ᒪᕐᒃ 12
12
ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ ᑲ ᓂᓇᑭᑐᐛᔨᑕᒡ ᑲ ᑎᐸᒋᒪᑭᓄᐎᒡ
ᒪᑎᔪᐤ 21.33-46; ᓗᒃ 20.9-19
1ᒋᓴᔅ ᐊᑐᐎᔅ ᒋ ᐊᑎ ᐃᔨᒪᐊᐤ ᐊᓂᔭᔪᐛ ᓂᑲᓐ ᐊᔭᒥᐊᐅᒋᒪᐛ ᑭᔭ ᒥᓯᓇᐃᒐᓱᐛ ᐊ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᓱᒥᓇᑎᒂ ᐊᒋ ᓂᑕᐅᒋᐊᑦ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐊᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒂ ᐃᑐᑕᑦ᙮ 2ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭᔪᐛ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᓂᔨᒋ ᒋ ᐃᑎᓴᐛᐤ ᐸᐃᒄ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭᔪᐛ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮ 3ᐊᓐᒡ ᒪᒃ ᑲ ᓂᓇᑭᑐᐛᔨᑕᒡ ᐊᓂᔭ ᐊᔅᒋᔪᐤ ᐱᑯᓄᐤ ᒋ ᒪᑯᓇᐅᒡ ᐅᔭ ᐊᐱᒋᐊᑭᓇ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᒋᑎᓴᐛᒡ ᐊᑲ ᒐᒂᔪᐤ ᒥᔭᒡ᙮ 4ᐊᑯ ᐊᓐ ᐅᒋᒪᐤ ᒥᓐ ᑯᑎᑲ ᐊᐱᒋᐊᑭᓇ ᒂ ᐃᑎᓴᐛᑦ ᐊᓐᑕ᙮ ᐊᑯ ᒂ ᒥᔄᑭᓂᐧᑲᑕᑭᓄᔨᒋ ᐅᔭ ᓇᐸᐛ ᐅᔅᑎᒂᓂᔨᒡ ᐊᒋ ᐎᔭᔅᑐᑐᐛᑭᓄᔨᒋ, ᑭᔭ ᒋ ᒪᔭᔨᒪᑭᓄᐅᔪᐛ᙮ 5ᒥᓐ ᑯᑎᑲ ᐊᐱᒋᐊᑭᓇ ᒂ ᐃᑎᓴᐛᑦ ᐊᓐᑕ ᐊᓐ ᐅᒋᒪᐤ, ᐊᐅᑯᓐ ᐅᔭ ᑲ ᓂᐸᐊᑭᓄᔨᒋ᙮ ᐊᐅᑯᓐ ᑲ ᐃᑐᑐᐛᒡ ᒥᓯᐛ ᐊᓂᔭᔪᐛ ᑲ ᐃᑎᓴᐛᑭᓄᔨᒋ ᐊᓐᑕ ᐊ ᑕᒡ, ᐱᔅᒐ ᒋ ᒪᓯᐧᑯᐛᐅᒡ ᐊᑯ ᐱᔅᒐ ᑲ ᓂᐸᐊᒡ᙮”
6“ᒐᒃ ᒥᒄ ᐸᐃᒄ ᓇᐸᐛ ᒂ ᑕᔨᒋ ᐊᓐᑕ ᐊ ᑕᑦ ᐊᓐ ᐅᒋᒪᐤ, ᐊᔪᐅᒄ ᐅᔭ ᑎᐱᔨᐛ ᐅᑯᓴ᙮ ᐊᔪᐅᒄ ᐅᔭ ᒂ ᐃᑎᓴᐛᑦ, ᒐᒃ ᐊ ᐃᑕᔨᑕᐧᒃ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’ ”
7“ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ᐃᑎᑐᒡ, ‘ᐊᐅᒄ ᒐ ᐊᓱᐤ ᒥᔭᑭᓄᐅᑦ ᐊᔅᒄ ᐅᔭ ᐊᔅᒋᔪᐤ, ᐊᔅᑎᒧᒄ, ᓂᐸᐊᑕᐤ, ᒋᔭᓄᐤ ᒥᔅᑯᒡ ᒐ ᐊᓱᐤ ᒥᔨᑯᐅᔭᐧᒄ ᐅ ᐊᔅᒋᔾ᙮’ 8ᒋ ᒪᑯᓇᐅᒡ ᐊᓂᔭ ᓇᐸᐛ ᐊᑯ ᒂ ᓂᐸᐊᒡ, ᒂ ᐎᐛᐱᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮”
9“ᑕᓐ ᒪᒃ ᒐ ᐃᑎᑦ ᐊᓐ ᑲ ᑎᐱᔨᐛᐅᓯᑦ ᐅᔭ ᓂᑕᐅᒋᑕᑭᓐ ᐊᔅᒋᔪᐤ ? ᒋᑭ ᓂᑐᐛᐱᒪᐤ ᐊᓂᔭᔪᐛ ᑲ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒐ ᓂᐸᐊᑦ᙮ ᑯᑎᑲ ᐊᐛᔪᐛ ᒐ ᒥᔭᑦ ᐅᔭ ᐅᑦ ᐊᔅᒋᔾ ᒐ ᓂᓇᑭᑐᐛᐸᑎᒥᔨᒋ᙮ 10ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ,
ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮
11ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓐ, ᐊᔪᐛᒡ ᒥᔅᑲᓯᓇᑯᓂᔪᐤ ᐊ ᑭᓄᐛᐸᑕᑭᓄᐎᒡ ?”
12ᐊᓂᔭ ᒪᒃ ᐊᐛᔪᐛ ᑲ ᐃᔨᒪᐊᑦ ᒋᓴᔅ ᒋ ᐎ ᒪᑯᓂᑯᐤ ᐛᔅ ᒋ ᒋᔅᒐᔨᒥᑯᐤ ᐎᔨᐛᐤ ᐊ ᐎ ᑲᔅᑕᐅᑯᒡ ᐛᒋ ᐎᑎᒥᔨᒋ ᐅᔭ ᑎᐸᒋᒧᐅᓂᔪᐤ᙮ ᒥᒄ ᒪᒃ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᐛᔅ ᒋ ᒥᒐᑎᔪᐛ᙮ ᐊᑯ ᓂᑕᐛᒡ ᒂ ᔅᑐᑕᒡ᙮
ᐊ ᒋᓯᐧᑲᓱᓇᓄᐅᒡ
ᒪᑎᔪᐤ 22.15-22; ᓗᒃ 20.20-26
13ᒋ ᐃᑎᓴᐛᑭᓄᐎᒡ ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐊᕈᑦ ᐅᑦ ᐊᐱᒋᐊᑭᓇ ᐊᓐᑕ ᒋᓴᓴ ᐊ ᑕᔨᒋ ᒐᒋ ᓇᓂᑐᐤ ᐎᔭᓴᐊᒡ ᐊᑲ ᒧᔭᒻ ᒐᒋ ᐃᔅᒋᔄᔨᒋ ᒐᒂᔪᐤ᙮ ᓂᓇᐧᑯᐤ ᒐᒂᔪᐤ ᒋ ᐃᓯ ᑯᒂᒋᒪᐅᒡ᙮ 14ᒋ ᐸᒋ ᓂᑐᐛᐱᒪᐅᒡ ᒪᒃ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒧᔅ ᐊ ᑕᑈᔨᓐ ᑕᓐ ᐊ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ᑭᓄᐛᐸᑎᒺᓐ ᑕᓐ ᐊ ᐃᓯ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ? 15ᓂᐸ ᒋᓯᐧᑲᓱᓇᓐ ᐊ ᑭᔭ ᒪᒃ ᓇᒪᐎᔾ ?”
ᒋᓴᔅ ᒪᒃ ᒋ ᒋᔅᒐᔨᒪᐤ ᐊ ᐎ ᐎᔭᓯᐃᑯᑦ ᐅᔭ ᐊ ᐃᓯ ᑯᒂᒋᒥᑯᑦ ᐊᑯ ᒂ ᐃᑕᑦ, “ᒐᒂᓐ ᐛᒋ ᐎ ᐸᒋ ᑯᒂᒋᐃᔭᒄ ? ᐸᓱᐛᐧᒄ ᒪ ᓱᓇᔭᐱᔅᑯᔅ, ᒐ ᑭᓄᐛᐱᒥᒃ᙮” 16ᒂ ᒥᔭᒡ ᐸᐃᒄ᙮ ᐊᑯ ᒂ ᐃᑕᑦ, “ᐊᐛᓐ ᒪᒃ ᐅᑕᔅᑎᒥᐧᒄ ᐊ ᓄᑯᓂᔨᒡ ᐅᑕ ᑭᔭ ᐊᐛᓐ ᐅᔭ ᐅᑦ ᐃᓯᓂᐧᑲᓱᐅᓐ ᑲ ᒥᓯᓇᑕᔨᒡ ?” ᒋ ᐃᑕᐅᒡ, “ᒋᓴᐅᒋᒪᐤ ᓯᓴᕐ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᓱᐤ᙮” 17ᒋᓴᔅ ᒋ ᐃᑕᐤ, “ᒥᔭᐧᒄ ᒋᓴᐅᒋᒪᐤ ᓯᓴᕐ ᑕᓐ ᐊᓂᔭᔪᐛ ᐎᔾ ᑕᐱᔨᐛᐅᓯᑦ, ᑭᔭ ᒥᔭᐧᒄ ᒋᓴᒪᓂᑐᐤ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ᙮” ᐊᔪᐛᒡ ᒪᒃ ᒋ ᒪᒥᔅᑲᓯᑐᐛᐅᒡ ᐅᔭ ᑲ ᐃᓯ ᐃᔨᒥᐃᑯᒡ᙮
ᒋᓴᔅ ᑲ ᐊᔨᒧᑕᐧᒃ ᐅᓂᔅᑲᓄᔨᒐ ᓂᐳᐅᓂᒡ ᐅᒡ
ᒪᑎᔪᐤ 22.23-33; ᓗᒃ 20.27-40
18ᓴᑎᔪᓯᐊ ᑭᔭ ᒋ ᐸᒋ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ᐅᓂᔅᑲᓇᑭᓄᔨᒋ ᐊᔅᒄ ᐊᐛᔪᐛ ᑲ ᓂᐱᔨᒋ᙮ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ, 19“ᒋᔅᑯᑎᒪᒐᓱᐤ, ᒧᓱᔅ ᒋ ᒥᓯᓇᐊᒻ ᑕᓐ ᒐ ᐃᓯ ᓂᓇᑭᑐᐛᔨᑎᒪᒡ᙮ ᒋ ᐃᑎᔅᑕᐤ ᐊᓐᑕ, ‘ᓂᐱᒐ ᓇᐸᐤ ᐊᒋ ᒪᒃ ᐎᐅᑦ ᐊᑲ ᒪᒃ ᐅᒋ ᐅᑦ ᐊᐛᓯᒧᐛᒂ, ᐊᓂᔭ ᑲ ᐅᒋ ᑕᒋᔅᑲᑯᑦ ᐎᐧᑲᓂᓴ ᐊᐅᑯᓂ ᐊᓂᔭ ᒋᐸ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᐊᓐ ᓇᐸᐤ ᒐᒋ ᓂᑕᐅᒋᑎᒧᐛᑦ᙮’ 20ᓂᔄᐅᑕᒡ ᒪᒃ ᒋ ᐃᑕᑎᓱᐅᒡ ᓇᐸᐅᒡ ᐊᒋ ᐎᐧᑲᓂᓯᑕᑐᒡ᙮ ᐊᓐ ᐅᔅᑕᓯᒪᐤ ᒋ ᓂᐳᐅᐤ᙮ ᐸᑎᒪ ᒪᒃ ᒋ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᐊᓂᔭ ᐎᐛ᙮ 21ᐊᑯ ᐊᓂᔭ ᐎᐧᑲᓂᓴ ᑲ ᐅᒋ ᑕᒋᔅᑲᑯᑦ ᒂ ᐎᒋᒪᔨᒋ ᐊᓂᔭ ᐎᐛ᙮ ᑭᔭ ᐎᔾ ᒪᒃ ᐅ ᓇᐸᐤ ᒐᒃ ᒋ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᑭᔭ ᐎᔨᐛᐤ᙮ ᐊᐅᑯᓐ ᒧᔭᒻ ᑲ ᐃᔅᐱᔨᑦ ᑭᔭ ᐊᓐ ᑯᑎᒃ ᐎᐧᑲᓂᓯᒪᐤ᙮ 22ᒐᒃ ᒥᓯᐛ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ ᒂ ᐎᒋᒪᒡ ᐊᓂᔭ ᐃᔎᐛ᙮ ᒥᓯᐛ ᐊᒋ ᓂᐱᒡ ᐊᑲ ᐅᒋ ᐊᔭᐛᒡ ᐊᐛᓴ᙮ ᒐᒃ ᒪᒃ ᒋ ᐳᓂᐱᒪᑎᓯᐤ ᑭᔭ ᐎᔾ ᐊᓐ ᐃᔎᐤ᙮ 23ᑕᓐ ᐊᓂᔭᔪᐛ ᒪᒃ ᐊᓂᔭ ᒋᒋᐛ ᒐ ᐎᐅᑕᑯᑦ ᐅ ᐃᔎᐤ ᐃᔅᐱ ᐅᓂᔅᑲᔨᒐ ᐊᐛᔪᐛ ᑲ ᓂᐱᔨᒋ ? ᐛᔅ ᒥᓯᐛ ᐊᓐᒡ ᓂᔄᐅᑕᒡ ᓇᐸᐅᒡ ᒋ ᐎᒋᒪᐅᒡ ᐅᔭ ᐃᔎᐛ᙮”
24ᐊᑯ ᒋᓴᔅ ᒂ ᐃᑕᑦ, “ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ᑯᒂᒋᒥᔭᒄ᙮ 25ᐛᔅ ᐅᐱᔨᑥᐛ ᐊᓐᒡ ᑲ ᓂᐱᒡ, ᑕᐸ ᒋᑭ ᐅᒋ ᓂᐳᐅᒡ ᑭᔭ ᓇᒪ ᒋᑭ ᐅᒋ ᓂᐳᐊᑭᓄᐅᒡ, ᐛᔅ ᐊᓂᔭ ᐊ ᐃᑕᔨᑕᑯᓯᔨᒋ ᐊᓐᒋᓇ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐ ᒧᔭᒻ ᒐ ᐃᑕᔨᑕᑯᓯᒡ᙮ 26ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ? 27ᓇᒪ ᐅᒋᓴᒪᓂᑐᒥᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ ᐅᒋᓴᒪᓂᑐᒥᑕᑯᐤ᙮ ᑕᑈ ᒋ ᐅᓂᐱᔨᓇᐛᐤ ᒋᔨᐛᐤ ᑕᓐ ᐊ ᐃᓯ ᑕᑈᑎᒪᒄ᙮”
ᒪᐅᒡ ᓂᑲᓐ ᑲ ᐃᑕᔨᑕᒂᒡ ᐃᑎᓱᐛᐅᓐ
ᒪᑎᔪᐤ 22.34-40; ᓗᒃ 10.25-28
Mark 12.28-34 (Proper-26 Year B)
