John 6
6
Chapter 6.
1ASHGAI dlā Jesus Galilee shū-e, Tiberias shū-e hin kyās, telg tlū-katajan.
2Waigien tl shkul-euon la dla istajan, ga stisgai un gin kang-ūdsada il isdaian tl kang-an altha.
3Waigien Jesus tldāwē gwī kulthaian gien, gyang disciplesgai dung-alth gu il kou-aian.
4Waigien Jews haade gia lagunung-ai, passover hin kyā, dōng-ēlan.
5Waigien Jesus kēitlagan gien, tl shkūleuon la ā istals il kang-andlu, Gījisdū ashgai lthdanūe un shibli talung dah-lthing-āgung? hin Philip alth il kiānang-an.
6Hing-an il is dagudung-ai un adshi il shudaian, tliku il wau-ungkasas un il ūnshidan altha.
7Penny hundredgai stung shou shibligai gum tla dlu edlthing-ang-gung, tl wautliwon lthing-an tugai una, Philip hin hanglthang il shudaian.
8Hin-ū lagia disciplesgai swon, Andrew, Simon Peter dōn ijan, il shudaian,
9Nung īlthing-a ḵutsū adlun is barley shibligai kō-tlēlth isgien shkolthung stung ishin dāung; waigien gushinu tl shkūlas un adshi ā tl tlālthilth-shang?
10Haadgai lth kil-tlāā-wū, hin Jesus shouon. Waigien gu kun kwonan. Althji alth īlthansidai tlaāwon, waigien thousandgai tlēlthaian.
11Waigien Jesus shibligai isdaian; waigien sing il kil-lāgan gien, tl tlōdas ga il isdaian; shkolthing-e ishin tlistleu ga tl guduns ging-an tla ga il isdaian.
12Waigien tlistleuon tl skisāwondlu, Kung-awe wau sta koudsi lth gudā isdou, gum gū-ung-ai una, hin gyang disciplesgai il shudaian.
13Althji alth gudā tl isdaian gien, barley shibligai kō-tlēlth ga tagan kōkung-awe wau sta koudan basket a-tlāalth waugu a-stung ā stah-waian.
14Waigien tlistleuon gin kang-ūdsada il isdaian tl haada kang-andlu, Nung prophetga hēt-tligai gu katla-ungkashagun ū yenki ā ijung, hin tl shouon.
15Waigien la tl king-gēlthdie un la kilth telg hun la tl isdie un tl istla-ung-kasas un Jesus ūnshidandlu, housen la swonan tldāwē ā kaidan.
16Waigien tlistleuon sing-i-aiandlu, lagia disciplesgai shu-e ā istaalan;
17Waigien kontlu gwē il istlīāwon gien, shū-e telg Capernaum ā il tlū-katashang-kasha-āwon. Waigien gawun Jesus la un katla-wong-gundān algēilan.
18Waigien tudsue odō-euonsi alth ai-awe tladsgalan.
19Waigien tlistleuon furlong tlāale stung waugu tlēlth, tlāale lthonulth dlu il gīnung-āwondlu, ai-awe ing-gut Jesus kas il keng-āwon, waigien kontlū-e un il aanēlan; waigien il lthwaugulthāwon.
20Ltha ū ija; gum lth lthwaugang-u; waigien hin la il shudāwon.
21Althji althū kontlū-e gwē il isdie da il gudung-āwon; waigien hawīdan gyā tl ijan tligai gu kontlū-e katlagan.
22Waudālēkw tl shkulas shū-e jin-gu tla siliā tljūgiang-an, gum kontlū kulat gu isang-an gien, Jesus ishin gum gyang disciplesgai alth kontlū-e gwē katli-ang-an gien, lagia disciplesgai swunan tlūkaidan tl kang-an;
23(Waigien Shalana kil-lāgan silīd, shibli gyāgu tl tagan tligai kwulth Tiberias sta kontlū istlagan;)
24Tlistleuon ga shkulasgai Jesus isgien lagia disciplesgai ishin gum waugu isans kang-andlu, Jesus da dī-ing-ai un kontlū-e gwau Capernaum ā tl istlīgan.
