ᓗᒃ 10
10
ᒋᓴᔅ ᑲ ᒋᑎᓴᐛᑦ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᐅᒋᔅᒋᓄᐊᒧᐛᑭᓇ
Luke 10.1-11,16-20 (Proper-9 Year C)
1ᐃᔅᐱ ᑲᒋ ᐃᔅᐱᔨᒡ ᐊᓐ ᑕᓐ ᑲ ᐃᔅᐱᔨᒡ ᐅᑎᐸᔨᒋᒐᐤ ᒋ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ᓂᑲᓂᑎᓴᐛᑦ ᐊ ᓇᓂᓱᑕᔨᒋ᙮ ᒋ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ᐃᑕᔨᒋ ᐊᐛᔪᐛ᙮ 2ᒋ ᐃᑕᐤ ᒪᒃ, “ᒥᒐᓇ ᓂᑕᐅᒋᑕᑭᓇ ᓴᔅ ᐊ ᐃᓯᓇᒂᒋ ᒐᒋ ᒪᒧᓴᒋᓂᑭᓄᐅᒋ ᒥᒄ ᒪᒃ ᓇᒪ ᒥᒐᑐᐅᒡ ᑲ ᐊᑐᔅᒐᒡ ᒐᒋ ᒪᒧᓴᒋᓇᒡ᙮ ᒋᐸ ᐃᔨᒪᐊᐛᐤ ᐅᑎᐸᔨᒋᒐᐤ, ᐊᓐ ᑲ ᑎᐱᔨᐛᐅᓯᑦ ᒥᓯᐛ ᒐᒂᔪᐤ ᐊ ᓂᑕᐅᒋᓂᔨᒡ, ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᒐ ᒪᒧᓴᒋᓂᒥᔨᒋ ᐊᓂᔭ ᓂᑕᐅᒋᑕᑭᓇ᙮ 3ᒪᒋᒄ ᒪᒃ, ᒋᑦ ᐃᑎᓴᐅᑎᓇᐛᐤ ᐊᓐᑕ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᒥᐃᐧᑭᓇ ᐊ ᑕᔨᒋ᙮ 4ᐊᑲᐎᔾ ᐊᔭᒄ ᓱᓇᔭᐅᑦ, ᑭᔭ ᒥᐅᑦ ᒪᒃ ᒥᔅᒋᓇ ᑭᔭ ᐊᑲᐎᔾ ᒋᐱᒋᑲᐳᐅᒄ ᒐᒋ ᐃᔨᒪᐊᒄ ᐊᐛᓐ ᒪᒂᒡ ᐊ ᐱᒧᑕᔭᒄ᙮”
5“ᑕᓐᑕ ᐊᓐ ᒐ ᐱᑎᑲᐃᑯᐛᒂ ᒥᒋᐛᐱᒡ ᓂᔅᑎᒻ ᒋᑭ ᐃᑕᐛᐅᒡ ᐊᓐᒡ ᐊᓐᑕ ᐊ ᑕᒡ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ᙮ 6ᐊᑯ ᒪᒃ ᐊᓐᒡ ᐊᓐᑕ ᐊ ᑕᒡ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᒋᑭ ᐊᔭᐅᒡ᙮ ᐊᑯ ᒪᒃ ᐊᑲ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᓇᒪ ᒋᑭ ᐅᒋ ᐊᔭᐅᒡ᙮ 7ᐊᑯᑕ ᒪᒃ ᒐ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ᑕᒡ ᐊᓐᒡ ᐊ ᐎ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ᒥᒋᓱᔭᒄ ᑭᔭ ᒐ ᒥᓂᔭᒄ ᑕᓐ ᒐ ᐃᓯ ᒥᔨᑯᐅᔭᒄ, ᐛᔅ ᐊᐛᓐ ᑲ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ᐱᑎᑲᐃᑯᐅᔭᒄ᙮”
8“ᑭᔭ ᐅᑎᑎᒪᒂ ᐅᑕᓇᐤ ᐊ ᐱᑎᑲᐃᑯᐅᔭᒄ, ᐊᑯᑕ ᐊᓐᑕ ᑕᒄ᙮ ᒥᒋᒄ ᑕᓐ ᐊ ᐃᓯ ᐎᔍᑯᐅᔭᒄ᙮ 9ᑭᔭ ᒥᓏᒋᐊᐧᑯᒡ ᐊᓐᒡ ᑲ ᐊᐧᑯᓯᒡ ᑭᔭ ᒐ ᐃᑕᑯᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᑕᒡ, ‘ᓇᔅᒡ ᑕᑈ ᒋ ᐸᓱᐛᐱᒥᑯᐛᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮’ 10ᐊᑯ ᒪᒃ ᐅᑎᑎᒪᒂ ᐅᑕᓇᐤ ᐊᑲ ᓂᑐᐛᔨᒥᑯᐅᔭᒄ ᒐᒋ ᑕᔭᒄ ᒐ ᐃᓯ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊ ᐃᑕᑯᒡ, 11‘ᓇᔅᒡ ᓂᑲᓯᑎᑕᓇᓐ ᓂᓯᑎᓇᓇ ᑕᓐ ᑲ ᐃᔅᐱᔅ ᐱᐸᒧᑕᔭᒡ ᐅᑕ ᒋᐅᑕᓇᒧᐛᒡ᙮ ᐊᐅᒄ ᐅ ᐊ ᓄᑯᑕᔭᒡ ᐊᒋ ᐊᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒥᒄ ᒪᒃ ᒋ ᐎ ᐎᑎᒪᑎᓇᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᒋ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊᓐᑕ ᐊ ᑕᔭᒄ᙮’ ” 12ᐊᑯ ᒋᓴᔅ ᒥᓐ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᒋ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᒐ ᐅᒡ ᐃᔪᒡ ᐊᑲ ᐊᔭᐱᓯᑕᑕᑯᒡ ᐊᑐᐎᔅ ᒋᑭ ᐃᑕᔨᑕᑯᓂᔪᐤ ᐛᔅᑭᒡ ᑕᓐ ᑲ ᐃᓯ ᐛᐛᓯᐊᑭᓄᐎᒡ ᐎᔨᐛᐤ ᐊᓂᔭᐧᑲ ᓇᔅᒡ ᐊᒋ ᒥᒐᑎᓯᒡ ᐃᔪᒡ ᓱᑕᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᑕᒡ᙮ ᒋ ᓂᓱᐅᓇᒋᑕᐤ ᒋᓴᒪᓂᑐᐤ ᐊᓂᔭᔪᐤ ᐅᑕᓇᔪᐤ᙮”
ᐊᓂᔭᔪᐤ ᐅᑕᓇᔪᐤ ᑲ ᑕᒡ ᐃᔪᒡ ᐊᑲ ᐎ ᑕᑈᑕᒡ ᒥᔽᒋᒧᐅᓂᔪᐤ
ᒪᑎᔪᐤ 11.20-24
