ᒪᕐᒃ 2
2
ᒋᓴᔅ ᑲ ᒥᓏᒋᐊᑦ ᓇᐸᐛ ᐊᑲ ᐅᒋ ᐊᒋᔨᒋ
ᒪᑎᔪᐤ 9.1-8; ᓗᒃ 5.17-26
Mark 2.1-12 (Epiphany-7 Year B)
1ᓇᒪ ᒥᒐᑐᐤ ᒋᓯᑲᐛ ᐅᒋ ᐎᒪᐱᔪᐛ ᐊᑯ ᒋᓴᔅ ᒥᓐ ᒂ ᐱᒐᑦ ᐊᓂᔭ ᐅᑕᓇᔪᐤ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᐃᔪᒡ ᑲ ᐸᑕᒡ ᒥᓐ ᐊᒋ ᐸᒋ ᒋᐛᔨᒋ ᐊᑯ ᒂ ᒥᓯᑕᔭᒋᒧᓇᓄᐎᒡ ᒥᓐ ᐊ ᑕᑦ᙮ 2ᑎᐛᒡ ᒪᒃ ᒥᒐᑦ ᐊᐛᔪᐛ ᒋ ᐸᒋ ᑎᑯᓯᓂᔪᐛ, ᒐᒃ ᓇᒪ ᐅᒋ ᑕᐱᔅᑲᑐᔪᐛ ᐊᓂᔭ ᒥᒋᐛᐱᔪᐤ, ᐛᐛᒡ ᐊᓐᑕ ᐎᐎᑎᒥᒡ ᒋᐱᔎᒡ ᒐᒋ ᑐᐛᔨᒡ᙮ ᒋᓴᔅ ᒪᒃ ᒋ ᑭᒐᔅᒋᒪᐤ ᐊᓂᔭᔪᐛ ᑲ ᑎᑯᓯᓂᔨᒋ, ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑎᒧᐛᑦ᙮ 3ᐅᔭ ᒪᒃ ᒪᒂᒡ, ᓇᐤ ᓇᐸᐅᒡ ᒋ ᐅᒋ ᐸᓱᐛᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐅᑦ ᐊᔅᐱᓯᒧᓂᔨᒡ ᐊ ᐱᒥᓯᓂᔨᒋ᙮ 4ᐊᓂᔭ ᒪᒃ ᑲ ᐃᔅᐱᔅ ᒋ ᒥᒐᑎᓇᓄᐎᒡ ᓇᒪ ᒥᒋᒪ ᐅᒋ ᓇᑕᐅᒡ ᒋᓴᓴ᙮ ᐊᑯ ᒂ ᐱᑯᓇᐱᑕᒡ ᐊᓐᑕ ᑕᐧᑯᒡ ᐊᓂᔭ ᒥᒋᐛᐱᔪᐤ ᐊᓐᑕ ᑎᐱᔅᑯᒡ ᑲ ᓂᐳᔨᒋ ᒋᓴᓴ᙮ ᐊᑯᑕ ᑲ ᐅᒋ ᐱᔅᑕᐱᒐᓇᒡ ᐊᓂᔭ ᓇᐸᐛ ᐊᔅᐱᓯᒧᓂᒡ ᐊ ᐱᒥᓯᓂᔨᒋ᙮ 5ᒋᓴᔅ ᒪᒃ ᒋ ᐛᐸᑎᒺᐤ ᐅᔭ ᓇᐸᐛ ᐊᔅᐱᔅ ᑕᑈᑎᒥᔨᒋ ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, “ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
6ᒋ ᑕᐅᒡ ᐊᓐᑕ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐊ ᐃᓯ ᒪᒥᑐᓇᔨᑕᒡ, 7“ᒐᒂᔪᐤ ᐅᔭ ᐛᒋ ᐃᓯ ᐃᔨᒥᑦ ᐅ ᓇᐸᐤ ? ᐸᔅᑕᒧᐤ ᐅᔭ ᑲ ᐃᔅᒋᔄᑦ᙮ ᓇᒪ ᐎ ᓇᐸᐤ ᒋᑭ ᒋ ᐛᐸᔨᑎᒪᒐᐤ ᒥᒋᑥᐅᓇ, ᒥᒄ ᒋᓴᒪᓂᑐᐤ ᒋᑭ ᒋ ᐛᐸᔨᑎᒪᒐᐤ᙮”
