John 18
18
Chapter 18.
1TLISTLEUON Jesus ashgai gushue shuda-gīgandlu, Kidron untlai telg lagia disciplesgai dung-alth il kātajan; gaigu tōkan ijan ai la isgien lagia disciplesgai ishin isdsaian.
2Waigien Judas, la alth nung gia-dah-gan, ishin tligai un ūnshidan; Jesus lagia disciplesgai dung-alth ā isgīgang-an altha.
3Itan Judas liplēt un ga ītlagadasgai sta isgien, Pharisee haade sta ishin, soldiers isgien tla un ga ītlagadasgai ishin isdaiandlu, dungalth il katlagan, waigien kāsōdou isgien, gin ōlthgiou ishin, tla-wau ishin tl isdaian.
4Waigien Jesus tliku la tl etdang-kasas wautliwon un ūnshidan gien, tla ā il kāgan gien, Gīsh da dū dalung dī-ing-gung? hin tla il shudaian.
5Jesus, Nazareth haadas-a, hin hang-gang la tl shudaian. La ū lth ijung, hin Jesus tl shudaian. Waigien Judas, la alth nung giadah-gan ishin tla kwulth giang-an.
6La ū lth ijung, tlistlenon hin tla il shudaiandlu, ōdulthgang tl isdalan gien, tl dl-duldang-an.
7Gīsh da dū dalung dī-ing-gung? waigien hin housen tla alth il kianang-an. Jesus, Nazareth haadas-a, waigien hin tl shouon.
8Ltha il isis dalung ga lth shudagun; althji alth di da dalung di-insdlu, atltas lth istīidāū, hin Jesus hanglthang shouon.
9Di ga da ga isdagun gum swon lth gūdang-gun, hin il shouon wai ging-an etgai un il shouon.
10Waigien Simon Peter shich dāgan unga il duntlsdaian gien, liplēt un nung ītlagadas gitsada il shoshgadan, waigien il geu sōol-gūst wau sta il shki-otlaian. Waigien Malchus hin anung gītsadas kyāgan.
11Shijai lth ū kal ī gīdsi; di Aung shkutlang-ū di ga isdagun ai sta gu gum lth hūtlang-ashā-ūsh? waigien hin Jesus Peter shudaian.
12Waigien ga soldiersgasgai isgien, tla un nung kwōlas ishin, Jews haade un ga ītlagadas ishin, Jesus gitsgīlthdaian gien, la tl kēchgūstlaian,
13Waigien Annas ā la tl al-kaid-tlagang-an; Caiaphas althsgai tudie gūt liplēt un ītlagadāgan kwūnā il ijan altha.
14Waigien Caiaphas ū tl haada agunan nung swonshung kotulai lang Jews haade ga shouon.
15Waigien Simon Peter Jesus dlā kāgan gien, nung disciple-ga kulat ishin ging-an ijan. Waigien nung disciple-gas un liplēt un nung ītlagadas ūnshidan, waigien Jesus alth liplēt un nung ītlagadas gia kwulthkotajai ai il kudsaian;
16Peter tlou keu-e kyāgūst giang-an. Waigien nung disciple-ga un liplēt un nung ītlagadas ūnshidan kāgōlthāgan gien, nung jada keu-e duman kens ā il gushouon, waigien Peter il kudsdaian.
17Da ishin gu anung ilthing-as gia disciples-gai swon is-ūsh? waigien anung jada keu-e duman kang-an hin Peter shudaian. Gāanū, waigien hin il shouon.
18Waigien ga gītsadasgai isgien, tla un ga ītlagadasgai ishin wau gu tljū-giang-an, waigien stung-al tl tsanū-ādaian, tudaian altha; waigien gu ung tl kindaian; waigien Peter ishin tla kwulth giang-an gien agung il kindaian.
19Waigien liplēt un nung ītlagadas Jesus lagai disciplesgai da isgien, gin il shkotadas da ishin la alth kianang-an.
20Hin Jesus hang-lthang il shudaian, Tl haada wautliwon geu gu tl haada ā lth gūshūgīnī; synagogue-nai ā isgien, temple-gai ā ishin gya gu Jews haade wautliwon gūdā ijung-us gu gin tla lth shkotadagīni; waigien gum tla hung īlā gin lth shudang-gun.