13ᐊᑯ ᒋᓴᔅ ᒂ ᐃᔅᒋᔄᑦ, “ᒋᔨᐛᐤ ᐊ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒃ ᒋᑭ ᒥᒋᐱᔨᓇᐛᐤ, ᑭᔭ ᐊᓐᑕ ᐸᑦᓴᐃᑕᒡ ᐊ ᑕᒡ ᐊᐅᑯᓐ ᒧᔭᒻ ᒐ ᐃᔅᐱᔨᒡ᙮ ᐛᔅ ᐊᓂᔭᔪᐛ ᒪᒥᔅᑲᒡ ᒐᒂᔪᐤ ᑲ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐛᑯᐱᓇᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᑲᒋ ᐅᑕᓇᐛ ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᓄᑯᑕᒡ ᐊ ᐃᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮ 14ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᔨᒐ, ᒋᓴᒪᓂᑐᐤ ᒋᑭ ᐛᐛᓯᐊᐤ ᐊᓂᔭ ᑕᐃᕋᒡ ᑭᔭ ᓴᐃᑐᓂᒡ ᐊ ᑕᔨᒋ᙮ ᐊᑐᐎᔅ ᒪᒃ ᒋᔨᐛᐤ ᒋᑭ ᐛᐛᓯᐃᑯᓇᐛᐤ᙮ 15ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᐊ ᑕᔭᒄ ᓇᔅᒡ ᑕᑈ ᒋ ᐎ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᐊᑯᑕ ᒐ ᐃᓯ ᐛᐱᓂᑯᔭᒄ᙮”
Luke 10.1-11,16-20 (Proper-9 Year C)
16ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”
17ᐃᔅᐱ ᒪᒃ ᑲᐤ ᑕᑯᓯᓂᒡ ᐊᓐᒡ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᒋᔅᒋᓄᐊᒧᐛᑭᓐᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᐛᐛᒡ ᒥᒋ ᐊᒐᐧᑯᒡ ᐊ ᓂᓇᐃᑐᔨᒥᒡ ᑕᓐ ᐊ ᐃᑎᓱᒥᒋᒡ, ᒋᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒡ᙮”
18ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮ 19ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮ 20ᐊᑲᐎᔾ ᒥᔽᔨᑎᒧᒄ ᒥᒄ ᐊᒋ ᓴᐧᑯᒋᐊᑯᒡ ᒥᒋ ᐊᒐᐧᑯᒡ, ᐃᐛᒃ ᒥᔽᔨᑎᒧᒄ ᒋᑦ ᐃᓯᓂᐧᑲᓱᐅᓄᐛᐛ ᐊ ᒥᓯᓇᑕᔨᒋ ᒋᒋᒋᓯᑯᒡ᙮”
ᒐᒂᔪᐤ ᐛᒋ ᒥᔽᔨᑕᐧᒃ ᒋᓴᔅ
ᒪᑎᔪᐤ 11.25-27; 13.16,17
21ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ᒧᒋᒐᔨᑎᒥᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮ ᒋ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ᑭᒐᑕᐛᔨᑕᒡ ᔅᒋ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”
22ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”
23ᐊᑯ ᒂ ᐃᔨᒪᐊᑦ ᒥᒄ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᑕᑈ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑕᓐ ᐊ ᐃᓯ ᐛᐸᑎᒪᒄ ᐊᓄᒡ᙮ 24ᐛᔅ ᒋ ᐎᑎᒪᑎᓇᐛᐤ, ᒋ ᒥᒐᑐᐅᒡ ᐅᒋᔅᒋᐛᐃᒐᓱᒡ ᑭᔭ ᒋᓴᐅᒋᒪᐅᒡ ᐊᒋ ᐱᑯᓴᔨᑕᒡ ᒐᒋ ᐛᐸᑕᒡ ᑕᓐ ᑲ ᐃᓯ ᐛᐸᑎᒪᒄ᙮ ᓇᒪ ᒪᒃ ᐅᒋ ᐛᐸᑎᒧᒡ᙮ ᒋ ᐎ ᐸᑎᒧᒡ ᑕᓐ ᑲ ᐃᓯ ᐸᑎᒪᒄ, ᓇᒪ ᒪᒃ ᐅᒋ ᐸᑎᒧᒡ᙮”
ᓇᐸᐤ ᑲ ᐎᒋᐊᑦ ᓇᐸᐛ ᐊᒋ ᒥᔄᑭᓂᐧᑲᑕᑭᓄᔨᒋ
Luke 10.25-37 (Proper-10 Year C)
25ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?” 26ᒋᓴᓴ ᒋ ᐃᑎᑯᐤ, “ᑕᓐ ᒪᒃ ᐊ ᐃᓯ ᓂᔅᑐᑎᒥᓐ ᐊᓐ ᐊᔭᒥᐊᐅ-ᐎᓱᐛᐅᒥᓯᓇᐃᑭᓐ ᐊ ᐃᔨᒥᑕᔨᓐ ? ᑕᓐ ᐊᑎᔅᑕᒡ ᒪᒃ ?” 27ᐊᑯ ᐊᓐ ᓇᐸᐤ ᒋ ᐃᑕᐤ,
“ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᔅᑯᓯᐅᓂᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ,’ ᑭᔭ ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’ ”
28ᒋᓴᓴ ᒪᒃ ᒋ ᐃᑎᑯᐤ, “ᒋ ᑕᑈᓐ ᐊᓐ ᑲ ᐃᔅᒋᔄᔨᓐ᙮ ᒥᓯᐛ ᐊᓐ ᐃᑐᑎᒥᓇ ᒋᑭ ᐊᔭᓐ ᑲᒋᒡ ᐱᒪᑎᓯᐅᓐ᙮”
29ᓇᔅᒡ ᒪᒃ ᒧᔭᒻ ᐊ ᒥᔪᑐᑕᐧᒃ ᒋ ᐎ ᐃᑎᑕᑯᐃᓱᐤ ᐊ ᐃᓯ ᑯᒂᒋᒪᑦ ᒋᓴᓴ ᐊ ᐃᑕᑦ, “ᐊᐛᓐ ᐊᓐ ᓂᒡ ᐃᔪᐤ ᓂᐸ ᓴᒋᐊᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᓱᔭᓐ ?”