28ᐸᐃᒄ ᒪᒃ ᓇᐸᐤ ᐎᓱᐛᐅᓂᔪᐤ ᑲ ᒋᔅᑯᑎᒪᒐᑦ ᒋ ᐸᒋ ᓇᒋᑲᐳᐤ, ᐊᒋ ᐸᑐᐛᑦ ᐊᓂᔭ ᑲ ᐃᔨᒥᐃᑐᔨᒋ᙮ ᒋ ᐸᑐᐛᐤ ᒪᒃ ᒋᓴᓴ ᑕᓐ ᑲ ᐃᓯ ᑯᐃᔅᒄ ᐎᑎᒧᐛᔨᒋ ᐊᓂᔭᔪᐛ ᓴᑎᔪᓯᐊ᙮ ᐊᑯ ᒂ ᑯᒂᒋᒪᑦ, “ᒐᒄ ᐃᑎᓱᐛᐅᓐ ᒪᐅᒡ ᓂᑲᓐ ᐊ ᐃᑕᔨᑕᒂᒡ ?” 29ᒋᓴᔅ ᒋ ᐃᑕᐤ, “ᐎᑕᑭᓄᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᓐ ᒪᐅᒡ ᓂᑲᓐ ᐊ ᐃᑕᔨᑕᒂᒡ ᐃᑎᓱᐛᐅᓐ᙮ ᒂ ᐃᑎᔅᑕᒡ,
ᓂᑐᑎᒧᒄ, ᒋᔨᐛᐤ ᐃᔅᕋᐃᓪ ᐅᑦ ᐃᔨᒪ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᐅᒄ ᒥᒄ ᐊ ᐸᐃᑯᓯᑦ ᐊ ᑎᐸᔨᒋᒐᐅᑦ᙮
30ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ ᒥᓯᐛ ᒋᑕᐃᒡ ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ ᑭᔭ ᒥᓯᐛ ᒋᒥᔅᑯᓯᐅᓂᒡ᙮”
31ᒋ ᐃᑕᐤ ᒥᓐ ᒋᓴᔅ, “ᐊᓐ ᒥᓐ ᑯᑎᒡ ᐃᑎᓱᐛᐅᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᐊᑎᔅᑕᒡ,
ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮
ᐊ ᑕᑎᒋ ᐃᑎᔄᐅᓇ ᐊᔪᐅᒄ ᐅᔭ ᓂᓱ ᐃᑎᔄᐅᓇ ᒪᐅᒡ ᐊ ᐃᑕᔨᑕᒂᒋ᙮”
32ᒋ ᐃᑎᑯᐤ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ, “ᒋᔅᑯᑎᒪᒐᓱᐤ, ᒋ ᑕᑈᓐ᙮ ᒋ ᑕᑈᓐ ᐊ ᐃᔅᒋᔄᔨᓐ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ, ᓇᒪ ᑕᐤ ᑯᑎᒃ᙮ 33ᑭᔭ ᒋ ᑕᑈᓐ ᐊ ᐃᔅᒋᔄᔨᓐ᙮ ᒐᒋ ᓴᒋᐊᑭᓄᐅᑦ ᒋᓴᒪᓂᑐᐤ ᒥᓯᐛ ᒥᑕᐃᒡ, ᑭᔭ ᒥᓯᐛ ᒥᑐᓇᔨᒋᑭᓂᒡ, ᑭᔭ ᒥᓯᐛ ᐊᒐᐧᑯᐅᓂᒡ ᑭᔭ ᒥᓯᐛ ᒥᔅᑯᓯᐅᓂᒡ᙮ ᑭᔭ ᒐᒋ ᓴᒋᐊᑦ ᒋᒡ ᐃᔪᐤ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᐅᔭ ᒐᒋ ᐃᔅᐱᔅ ᓴᒋᐃᐛᑦ ᐊᐛᓐ ᐊᑐᐎᔅ ᐃᑕᔨᑕᑯᓂᔪᐤ ᐃᔅᐱᔅ ᐎ ᐊ ᒥᑐᔅᑕᐊᒧᐛᑭᓄᐅᑦ ᒋᓴᒪᓂᑐᐤ ᒥᔨᐛᐅᓇ ᒪᒃ ᐊᐛᓯᓴ ᐊᒋ ᓂᐸᐊᑭᓄᔨᒋ ᒐᒋ ᒥᑐᔅᑕᐊᒧᐛᑭᓄᐅᑦ᙮” 34ᒋᓴᔅ ᒪᒃ ᐱᔭᑐᐛᑦ ᐅᔭ ᐊ ᐃᓯ ᑭᒐᑕᐛᔨᑎᒧᑕᑯᓯᔨᒋ ᒋ ᐃᑕᐤ, “ᓇᒪ ᒋ ᐛᔪᐛᐸᑎᒺᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮” ᓇᒪ ᒪᒃ ᐅᒋ ᑕᐤ ᐊᐛᓐ ᐊ ᑕᐸᔨᒧᑦ ᐊᑐᐎᔅ ᒐᒋ ᐃᓯ ᑯᒂᒋᒪᑦ ᒐᒂᔪᐤ᙮
ᐊᐛᔪᐛ ᐛᑯᓯᑕᑯᑦ ᙭
ᒪᑎᔪᐤ 22.41-46; ᓗᒃ 20.41-44
35ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋ ᑯᒂᒋᒪᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᑕᓐᑕ ᒐᒋ ᐅᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᑎᐱᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᙭ᑕ ? 36ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ,
ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ,
ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮
37ᐛᐛᒡ ᑎᐱᑦ ᓂᑎᐸᔨᒋᒐᓯᒻ ᐊᒋ ᐃᓯᓂᐧᑲᑕᑦ ᐅᑎᐸᔨᒋᒐᐛ᙮ ᑕᓐᑕ ᒪᒃ ᒐᒋ ᐅᒋ ᐅᑯᓯᑐᐛᑦ ?” ᐊᓂᔭ ᒪᒃ ᐊᐛᔪᐛ ᑲ ᒥᔅᑎ ᒥᒐᑎᔨᒋ ᑲ ᓂᑐᑕᑯᑦ ᒋᓴᔅ ᐊᔪᐛᒡ ᒋ ᒥᔪᑕᑯᐤ᙮