25Waigien tlistleuon wau hanltha la tl kēaiandlu, Rabbi, gīshindu adlun dung istlā-ujang? hin la tl shudaian.
26Yenkien, yenkien, dalung lth shudang, Kang-ūdsada dalung keng-gun agunan gum di da dalung keng-ung-gung; shibli dalung tagun gien dalung skisūgun alth ū di da dalung keng-gun.
27Tou hīlūgung-us un gū lth gum lthong-gwilang-ū, tou hēnung-a swonung is, nung haada Git dalung ga isdāases un gū lth lthong-gwilū; Shanung-itlagadas nung Aung-as il shkotagādagun altha, hin Jesus hanglthang tl shudaian.
28Gushin talung etgai ū lagung, Shanung-itlagadas gia lthong-gwilie talung isdie una? waigien hin la tl shudaian.
29Nung il kilkaidun dalung yetdie ū Shanung-itlagadas gia lthong-gwilie ijung, waigien hin Jesus hanglthang tl shudaian.
30Gūsh un tlou kang-ūdsada dung isdang, talung kens gien, dung talung yetdie una? gūsh lthong-gwilie ū dung isdang?
31Itil aung-alung tligunltha manna-gai tagang-an; Tou tl tugai un sha sta tla ga il isdagang-an, hin kālung-asi ging-an-a, waigien hin la tl shudaian.
32Yentien, yenkien dalung ga lth shugung, Moses ū gum shibli-gai sha sta dalung ga isdāang-an; di Aung tlou shibli yikī sha sta dalung ga isdang.
33Shanung-itlagadas gia shibligai sha sta istalths gien, hēt-tligai ga isdas altha, waigien hin Jesus tl shudaian.
34Shalana, althji shibligai lth itil ga isdaswonung, waigien hin la tl shudaian.
35Jesus hin tl shudaian, Di ū shibli hēnung-a ijung; di ā nung kas ū gum kōdang-ashang, waigien di nung yetdas ishin gum kutdō-swonung-ung-ashang.
36Dalung tlou di keng-gun-kianan, gum hawun di dalung yetdang-ung dalung ga lth shugun.
37Gin wautliwon nung Aung-as di ga isdas di ā isisang; waigien di un nung katlas-dlu gum lthing-an la ga lth gwou-ang-ashang.
38Gum tliku lth guduns ging-an lth etgai un sha sta lth katlatulthans altha; di nung kikaidun guduns ging-an lth etgai un ū lth ijung.
39Di nung kilkaidun gin di ga isdagun wautliwon gum swon-hun lth gūdie da gudung-ung-gung, waigien shantlan ōstlasdlu lth hālthūdie da il gudung-gung.
40Tl wautliwōn-hun il Git kens gien, la tl yetdasdlu, tl hēnung-a-swonung-ai da di Aung guduns altha; waigien shantlan ōstlasdlu la lth hālthūdāashang, hin Jesus tl shudaian.
41Jews haade la edē kāūgūstlaian, Shibli sha sta ijun ū di ijung, hin il shouon altha.
42Gum gu Joseph git Jesus a isang-ūsh? gum gu il aung isgien il ou ishin un itil ūnshidang-ūsh? sha sta lth katlatulgung, gushintlou wēt hin il shugung? waigien hin tl shouon.
43Jesus hin hanglthang tl shudaian, Tliku lth shus lth gum gu-dāung-ung-u.
44Gum di un nung katlalthing-ang-gung, nung Aung-as di kilkaidun il alkagai gūsdlu-a; waigien shantlan ōstlasdlu la lth kālthūdāashang.
45Waigien Shanung-itlagadas ū tl wautliwon gin shkotadāashang, hin ū ga prophetgas gia kōgīnē ā kālung-āgung. Tl wautliwon-hun nung Aung-as kil guduns gien tl shkotadas ū di un katlagung-gung.
46Gum nung haada nung Aung-as keng-ung-gun; tlan Shanung-itlagadas sta nung is swonan nung Aung-as keng-gun.