21Gushintlou di alth dung kianung-gung? di kil ga gudung-gun-gai alth tliku tla ga lth shugīni da kianung; gwokeng, ashgai ū gin lth shudagīni un unshidung, hin Jesus shouon.
22Waigien tlistleuon hin il shugīgandlu, tla un ga ītlagadasgai swon wau gu giang-an Jesus hung ā tlasdaian, Hou gu tliku liplēt un nung ītlagadas hanglthang dung shūdatljū? waigien hin il shouon.
23Gin dāung-a lth shudasdlu lth, dāungāsi unsta shu; waigien lasīdlu, gushintlou di hung ā dung tlasdang? hin Jesus hanglthang il shudaian.
24Waigien il kēchgūwos dung-alth Caiaphas liplēt un nung ītlagadas ā Annas il kil-isdaian.
25Waigien Simon Peter agung kindagiang-an. Dung ishin gu lagia disciplesgai swon isūsh? waigien hin la tl shudaian. Waigien da il kudaian gien, Gāanū, hin il shouon.
26Liplēt un nung ītlagadas gītsadalung swon, Peter nung geu wau sta shkī-otlaian tōwi ijan, Gum gu tōkānai ā la alth dung lth keng-ung-ūja? hin la il shudaian.
27Waigien housen Peter da kudaian; waigien hawīdan shkou īlthing-as king-ang-an.
28Waigien Caiaphas sta Jesus nuh euons ai tl al-kudsaian; waigien sing-ai-gāgan; waigien tla tlou gum ai isdsang-an, gum tl shkē-lēlthans gien, passover-gai tl tugai una.
29Althji alth Pilate tla un katlawaugan gien, Gūshū anung īlthing-as hanltha shudie da dalung gudung-gung? hin il shouon.
30Anung īlthing-as gum gin dāung-a isda-ang-asdlu, gum dung ā la talung isdalthing-ang-gun, waigien hin hanglthang la tl shudaian.
31Dalung kodan lth il isdāū, waigien lth tliku dalung-gia lawgai shus ging-an il ging-kilisalung-ū, waigien hin Pilate tl shudaian. Talung ū nung haada tīie gum lā-ung-ung lawgai shugung, hin Jews haade il shudaian;
32Jesus tliku kotal et alth kotulthses il shudaian wai ging-an etgai una.
33Itan Pilate housen nuh-euons ai kudsaian gien, Jesus un il ai-ang-an, Jews haade un gu dung King-gā-ūsh? waigien hin la il shudaian.
34Da kodan gu hin shu? tl kulat gu di alth dung ga gialthandā-ūcha? hin Jesus hanglthang shouon.
35Di gu Jew haadā-ūsh? Dung-gia gwaigang-ai isgien, liplēt un ga ītlagadasgai ishin di ā dung isdagun. Gushinū dung etūjang? hin Pilate hanglthang shouon.
36Giagun kingdomgai gum adshi hēt-tligai sta isang-gung; giagun kingdomgai adshi hēt-tligai sta isdlu, gum Jews haade ā di tl isda-ung-ai un itan di gītsadalung ailthdalthing-agung; waigien gum adshi sta giagun kingdomgai isang-gung, hin Jesus hanglthang shouon.
37Dung gu king-ga? waigien hin Pilate il shudaian. Di king-gang dung shugung. Adshi agunan di tl kaigun gien, adshi agunan ishin hēt-tligai gu lth katlagun, yenki gin ets unsta lth shougai una. Yenki ga etsgai wautliwon di kil gudung-gung-gung, hin Jesus hanglthang shouon.
38Gūshū yenki gin et ijung? hin Pilate il shudaian. Waigien tlistleuon hin il shugī-gandlu, housen Jews haade ā il kāgōlthāgan, Gum il dāung-as lth kēi-ang-gung;
39Waigien passover-gai gut kēchitnagai sta dalung un nung lth kāgōlthādie da dalung gudung-gīgung-gung; althji alth Jews haade un nung King-gas dalung un lth kāgōltbādie da gu dalung gudung? waigien hin tla il shudaian.
40Gum lth anung īlthing-as isdang; Barabbas lth isdi, waigien housen kwūnan hin tl shouon. Waigien Barabbas kwōlthdālēgāgan.
Currently Selected:
John 18: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