30ᒋᓴᔅ ᒪᒃ ᒋ ᓂᑐᐛᔨᒪᐤ ᒐᒋ ᓂᔅᑐᑎᒥᔨᒋ ᐊᑯ ᒂ ᐎᑎᒧᐛᑦ ᑎᐸᒋᒧᐅᓂᔪᐤ᙮ “ᐸᐃᒂᐤ ᓇᐸᐤ ᒋᕈᓯᓕᒥᒡ ᐊ ᐅᒋᑦ ᐊᓐᑕ ᒐᕆᑯᐎᒡ ᒋ ᐎ ᐃᑐᑕᐤ᙮ ᒪᒂᒡ ᒪᒃ ᐊᓂᔭ ᐊ ᐱᒧᑕᑦ ᒋ ᓇᒋᒂᔅᑯᑕᑯᐤ ᑲᓂᑕᐅᒋᒧᑎᔨᒋ ᐊᑯ ᒂ ᒪᓯᐧᑲᑯᑦ, ᒂ ᐅᑎᓂᒥᔨᒋ ᒥᓯᐛ ᐅᑦ ᐊᐱᒋᑕᐅᓇ᙮ ᒋ ᓂᑭᑎᑯᐤ ᒪᒃ ᐊᓐᑕ ᒪᔅᑭᓇᒡ ᐊ ᒥᔄᑭᓄᐅᑦ᙮
31ᐊᑯ ᒍᐤ ᐊᔭᒥᐊᐅᒋᒪᐤ ᒋ ᐸᒋ ᐱᒧᑕᐤ ᐊᓂᔭ ᒪᔅᑭᓇᔪᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓇᐸᐛ ᓇᒪ ᐅᒋ ᐎ ᐎᒋᐊᐤ, ᐊᑯ ᐊᓐᑕ ᒂᔅᑕᒐᔅᑭᓄᐤ ᒂ ᐱᒧᑕᑦ ᒥᒄ ᐊᒋ ᐃᓯ ᐎᒪᔅᑯᐛᑦ᙮
32ᒐᒃ ᒥᓐ ᑯᑎᒃ ᓇᐸᐤ ᒋ ᐸᒋ ᐱᒧᑕᐤ, ᓕᐸᐃ ᐃᔪᐤ ᐊ ᐃᑎᔅᑲᓇᓯᑦ᙮ ᒋ ᐛᐱᒪᐤ ᑭᔭ ᐎᔾ ᐊᓂᔭ ᓇᐸᐛ ᑲ ᒥᔄᑭᓂᐧᑲᑕᑭᓄᔨᒋ ᑭᔭ ᐎᔾ ᒪᒃ ᓇᒪ ᐅᒋ ᐎ ᐎᒐᐊᐤ, ᐊᑯ ᒥᒄ ᒂ ᐃᓯ ᐎᒪᔅᑯᐛᑦ ᓇᑕ ᒂᔅᑕᒐᔅᑭᓄᐤ ᐊ ᐱᒧᑕᑦ᙮ 33ᒥᓐ ᑯᑎᒃ ᓇᐸᐤ, ᓴᒪᕆᔭ ᐊᔅᒋᒡ ᐊ ᐅᒋᑦ ᒋ ᐅᑎᑕᐤ ᐊᓂᔭ ᓇᐸᐛ, ᐊᑯ ᓇᔅᒡ ᒂ ᒋᔅᑎᒪᒐᔨᒪᑦ᙮ 34ᒂ ᓇᑕᑦ ᐊᑯ ᒂ ᓂᑐᐧᑯᐊᑦ ᐊ ᑯᑎᐱᓂᒧᐛᑦ ᑐᒥᓂᑭᓂᔪᐤ ᐊ ᓂᑐᐧᑯᐃᓄᓂᔨᒡ ᑭᔭ ᓱᒥᓇᐳᔪᐤ ᐊᓐᑕ ᑲ ᒥᔄᑭᓂᐧᑲᑕᑭᓄᔨᒋ ᑭᔭ ᒋ ᐎᔎᔭᐱᐧᑲᑕᒺᐤ᙮ ᐊᑯ ᒂ ᑕᑎᐊᑦ ᐊᓐᑕ ᐅᑦ ᐊᐛᓯᓯᒪ ᐅᔅᐱᔅᑯᓂᔨᒡ, ᒂ ᐃᑐᑕᐊᑦ ᐊᓐᑕ ᑲᐃᐱᓇᓄᐎᒡ ᐊ ᑎᑯᓂᔨᒡ ᐊᑯᑕ ᒪᒃ ᑲ ᓂᓇᑭᑐᐛᔨᒪᑦ᙮ 35ᒥᓐ ᒋᔭᒋᓴᐸᔭᔨᒡ, ᒂ ᒥᔭᑦ ᓱᓇᔭᔪᐤ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᐊᓂᔭ ᑲᐃᐱᓇᓄᐎᒡ, ᐊᑯ ᒂ ᐃᑕᑦ, ‘ᓂᓇᑭᑐᐛᔨᒻ ᐅ ᓇᐸᐤ᙮ ᒋᑭ ᒋᓯᐧᑲᑎᓐ ᑕᓐ ᐊᓐ ᒐ ᐃᔅᐱᔅ ᒥᓯᓇᐊᒪᑕᓐ ᐃᔅᐱ ᒥᓐ ᐱᒧᑕᔭᓇ ᐅᑕ᙮’ ”
36ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ᐎᑎᒧᐛᑦ ᒋᓴᔅ ᐊᓂᔭ ᓇᐸᐛ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐊᑯ ᒂ ᐃᑕᑦ, “ᑕᓐ ᐊᓐ ᐊᐅᒄ ᐊᓐᒡ ᐊ ᓂᔅᑎᒡ ᓇᐸᐅᒡ ᒧᔭᒻ ᐎᒡ ᐃᔪᐛ ᑲ ᐃᑐᑐᐛᑦ ᐊᓂᔭ ᓇᐸᐛ ᑲ ᒥᔄᑭᓂᐧᑲᑕᑭᓄᔨᒋ ?”
