MARK AWLROEKNA
AWLROEKNA
Mark kah a thut Awlthang Theen lawng, “Pathen Capa Jesuh Khrih kawng Awlthang Theen tila a tong. Jesuh he biibi ngaithuen tih saithaina aana aka khueh thlaang la a tueng sak. Ahih kah sai thaina te a cangpueina, thlaang sawah khawdawp a ngaaina, raaithe a hekna oen a tueng sak. Jesuh lawng amah kawng he a thui vengah thlaang he thawlhna kalawng loeihna ham, hingna aka pe hamla Thlaanghing Capa tah va law tila a thui.
Mark lawng Jesuh kawng a thut vengah Jesuh kah cangpueina oen a awlthui lak ah a saina te awlpui la a thut. Baptisma pekung Johan lawng Jesuh kah baptisma dangna oen suek-halh a tawngna kawng atoila a thut coengah Jesuh kah cangpueina oen thlaangtlo a hoeih sakna kawng te a thut. Atue atang asan bet hang atah Jesuh kah akawng alam te a hubang hue lawng voeh voeh a ming u. Tede Jesuh te aka thina thlaang lawngtah ngaih thuek u nawh. Aboetna ah dilai han ah Jesuh a hing veng kah hukhueng koek yarh a hawna oen thinglam dawng a taina oen ah duekna kalawng a thawh koepna kawng te awlpuila a thut.
Mark Awlthang Theen lawngah aboetna pahih a khueh tih te rawi te brekket khuiah a khueh u. He cabu aboetna he Mark amah kah thut nawh tih thlaangtloe lawng ni a thut tila a poek u.
A Khuiah aka Awm Awl
Awlthang Theen a tongcuekna 1:1-13
Galili ah Jesuh kah biibina 1:14-9:50
Galili kalawng Jerusalem la 12:1-52
Jerusalem tengvaai ah yarh hukhueng a awmna 11:1-15:47
Jesuh thawhkoepna 16:1-8
Jesuh phumphona oen vaan la a luina 16:9-20
Currently Selected:
MARK AWLROEKNA: MCNT2006
Highlight
Share
Copy
Want to have your highlights saved across all your devices? Sign up or sign in
Matu Chin New Testament © Bible Society of Myanmar, 2006.