ᐃᔭᒂᒥᔅᑐᐛᐧᑯᒡ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ
ᒪᑎᔪᐤ 23.1-36; ᓗᒃ 20.45-47
Mark 12.38-44 (Proper-27 Year B)
38ᒪᒂᒡ ᒪᒃ ᒥᓐ ᐊ ᒋᔅᑯᑎᒧᐛᑦ ᒋ ᐃᑕᐤ, “ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ᐳᔅᑎᔅᑲᒡ ᑲ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ᙮ 39ᑭᔭ ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ᐸᐃᑕᐱᔨᒋ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ᒥᑯᓴᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ᐅᒋᒪᐅᐱᓇᓄᐎᒡ᙮ 40ᐅᑎᓂᒺᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᐊᔭᒥᐊᐧᑲᓱᐅᒡ ᒪᒃ ᒥᒄ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐅᔅᑕ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”
ᑲ ᐸᐃᑯᓯᑦ ᐃᔎᐤ ᐅᐱᔅᑎᓂᒐᐅᓐ
ᓗᒃ 21.1-4
41ᒋᓴᔅ ᒪᒃ ᑎᐱᔅᑯᒡ ᐊᓐᑕ ᐊ ᐱᔅᑎᓂᒐᓄᐎᒡ ᐊᑯᑕ ᑲ ᐊᐱᑦ᙮ ᒋ ᒥᒐᑎᓇᓄᔪᐤ ᐊᓐᑕ ᐊ ᐱᔅᑎᓂᒐᓄᐎᒡ᙮ ᒋ ᑭᓄᐛᐱᒪᐤ ᒪᒃ ᐊᐛᔪᐛ ᐊ ᐸᒋ ᐱᔅᑎᓂᒐᔨᒋ᙮ ᒥᒐᑦ ᐊᓂᔭᔪᐛ ᑲ ᐛᔪᑎᓯᔨᒋ ᐊᐛᔪᐛ ᒥᔅᑎ ᒋ ᐱᔅᑎᓂᒐᔪᐛ᙮ 42ᒐᒃ ᒋ ᐅᒋ ᑎᑯᓯᓐ ᐊ ᐸᐃᑯᓯᑦ ᐃᔎᐤ, ᐊ ᒋᔅᑎᒪᑎᓯᑦ, ᓂᓱ ᐊ ᐎᐸᐱᔅᒋᓯᔨᒋ ᓱᓇᔭᐱᔅᑯᓴ ᒋ ᐱᔅᑎᓂᒐᐤ᙮ ᐅᔭ ᑕᐱᔅᑯᓐ ᓱᓇᔭᐱᔅᑯᓴ ᑲ ᐱᔅᑎᓂᒐᑦ ᒥᒄ ᐸᐃᒄ ᓱᒪᓐᒋᔅ ᒋ ᐃᔅᐱᑕᔨᑕᑯᓯᔪᐛ᙮
43ᐊᑯ ᒋᓴᔅ ᒂ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ ᒪᒃ, “ᑕᑈ ᒋᑦ ᐃᑎᓇᐛᐤ, ᑲ ᐃᔅᐱᔅ ᐱᔅᑎᓂᒐᑦ ᐊᓐ ᑲ ᐸᐃᑯᓯᑦ ᐃᔎᐤ ᑲ ᒋᔅᑎᒪᑎᓯᑦ ᐊᑐᐎᔅ ᐎᔾ ᒥᓴᔪᐤ ᐅᐱᔅᑎᓂᒐᐅᓐ ᐃᔅᐱᔅ ᐊᓐᒡ ᑯᑎᑭᒡ ᑲ ᐱᔅᑎᓂᒐᒡ᙮ 44ᐛᔅ ᐊᓐᒡ ᑯᑎᑭᒡ ᑲ ᐱᔅᑎᓂᒐᒡ ᐊᔪᐱᔨᒡ ᐊᓂᔭ ᓱᓇᔭᔪᐤ ᑲ ᐱᔅᑎᓇᒡ, ᐅ ᒪᒃ ᑲ ᐸᐃᑯᓯᑦ ᐃᔎᐤ, ᐊᑎ ᒋᔅᑎᒪᑎᓯᑦ ᒋ ᐱᔅᑎᓂᒻ ᒥᓯᐛ ᐊᓂᔭ ᐅᓱᓇᔭᓂᒻ ᐊᓂᔭ ᒋᐸ ᐅᒋ ᐱᒪᒋᐃᓱᐤ᙮”
Currently Selected:
ᒪᕐᒃ 12: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 12
12
ᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᔪᐤ ᑲ ᓂᓇᑭᑐᐛᔨᑕᒡ ᑲ ᑎᐸᒋᒪᑭᓄᐎᒡ
ᒪᑎᔪᐤ 21.33-46; ᓗᒃ 20.9-19
1ᒋᓴᔅ ᐊᑐᐎᔅ ᒋ ᐊᑎ ᐃᔨᒪᐊᐤ ᐊᓂᔭᔪᐛ ᓂᑲᓐ ᐊᔭᒥᐊᐅᒋᒪᐛ ᑭᔭ ᒥᓯᓇᐃᒐᓱᐛ ᐊ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᓱᒥᓇᑎᒂ ᐊᒋ ᓂᑕᐅᒋᐊᑦ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐊᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒂ ᐃᑐᑕᑦ᙮ 2ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭᔪᐛ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᓂᔨᒋ ᒋ ᐃᑎᓴᐛᐤ ᐸᐃᒄ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭᔪᐛ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮ 3ᐊᓐᒡ ᒪᒃ ᑲ ᓂᓇᑭᑐᐛᔨᑕᒡ ᐊᓂᔭ ᐊᔅᒋᔪᐤ ᐱᑯᓄᐤ ᒋ ᒪᑯᓇᐅᒡ ᐅᔭ ᐊᐱᒋᐊᑭᓇ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᒋᑎᓴᐛᒡ ᐊᑲ ᒐᒂᔪᐤ ᒥᔭᒡ᙮ 4ᐊᑯ ᐊᓐ ᐅᒋᒪᐤ ᒥᓐ ᑯᑎᑲ ᐊᐱᒋᐊᑭᓇ ᒂ ᐃᑎᓴᐛᑦ ᐊᓐᑕ᙮ ᐊᑯ ᒂ ᒥᔄᑭᓂᐧᑲᑕᑭᓄᔨᒋ ᐅᔭ ᓇᐸᐛ ᐅᔅᑎᒂᓂᔨᒡ ᐊᒋ ᐎᔭᔅᑐᑐᐛᑭᓄᔨᒋ, ᑭᔭ ᒋ ᒪᔭᔨᒪᑭᓄᐅᔪᐛ᙮ 5ᒥᓐ ᑯᑎᑲ ᐊᐱᒋᐊᑭᓇ ᒂ ᐃᑎᓴᐛᑦ ᐊᓐᑕ ᐊᓐ ᐅᒋᒪᐤ, ᐊᐅᑯᓐ ᐅᔭ ᑲ ᓂᐸᐊᑭᓄᔨᒋ᙮ ᐊᐅᑯᓐ ᑲ ᐃᑐᑐᐛᒡ ᒥᓯᐛ ᐊᓂᔭᔪᐛ ᑲ ᐃᑎᓴᐛᑭᓄᔨᒋ ᐊᓐᑕ ᐊ ᑕᒡ, ᐱᔅᒐ ᒋ ᒪᓯᐧᑯᐛᐅᒡ ᐊᑯ ᐱᔅᒐ ᑲ ᓂᐸᐊᒡ᙮”
6“ᒐᒃ ᒥᒄ ᐸᐃᒄ ᓇᐸᐛ ᒂ ᑕᔨᒋ ᐊᓐᑕ ᐊ ᑕᑦ ᐊᓐ ᐅᒋᒪᐤ, ᐊᔪᐅᒄ ᐅᔭ ᑎᐱᔨᐛ ᐅᑯᓴ᙮ ᐊᔪᐅᒄ ᐅᔭ ᒂ ᐃᑎᓴᐛᑦ, ᒐᒃ ᐊ ᐃᑕᔨᑕᐧᒃ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’ ”
7“ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᒋ ᐃᑎᑐᒡ, ‘ᐊᐅᒄ ᒐ ᐊᓱᐤ ᒥᔭᑭᓄᐅᑦ ᐊᔅᒄ ᐅᔭ ᐊᔅᒋᔪᐤ, ᐊᔅᑎᒧᒄ, ᓂᐸᐊᑕᐤ, ᒋᔭᓄᐤ ᒥᔅᑯᒡ ᒐ ᐊᓱᐤ ᒥᔨᑯᐅᔭᐧᒄ ᐅ ᐊᔅᒋᔾ᙮’ 8ᒋ ᒪᑯᓇᐅᒡ ᐊᓂᔭ ᓇᐸᐛ ᐊᑯ ᒂ ᓂᐸᐊᒡ, ᒂ ᐎᐛᐱᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ᙮”
9“ᑕᓐ ᒪᒃ ᒐ ᐃᑎᑦ ᐊᓐ ᑲ ᑎᐱᔨᐛᐅᓯᑦ ᐅᔭ ᓂᑕᐅᒋᑕᑭᓐ ᐊᔅᒋᔪᐤ ? ᒋᑭ ᓂᑐᐛᐱᒪᐤ ᐊᓂᔭᔪᐛ ᑲ ᓂᓇᑭᑐᐛᐸᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒐ ᓂᐸᐊᑦ᙮ ᑯᑎᑲ ᐊᐛᔪᐛ ᒐ ᒥᔭᑦ ᐅᔭ ᐅᑦ ᐊᔅᒋᔾ ᒐ ᓂᓇᑭᑐᐛᐸᑎᒥᔨᒋ᙮ 10ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ,
ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮
11ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓐ, ᐊᔪᐛᒡ ᒥᔅᑲᓯᓇᑯᓂᔪᐤ ᐊ ᑭᓄᐛᐸᑕᑭᓄᐎᒡ ?”
12ᐊᓂᔭ ᒪᒃ ᐊᐛᔪᐛ ᑲ ᐃᔨᒪᐊᑦ ᒋᓴᔅ ᒋ ᐎ ᒪᑯᓂᑯᐤ ᐛᔅ ᒋ ᒋᔅᒐᔨᒥᑯᐤ ᐎᔨᐛᐤ ᐊ ᐎ ᑲᔅᑕᐅᑯᒡ ᐛᒋ ᐎᑎᒥᔨᒋ ᐅᔭ ᑎᐸᒋᒧᐅᓂᔪᐤ᙮ ᒥᒄ ᒪᒃ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ ᐛᔅ ᒋ ᒥᒐᑎᔪᐛ᙮ ᐊᑯ ᓂᑕᐛᒡ ᒂ ᔅᑐᑕᒡ᙮
ᐊ ᒋᓯᐧᑲᓱᓇᓄᐅᒡ
ᒪᑎᔪᐤ 22.15-22; ᓗᒃ 20.20-26
13ᒋ ᐃᑎᓴᐛᑭᓄᐎᒡ ᐱᔅᒐ ᐸᕆᓯᔨᒡ ᑭᔭ ᐱᔅᒐ ᐊᓐᒡ ᐊᕈᑦ ᐅᑦ ᐊᐱᒋᐊᑭᓇ ᐊᓐᑕ ᒋᓴᓴ ᐊ ᑕᔨᒋ ᒐᒋ ᓇᓂᑐᐤ ᐎᔭᓴᐊᒡ ᐊᑲ ᒧᔭᒻ ᒐᒋ ᐃᔅᒋᔄᔨᒋ ᒐᒂᔪᐤ᙮ ᓂᓇᐧᑯᐤ ᒐᒂᔪᐤ ᒋ ᐃᓯ ᑯᒂᒋᒪᐅᒡ᙮ 14ᒋ ᐸᒋ ᓂᑐᐛᐱᒪᐅᒡ ᒪᒃ ᐊᑯ ᒂ ᐃᑕᒡ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᒧᔅ ᐊ ᑕᑈᔨᓐ ᑕᓐ ᐊ ᐃᔅᒋᔄᔨᓐ᙮ ᓇᒪ ᐎᔭᓯᓐ ᐊᐛᓐ ᐊᓐ ᑲ ᐃᔨᒥᐃᑦ ᐛᔅ ᒥᓯᐛ ᐊᐛᓐ ᐸᐃᑯᓄᒡ ᒋᑦ ᐃᑕᔨᒪᐤ᙮ ᓇᒪ ᒋ ᑭᓄᐛᐸᑎᒺᓐ ᑕᓐ ᐊ ᐃᓯ ᒋᔅᑕᔨᑕᑯᓯᑦ ᐊᐛᓐ᙮ ᑯᐃᔅᒄ ᑭᔭ ᒋ ᒋᔅᑯᑎᒧᐛᐅᒡ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᐃᑎᔅᑕᐤ ᐊ ᐎᓱᐛᐅᓂᒡ ᓯᓴᕐ ᕈᒻ ᒋᓴᐅᒋᒪᐤ ᒐᒋ ᒥᔭᑭᓄᐅᑦ ᐊᓂᔭ ᓱᓇᔭᔪᐤ ᒐᓯᐧᑲᓱᔨᒋ ᐊᐛᔪᐛ ? 15ᓂᐸ ᒋᓯᐧᑲᓱᓇᓐ ᐊ ᑭᔭ ᒪᒃ ᓇᒪᐎᔾ ?”