8ᒋᓴᔅ ᒪᒃ ᑎᐛᒡ ᒋ ᒧᓯᑕᐤ ᐅᑦ ᐊᒐᐧᑯᒡ ᐅᔭ ᐊ ᐃᓯ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᒐᒂᓐ ᐊᓐ ᐛᒋ ᐃᓯ ᒪᒥᑐᓇᔨᑎᒪᒄ ? 9ᑕᓐ ᐃᐛᒃ ᐎᔭᑎᒡ ᒐᒋ ᐃᑕᑭᓄᐅᑦ ᐅ ᓇᐸᐤ ᐊᑲ ᓂᔅᑐᓯᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᐃᑕᑭᓄᐅᑦ ‘ᐅᓂᔾ, ᐅᑎᓇ ᒋᑦ ᐊᔅᐱᓯᒧᓐ ᒐ ᐊᑎ ᐱᒧᑕᔨᓐ’ ? 10ᒋᑭ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ᙮” ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, 11“ᒋᑦ ᐃᑎᓐ, ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ᒋᐛᔨᓐ᙮”
12ᑎᐛᒡ ᒪᒃ ᒋ ᐅᒋ ᐱᓯᑯᐤ ᐊᓐ ᓇᐸᐤ ᓇᔅᒡ ᐊᓐᑕ ᐊ ᒥᒐᑎᓇᓄᐎᒡ, ᒂ ᐊᑎ ᐅᑎᓇᐧᒃ ᐊᓂᔭᔪᐤ ᐅᑦ ᐊᔅᐱᓯᒧᓐ ᐊᑯ ᒂ ᐊᑎ ᔅᑐᑕᑦ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ᑕᒡ ᒋ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, ᓇᒪ ᓂᑕ ᓂ ᐅᒋ ᐛᐸᑕᓇᓐ ᐅ ᐊ ᐃᔅᐱᔨᒡ᙮
ᒋᓴᔅ ᑲ ᐎᓴᒪᑦ ᓕᐸᐃᔨᒋ ᒐᒋ ᓇᓴᐅᑯᑦ
ᒪᑎᔪᐤ 9.9-13; ᓗᒃ 5.27-32
13ᒋᓴᔅ ᒪᒃ ᑲᐤ ᒋ ᓇᓯᐸᐤ ᐊᓂᔭ ᑲᓕᓕ ᓴᑲᐃᑭᓂᔪᐤ᙮ ᒋ ᒥᒐᑎᔪᐛ ᐊᐛᔪᐛ ᐊ ᐸᒋ ᓂᑐᐛᐱᒥᑯᑦ ᐊᑯ ᒂ ᒋᔅᑯᑎᒧᐛᑦ᙮ 14ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮
15ᐸᑎᒪ ᒪᒃ ᒋᓴᔅ ᑭᔭ ᒥᒐᑦ ᐅᒋᔅᒋᓄᐊᒧᐛᑭᓇ ᐊ ᐸᒋ ᐎᒐᐅᑯᔨᒋ ᒋ ᒥᒋᓱᐅᒡ ᐊᓐᑕ ᓕᐸᐃᔨᒋ ᐎᒋᔨᒡ᙮ ᐊᑯᑕ ᑲ ᑕᔨᒋ ᑭᔭ ᒥᒐᑦ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᐊᑯᑕ ᑲ ᑕᔨᒋ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ 16ᐊᑯ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐊᓂᔭᔪᐛ ᐸᕆᓯᐊ ᑲ ᐊᐱᒋᐃᑯᒡ ᒋ ᐛᐱᒪᐅᒡ ᒋᓴᓴ ᐊ ᐎᒋᒥᒋᓱᒪᔨᒋ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ ᒋ ᑯᒂᒋᒪᐅᒡ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑦ ᐅᔭ ᑲ ᐃᑕᔨᑕᑯᓯᔨᒋ ?”