37ᐊᑯ ᒂ ᐃᔅᒋᔄᔨᒋ ᐊᓂᔭᔪᐛ ᓇᐸᐛ, “ᐊᓐ ᑭᑈ ᓇᐸᐤ ᑲ ᐎᒋᐊᑦ ᑲ ᓄᑯᑕᑦ ᐊ ᒋᔅᑎᒪᒐᔨᒪᑦ᙮” ᒋᓴᔅ ᒂ ᐃᑕᑦ, “ᒪᒋ ᒪᒃ, ᐊᐅᑯᓐ ᒪᒃ ᐅ ᒧᔭᒻ ᒐ ᐃᑐᑎᒥᓐ ᑭᔭ ᒋᔾ᙮”
ᒋᓴᔅ ᑲ ᑕᑦ ᐊᓐᑕ ᒪᕐᑕᔨᒋ ᑭᔭ ᒪᕆᔨᒋ ᐎᒋᔨᒡ
Luke 10.38-42 (Proper-11 Year C)
38ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒪᒂᒡ ᐊ ᐱᒧᑕᒡ ᒋ ᐅᑎᑎᒧᒡ ᐅᑕᓇᔪᐤ᙮ ᒋ ᑕᐤ ᒪᒃ ᐊᓐᑕ ᐃᔎᐤ ᒪᕐᑕ ᐊ ᐃᓯᓂᐧᑲᓱᑦ, ᐊᐅᒄ ᒪᒃ ᐊᓂᔭ ᑲ ᐱᑎᑲᐃᑯᒡ᙮ 39ᒪᕐᑕ ᒪᒃ ᒋ ᑕᔪᐛ ᐎᐧᑲᓂᓴ, ᒪᕆ ᐊ ᐃᓯᓂᐧᑲᓱᔨᒋ᙮ ᒋ ᐛᐛᔨᐱᔪᐤ ᒪᒃ ᐊᓐᑕ ᒋᓴᓴ ᐅᓯᑎᔨᒡ ᐊ ᓂᑐᑐᐛᑦ ᐊ ᐃᔨᒥᔨᒋ᙮ 40ᒪᕐᑕ ᒪᒃ ᓇᔅᒡ ᑕᑈ ᒋ ᐅᑎᒪᔨᑎᒥᐃᑯᐤ ᐊ ᒥᔅᑎ ᐊᑐᔅᒐᑦ, ᐊᑯ ᒂ ᓇᒋᑲᐳᔅᑐᐛᑦ ᒋᓴᓴ ᐊᑯ ᒂ ᐃᑕᑦ, “ᐅᑎᐸᔨᒋᒐᐤ, ᓇᒪᐎᔾ ᐊ ᒐᒂᓐ ᒋᑦ ᐃᑕᔨᒪᐤ ᐅ ᓂᐧᑲᓂᔅ, ᓂᔾ ᒥᒄ ᐊ ᐃᑕᔨᒥᑦ ᒐᒋ ᐊᑐᔅᒐᐅᒡ ? ᒐ ᐃᑎᑦ ᒪ ᒐᒋ ᐸᒋ ᐎᒋᐃᑦ᙮”
41ᐅᑎᐸᔨᒋᒐᐛ ᒋ ᐃᑎᑯᐤ, “ᒪᕐᑕ, ᒪᕐᑕ, ᓇᔅᒡ ᐊ ᒥᑯᔅᑲᑕᔨᑎᒥᐃᑯᔨᓐ ᒥᒐᑦ ᒐᒂᔪᐛ᙮ 42ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”
Currently Selected:
ᓗᒃ 10: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᓗᒃ 10
10
ᒋᓴᔅ ᑲ ᒋᑎᓴᐛᑦ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᐅᒋᔅᒋᓄᐊᒧᐛᑭᓇ
Luke 10.1-11,16-20 (Proper-9 Year C)
1ᐃᔅᐱ ᑲᒋ ᐃᔅᐱᔨᒡ ᐊᓐ ᑕᓐ ᑲ ᐃᔅᐱᔨᒡ ᐅᑎᐸᔨᒋᒐᐤ ᒋ ᐅᑎᓇᐤ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᑯᑎᑲ ᐊᐛᔪᐛ ᒐ ᐅᒋᔅᒋᓄᐊᒧᐛᑭᓐᑦ ᐊᑯ ᒂ ᓂᑲᓂᑎᓴᐛᑦ ᐊ ᓇᓂᓱᑕᔨᒋ᙮ ᒋ ᐃᑕᐤ ᒥᓯᐛ ᐅᑕᓇᒡ ᒐᒋ ᐃᑐᑕᔨᒋ ᒥᓯᐛ ᐊᓐᑕ ᒐ ᐃᑐᑕᒂ, ᑭᔭ ᒥᓯᐛ ᐊᓐᑕ ᐊ ᐊᑎ ᐃᑕᔨᒋ ᐊᐛᔪᐛ᙮ 2ᒋ ᐃᑕᐤ ᒪᒃ, “ᒥᒐᓇ ᓂᑕᐅᒋᑕᑭᓇ ᓴᔅ ᐊ ᐃᓯᓇᒂᒋ ᒐᒋ ᒪᒧᓴᒋᓂᑭᓄᐅᒋ ᒥᒄ ᒪᒃ ᓇᒪ ᒥᒐᑐᐅᒡ ᑲ ᐊᑐᔅᒐᒡ ᒐᒋ ᒪᒧᓴᒋᓇᒡ᙮ ᒋᐸ ᐃᔨᒪᐊᐛᐤ ᐅᑎᐸᔨᒋᒐᐤ, ᐊᓐ ᑲ ᑎᐱᔨᐛᐅᓯᑦ ᒥᓯᐛ ᒐᒂᔪᐤ ᐊ ᓂᑕᐅᒋᓂᔨᒡ, ᒐᒋ ᐃᑎᓴᐛᑦ ᒥᒐᑦ ᐊᐛᔪᐛ ᒐ ᒪᒧᓴᒋᓂᒥᔨᒋ ᐊᓂᔭ ᓂᑕᐅᒋᑕᑭᓇ᙮ 3ᒪᒋᒄ ᒪᒃ, ᒋᑦ ᐃᑎᓴᐅᑎᓇᐛᐤ ᐊᓐᑕ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᒥᐃᐧᑭᓇ ᐊ ᑕᔨᒋ᙮ 4ᐊᑲᐎᔾ ᐊᔭᒄ ᓱᓇᔭᐅᑦ, ᑭᔭ ᒥᐅᑦ ᒪᒃ ᒥᔅᒋᓇ ᑭᔭ ᐊᑲᐎᔾ ᒋᐱᒋᑲᐳᐅᒄ ᒐᒋ ᐃᔨᒪᐊᒄ ᐊᐛᓐ ᒪᒂᒡ ᐊ ᐱᒧᑕᔭᒄ᙮”
5“ᑕᓐᑕ ᐊᓐ ᒐ ᐱᑎᑲᐃᑯᐛᒂ ᒥᒋᐛᐱᒡ ᓂᔅᑎᒻ ᒋᑭ ᐃᑕᐛᐅᒡ ᐊᓐᒡ ᐊᓐᑕ ᐊ ᑕᒡ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ᙮ 6ᐊᑯ ᒪᒃ ᐊᓐᒡ ᐊᓐᑕ ᐊ ᑕᒡ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᒋᑭ ᐊᔭᐅᒡ᙮ ᐊᑯ ᒪᒃ ᐊᑲ ᒪᔽᔨᑎᒧᐛᒂ ᒋᔭᒪᔨᑎᒧᐅᓂᔪᐤ ᓇᒪ ᒋᑭ ᐅᒋ ᐊᔭᐅᒡ᙮ 7ᐊᑯᑕ ᒪᒃ ᒐ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ᑕᒡ ᐊᓐᒡ ᐊ ᐎ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ᒥᒋᓱᔭᒄ ᑭᔭ ᒐ ᒥᓂᔭᒄ ᑕᓐ ᒐ ᐃᓯ ᒥᔨᑯᐅᔭᒄ, ᐛᔅ ᐊᐛᓐ ᑲ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ᐱᑎᑲᐃᑯᐅᔭᒄ᙮”
8“ᑭᔭ ᐅᑎᑎᒪᒂ ᐅᑕᓇᐤ ᐊ ᐱᑎᑲᐃᑯᐅᔭᒄ, ᐊᑯᑕ ᐊᓐᑕ ᑕᒄ᙮ ᒥᒋᒄ ᑕᓐ ᐊ ᐃᓯ ᐎᔍᑯᐅᔭᒄ᙮ 9ᑭᔭ ᒥᓏᒋᐊᐧᑯᒡ ᐊᓐᒡ ᑲ ᐊᐧᑯᓯᒡ ᑭᔭ ᒐ ᐃᑕᑯᒡ ᐊᓐᑕ ᐊᓂᔭ ᐅᑕᓇᔪᐤ ᐊ ᑕᒡ, ‘ᓇᔅᒡ ᑕᑈ ᒋ ᐸᓱᐛᐱᒥᑯᐛᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮’ 10ᐊᑯ ᒪᒃ ᐅᑎᑎᒪᒂ ᐅᑕᓇᐤ ᐊᑲ ᓂᑐᐛᔨᒥᑯᐅᔭᒄ ᒐᒋ ᑕᔭᒄ ᒐ ᐃᓯ ᐃᔭᒂᒥᒪᑯᒡ ᐊᓐᒡ ᐃᔪᒡ ᐊ ᐃᑕᑯᒡ, 11‘ᓇᔅᒡ ᓂᑲᓯᑎᑕᓇᓐ ᓂᓯᑎᓇᓇ ᑕᓐ ᑲ ᐃᔅᐱᔅ ᐱᐸᒧᑕᔭᒡ ᐅᑕ ᒋᐅᑕᓇᒧᐛᒡ᙮ ᐊᐅᒄ ᐅ ᐊ ᓄᑯᑕᔭᒡ ᐊᒋ ᐊᑐᐛᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᒥᒄ ᒪᒃ ᒋ ᐎ ᐎᑎᒪᑎᓇᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᒋ ᐸᓱᓇᑯᓂᔨᒡ ᒋᓴᒪᓂᑐᐤ ᐅᒋᓴᐅᒋᒪᐅᓐ ᐊᓐᑕ ᐊ ᑕᔭᒄ᙮’ ” 12ᐊᑯ ᒋᓴᔅ ᒥᓐ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᒋ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᒐ ᐅᒡ ᐃᔪᒡ ᐊᑲ ᐊᔭᐱᓯᑕᑕᑯᒡ ᐊᑐᐎᔅ ᒋᑭ ᐃᑕᔨᑕᑯᓂᔪᐤ ᐛᔅᑭᒡ ᑕᓐ ᑲ ᐃᓯ ᐛᐛᓯᐊᑭᓄᐎᒡ ᐎᔨᐛᐤ ᐊᓂᔭᐧᑲ ᓇᔅᒡ ᐊᒋ ᒥᒐᑎᓯᒡ ᐃᔪᒡ ᓱᑕᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᑕᒡ᙮ ᒋ ᓂᓱᐅᓇᒋᑕᐤ ᒋᓴᒪᓂᑐᐤ ᐊᓂᔭᔪᐤ ᐅᑕᓇᔪᐤ᙮”
ᐊᓂᔭᔪᐤ ᐅᑕᓇᔪᐤ ᑲ ᑕᒡ ᐃᔪᒡ ᐊᑲ ᐎ ᑕᑈᑕᒡ ᒥᔽᒋᒧᐅᓂᔪᐤ
ᒪᑎᔪᐤ 11.20-24
13ᐊᑯ ᒋᓴᔅ ᒂ ᐃᔅᒋᔄᑦ, “ᒋᔨᐛᐤ ᐊ ᑕᔭᒄ ᐊᓐᑕ ᐅᑕᓇᒡ ᑯᕋᓯᓐ ᑲ ᐃᓯᓂᐧᑲᑕᒡ ᐊᔪᐛᒃ ᒋᑭ ᒥᒋᐱᔨᓇᐛᐤ, ᑭᔭ ᐊᓐᑕ ᐸᑦᓴᐃᑕᒡ ᐊ ᑕᒡ ᐊᐅᑯᓐ ᒧᔭᒻ ᒐ ᐃᔅᐱᔨᒡ᙮ ᐛᔅ ᐊᓂᔭᔪᐛ ᒪᒥᔅᑲᒡ ᒐᒂᔪᐤ ᑲ ᐃᑐᑎᒪᑯᐅᔭᒄ ᒋ ᐃᑐᑕᑭᓄᐛᑯᐱᓇᓂ ᐊᓐᑕ ᐛᔅᑭᒡ ᑕᐃᕋ ᑭᔭ ᓴᐃᑐᓐ ᑲ ᐃᓯᓂᐧᑲᑕᑲᒋ ᐅᑕᓇᐛ ᓴᔅ ᐛᔅᑭᒡ ᒋᐸ ᒂᔅᑲᑎᓱᐅᒡ ᐎᔨᐛᐤ ᐊᓐᒡ ᐃᔪᒡ᙮ ᐊᑯ ᒪᒃ ᐊ ᓄᑯᑕᒡ ᐊ ᐃᔅᐱᔅ ᒥᑕᒋᔨᐛᓯᒡ ᐅᒥᒋᑥᐅᓄᐛᐛ ᒋᐸ ᐱᔎᔭᑭᐳᐅᒡ ᐊ ᑲᐛᑭᓂᔨᒋ ᐊᐱᒋᑕᐅᓇ, ᐊᓐᑕ ᒪᒃ ᐃᔎᔅᒐᒡ ᒋᐸ ᐊᐳᐅᒡ᙮ 14ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᔨᒐ, ᒋᓴᒪᓂᑐᐤ ᒋᑭ ᐛᐛᓯᐊᐤ ᐊᓂᔭ ᑕᐃᕋᒡ ᑭᔭ ᓴᐃᑐᓂᒡ ᐊ ᑕᔨᒋ᙮ ᐊᑐᐎᔅ ᒪᒃ ᒋᔨᐛᐤ ᒋᑭ ᐛᐛᓯᐃᑯᓇᐛᐤ᙮ 15ᐊᑯ ᒪᒃ ᒋᔨᐛᐤ ᐊᓐᑕ ᑲᐳᕐᓇᐊᒥᒡ ᐊ ᑕᔭᒄ ᓇᔅᒡ ᑕᑈ ᒋ ᐎ ᐊᔅᐸᔨᒧᓇᐛᐤ ᐊᓐᑕ ᒋᒋᒋᓯᑯᒡ ᒐᒋ ᐃᓯ ᐅᑎᓂᑯᔭᒄ᙮ ᓇᒪ ᒪᒃ, ᒥᒋ ᐃᔅᑯᑕᒡ ᐊᑯᑕ ᒐ ᐃᓯ ᐛᐱᓂᑯᔭᒄ᙮”
Luke 10.1-11,16-20 (Proper-9 Year C)
16ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”
17ᐃᔅᐱ ᒪᒃ ᑲᐤ ᑕᑯᓯᓂᒡ ᐊᓐᒡ ᓂᔄᐅᑕᒡ ᑕᑐᔪᐤ ᐊᓱ ᓂᓱ ᒋᔅᒋᓄᐊᒧᐛᑭᓐᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᐊ ᐃᔅᒋᔄᒡ, “ᐅᑎᐸᔨᒋᒐᐤ, ᐛᐛᒡ ᒥᒋ ᐊᒐᐧᑯᒡ ᐊ ᓂᓇᐃᑐᔨᒥᒡ ᑕᓐ ᐊ ᐃᑎᓱᒥᒋᒡ, ᒋᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒡ᙮”
18ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮ 19ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮ 20ᐊᑲᐎᔾ ᒥᔽᔨᑎᒧᒄ ᒥᒄ ᐊᒋ ᓴᐧᑯᒋᐊᑯᒡ ᒥᒋ ᐊᒐᐧᑯᒡ, ᐃᐛᒃ ᒥᔽᔨᑎᒧᒄ ᒋᑦ ᐃᓯᓂᐧᑲᓱᐅᓄᐛᐛ ᐊ ᒥᓯᓇᑕᔨᒋ ᒋᒋᒋᓯᑯᒡ᙮”
ᒐᒂᔪᐤ ᐛᒋ ᒥᔽᔨᑕᐧᒃ ᒋᓴᔅ
ᒪᑎᔪᐤ 11.25-27; 13.16,17
21ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ᒧᒋᒐᔨᑎᒥᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮ ᒋ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ᑭᒐᑕᐛᔨᑕᒡ ᔅᒋ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”
22ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”
23ᐊᑯ ᒂ ᐃᔨᒪᐊᑦ ᒥᒄ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, ᒂ ᐃᑕᑦ, “ᑕᑈ ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑕᓐ ᐊ ᐃᓯ ᐛᐸᑎᒪᒄ ᐊᓄᒡ᙮ 24ᐛᔅ ᒋ ᐎᑎᒪᑎᓇᐛᐤ, ᒋ ᒥᒐᑐᐅᒡ ᐅᒋᔅᒋᐛᐃᒐᓱᒡ ᑭᔭ ᒋᓴᐅᒋᒪᐅᒡ ᐊᒋ ᐱᑯᓴᔨᑕᒡ ᒐᒋ ᐛᐸᑕᒡ ᑕᓐ ᑲ ᐃᓯ ᐛᐸᑎᒪᒄ᙮ ᓇᒪ ᒪᒃ ᐅᒋ ᐛᐸᑎᒧᒡ᙮ ᒋ ᐎ ᐸᑎᒧᒡ ᑕᓐ ᑲ ᐃᓯ ᐸᑎᒪᒄ, ᓇᒪ ᒪᒃ ᐅᒋ ᐸᑎᒧᒡ᙮”
ᓇᐸᐤ ᑲ ᐎᒋᐊᑦ ᓇᐸᐛ ᐊᒋ ᒥᔄᑭᓂᐧᑲᑕᑭᓄᔨᒋ
Luke 10.25-37 (Proper-10 Year C)
25ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?” 26ᒋᓴᓴ ᒋ ᐃᑎᑯᐤ, “ᑕᓐ ᒪᒃ ᐊ ᐃᓯ ᓂᔅᑐᑎᒥᓐ ᐊᓐ ᐊᔭᒥᐊᐅ-ᐎᓱᐛᐅᒥᓯᓇᐃᑭᓐ ᐊ ᐃᔨᒥᑕᔨᓐ ? ᑕᓐ ᐊᑎᔅᑕᒡ ᒪᒃ ?” 27ᐊᑯ ᐊᓐ ᓇᐸᐤ ᒋ ᐃᑕᐤ,
“ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᔅᑯᓯᐅᓂᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ,’ ᑭᔭ ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’ ”
28ᒋᓴᓴ ᒪᒃ ᒋ ᐃᑎᑯᐤ, “ᒋ ᑕᑈᓐ ᐊᓐ ᑲ ᐃᔅᒋᔄᔨᓐ᙮ ᒥᓯᐛ ᐊᓐ ᐃᑐᑎᒥᓇ ᒋᑭ ᐊᔭᓐ ᑲᒋᒡ ᐱᒪᑎᓯᐅᓐ᙮”
29ᓇᔅᒡ ᒪᒃ ᒧᔭᒻ ᐊ ᒥᔪᑐᑕᐧᒃ ᒋ ᐎ ᐃᑎᑕᑯᐃᓱᐤ ᐊ ᐃᓯ ᑯᒂᒋᒪᑦ ᒋᓴᓴ ᐊ ᐃᑕᑦ, “ᐊᐛᓐ ᐊᓐ ᓂᒡ ᐃᔪᐤ ᓂᐸ ᓴᒋᐊᐤ ᒧᔭᒻ ᓂᔾ ᐊ ᐃᔅᐱᔅ ᓴᒋᐃᓱᔭᓐ ?”
30ᒋᓴᔅ ᒪᒃ ᒋ ᓂᑐᐛᔨᒪᐤ ᒐᒋ ᓂᔅᑐᑎᒥᔨᒋ ᐊᑯ ᒂ ᐎᑎᒧᐛᑦ ᑎᐸᒋᒧᐅᓂᔪᐤ᙮ “ᐸᐃᒂᐤ ᓇᐸᐤ ᒋᕈᓯᓕᒥᒡ ᐊ ᐅᒋᑦ ᐊᓐᑕ ᒐᕆᑯᐎᒡ ᒋ ᐎ ᐃᑐᑕᐤ᙮ ᒪᒂᒡ ᒪᒃ ᐊᓂᔭ ᐊ ᐱᒧᑕᑦ ᒋ ᓇᒋᒂᔅᑯᑕᑯᐤ ᑲᓂᑕᐅᒋᒧᑎᔨᒋ ᐊᑯ ᒂ ᒪᓯᐧᑲᑯᑦ, ᒂ ᐅᑎᓂᒥᔨᒋ ᒥᓯᐛ ᐅᑦ ᐊᐱᒋᑕᐅᓇ᙮ ᒋ ᓂᑭᑎᑯᐤ ᒪᒃ ᐊᓐᑕ ᒪᔅᑭᓇᒡ ᐊ ᒥᔄᑭᓄᐅᑦ᙮
31ᐊᑯ ᒍᐤ ᐊᔭᒥᐊᐅᒋᒪᐤ ᒋ ᐸᒋ ᐱᒧᑕᐤ ᐊᓂᔭ ᒪᔅᑭᓇᔪᐤ, ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓇᐸᐛ ᓇᒪ ᐅᒋ ᐎ ᐎᒋᐊᐤ, ᐊᑯ ᐊᓐᑕ ᒂᔅᑕᒐᔅᑭᓄᐤ ᒂ ᐱᒧᑕᑦ ᒥᒄ ᐊᒋ ᐃᓯ ᐎᒪᔅᑯᐛᑦ᙮
32ᒐᒃ ᒥᓐ ᑯᑎᒃ ᓇᐸᐤ ᒋ ᐸᒋ ᐱᒧᑕᐤ, ᓕᐸᐃ ᐃᔪᐤ ᐊ ᐃᑎᔅᑲᓇᓯᑦ᙮ ᒋ ᐛᐱᒪᐤ ᑭᔭ ᐎᔾ ᐊᓂᔭ ᓇᐸᐛ ᑲ ᒥᔄᑭᓂᐧᑲᑕᑭᓄᔨᒋ ᑭᔭ ᐎᔾ ᒪᒃ ᓇᒪ ᐅᒋ ᐎ ᐎᒐᐊᐤ, ᐊᑯ ᒥᒄ ᒂ ᐃᓯ ᐎᒪᔅᑯᐛᑦ ᓇᑕ ᒂᔅᑕᒐᔅᑭᓄᐤ ᐊ ᐱᒧᑕᑦ᙮ 33ᒥᓐ ᑯᑎᒃ ᓇᐸᐤ, ᓴᒪᕆᔭ ᐊᔅᒋᒡ ᐊ ᐅᒋᑦ ᒋ ᐅᑎᑕᐤ ᐊᓂᔭ ᓇᐸᐛ, ᐊᑯ ᓇᔅᒡ ᒂ ᒋᔅᑎᒪᒐᔨᒪᑦ᙮ 34ᒂ ᓇᑕᑦ ᐊᑯ ᒂ ᓂᑐᐧᑯᐊᑦ ᐊ ᑯᑎᐱᓂᒧᐛᑦ ᑐᒥᓂᑭᓂᔪᐤ ᐊ ᓂᑐᐧᑯᐃᓄᓂᔨᒡ ᑭᔭ ᓱᒥᓇᐳᔪᐤ ᐊᓐᑕ ᑲ ᒥᔄᑭᓂᐧᑲᑕᑭᓄᔨᒋ ᑭᔭ ᒋ ᐎᔎᔭᐱᐧᑲᑕᒺᐤ᙮ ᐊᑯ ᒂ ᑕᑎᐊᑦ ᐊᓐᑕ ᐅᑦ ᐊᐛᓯᓯᒪ ᐅᔅᐱᔅᑯᓂᔨᒡ, ᒂ ᐃᑐᑕᐊᑦ ᐊᓐᑕ ᑲᐃᐱᓇᓄᐎᒡ ᐊ ᑎᑯᓂᔨᒡ ᐊᑯᑕ ᒪᒃ ᑲ ᓂᓇᑭᑐᐛᔨᒪᑦ᙮ 35ᒥᓐ ᒋᔭᒋᓴᐸᔭᔨᒡ, ᒂ ᒥᔭᑦ ᓱᓇᔭᔪᐤ ᐊᓂᔭ ᑲ ᓂᓇᑭᑐᐛᐸᑎᒥᔨᒋ ᐊᓂᔭ ᑲᐃᐱᓇᓄᐎᒡ, ᐊᑯ ᒂ ᐃᑕᑦ, ‘ᓂᓇᑭᑐᐛᔨᒻ ᐅ ᓇᐸᐤ᙮ ᒋᑭ ᒋᓯᐧᑲᑎᓐ ᑕᓐ ᐊᓐ ᒐ ᐃᔅᐱᔅ ᒥᓯᓇᐊᒪᑕᓐ ᐃᔅᐱ ᒥᓐ ᐱᒧᑕᔭᓇ ᐅᑕ᙮’ ”
36ᐊᔪᐅᒄ ᐅᔭ ᑎᐸᒋᒧᐅᓂᔪᐤ ᑲ ᐎᑎᒧᐛᑦ ᒋᓴᔅ ᐊᓂᔭ ᓇᐸᐛ ᑲ ᒋᔅᑯᑎᒪᒐᔨᒋ ᐊᔭᒥᐊᐅ ᐎᓱᐛᐅᓂᔪᐤ᙮ ᐊᑯ ᒂ ᐃᑕᑦ, “ᑕᓐ ᐊᓐ ᐊᐅᒄ ᐊᓐᒡ ᐊ ᓂᔅᑎᒡ ᓇᐸᐅᒡ ᒧᔭᒻ ᐎᒡ ᐃᔪᐛ ᑲ ᐃᑐᑐᐛᑦ ᐊᓂᔭ ᓇᐸᐛ ᑲ ᒥᔄᑭᓂᐧᑲᑕᑭᓄᔨᒋ ?”
37ᐊᑯ ᒂ ᐃᔅᒋᔄᔨᒋ ᐊᓂᔭᔪᐛ ᓇᐸᐛ, “ᐊᓐ ᑭᑈ ᓇᐸᐤ ᑲ ᐎᒋᐊᑦ ᑲ ᓄᑯᑕᑦ ᐊ ᒋᔅᑎᒪᒐᔨᒪᑦ᙮” ᒋᓴᔅ ᒂ ᐃᑕᑦ, “ᒪᒋ ᒪᒃ, ᐊᐅᑯᓐ ᒪᒃ ᐅ ᒧᔭᒻ ᒐ ᐃᑐᑎᒥᓐ ᑭᔭ ᒋᔾ᙮”
ᒋᓴᔅ ᑲ ᑕᑦ ᐊᓐᑕ ᒪᕐᑕᔨᒋ ᑭᔭ ᒪᕆᔨᒋ ᐎᒋᔨᒡ
Luke 10.38-42 (Proper-11 Year C)
38ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒪᒂᒡ ᐊ ᐱᒧᑕᒡ ᒋ ᐅᑎᑎᒧᒡ ᐅᑕᓇᔪᐤ᙮ ᒋ ᑕᐤ ᒪᒃ ᐊᓐᑕ ᐃᔎᐤ ᒪᕐᑕ ᐊ ᐃᓯᓂᐧᑲᓱᑦ, ᐊᐅᒄ ᒪᒃ ᐊᓂᔭ ᑲ ᐱᑎᑲᐃᑯᒡ᙮ 39ᒪᕐᑕ ᒪᒃ ᒋ ᑕᔪᐛ ᐎᐧᑲᓂᓴ, ᒪᕆ ᐊ ᐃᓯᓂᐧᑲᓱᔨᒋ᙮ ᒋ ᐛᐛᔨᐱᔪᐤ ᒪᒃ ᐊᓐᑕ ᒋᓴᓴ ᐅᓯᑎᔨᒡ ᐊ ᓂᑐᑐᐛᑦ ᐊ ᐃᔨᒥᔨᒋ᙮ 40ᒪᕐᑕ ᒪᒃ ᓇᔅᒡ ᑕᑈ ᒋ ᐅᑎᒪᔨᑎᒥᐃᑯᐤ ᐊ ᒥᔅᑎ ᐊᑐᔅᒐᑦ, ᐊᑯ ᒂ ᓇᒋᑲᐳᔅᑐᐛᑦ ᒋᓴᓴ ᐊᑯ ᒂ ᐃᑕᑦ, “ᐅᑎᐸᔨᒋᒐᐤ, ᓇᒪᐎᔾ ᐊ ᒐᒂᓐ ᒋᑦ ᐃᑕᔨᒪᐤ ᐅ ᓂᐧᑲᓂᔅ, ᓂᔾ ᒥᒄ ᐊ ᐃᑕᔨᒥᑦ ᒐᒋ ᐊᑐᔅᒐᐅᒡ ? ᒐ ᐃᑎᑦ ᒪ ᒐᒋ ᐸᒋ ᐎᒋᐃᑦ᙮”
41ᐅᑎᐸᔨᒋᒐᐛ ᒋ ᐃᑎᑯᐤ, “ᒪᕐᑕ, ᒪᕐᑕ, ᓇᔅᒡ ᐊ ᒥᑯᔅᑲᑕᔨᑎᒥᐃᑯᔨᓐ ᒥᒐᑦ ᒐᒂᔪᐛ᙮ 42ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada