John 7
7
Chapter 7.
1WAIGIEN ashgai dla Jesus Galilee ai kāwong-an; gum Judæa ai kāwong-ai da il gudung-ang-an, Jews haade il tīie da gudang-an altha.
2Waigien Jews haade gia lagunung-ai, tabernacles lagunung-ai hin kyāgan, dōōng-ēlan.
3Waigien il dōnalung hin il shudaian, Adshi sta lth Judæa ā kaid, gin dung isdas dung-gia disciplesgaī ishin kang-gai una.
4Nung haada kenung ūnshidīē da gudunsdlu, gum gin il isda-kwolthdagung-uns altha. A gin is dung isdasdlu lth, tl haada wautliwon agung kendi, hin il dōnalung il shudaian.
5Il dōnalung ishin gum il yetda-ang-an altha.
6Waigien Jesus hin il shudāwon, Giagun time-gai gāwun katla-ang-gung; dalung un tlou time wautliwon lāgung.
7Hēt-tligai haade gum dalung telg kang-lthing-ang-gung; di telg tlou tl keng-gung, tlagia lthong-gwilie dāung-asi unsta lth shus altha.
8Dalung lth lagunung-ai ā istīidu; ltha tl gum hawun lagunung-ai ā kaidang-ashang; giagun time-gai gum hawun elthgī-uns altha, hin Jesus il shudāwon.
9Waigien ashgai la ga il shudāwondlu, hawun Galilee gu il nagan.
10Waigien tlistleuon il dōnalung lagunung-ai ā istīidanī silīd, la ishin ā kaidan; gum tla hang-gu il isang-an, ung tl salguns ging-an il edan.
11Waigien tl lagunang-andlu Jews haade la da dīang-an, Gitlānu il ijung? waigien hin tl shouon.
12Waigien ga shkūlasgai shu lā edē tl kāūga-euonan; Nung īlthing-a lā il ijung, hin tl tīch shouon; Gāanū, tl haada il ging-kōnung-gung-gung, hin ishin tl tich shouon.
13Hīkwon gum tla hang-gu la edē nung gushu-ang-an, Jews haade ga tl lthwaugaian altha.
14Waigien tlistleuon lagunung-ai tutldsa-landlu, Jesus temple-gai ā kulthaian gien, gin tla il shkotadaian.
15Waigien Jews haade kuldung-āgan, Gushinū anung īlthing-as kōgin un ūnshidulth-tljou-ong, gum gin il shkotdang-gun-kianan-a? waigien hin tl shouon.
16Waigien Jesus hin hanglthang tl shudaian, Gin lth shkotadas ū gum giagun isang-gung; di nung kilkaidun gia ū ijung.
17Tliku il guduns ging-an etgai da nung gudunsdlu, gin lth shkotadas Shanung-itlagadas sta isgien, ltha kodan shougai ishin, un il ūnshitshang.
18Gustgang-an nung gushusdlu, gyang unyāgudung-gai da il keng-gung-gung; la nung kilkaidun un-yāgudung-gai da nung kensdlu, la ū yenki ēdung, waigien gum gin dāung-a la ā isang-gung.
19Gum gu Moses king-gogung-ai dalung ga isdang-ūja? waigien gum dalung swon-hun king-gogung-ai ging-an edang-gung. Gushintlou di tīie da dalung gudung-gung? hin tla il shudaian.
20Hānts dāung-a dung ā ijung; gīshdū dung tīie da gudung-gung? hin ga shkūlasgai hanglthang shouon.
21Jesus hin hanglthang tl shudaian, Gin swonshung lth isdagun, waigien dalung wautliwon kuldung-āgung.
22Adshi agunan Moses circumcision dalung ga isdaian, waigien sabbath shantlanai ai nung īlthing-a dalung circumcise-dagung-gung (waikianan gum Moses sta isang-an, tl aung-alung sta ijan).
23Moses gia king-gogung-ai gum hōsta-ang-ai un sabbath shantlanai ai nung īlthing-a circumcision isdasdlu, sabbath shantlanai gut yenki nung īlthing-a lth tl-ligulgun tāa gu di un dalung kalthi-yildung?
24Tliku gin dalung kens ging-an swonan lth gum gūdung-ung etdang-ū; yēnki gin et un tl lth ūnshidulthū, hin waigien Jesus hanglthang tl shudaian.
25Waigien Jerusalem haade tīch hin shouon, Nung tiie da tl guduns gu gum ā isang-ūsh?
26Waigien gwokeng, tla hang-gu il gushugung-gung, waigien gum la ā tl tlāgāng-gung. Unis nung Christgas isis un gu yenki ga itla-gadasgai ūnshit?
27Tlīji sta anung īlthing-as is un itil ūnshidung; tlistleuon nung Christgas katlasdlu tlou, tlījī sta il is gum un nung ūnshidang-ashang, hin tl shouon.
28Althji alth Jesus temple-gai ā kwūnan kilthgūlaian gien, gin tla il shkotadaian, Di un dalung ūnshidung, tlījī sta lth is ishin un dalung ūnshidung; waigien gum ltha kodan katla-ang-gung; di nung kilkaidun tlou yenki ēdung, waigien gum la un dalung ūnshidang-gung.
29Di tlou la un ūnshidung, la sta lth is altha, waigien la-u di kilkaidun, hin il shouon.
30Itan il gitsgilthdie da tl gudang-an; waigien gum nung swonshung-hun il gitsgīlthdang-an, gum hawun time-gai waudlū lang-a ēlthang-ani altha.
31Waigien ga shkūlasgai kwon il yetdaian; Nung Christgas katlasdlu, gin kang-ūdsada anung īlthing-as isdagun telg gu il isdāash? waigien hin tl shouon.
32Ga shkūlasgai ashgai la edē shudas Pharisee haade gudang-an; waigien liplēt un ga ītlagadas isgien Pharisee haade ishin gitsa-dalung il kil-gitsgīlthdāagan.
33Waigien Jesus hin shouon, Kwai-umdsiwun dalung kwulth lth ijung, waigien di nung kilkaidun ā lth isisang.
34Di da dalung keng-ashang, waigien di da dalung kensgāashang; waigien gyagu lth is gu gum dalung istlalthing-ang-gung, hin il shouon.
35Waudlu Jews haade hin gu shudaian, Gitlān-gu anung īlthing-as kaidshang gum la talung kē-ang-ai un-a? Greek haade shu-wīt ga kokūstlawosgai ā il kaids gien, Greek haade gu gin il shhotadāash?
36Di da dalung keng-ashang waigien di da dalung kensgāashang, waigien gyagu lth is gu gum dalung istlalthing-ang-gung, gūshū ā hin il shudang? hin Jews haade gu shudaian.
37Waigien lagunung shantlanai ōstlaian gien shantlan euon ijandlu, Jesus giāang-an gien hin kwunan il shouon, Nung kutdōsdlu di ā il kas gien il hūtlie lagung.
38Tliku gin lā kālung-as shūs ging-an, di nung yetdasdlu, il duli sta untl hēnung-a hyādiāashang, hin il shouon.
39Waigien la ga yetdasgai Hants Las isdā-ungkashagan ū il shudaian; Hants Las gum hawun tla ga isdiāang-an, gawun Jesus unyāgudung-ēlthang-an altha.
40Waigien ga shkūlasgai tīch, tlistleuon ashgai gushue tl gudang-andlu, Nung prophet-gas ū yenki ā ijung, hin tl shouon.
41Nung Christgas ū ā ijung, tl kulat hin shouon. Galilee sta gu nung Christgas katlaūsh?
42David gitalung sta isgien, Bethlehem ilnagai gu David nāgan sta ishin nung Christgas katla-ungkashang gu gum gin lā kālungas shu-ung-ūja? hin ishin tl tīch shouon.
43Althji alth la agunan ga shkūlasgai gut āada ung tlāadan.
44Waigien tl tīch il gitsgīlthdie da gudang-an; waigien gum la nung gitsgīlthdang-an.
45Waigien ga gītsadasgai liplēt un ga ītlagadasgai un isgien, Pharisee haade un ishin istlagan; Gushintlou gum althgwī ga la dalung isdang-ūjang? waigien hin tla tl shudaian.
46Gum hawun hin nung haada gushu-ung-gung, hin ga gītsadasgai hanglthang shouon.
47Dalung ishin gu tl ging-kōnung-ūja?
48Ga itlagadasgai isgien, Pharisee haade swon ishin gu il yetdā-ūja?
49A ga shkūlas gum king-gogung-ai un ūnshidansi ū dāung-ung, hin Pharisee haade hanglthang tl shudaian.
50(Nicodemus, wau kōnast la un nung katlagan, tl swon ijan;)
51Nung haada tliku shus gum talung gudung-tlagang-uns gien, tliku il waus un ishin gum itil ūnshidansdlu, king-goguūg-ai ging-an gu la talung ging-kilisalung-gung? hin Nicodemus tl shudaian.
52Dung ishin gu Galilee haadā-ūsh? Da lth keng, waigien Galilee sta gum nung prophetga isans lth keng, hin hanglthang la tl shudaian.
53Waigien tl wautliwon gyang nai gwī stēlan.
Currently Selected:
John 7: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