17ᒋᓴᔅ ᒪᒃ ᒋ ᐸᑐᐛᐤ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”
ᐊ ᐊᔨᒧᑕᒡ ᐊᑲ ᒥᒋᓱᐅᑦ ᐊᐛᓐ ᒥᒄ ᒐᒋ ᐊᔭᒥᐊᑦ
ᒪᑎᔪᐤ 9.14-17; ᓗᒃ 5.33-39
18ᐸᐃᒂᐤ ᒪᒂᒡ ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐸᕆᓯᔨᒡ ᐅᒋᔅᒋᓄᐊᒧᐛᑭᓄᐛᐛ ᐊ ᐊᑲ ᒥᒋᓱᒡ, ᒋ ᑕᔪᐛ ᐊᐛᔪᐛ ᐊ ᐃᓯ ᑯᒂᒋᒥᑯᑦ ᒋᓴᔅ, “ᒐᒂᓐ ᐛᒋ ᐊᑲ ᒥᒋᓱᔨᒋ ᒠᓐ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐅᒋᔅᒋᓄᐊᒧᐛᑭᓄᐛᐛ ? ᒋᔾ ᒪᒃ ᒋᒋᔅᒋᓄᐊᒧᐛᑭᓐᒡ ᓇᒪ ᐃᑐᐅᒡ ᐎᔨᐛᐤ ᐊᑲ ᒥᒋᓱᒡ᙮”
19ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒧᔭᒻ ᐊᓐᑕ ᒪᒂᒡ ᐊ ᓂᐳᐅᓇᓄᐅᒡ ᒋᑭ ᒋ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ᐎᓴᒪᑭᓄᐅᒡ ᐊ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ᑕᔨᒋ ᐊᓐᑕ ᐊ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮ 20ᐸᑎᒪ ᒋᑭ ᐅᑎᒋᐱᔪᐤ ᐊᓐ ᐊ ᒋᓯᑲᒡ ᒐ ᐸᒋ ᐅᑎᓇᑭᓄᐅᑦ ᐊᓐ ᐅᔅᒋᓂᒋᓱᐤ ᐊᑯᑕ ᒪᒃ ᐃᔭᒄ ᐊᓐ ᐊ ᒋᓯᑲᒡ ᒐ ᐊᑲ ᐅᒋ ᒥᒋᓱᒡ᙮”
21“ᓇᒪ ᐊᐛᓐ ᐊᐱᒋᑕᐤ ᐱᒍᐎᔭᓂᓯᔪᐤ ᐊᑲ ᐅᒋ ᐅᒋᐱᔨᒡ ᐊ ᐎ ᒥᓴᐊᒃ ᐊᑯᐱᔅᒋᓯᔪᐤ᙮ ᐛᔅ ᐅᔭ ᒥᓯᐃᑲᒐᒐ ᐅᒋᐱᔨᒐ ᒪᒃ ᐊᑐᐎᔅ ᒋᑭ ᐱᑯᐱᔪᐤ ᐊᓐ ᐊᑯᑉ ᑕᓐᑕ ᐊᓐᑕ ᑲ ᐱᑯᐱᔨᒡ᙮ 22ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᒋᔭᔅ ᐅᓯᑭᔾ ᐳᑕᒡ᙮ ᐛᔅ ᐅᔭ ᑎᒐ ᓇᔅᒡ ᒋᑭ ᐸᐧᑲᐱᔪᐛ ᐊᓂᔭ ᐅᓯᑭᔾ ᐳᑎᔭ, ᑭᔭ ᒥᓯᐛ ᒐ ᐃᔭᔪᐛᒡ ᐊᓐ ᓱᒥᓇᐳᔾ ᑭᔭ ᐊᓂᔭᔪᐛ ᐅᓯᑭᔾ ᐳᑎᔭ᙮ ᓇᒪ ᒪᒃ ᒥᓐ ᒋᑭ ᒋ ᐊᐱᑎᓇ᙮ ᓇᒪ ᐊᐛᓐ ᐅᔭ ᐃᑐᐤ ᐛᔅ ᐊ ᐅᔅᑲᑭᒥᒡ ᓱᒥᓇᐳᔾ ᐊᓐᑕ ᐊ ᐅᔅᑲᒡ ᐅᓯᑭᔾ ᐳᑕᒡ ᐱᑕᐸᐅᑕᑭᓄᐤ᙮”
ᒋᓴᔅ ᑲ ᐊᔨᒧᑕᐧᒃ ᐊ ᐊᔭᒥᐊᐅᒋᓯᑲᔨᒡ
ᒪᑎᔪᐤ 12.1-8; ᓗᒃ 6.1-5
23ᐸᐃᒂᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ᐱᒧᑕᐤ ᐊᓐᑕ ᐸᒂᓯᑭᓂᒥᓇᑎᒂ ᐊ ᓂᑕᐅᒋᑕᑭᓄᔨᒋ᙮ ᐅᒋᔅᒋᓄᐊᒧᐛᑭᓇ ᒋ ᐎᒐᐅᑯᐤ᙮ ᐊᓂᔭ ᒪᒃ ᐊ ᐊᑎ ᐱᒧᑕᔨᒋ ᒋ ᓂᓇᑥᓂᒥᔪᐛ ᐊᓐᑕ ᐊ ᐅᓂᔎᔅᑯᓂᔨᒋ ᐅᔭ ᐸᒂᓯᑭᓂᒥᓇᑎᒂ᙮ 24ᐊᑯ ᐸᕆᓯᔨᒡ ᒂ ᐃᑕᒡ ᒋᓴᓴ, “ᒐᒂᓐ ᐛᒋ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ᐃᑐᑕᑭᓄᐤ ᐊ ᐊᔭᒥᐊᐅᒋᓯᑲᒡ ?”
25ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᔅᒋ ᐃᔨᒥᑕᓇᐛᒐ ᒥᓯᓇᐃᑭᓂᒡ ᐊᓐᑕ ᑕᐸᒋᒪᑭᓄᐅᑦ ᐊᓂᔭᐧᑲ ᒋᓴᐅᒋᒪᐤ ᑎᐱᑦ, ᑭᔭ ᒥᓯᐛ ᐊᓂᔭᔪᐛ ᑲ ᐎᒐᐅᑯᑦ ᑕᓐ ᑲ ᐃᑎᒡ ᐃᔅᐱ ᑲ ᐎ ᒥᒋᓱᒡ ? 26ᒋ ᐱᒐᐅᒡ ᒋᓴᒪᓂᑐᐛ ᐎᒋᔨᒡ ᐊᑯ ᑎᐱᑦ ᒂ ᒧᐛᑦ ᐊᓂᔭ ᑲ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ᐊᓯᒪᑦ ᐊᓂᔭᔪᐛ ᐎᒐᐛᑭᓇ᙮ ᒪᒂᒡ ᐊᐱᐊᑕᕐ ᒋ ᒋᓴᐊᔭᒥᐊᐅᒋᒪᐎᒐ ᐅᔭ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᐊᑎᔅᑕᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮”
27ᐊᑯ ᐅᔭ ᒪᔅᑕᔾ ᒂ ᐊᑎ ᐃᔅᒋᔄᑦ ᒋᓴᔅ, “ᒋᓴᒪᓂᑐᐤ ᒋ ᐅᓯᑕᐤ ᐊ ᐊᔭᒥᐊᐅᒋᓯᑲᔨᒡ ᒐ ᐎᒋᐃᑯᔨᒋ ᓇᐸᐛ, ᓇᒪ ᐅᒋ ᐅᓯᐊᐤ ᓇᐸᐛ ᒥᒄ ᐊᔭᒥᐊᐅᒋᓯᑲᐤ ᐎᓱᐛᐅᓇ ᒐᒋ ᓂᓇᑭᑐᐛᔨᑎᒥᔨᒋ᙮ 28ᐃᔪᐤ ᐅᑯᓯᓴᓐ ᒪᒃ, ᐛᐛᒡ ᐊ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”
Currently Selected:
ᒪᕐᒃ 2: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 2
2
ᒋᓴᔅ ᑲ ᒥᓏᒋᐊᑦ ᓇᐸᐛ ᐊᑲ ᐅᒋ ᐊᒋᔨᒋ
ᒪᑎᔪᐤ 9.1-8; ᓗᒃ 5.17-26
Mark 2.1-12 (Epiphany-7 Year B)
1ᓇᒪ ᒥᒐᑐᐤ ᒋᓯᑲᐛ ᐅᒋ ᐎᒪᐱᔪᐛ ᐊᑯ ᒋᓴᔅ ᒥᓐ ᒂ ᐱᒐᑦ ᐊᓂᔭ ᐅᑕᓇᔪᐤ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᐃᔪᒡ ᑲ ᐸᑕᒡ ᒥᓐ ᐊᒋ ᐸᒋ ᒋᐛᔨᒋ ᐊᑯ ᒂ ᒥᓯᑕᔭᒋᒧᓇᓄᐎᒡ ᒥᓐ ᐊ ᑕᑦ᙮ 2ᑎᐛᒡ ᒪᒃ ᒥᒐᑦ ᐊᐛᔪᐛ ᒋ ᐸᒋ ᑎᑯᓯᓂᔪᐛ, ᒐᒃ ᓇᒪ ᐅᒋ ᑕᐱᔅᑲᑐᔪᐛ ᐊᓂᔭ ᒥᒋᐛᐱᔪᐤ, ᐛᐛᒡ ᐊᓐᑕ ᐎᐎᑎᒥᒡ ᒋᐱᔎᒡ ᒐᒋ ᑐᐛᔨᒡ᙮ ᒋᓴᔅ ᒪᒃ ᒋ ᑭᒐᔅᒋᒪᐤ ᐊᓂᔭᔪᐛ ᑲ ᑎᑯᓯᓂᔨᒋ, ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᐊᔨᒧᑎᒧᐛᑦ᙮ 3ᐅᔭ ᒪᒃ ᒪᒂᒡ, ᓇᐤ ᓇᐸᐅᒡ ᒋ ᐅᒋ ᐸᓱᐛᐅᒡ ᐎᑕᐸᐛᐛ ᐊᑲ ᓂᔅᑐᓯᔨᒋ ᐅᑦ ᐊᔅᐱᓯᒧᓂᔨᒡ ᐊ ᐱᒥᓯᓂᔨᒋ᙮ 4ᐊᓂᔭ ᒪᒃ ᑲ ᐃᔅᐱᔅ ᒋ ᒥᒐᑎᓇᓄᐎᒡ ᓇᒪ ᒥᒋᒪ ᐅᒋ ᓇᑕᐅᒡ ᒋᓴᓴ᙮ ᐊᑯ ᒂ ᐱᑯᓇᐱᑕᒡ ᐊᓐᑕ ᑕᐧᑯᒡ ᐊᓂᔭ ᒥᒋᐛᐱᔪᐤ ᐊᓐᑕ ᑎᐱᔅᑯᒡ ᑲ ᓂᐳᔨᒋ ᒋᓴᓴ᙮ ᐊᑯᑕ ᑲ ᐅᒋ ᐱᔅᑕᐱᒐᓇᒡ ᐊᓂᔭ ᓇᐸᐛ ᐊᔅᐱᓯᒧᓂᒡ ᐊ ᐱᒥᓯᓂᔨᒋ᙮ 5ᒋᓴᔅ ᒪᒃ ᒋ ᐛᐸᑎᒺᐤ ᐅᔭ ᓇᐸᐛ ᐊᔅᐱᔅ ᑕᑈᑎᒥᔨᒋ ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, “ᓂᑯᓴ, ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮”
6ᒋ ᑕᐅᒡ ᐊᓐᑕ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐊ ᐃᓯ ᒪᒥᑐᓇᔨᑕᒡ, 7“ᒐᒂᔪᐤ ᐅᔭ ᐛᒋ ᐃᓯ ᐃᔨᒥᑦ ᐅ ᓇᐸᐤ ? ᐸᔅᑕᒧᐤ ᐅᔭ ᑲ ᐃᔅᒋᔄᑦ᙮ ᓇᒪ ᐎ ᓇᐸᐤ ᒋᑭ ᒋ ᐛᐸᔨᑎᒪᒐᐤ ᒥᒋᑥᐅᓇ, ᒥᒄ ᒋᓴᒪᓂᑐᐤ ᒋᑭ ᒋ ᐛᐸᔨᑎᒪᒐᐤ᙮”
8ᒋᓴᔅ ᒪᒃ ᑎᐛᒡ ᒋ ᒧᓯᑕᐤ ᐅᑦ ᐊᒐᐧᑯᒡ ᐅᔭ ᐊ ᐃᓯ ᒪᒥᑐᓇᔨᑎᒥᔨᒋ ᐊᑯ ᐊᑕᑦ, “ᒐᒂᓐ ᐊᓐ ᐛᒋ ᐃᓯ ᒪᒥᑐᓇᔨᑎᒪᒄ ? 9ᑕᓐ ᐃᐛᒃ ᐎᔭᑎᒡ ᒐᒋ ᐃᑕᑭᓄᐅᑦ ᐅ ᓇᐸᐤ ᐊᑲ ᓂᔅᑐᓯᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ,’ ᑭᔭ ᒪᒃ ᐃᑕᑭᓄᐅᑦ ‘ᐅᓂᔾ, ᐅᑎᓇ ᒋᑦ ᐊᔅᐱᓯᒧᓐ ᒐ ᐊᑎ ᐱᒧᑕᔨᓐ’ ? 10ᒋᑭ ᐛᐸᑎᔨᑎᓇᐛᐤ ᐃᔪᐤ ᐅᑯᓯᓴᓐ ᑕᑈ ᐎᔾ ᐊ ᐊᔭᑦ ᑎᐸᔨᒋᒐᐅᓂᔪᐤ ᐅᑕ ᐊᔅᒋᒡ ᒐᒋ ᐛᐸᔨᑎᒪᒐᑦ ᒥᒋᑥᐅᓇ᙮” ᐊᑯ ᐊᑕᑦ ᐊᓂᔭ ᓇᐸᐛ ᐊᑲ ᓂᔅᑐᓯᔨᒋ, 11“ᒋᑦ ᐃᑎᓐ, ᐱᓯᑯ, ᐅᑎᓇ ᒋᑦ ᐊᔅᐱᓯᒧᓐ, ᒐ ᒋᐛᔨᓐ᙮”
12ᑎᐛᒡ ᒪᒃ ᒋ ᐅᒋ ᐱᓯᑯᐤ ᐊᓐ ᓇᐸᐤ ᓇᔅᒡ ᐊᓐᑕ ᐊ ᒥᒐᑎᓇᓄᐎᒡ, ᒂ ᐊᑎ ᐅᑎᓇᐧᒃ ᐊᓂᔭᔪᐤ ᐅᑦ ᐊᔅᐱᓯᒧᓐ ᐊᑯ ᒂ ᐊᑎ ᔅᑐᑕᑦ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ᑕᒡ ᒋ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, ᓇᒪ ᓂᑕ ᓂ ᐅᒋ ᐛᐸᑕᓇᓐ ᐅ ᐊ ᐃᔅᐱᔨᒡ᙮
ᒋᓴᔅ ᑲ ᐎᓴᒪᑦ ᓕᐸᐃᔨᒋ ᒐᒋ ᓇᓴᐅᑯᑦ
ᒪᑎᔪᐤ 9.9-13; ᓗᒃ 5.27-32
13ᒋᓴᔅ ᒪᒃ ᑲᐤ ᒋ ᓇᓯᐸᐤ ᐊᓂᔭ ᑲᓕᓕ ᓴᑲᐃᑭᓂᔪᐤ᙮ ᒋ ᒥᒐᑎᔪᐛ ᐊᐛᔪᐛ ᐊ ᐸᒋ ᓂᑐᐛᐱᒥᑯᑦ ᐊᑯ ᒂ ᒋᔅᑯᑎᒧᐛᑦ᙮ 14ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮
15ᐸᑎᒪ ᒪᒃ ᒋᓴᔅ ᑭᔭ ᒥᒐᑦ ᐅᒋᔅᒋᓄᐊᒧᐛᑭᓇ ᐊ ᐸᒋ ᐎᒐᐅᑯᔨᒋ ᒋ ᒥᒋᓱᐅᒡ ᐊᓐᑕ ᓕᐸᐃᔨᒋ ᐎᒋᔨᒡ᙮ ᐊᑯᑕ ᑲ ᑕᔨᒋ ᑭᔭ ᒥᒐᑦ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᐊᑯᑕ ᑲ ᑕᔨᒋ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ 16ᐊᑯ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐊᓂᔭᔪᐛ ᐸᕆᓯᐊ ᑲ ᐊᐱᒋᐃᑯᒡ ᒋ ᐛᐱᒪᐅᒡ ᒋᓴᓴ ᐊ ᐎᒋᒥᒋᓱᒪᔨᒋ ᐊᓂᔭᔪᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᑲ ᐃᑕᐱᑎᓯᔨᒋ ᑭᔭ ᑯᑎᑲ ᐊᐛᔪᐛ ᑲ ᒥᒐᑎᓯᔨᒋ᙮ ᒋ ᑯᒂᒋᒪᐅᒡ ᐅᒋᔅᒋᓄᐊᒧᐛᑭᓂᔪᐛ ᐊ ᐃᑕᒡ, “ᒐᒂᓐ ᐛᒋ ᐎᒋᒥᒋᓱᒪᑦ ᐅᔭ ᑲ ᐃᑕᔨᑕᑯᓯᔨᒋ ?”
17ᒋᓴᔅ ᒪᒃ ᒋ ᐸᑐᐛᐤ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”
ᐊ ᐊᔨᒧᑕᒡ ᐊᑲ ᒥᒋᓱᐅᑦ ᐊᐛᓐ ᒥᒄ ᒐᒋ ᐊᔭᒥᐊᑦ
ᒪᑎᔪᐤ 9.14-17; ᓗᒃ 5.33-39
18ᐸᐃᒂᐤ ᒪᒂᒡ ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐸᕆᓯᔨᒡ ᐅᒋᔅᒋᓄᐊᒧᐛᑭᓄᐛᐛ ᐊ ᐊᑲ ᒥᒋᓱᒡ, ᒋ ᑕᔪᐛ ᐊᐛᔪᐛ ᐊ ᐃᓯ ᑯᒂᒋᒥᑯᑦ ᒋᓴᔅ, “ᒐᒂᓐ ᐛᒋ ᐊᑲ ᒥᒋᓱᔨᒋ ᒠᓐ ᐅᒋᔅᒋᓄᐊᒧᐛᑭᓇ ᑭᔭ ᐊᓐᒡ ᐊᔭᒥᐊᐅ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᐅᒋᔅᒋᓄᐊᒧᐛᑭᓄᐛᐛ ? ᒋᔾ ᒪᒃ ᒋᒋᔅᒋᓄᐊᒧᐛᑭᓐᒡ ᓇᒪ ᐃᑐᐅᒡ ᐎᔨᐛᐤ ᐊᑲ ᒥᒋᓱᒡ᙮”
19ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒧᔭᒻ ᐊᓐᑕ ᒪᒂᒡ ᐊ ᓂᐳᐅᓇᓄᐅᒡ ᒋᑭ ᒋ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ᐎᓴᒪᑭᓄᐅᒡ ᐊ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ᑕᔨᒋ ᐊᓐᑕ ᐊ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮ 20ᐸᑎᒪ ᒋᑭ ᐅᑎᒋᐱᔪᐤ ᐊᓐ ᐊ ᒋᓯᑲᒡ ᒐ ᐸᒋ ᐅᑎᓇᑭᓄᐅᑦ ᐊᓐ ᐅᔅᒋᓂᒋᓱᐤ ᐊᑯᑕ ᒪᒃ ᐃᔭᒄ ᐊᓐ ᐊ ᒋᓯᑲᒡ ᒐ ᐊᑲ ᐅᒋ ᒥᒋᓱᒡ᙮”
21“ᓇᒪ ᐊᐛᓐ ᐊᐱᒋᑕᐤ ᐱᒍᐎᔭᓂᓯᔪᐤ ᐊᑲ ᐅᒋ ᐅᒋᐱᔨᒡ ᐊ ᐎ ᒥᓴᐊᒃ ᐊᑯᐱᔅᒋᓯᔪᐤ᙮ ᐛᔅ ᐅᔭ ᒥᓯᐃᑲᒐᒐ ᐅᒋᐱᔨᒐ ᒪᒃ ᐊᑐᐎᔅ ᒋᑭ ᐱᑯᐱᔪᐤ ᐊᓐ ᐊᑯᑉ ᑕᓐᑕ ᐊᓐᑕ ᑲ ᐱᑯᐱᔨᒡ᙮ 22ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐊ ᐅᔅᑲᑭᒥᔨᒡ ᓱᒥᓇᐳᔪᐤ ᐊᓐᑕ ᒋᔭᔅ ᐅᓯᑭᔾ ᐳᑕᒡ᙮ ᐛᔅ ᐅᔭ ᑎᒐ ᓇᔅᒡ ᒋᑭ ᐸᐧᑲᐱᔪᐛ ᐊᓂᔭ ᐅᓯᑭᔾ ᐳᑎᔭ, ᑭᔭ ᒥᓯᐛ ᒐ ᐃᔭᔪᐛᒡ ᐊᓐ ᓱᒥᓇᐳᔾ ᑭᔭ ᐊᓂᔭᔪᐛ ᐅᓯᑭᔾ ᐳᑎᔭ᙮ ᓇᒪ ᒪᒃ ᒥᓐ ᒋᑭ ᒋ ᐊᐱᑎᓇ᙮ ᓇᒪ ᐊᐛᓐ ᐅᔭ ᐃᑐᐤ ᐛᔅ ᐊ ᐅᔅᑲᑭᒥᒡ ᓱᒥᓇᐳᔾ ᐊᓐᑕ ᐊ ᐅᔅᑲᒡ ᐅᓯᑭᔾ ᐳᑕᒡ ᐱᑕᐸᐅᑕᑭᓄᐤ᙮”
ᒋᓴᔅ ᑲ ᐊᔨᒧᑕᐧᒃ ᐊ ᐊᔭᒥᐊᐅᒋᓯᑲᔨᒡ
ᒪᑎᔪᐤ 12.1-8; ᓗᒃ 6.1-5
23ᐸᐃᒂᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋᓴᔅ ᒋ ᐱᒧᑕᐤ ᐊᓐᑕ ᐸᒂᓯᑭᓂᒥᓇᑎᒂ ᐊ ᓂᑕᐅᒋᑕᑭᓄᔨᒋ᙮ ᐅᒋᔅᒋᓄᐊᒧᐛᑭᓇ ᒋ ᐎᒐᐅᑯᐤ᙮ ᐊᓂᔭ ᒪᒃ ᐊ ᐊᑎ ᐱᒧᑕᔨᒋ ᒋ ᓂᓇᑥᓂᒥᔪᐛ ᐊᓐᑕ ᐊ ᐅᓂᔎᔅᑯᓂᔨᒋ ᐅᔭ ᐸᒂᓯᑭᓂᒥᓇᑎᒂ᙮ 24ᐊᑯ ᐸᕆᓯᔨᒡ ᒂ ᐃᑕᒡ ᒋᓴᓴ, “ᒐᒂᓐ ᐛᒋ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ᐃᑐᑕᑭᓄᐤ ᐊ ᐊᔭᒥᐊᐅᒋᓯᑲᒡ ?”
25ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᔅᒋ ᐃᔨᒥᑕᓇᐛᒐ ᒥᓯᓇᐃᑭᓂᒡ ᐊᓐᑕ ᑕᐸᒋᒪᑭᓄᐅᑦ ᐊᓂᔭᐧᑲ ᒋᓴᐅᒋᒪᐤ ᑎᐱᑦ, ᑭᔭ ᒥᓯᐛ ᐊᓂᔭᔪᐛ ᑲ ᐎᒐᐅᑯᑦ ᑕᓐ ᑲ ᐃᑎᒡ ᐃᔅᐱ ᑲ ᐎ ᒥᒋᓱᒡ ? 26ᒋ ᐱᒐᐅᒡ ᒋᓴᒪᓂᑐᐛ ᐎᒋᔨᒡ ᐊᑯ ᑎᐱᑦ ᒂ ᒧᐛᑦ ᐊᓂᔭ ᑲ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ᐊᓯᒪᑦ ᐊᓂᔭᔪᐛ ᐎᒐᐛᑭᓇ᙮ ᒪᒂᒡ ᐊᐱᐊᑕᕐ ᒋ ᒋᓴᐊᔭᒥᐊᐅᒋᒪᐎᒐ ᐅᔭ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᐊᑎᔅᑕᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮”
27ᐊᑯ ᐅᔭ ᒪᔅᑕᔾ ᒂ ᐊᑎ ᐃᔅᒋᔄᑦ ᒋᓴᔅ, “ᒋᓴᒪᓂᑐᐤ ᒋ ᐅᓯᑕᐤ ᐊ ᐊᔭᒥᐊᐅᒋᓯᑲᔨᒡ ᒐ ᐎᒋᐃᑯᔨᒋ ᓇᐸᐛ, ᓇᒪ ᐅᒋ ᐅᓯᐊᐤ ᓇᐸᐛ ᒥᒄ ᐊᔭᒥᐊᐅᒋᓯᑲᐤ ᐎᓱᐛᐅᓇ ᒐᒋ ᓂᓇᑭᑐᐛᔨᑎᒥᔨᒋ᙮ 28ᐃᔪᐤ ᐅᑯᓯᓴᓐ ᒪᒃ, ᐛᐛᒡ ᐊ ᐊᔭᒥᐊᐅᒋᓯᑲᔨᒡ ᑎᐸᔨᑎᒻ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada