cu amah hi maw,” ti in, “Pathian in muicu pia tahen, ka capa!” tin ti hi. 30Mahtin a tih celh ten Josef cu a umnak khansungah, a nau amuh ten a lungmu nehno in tum vutin kap hi. 31A mai a phiah nungten tulleh a, a lungmu sup thahin, “An eih bawl un hi,” tin, a umlawh cu hah hi. 32Josef cu cabuai pa khat tuah an bawlsak haw hi. A unaute cu cabuai dangah an pia haw in, a lakah an ei tukin a hung Izipt bawi upa cu cabuai dangnoah an ei haw hi. Ita Izipt mite a dangno in an ei aw him titale Hebru mite tuah an ei langkhat cu zahcakhuai hi tin, a ngaihsut haw hang hi. 33A unau hawng haw in, Josef lam hekin khungtik haw a, upabel pen nautabel tian a sasangin khung haw hi. Mahti bangin a khun haw cu amuh haw ten lamdangsa in pa khat le pa khat zodun li haw hi. 34Josef cabuai hum a, ante cu la in, a unaupihte cu belh haw naven Benjamin cu a unau dang tei co mi sangin a let nga tamin, an pia haw hi. Josef tuah le ei in, nop zetin hun mang haw hi.
Currently Selected:
PIANPATNAK 43: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 43
43
Izipt Ah Benjamin Hawhpihnak
1Kanaan ngamah paampi cu nase sesem hi. 2Jakob i innkuapihte cu Izipt ngam pen a lei haw mi an a eih khawng haw ten Jakob in, a capa tei lakah, “Hawhlehta unna, an leileh hihta un,” ti hi.
3Judah in, “Na naupa uh na hunpih uh ma tale ka mel hei mu thei tukma uh ci. Izipt ngam a bawipa in ciangno in ngallinnak pia zo hi. 4Ka naupa uh ka lak uhah na hawhtik tale hawh tuk ung a, na ca in an lei tuk ung. 5Na hawhtik phal ma tale hawh tukma ung. Itahim titale mahpa in, na naupa uh na pui uh ma tale keimah tawk thei tukma uh ci, tin ti zo,” tin ti hi.
6A pa haw Israel in, “Ita keima ca demno hei ngaisung ngawlin nau pa khat nei laih ung tihte cu mah pai lakah na son khak lih uh?” tin ti hi.
7A capa ten, “Na pa uh nunglaih maw? Unau dang nei uh cim? Tin a inn sang uh thute bek mahpa in, a dot tinten lih tak cu son ngawlin imthei ma ung hi. Na naupa uh hunpih un tin tituk tih cu ngaisung kha hihim ma ung,” ti haw hi.
8Judah in, a pa i lakah, “Ka nau pa uh cu keimuh tuah zui hihtik poh inna, tuangtim ni ung a, hawh tuk ung. Nangmah hei hihen, ka cano uhte le keimah hei hihen ka venghawng uhin ngilkial thihnak pen luat thei tuk hung hi. 9Ka naupa uh ca in ka nunnak tuah thutiam ing hi; thuak tuk a um hei in keimah in thuak tuk poh ing. Na lakah damno le himno in ka kik pihleh uh ma tale ka nun sung hempoh na maiah mawhsiatnak thuak nang. 10Ngei um hah zetin peiping li ma le ung, Izipt ngamah hawhin, vei nih hei kikleh man tuk toh nave ung,” ti hi.
11A pa haw in, “Mahtibang leleng tuk ahi tale hi bangin bawl un; A ngamsung uh pen a phabel thingnai, khuaihum, namtui, khumkhal le meitei ngah demno ten keng unna, mahpa cu laksawng na pia un hi. 12Na dip sung uh a, sumpai na muhleh uh mite vang na piak kikleh uh a kul tuk hangin sumpai vang a let nihin keng un hi. Sumpai a kihleh haw cu thei sual haw hi tuk hi. 13Timtuah unna, na naupa uh cu pui in, mahpa i lakah hawhpihta un. 14Cungnungbel Pathian in, na unau uh pa khat pa le Benjamin cu nangmu lakah a kikleh theihnak haw tukin na hum uhah hehpihnak lungmu neitik zal tahen. Keima ca in ka cate pailal khawng tuk hi, a thuak tuk hihim ka hi tale thuak pohpah nang,” ti hi.
15Mah hangin laksawng kengin sumpai vang a let nihin keng haw hi. Bawm bawlin Izipt ngamah Benjamin vang pui in hawh haw. Josef cu tawkin, a maiah ding haw hi. 16A lak hawah Benjamin hung bok tih Josef in, amuh ten a umlawhpa i lakah, “Ka inn sungah pui in hi; ngan pa khat ngo inna, huanin; itahim titale tuni in keimah tuah an ei ten tuk ung,” ti hi. 17Josef i hilh bangin a umlawhpa in bawlin, a inn sungah hawhpih hi.
18Josef i inn a hen haw ten a thinsuzet haw in, “Masa an a lei uh laihin, a sumpai uhte a dip sung uhah a um hangin hilai munah henpih haw hi. A sual uh zei in, upmawh khak ngawl pi in, salah manbelh haw tuk hi. A laak uhte vang lonsak khawng haw tuk hei,” tin ngaisung haw hi. 19Mah hangin Josef i umlawhpa i lakah kongka elah hawhin, 20“Bawipa aw, an lei tukin hi laiah vei khat heng zo ung. 21Ka pin uhten lampi lakah ka camnak uh pen ka dip sung uhte ka zo uhten an leinak man sumpai ka piak uhmi kimno in, ka dip sung uh humtabelah mu tek ung. Mah sumpai cu atu-in pua kikleh ung hi. 22An lei lehnak tukin sumpai dang vang keng ung. Ka dip sung uhah akua in sumpai koih him tih cu thei ma ung,” tin ti haw hi.
23Josef i umlawhpa in, “Lau pahsuh un, thinsu hei in um pahsuh un. Na Pathian uh le na pa uh i Pathian in, na sumpai uh cu na dip sung uhah koih hi tuk hi. An man sumpai kimno in ngah leng ing,” ti hi. Mahnung ten a lak hawah Simeon cu hunpih hi.
24A umlawhpa in, a unau hon haw in Josef i inn sungah hawhpihin, a ke somnak haw tuk tui pia in, a laak haw vang an pia hi. 25Sun ten Josef heng tuk a, amuh tuah an ei ten tuk hi, tih a theih haw ten a ken haw mi laksawng cu suahin pia tukin mansa haw hi. 26Josef cu heng ngangai in, laksawng a ken haw mi cu inn sung pen pia haw a, a maiah lei tawngkhavo in kuun haw hi. 27Josef in, a thu haw cangkimno in, a dot nungten, “Nung na hun laih uhin tekzet toh na tih uhmi na pa uh i thu hilh uh ci. Atu aw iti bangin um li kaw? Dam laih maw?” tin dong hi.
28A muh ten, “Ka pa uh na sila pa cu dam laih hi,” tin, a don ceng haw ten a khuk haw dinin, a maiah kuun haw hi.
29Josef in, a nau Benjamin amuh ten, “A thu na hilh lih uhmi na nautabel pa uh cu amah hi maw,” ti in, “Pathian in muicu pia tahen, ka capa!” tin ti hi. 30Mahtin a tih celh ten Josef cu a umnak khansungah, a nau amuh ten a lungmu nehno in tum vutin kap hi. 31A mai a phiah nungten tulleh a, a lungmu sup thahin, “An eih bawl un hi,” tin, a umlawh cu hah hi. 32Josef cu cabuai pa khat tuah an bawlsak haw hi. A unaute cu cabuai dangah an pia haw in, a lakah an ei tukin a hung Izipt bawi upa cu cabuai dangnoah an ei haw hi. Ita Izipt mite a dangno in an ei aw him titale Hebru mite tuah an ei langkhat cu zahcakhuai hi tin, a ngaihsut haw hang hi. 33A unau hawng haw in, Josef lam hekin khungtik haw a, upabel pen nautabel tian a sasangin khung haw hi. Mahti bangin a khun haw cu amuh haw ten lamdangsa in pa khat le pa khat zodun li haw hi. 34Josef cabuai hum a, ante cu la in, a unaupihte cu belh haw naven Benjamin cu a unau dang tei co mi sangin a let nga tamin, an pia haw hi. Josef tuah le ei in, nop zetin hun mang haw hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.