ᒋᓴᔅ ᒪᒃ ᒋ ᒋᔅᒐᔨᒪᐤ ᐊ ᐎ ᐎᔭᓯᐃᑯᑦ ᐅᔭ ᐊ ᐃᓯ ᑯᒂᒋᒥᑯᑦ ᐊᑯ ᒂ ᐃᑕᑦ, “ᒐᒂᓐ ᐛᒋ ᐎ ᐸᒋ ᑯᒂᒋᐃᔭᒄ ? ᐸᓱᐛᐧᒄ ᒪ ᓱᓇᔭᐱᔅᑯᔅ, ᒐ ᑭᓄᐛᐱᒥᒃ᙮” 16ᒂ ᒥᔭᒡ ᐸᐃᒄ᙮ ᐊᑯ ᒂ ᐃᑕᑦ, “ᐊᐛᓐ ᒪᒃ ᐅᑕᔅᑎᒥᐧᒄ ᐊ ᓄᑯᓂᔨᒡ ᐅᑕ ᑭᔭ ᐊᐛᓐ ᐅᔭ ᐅᑦ ᐃᓯᓂᐧᑲᓱᐅᓐ ᑲ ᒥᓯᓇᑕᔨᒡ ?” ᒋ ᐃᑕᐅᒡ, “ᒋᓴᐅᒋᒪᐤ ᓯᓴᕐ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᓱᐤ᙮” 17ᒋᓴᔅ ᒋ ᐃᑕᐤ, “ᒥᔭᐧᒄ ᒋᓴᐅᒋᒪᐤ ᓯᓴᕐ ᑕᓐ ᐊᓂᔭᔪᐛ ᐎᔾ ᑕᐱᔨᐛᐅᓯᑦ, ᑭᔭ ᒥᔭᐧᒄ ᒋᓴᒪᓂᑐᐤ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ᙮” ᐊᔪᐛᒡ ᒪᒃ ᒋ ᒪᒥᔅᑲᓯᑐᐛᐅᒡ ᐅᔭ ᑲ ᐃᓯ ᐃᔨᒥᐃᑯᒡ᙮
ᒋᓴᔅ ᑲ ᐊᔨᒧᑕᐧᒃ ᐅᓂᔅᑲᓄᔨᒐ ᓂᐳᐅᓂᒡ ᐅᒡ
ᒪᑎᔪᐤ 22.23-33; ᓗᒃ 20.27-40
18ᓴᑎᔪᓯᐊ ᑭᔭ ᒋ ᐸᒋ ᓂᑐᐛᐱᒥᑯᐤ ᒋᓴᔅ᙮ ᐊᐅᑯᓐᒡ ᐅᒡ ᐊᑲ ᐅᒋ ᑕᑈᑕᒡ ᒐ ᐅᓂᔅᑲᓇᑭᓄᔨᒋ ᐊᔅᒄ ᐊᐛᔪᐛ ᑲ ᓂᐱᔨᒋ᙮ ᒋ ᑯᒂᒋᒪᐅᒡ ᒋᓴᓴ ᐊ ᐃᑕᒡ, 19“ᒋᔅᑯᑎᒪᒐᓱᐤ, ᒧᓱᔅ ᒋ ᒥᓯᓇᐊᒻ ᑕᓐ ᒐ ᐃᓯ ᓂᓇᑭᑐᐛᔨᑎᒪᒡ᙮ ᒋ ᐃᑎᔅᑕᐤ ᐊᓐᑕ, ‘ᓂᐱᒐ ᓇᐸᐤ ᐊᒋ ᒪᒃ ᐎᐅᑦ ᐊᑲ ᒪᒃ ᐅᒋ ᐅᑦ ᐊᐛᓯᒧᐛᒂ, ᐊᓂᔭ ᑲ ᐅᒋ ᑕᒋᔅᑲᑯᑦ ᐎᐧᑲᓂᓴ ᐊᐅᑯᓂ ᐊᓂᔭ ᒋᐸ ᐎᒋᒪᔪᐛ ᐊᓂᔭ ᐎᐛ᙮ ᐊᑯ ᒪᒃ ᒋᐸ ᐊᔭᐛᐅᒡ ᐊᐛᓴ ᐊᓂᔭ ᐅᔅᑕᓴ ᐊᓐ ᓇᐸᐤ ᒐᒋ ᓂᑕᐅᒋᑎᒧᐛᑦ᙮’ 20ᓂᔄᐅᑕᒡ ᒪᒃ ᒋ ᐃᑕᑎᓱᐅᒡ ᓇᐸᐅᒡ ᐊᒋ ᐎᐧᑲᓂᓯᑕᑐᒡ᙮ ᐊᓐ ᐅᔅᑕᓯᒪᐤ ᒋ ᓂᐳᐅᐤ᙮ ᐸᑎᒪ ᒪᒃ ᒋ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᐊᓂᔭ ᐎᐛ᙮ 21ᐊᑯ ᐊᓂᔭ ᐎᐧᑲᓂᓴ ᑲ ᐅᒋ ᑕᒋᔅᑲᑯᑦ ᒂ ᐎᒋᒪᔨᒋ ᐊᓂᔭ ᐎᐛ᙮ ᑭᔭ ᐎᔾ ᒪᒃ ᐅ ᓇᐸᐤ ᒐᒃ ᒋ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᑭᔭ ᐎᔨᐛᐤ᙮ ᐊᐅᑯᓐ ᒧᔭᒻ ᑲ ᐃᔅᐱᔨᑦ ᑭᔭ ᐊᓐ ᑯᑎᒃ ᐎᐧᑲᓂᓯᒪᐤ᙮ 22ᒐᒃ ᒥᓯᐛ ᐊᓐᒡ ᓂᔄᐅᑕᒡ ᐎᐧᑲᓂᓯᒪᐅᒡ ᒂ ᐎᒋᒪᒡ ᐊᓂᔭ ᐃᔎᐛ᙮ ᒥᓯᐛ ᐊᒋ ᓂᐱᒡ ᐊᑲ ᐅᒋ ᐊᔭᐛᒡ ᐊᐛᓴ᙮ ᒐᒃ ᒪᒃ ᒋ ᐳᓂᐱᒪᑎᓯᐤ ᑭᔭ ᐎᔾ ᐊᓐ ᐃᔎᐤ᙮ 23ᑕᓐ ᐊᓂᔭᔪᐛ ᒪᒃ ᐊᓂᔭ ᒋᒋᐛ ᒐ ᐎᐅᑕᑯᑦ ᐅ ᐃᔎᐤ ᐃᔅᐱ ᐅᓂᔅᑲᔨᒐ ᐊᐛᔪᐛ ᑲ ᓂᐱᔨᒋ ? ᐛᔅ ᒥᓯᐛ ᐊᓐᒡ ᓂᔄᐅᑕᒡ ᓇᐸᐅᒡ ᒋ ᐎᒋᒪᐅᒡ ᐅᔭ ᐃᔎᐛ᙮”
24ᐊᑯ ᒋᓴᔅ ᒂ ᐃᑕᑦ, “ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᓇᒪ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᒥᔅᑯᓯᐅᓐ ᐅ ᑲ ᐃᓯ ᑯᒂᒋᒥᔭᒄ᙮ 25ᐛᔅ ᐅᐱᔨᑥᐛ ᐊᓐᒡ ᑲ ᓂᐱᒡ, ᑕᐸ ᒋᑭ ᐅᒋ ᓂᐳᐅᒡ ᑭᔭ ᓇᒪ ᒋᑭ ᐅᒋ ᓂᐳᐊᑭᓄᐅᒡ, ᐛᔅ ᐊᓂᔭ ᐊ ᐃᑕᔨᑕᑯᓯᔨᒋ ᐊᓐᒋᓇ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐ ᒧᔭᒻ ᒐ ᐃᑕᔨᑕᑯᓯᒡ᙮ 26ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ? 27ᓇᒪ ᐅᒋᓴᒪᓂᑐᒥᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ ᐅᒋᓴᒪᓂᑐᒥᑕᑯᐤ᙮ ᑕᑈ ᒋ ᐅᓂᐱᔨᓇᐛᐤ ᒋᔨᐛᐤ ᑕᓐ ᐊ ᐃᓯ ᑕᑈᑎᒪᒄ᙮”