47Yenkien, yenkien dalung ga lth shugung, Di kil nung yetdas ū hēnung-a swonung-gung.
48Di ū shibli hēnung-a ijung.
49Dalung aung-alung manna-gai tligunltha tagan, waigien tl kotulthgaian.
50Shibli sha sta hēt ga is ū ā ijung, nung haada wau sta tas gien, gum kotulthang-ai una.
51Shibli hēnung-a sha sta katlatulths ū lth ijung; adshi shibli-gai nung tasdlu, il hēnung-a-swonung-ashang; waigien shibli tla ga lth isdaases ū di kyē ijung, hēt-tligai gu alth tl hēnung-gai una, hin Jesus hanglthang tl shudaian.
52Itan Jews haade gu kilth shoutga gushu-īdan, Gushinu anung īlthing-as kyang itil tāda-tljou-lthing-āgung? waigien hin tl shouon.
53Waigien Jesus hin tl shudaian, Yenkien, yenkien dalung ga lth shugung, nung haada Git kye dalung tugai gūs gien, il ai ishin dalung hūtlie gūsdlu, gum dalung hēnung-althing-ang-gung.
54Di kyē nung tas gien, di ai ishin nung hūtlasdlu, il hēnung-a-swonung-gung; waigien shantlan ōstlasdlu la lth kālthūdāashang.
55Di kyē tou yikī is gien, di ai ishin gin hūtla-lthing-a yikī is altha.
56Di kyē nung tas gien, di ai ishin nung hūtlasdlu, di ā nāgung, waigien ltha ishin la ā nāgung.
57Nung Aung hēnung-as di kilkaidun, waigien nung Aung-as agunan di hēnung-as ging-an di nung tas gien, la ishin di agunan hēnung-āashang.
58Shibli sha sta ijun ū ā ijung; dalung aung-alung ga tāgan gien kōtulthgaian ging-an gum edang-gung; adshi shibligai nung tas u hēnung-a-swonung-ashang, hin Jesus tl shu-daian.
59Synagogue-nai Capernaum gu ijan ā gin tla il shkotadagundān a gin is il shudaian.
60Tlistleuon lagia disciplesgai kwon adshi gudang-andlu, Adshi gushu-e shing-idsang; gīshdū gudanlthing-āgung? hin tl shouon.
61Waigien Jesus lagia disciplesgai adshi ā kāūgasi un ūnshidalandlu, hin la il shudāwon, Adshi gu dalung ging-dl-duldung-ūsh?
62Nung haada Git gyāgu kwūnā ijun ā kulthas dalung kensdlu, gushinu waudlu dalung gudanlthing-āgung?
63Nung hants ū tl tla-hēnanstlagung-gung; kyē ū gum lā-ung-gung; gin dalung lth shudagun ū hants isgien hēnung-a ishin ijung.
64Waigien dalung īlthi ū gum yetdang-gung, hin tla il shudaian. Kwūnstie sta-hun Jesus gum la ga yetdang-an isgien, la alth nung giadah-ungkasas ishin un ūnshidan altha.
65Gum nung swonshung-hun di un katla-lthing-ang-gung, nung Aung-as la ga isdie gusdlu-a, althji agunan hin dalung lth shudagun, waigien hin il shouon.
66Waudlu lagia disciplesgai kwon silthgang stēlan, waigien gum housen la alth tl istalgung-ang-an.
67Dalung ishin gu istīidai da gudung? waigien hin Jesus ga tlāalth waugu stunsgai shudaian.
68Shalana, gīshd-ā-ū talung istīidshang? da-ū hēnung-a swonang gushue dāung.
69Waigien Shanung-itlagadas gia nung Las dung is talung yetdas gien un itil ūnshidung, hin Simon Peter hanglthang il shudaian.
70Gum gu dalung tlāalth waugu stuns lth kenstang-ucha, waigien dalung swon hants daung-a ijung? hin Jesus hanglthang il shudāwon.
71Judas, Simon Iscariot git ū il shudaian, ga tlāalth waugu stunsgai swon il ijan gien, la alth il giadah-ungkashagan altha.
Currently Selected:
John 6: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