ᒪᐅᒡ ᓂᑲᓐ ᑲ ᐃᑕᔨᑕᒂᒡ ᐃᑎᓱᐛᐅᓐ
ᒪᑎᔪᐤ 22.34-40; ᓗᒃ 10.25-28
Mark 12.28-34 (Proper-26 Year B)
28ᐸᐃᒄ ᒪᒃ ᓇᐸᐤ ᐎᓱᐛᐅᓂᔪᐤ ᑲ ᒋᔅᑯᑎᒪᒐᑦ ᒋ ᐸᒋ ᓇᒋᑲᐳᐤ, ᐊᒋ ᐸᑐᐛᑦ ᐊᓂᔭ ᑲ ᐃᔨᒥᐃᑐᔨᒋ᙮ ᒋ ᐸᑐᐛᐤ ᒪᒃ ᒋᓴᓴ ᑕᓐ ᑲ ᐃᓯ ᑯᐃᔅᒄ ᐎᑎᒧᐛᔨᒋ ᐊᓂᔭᔪᐛ ᓴᑎᔪᓯᐊ᙮ ᐊᑯ ᒂ ᑯᒂᒋᒪᑦ, “ᒐᒄ ᐃᑎᓱᐛᐅᓐ ᒪᐅᒡ ᓂᑲᓐ ᐊ ᐃᑕᔨᑕᒂᒡ ?” 29ᒋᓴᔅ ᒋ ᐃᑕᐤ, “ᐎᑕᑭᓄᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᓐ ᒪᐅᒡ ᓂᑲᓐ ᐊ ᐃᑕᔨᑕᒂᒡ ᐃᑎᓱᐛᐅᓐ᙮ ᒂ ᐃᑎᔅᑕᒡ,
ᓂᑐᑎᒧᒄ, ᒋᔨᐛᐤ ᐃᔅᕋᐃᓪ ᐅᑦ ᐃᔨᒪ, ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᐅᒄ ᒥᒄ ᐊ ᐸᐃᑯᓯᑦ ᐊ ᑎᐸᔨᒋᒐᐅᑦ᙮
30ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ ᒥᓯᐛ ᒋᑕᐃᒡ ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ ᑭᔭ ᒥᓯᐛ ᒋᒥᔅᑯᓯᐅᓂᒡ᙮”
31ᒋ ᐃᑕᐤ ᒥᓐ ᒋᓴᔅ, “ᐊᓐ ᒥᓐ ᑯᑎᒡ ᐃᑎᓱᐛᐅᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᐊᑎᔅᑕᒡ,
ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮
ᐊ ᑕᑎᒋ ᐃᑎᔄᐅᓇ ᐊᔪᐅᒄ ᐅᔭ ᓂᓱ ᐃᑎᔄᐅᓇ ᒪᐅᒡ ᐊ ᐃᑕᔨᑕᒂᒋ᙮”
32ᒋ ᐃᑎᑯᐤ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ, “ᒋᔅᑯᑎᒪᒐᓱᐤ, ᒋ ᑕᑈᓐ᙮ ᒋ ᑕᑈᓐ ᐊ ᐃᔅᒋᔄᔨᓐ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ, ᓇᒪ ᑕᐤ ᑯᑎᒃ᙮ 33ᑭᔭ ᒋ ᑕᑈᓐ ᐊ ᐃᔅᒋᔄᔨᓐ᙮ ᒐᒋ ᓴᒋᐊᑭᓄᐅᑦ ᒋᓴᒪᓂᑐᐤ ᒥᓯᐛ ᒥᑕᐃᒡ, ᑭᔭ ᒥᓯᐛ ᒥᑐᓇᔨᒋᑭᓂᒡ, ᑭᔭ ᒥᓯᐛ ᐊᒐᐧᑯᐅᓂᒡ ᑭᔭ ᒥᓯᐛ ᒥᔅᑯᓯᐅᓂᒡ᙮ ᑭᔭ ᒐᒋ ᓴᒋᐊᑦ ᒋᒡ ᐃᔪᐤ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᐅᔭ ᒐᒋ ᐃᔅᐱᔅ ᓴᒋᐃᐛᑦ ᐊᐛᓐ ᐊᑐᐎᔅ ᐃᑕᔨᑕᑯᓂᔪᐤ ᐃᔅᐱᔅ ᐎ ᐊ ᒥᑐᔅᑕᐊᒧᐛᑭᓄᐅᑦ ᒋᓴᒪᓂᑐᐤ ᒥᔨᐛᐅᓇ ᒪᒃ ᐊᐛᓯᓴ ᐊᒋ ᓂᐸᐊᑭᓄᔨᒋ ᒐᒋ ᒥᑐᔅᑕᐊᒧᐛᑭᓄᐅᑦ᙮” 34ᒋᓴᔅ ᒪᒃ ᐱᔭᑐᐛᑦ ᐅᔭ ᐊ ᐃᓯ ᑭᒐᑕᐛᔨᑎᒧᑕᑯᓯᔨᒋ ᒋ ᐃᑕᐤ, “ᓇᒪ ᒋ ᐛᔪᐛᐸᑎᒺᓐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮” ᓇᒪ ᒪᒃ ᐅᒋ ᑕᐤ ᐊᐛᓐ ᐊ ᑕᐸᔨᒧᑦ ᐊᑐᐎᔅ ᒐᒋ ᐃᓯ ᑯᒂᒋᒪᑦ ᒐᒂᔪᐤ᙮
ᐊᐛᔪᐛ ᐛᑯᓯᑕᑯᑦ ᙭
ᒪᑎᔪᐤ 22.41-46; ᓗᒃ 20.41-44
35ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋ ᑯᒂᒋᒪᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᑕᓐᑕ ᒐᒋ ᐅᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᑎᐱᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᙭ᑕ ? 36ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᐊᓂᔭ ᑎᐱᑦ ᒐᒋ ᐃᔅᒋᔄᑦ,
ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ,
ᐅᑕ ᐸᒋ ᐊᐱᔾ ᓂᒥᔪᐅᓂᒡ ᐸᑐᔅ ᒋ ᓴᐧᑯᒋᐃᒂᐛ ᐊᓐᒡ ᑲ ᐛᐧᑲᑎᔅᒡ᙮
37ᐛᐛᒡ ᑎᐱᑦ ᓂᑎᐸᔨᒋᒐᓯᒻ ᐊᒋ ᐃᓯᓂᐧᑲᑕᑦ ᐅᑎᐸᔨᒋᒐᐛ᙮ ᑕᓐᑕ ᒪᒃ ᒐᒋ ᐅᒋ ᐅᑯᓯᑐᐛᑦ ?” ᐊᓂᔭ ᒪᒃ ᐊᐛᔪᐛ ᑲ ᒥᔅᑎ ᒥᒐᑎᔨᒋ ᑲ ᓂᑐᑕᑯᑦ ᒋᓴᔅ ᐊᔪᐛᒡ ᒋ ᒥᔪᑕᑯᐤ᙮
ᐃᔭᒂᒥᔅᑐᐛᐧᑯᒡ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ
ᒪᑎᔪᐤ 23.1-36; ᓗᒃ 20.45-47
Mark 12.38-44 (Proper-27 Year B)
38ᒪᒂᒡ ᒪᒃ ᒥᓐ ᐊ ᒋᔅᑯᑎᒧᐛᑦ ᒋ ᐃᑕᐤ, “ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ᐳᔅᑎᔅᑲᒡ ᑲ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ᙮ 39ᑭᔭ ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ᐸᐃᑕᐱᔨᒋ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ᒥᑯᓴᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ᐅᒋᒪᐅᐱᓇᓄᐎᒡ᙮ 40ᐅᑎᓂᒺᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᐊᔭᒥᐊᐧᑲᓱᐅᒡ ᒪᒃ ᒥᒄ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐅᔅᑕ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”
ᑲ ᐸᐃᑯᓯᑦ ᐃᔎᐤ ᐅᐱᔅᑎᓂᒐᐅᓐ
ᓗᒃ 21.1-4
41ᒋᓴᔅ ᒪᒃ ᑎᐱᔅᑯᒡ ᐊᓐᑕ ᐊ ᐱᔅᑎᓂᒐᓄᐎᒡ ᐊᑯᑕ ᑲ ᐊᐱᑦ᙮ ᒋ ᒥᒐᑎᓇᓄᔪᐤ ᐊᓐᑕ ᐊ ᐱᔅᑎᓂᒐᓄᐎᒡ᙮ ᒋ ᑭᓄᐛᐱᒪᐤ ᒪᒃ ᐊᐛᔪᐛ ᐊ ᐸᒋ ᐱᔅᑎᓂᒐᔨᒋ᙮ ᒥᒐᑦ ᐊᓂᔭᔪᐛ ᑲ ᐛᔪᑎᓯᔨᒋ ᐊᐛᔪᐛ ᒥᔅᑎ ᒋ ᐱᔅᑎᓂᒐᔪᐛ᙮ 42ᒐᒃ ᒋ ᐅᒋ ᑎᑯᓯᓐ ᐊ ᐸᐃᑯᓯᑦ ᐃᔎᐤ, ᐊ ᒋᔅᑎᒪᑎᓯᑦ, ᓂᓱ ᐊ ᐎᐸᐱᔅᒋᓯᔨᒋ ᓱᓇᔭᐱᔅᑯᓴ ᒋ ᐱᔅᑎᓂᒐᐤ᙮ ᐅᔭ ᑕᐱᔅᑯᓐ ᓱᓇᔭᐱᔅᑯᓴ ᑲ ᐱᔅᑎᓂᒐᑦ ᒥᒄ ᐸᐃᒄ ᓱᒪᓐᒋᔅ ᒋ ᐃᔅᐱᑕᔨᑕᑯᓯᔪᐛ᙮
43ᐊᑯ ᒋᓴᔅ ᒂ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ ᒪᒃ, “ᑕᑈ ᒋᑦ ᐃᑎᓇᐛᐤ, ᑲ ᐃᔅᐱᔅ ᐱᔅᑎᓂᒐᑦ ᐊᓐ ᑲ ᐸᐃᑯᓯᑦ ᐃᔎᐤ ᑲ ᒋᔅᑎᒪᑎᓯᑦ ᐊᑐᐎᔅ ᐎᔾ ᒥᓴᔪᐤ ᐅᐱᔅᑎᓂᒐᐅᓐ ᐃᔅᐱᔅ ᐊᓐᒡ ᑯᑎᑭᒡ ᑲ ᐱᔅᑎᓂᒐᒡ᙮ 44ᐛᔅ ᐊᓐᒡ ᑯᑎᑭᒡ ᑲ ᐱᔅᑎᓂᒐᒡ ᐊᔪᐱᔨᒡ ᐊᓂᔭ ᓱᓇᔭᔪᐤ ᑲ ᐱᔅᑎᓇᒡ, ᐅ ᒪᒃ ᑲ ᐸᐃᑯᓯᑦ ᐃᔎᐤ, ᐊᑎ ᒋᔅᑎᒪᑎᓯᑦ ᒋ ᐱᔅᑎᓂᒻ ᒥᓯᐛ ᐊᓂᔭ ᐅᓱᓇᔭᓂᒻ ᐊᓂᔭ ᒋᐸ ᐅᒋ ᐱᒪᒋᐃᓱᐤ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada