Matthew 26
26
Chaptergē Lagwau Swaunshung wok Lthūunilth.
1WAIGEN tlīstluan Jesus ashgē gūshouwē wautliwan kilth ēlthtaiang tlo, lagagahatijanḡē hin il shūtaiang:
2Shantlan stungēlthstlo Passover lagunungē isēs an dalung ūnshītung, waigen nung ītlinga kit alth ltha giadāshang il zitokliskidēanā
3Wadlu ga laplēt ītlagidas gē isken takālunglēilung ishin, lth hāada an ltha kiās ishin, laplēt an nung ītlagida yūans giē ginkilislang roomgē ā gwudā ltha idjang: Caiaphas hinu il kēyaiang.
4Tliku Jesus ltha istakwolthtatlidzūasēs eddēā ltha kaoukgaiang lā ltha tīiēanā.
5Waigen hin ltha shouan, lagunungē singē gud lā talung istiēu kum lānḡung, lth hāada gūshou saatsgasēs althlā.
6Wadlu, Jesus Simon nung hēlōdas giē nē ā idjang Bethany tligē gwau.
7Waigen nung chada kalk ā tou kwōyā yūan istaiang lā an kātlāgang, waigen houān il lthtanuḡundang il kats ingwi il giastlaiang.
8Tlistluan lagagahatijanḡē kāngang tlo ltha kwudāēlk il wauḡang: waigen hin ltha shouan; kashintlou tou kwōyāsiken an gūḡung?
9Adshi tou kwōyāsi dālā kwan alth dāawau tlingāḡung ltha kuniskidēga ga istāan.
10Waigen Jesus anūnshitālang tlo hin ltha il shūtaiang: kashintlou anung chadas kwutungē dalung kilth kwīidang? Lthāangwila lā dī an il istas alth gwau.
11Ltha kuniskidēgas dalung kwulthlu ishgīīḡung, dī tlou kum dalung dāaḡīīanḡung.
12Adshi tou dī tlu gwi il giastlasi althlā dī tlēēwaugēanu il istang.
13Yenkien dalung ga lth shūḡung, tlīīdan tligē askwan ai ashgē giatling las alth lthagūk ltha gūshūstlo, tliku anung chada waus ishin lā an ltha kil unshitgāsang.
14Wadlu, ltha klāalth wok stung shu stāhā ga laplēt ītlagidas gē ā nung kaiitang, Judas Iscariot hinū il kēyaiang:
15Waigen hinū il shouan, gūshū dī ga dalung istāshang, waigen Jesus dalung ā lth istāshang? waigen dālā hudila klālē lth'ūnilth saoutka lā ga ltha kilth ēlthtaiang.
16Waigen altsgē timegē stāhā lā alth giadagē il istakwudangang.
17Wadlu, shibili tlikulthdē gu shantlanē tlāḡangu idjan: waigen lagagahatijanḡē Jesus an istlāgang ken hin lā ltha shūtaiang, kitlano ītil dung tlaēlthtadāshang Passover lagunungē dung taḡēanā?
18Waigen hinū il shouan, nung ītlinga ilnigē gu isis ā lth istiedo, waigen hin lth il shūdawang: kiagin timegē dūungelgung, dunḡiē nē ā dī gagahatijanḡē alth Passover lagunungē lth tāsang hinū nung ītlagidas shūḡung.
19Tliku Jesus ltha shūtaiang kingānu ltha wauḡang, waigen Passovergē ltha ēlthkidaiang.
20Waigen singyāstlo, lagagahatijanḡē klāalth wok stung alth il kouwaiang.
21Waigen houān ltha lthtanūḡundang, hinū il shouan: yenkien dalung ga lth shūḡung, dalung swaun dī alth giadāsang.
22Waigen ltha kwutungē lthanga stiyūanan, waigen ltha wautliwan han hin il shūdiēdang, Shālānā, tlaou gwau?
23Waigen hangtlan hinū il shouan, adshi kēlthka ai dī alth stlē unga nung istasu dī alth giadāshang.
24Tliku nung ītlinga kit edasēs ltha kālangang kingān il edasang: nung ītlinga kit alth nung giadas an kin ga lthwōḡīḡāsang! anung ītlingas kum awolth lthkaiangasken il lādādunḡung.
25Waigen Judas lā alth nung giadāgang hangtlan hinū il shouan, Nung ītlagidas, tlaougwau? Waigen hangtlan hin lā il shūtaiang, yen dung shūḡung.
26Houān ltha lthtanūḡundang Jesus shibili istaiang: waigen ū il tlalāgālang tlo hē il ginanangang waigen lagagahatijanḡē ga il istaiang, waigen hinū il shouan, istalthā, tālthā, adshi dī tlū u īching.
27Waigen skatlangwē il istaiang ken sing il killāḡang: ltha ga il istaiang tlo hinū il shouan, dalung wautliwan lth adshi nīltho.
28Adshi dī ai giatling lāsu īching, waigen ltha kwan kin dāungas dakiskitē an hagwodjināḡung.
29Waigen hin dalung ga lth shūḡung, adshi stāhā kum houshen vine hāna lth hutlāngshang, Aung unga giē kingdomgē gu vine hāna houtla dalung alth lth hutliē kū.
30Shalang sas swaunshung ltha katzouang tlo, Olives lthdouwē ā ltha issāḡang.
31Wadlu, Jesus hin ltha il shūtaiang, aiat halgwau dalung wautliwan dī an kwutungē stiungkashang: kālungāsi althlā, lamatoē kētsitlē lth sahaskidashang, waigen lamatoē tligwanan istalgungashang.
32Waigen houshen kwōtal stāhā lth kātlūs silīd, Galilee tligē ā dalung kwunast lth kaiitshang.
33Peter hangtlan hin lā il shūtaiang, dung an ltha wautliwan kwutungē stistlo, dī tlou kum dung an kwutungēstī tlingānḡung.
34Jesus hin lā il shūtaiang, yenkien dung lth shūdang, aiat halgwau, skou ītlinga kingangē kwunast dī da dung kāda lth'ūnilthshang.
35Peter hin lā il istaiang, dung alth dī kwōtalthsken kum dung da lth kādāngsang. Waikingān lagagahatijanḡē wautliwan ishin shouan.
36Wadlu Jesus Gethsemane tligē gu ltha alth kātlāḡang, waigen lagagahatijanḡē hin il shūtāiang: kwai lth adlun tlūadawang, wadshgwi singelthkang lth gūshūwas talthla.
37Waigen Peter isken, Zebedee kitilung stung katdung il istaiang ken il kwutungē stiēdang, waigen il tlakwīdistlayūanan.
38Wadlu, hin lā il shūtaouang, dī kwutungē stīyūanḡung, dī kwōtaltalgung: ādlun lth isiwang, waigen dī alth lthahadzuwang.
39Waigen Jesus tliētlāst il kāgang waigen il tikwushtloaiang, waigen hinū singelthkang il gūshouang, O dī Aung, dung gwulāstlo agwan lth adshi skatlangwē dī ilā ista: tliku dung kwudungs kingān swaunan lth waushang: tliku lth kwudungs kingān kum lth wāngshang.
40Waigen lagagahatijanḡē kaslaiang an il kātlāḡang, waigen hin Peter il shūtaiang kashintlou askaskit swaunshung gud kum dī alth dalung shanlthahadzāngūdja?
41Shanlthahadzūltha, waigen singelthkang lth gūshū, waigen kum kin dāunga ai dalung isāngshang: hānts gwulāsiken kēā tlou hāaḡāḡung.
42Houshen otgwau ltha stāhā il kaiitang, waigen singelthkang hin il gūshouang, O dī Aung kum adshi skatlangwē wadshgwau dī stāhā isānstlo kum lth hutlānsken: tliku dung kwuduns kingān lth wau.
43Waigen houshen lagagahatijanḡē kaslaiang an il kātlāḡang il hangi langa ḵināgulthouāni althlā.
44Lā il tastlaouang, waigen houshen wadshgwi il kaiitang, waigen kingān houshen singelthkang il gūshou lth'ūnilthēlang.
45Wadlu, houshen lagagahatijanḡē an il kātlāḡang, waigen hin ltha il shūtaiang, wēata lth kasloo, waigen anshanszouta lth unga isto. Kwoking, askaskit dūungelgung, waigen ga dāungas gē stlē ai nung ītlinga kit alth ltha giadāḡung.
46Kātlūultha, talung istiēdzing, kwoking dī alth nung giadas āanān īching.
47Waigen houān il gūshūḡundang, kwoking Judas ltha klāalth wok stangang swaun kātlāḡang, waigen lth hāada an ltha kiāsi isken, ga laplēt ītlagidas gē ishin stāhā ltha skūla yūans sitzē isken skidangwē ishin dungalth lā alth istlāḡang.
48Waigen lā alth nung giadāḡang kin kaountsida ltha ga il istaiang ken hinū il shouan: nung lth skwuntlas laou isisang, kwunan lth il gidsgildawang.
49Waigen houītang Jesus an il kātlāḡang, waigen hinū il shouan, hai dī ītlagīda, waigen kwunan lā il skwuntlaiang.
50Waigen Jesus hin lā il shūtaiang, toui, kashintlou ādlun dung kātlāḡun? tliku kin gu dung istatlas kingān lth wau. Wadlu ltha istlāḡang, waigen Jesus ltha gidsgildaiang, waigen stāhā lā ltha istaiang.
51Waigen kwoking, Jesus alth ltha idjan swaun stlē unga dunchistaiang: sitzē unga il gidsgildasken, ga Laplēt gas gē an nung Ītlagidas kitzad il sahaskidang, waigen il ḵū langa washt il skiatlaiang.
52Wadlu, Jesus hin lā il shūtaiang, houshen sitzē kal ai sitzē unga lth gidsa; ltha wautliwan sitzē istas sitzē alth ltha gūasēsi althlā.
53Aung unga ā kum tliku wēata singelthkang lth gūshou tlingē kāng gaang gu dung kwudung us? waigen ga angelgas gē klālē kwan dī ga il istāshang gu dī istatlastlo.
54Kingān lth wausken, kasino Bible kālungē kingān istlidzūashang? Hin isisang Bible shouan:
55Altsgē askaskitē gud Jesus ltha skūlas hin shūtaiang: kwolthtalē ltha istaḡuns kingān sitzē isken skidangwē ishin alth dī dalung istiēan gu dalung istlou ūdjang? Shantlan wautliwan gud churchnē ā dalung alth lth kouwaḡīni kin dalung lth skadadiēanā waigen kum dī dalung gidsgildaānḡun.
56Tliku prophetgas gē kālunḡangang kingān adshi wautliwan idjāni. Wadlu lagagahatijanḡē wautliwan lā stāhā istiēdang, waigen ltha ḵhūstaiang.
57Ā Jesus ga istaianu Caiaphas ga Lapletgasgē an nung Ītlagidas giē nē ā la ltha istaiang, gaigu takālunglēilung isken, ltha kiāsi ishin gwudā idjan.
58Waigen Peter lā tlā agwi kāḡang ken ga Laplētgas gē an nung Ītlagidas giē ginkilislang roomgē ai il katsaiang, waigen kētsitlēilung kwulth il kouwaiang tliku edgē il kānḡēanā.
59Ga laplēt ītlagidasgē isken, ltha kiāsi ishin, council hāada wautliwan ishin Jesus alth ga witness gē kilthkadungasēs da ltha kānḡang lā ltha tīiēanā,
60Waigen kum ltha kiāngāni. Yenkien ga witness gē kilthkadungas kwan istlāḡang, waigen kum ltha gūshouwē swaunshungāngang. Waigen otgwau, ga witness gē kilthkadungas stung istlāḡang:
61Waigen hin ltha shouan, anung ītlingas hin shouan: Shānungetlagidas giē churchnē tlahunziē an dī tagwiāḡung, waigen shantlan, lth'ūnilth gud houshen lā tlaoulthtiouwē an dī tagwiāḡung.
62Waigen ga Laplētgas gē an nung Ītlagidas giāgāng, waigen hin lā il shūtaiang, kum gu hanḡang lā dung shūtaāngwashou us? Gūshū adaltas stung dung an witness gādang?
63Waigen Jesus kum klingān kilāngang. Waigen Laplēt an nung Ītlagidas hin il shūtaiang, Shānungetlagidas hēninga hangku dung giāḡung, altsīilth ītil ga lth shūda Shānungetlagidas kit Christ dung istoo?
64Jesus hin il shūtaiang, yenkienu dung shūḡung: waigen houshen dalung ga lth shūḡung, adshi stāhā nung ītlinga kit Shānungetlagidas soolgūsta inku kouwas dalung kingasang, waigen shāshi yeni kātli ā il kātlātalthasang.
65Wadlu ga Laplētgas gē an nung Ītlagidas kin giandas unga il dungulthgwaiang ken hinū il shouan: il gūshūdāungang, gūshū anu houshen ga witness gē gu ītil istatlang? kwoking wēata il gūshūdāungas dalung kwudunḡung, Shānungetlagidas kit il is hin il shūsi althlā.
66Kasino dalung kwudunḡung? Hangtlan hin lā ltha shūtaiang agwan il kwōtalē lāḡung.
67Wadlu il hangā ltha tagwangang: lā ltha skodangang: waigen ltha tītch stlē unga kāānung alth lā ltha tlagūḡūḡangang.
68Waigen hin ltha shouan, ītil ga lth shūda Christ, kīstho dung skodang?
69Wadlu, Peter ginkilislang roomgē kiakgust il kouwaḡundang, nung hāchada lā an kātlāgang ken hinū il shouan, dahā ishin Jesus Galilee hāadas alth stūnḡūn.
70Waigen ltha wautliwan hangku lā da il kādaiang: waigen tliku dung shūs kum an dī ūnshitānḡung hinu il shūḡangang.
71Waigen tlīstluan kūwē ai kiak il kāgwālang tlo, nung hāchada kalat il kāngang: waigen gaigu lth hāada isis hin il shūtaiang, anung ītlinga ishin Jesus Nazareth hāadas alth stūnḡūn.
72Waigen kwunan lā da il kādaiang ken hinū il shouan, anung ītlinga isis kum an dī ūnshitānḡung.
73Amzawan wadla, tlītzan Peter gians kwulth ga tlazūḡiangang gē lā an istlāḡang ken hin ltha shouan, yenkien dahā ishin ltha swaun īching dung kil ltha kil kingān edis althlā.
74Itan Peter kātliyildas tista glīdistlaiang, waigen gūshou dāunga il shūdiēdang ken hinu il shouan, anung ītlingas kum an dī ūnshitānḡung.
75Waigen houītang skou ītlingas kingangang. Waigen tliku Jesus il shūtaiang ē Peter kēidang: skou ītlinga kingangē kwunast dī da dung kādā lth'ūnilthasang hin lā il shūtaianā. Waigen il kāgwālang tlo il sahailth yūanan.
Currently Selected:
Matthew 26: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
Matthew 26
26
Chaptergē Lagwau Swaunshung wok Lthūunilth.
1WAIGEN tlīstluan Jesus ashgē gūshouwē wautliwan kilth ēlthtaiang tlo, lagagahatijanḡē hin il shūtaiang:
2Shantlan stungēlthstlo Passover lagunungē isēs an dalung ūnshītung, waigen nung ītlinga kit alth ltha giadāshang il zitokliskidēanā
3Wadlu ga laplēt ītlagidas gē isken takālunglēilung ishin, lth hāada an ltha kiās ishin, laplēt an nung ītlagida yūans giē ginkilislang roomgē ā gwudā ltha idjang: Caiaphas hinu il kēyaiang.
4Tliku Jesus ltha istakwolthtatlidzūasēs eddēā ltha kaoukgaiang lā ltha tīiēanā.
5Waigen hin ltha shouan, lagunungē singē gud lā talung istiēu kum lānḡung, lth hāada gūshou saatsgasēs althlā.
6Wadlu, Jesus Simon nung hēlōdas giē nē ā idjang Bethany tligē gwau.
7Waigen nung chada kalk ā tou kwōyā yūan istaiang lā an kātlāgang, waigen houān il lthtanuḡundang il kats ingwi il giastlaiang.
8Tlistluan lagagahatijanḡē kāngang tlo ltha kwudāēlk il wauḡang: waigen hin ltha shouan; kashintlou tou kwōyāsiken an gūḡung?
9Adshi tou kwōyāsi dālā kwan alth dāawau tlingāḡung ltha kuniskidēga ga istāan.
10Waigen Jesus anūnshitālang tlo hin ltha il shūtaiang: kashintlou anung chadas kwutungē dalung kilth kwīidang? Lthāangwila lā dī an il istas alth gwau.
11Ltha kuniskidēgas dalung kwulthlu ishgīīḡung, dī tlou kum dalung dāaḡīīanḡung.
12Adshi tou dī tlu gwi il giastlasi althlā dī tlēēwaugēanu il istang.
13Yenkien dalung ga lth shūḡung, tlīīdan tligē askwan ai ashgē giatling las alth lthagūk ltha gūshūstlo, tliku anung chada waus ishin lā an ltha kil unshitgāsang.
14Wadlu, ltha klāalth wok stung shu stāhā ga laplēt ītlagidas gē ā nung kaiitang, Judas Iscariot hinū il kēyaiang:
15Waigen hinū il shouan, gūshū dī ga dalung istāshang, waigen Jesus dalung ā lth istāshang? waigen dālā hudila klālē lth'ūnilth saoutka lā ga ltha kilth ēlthtaiang.
16Waigen altsgē timegē stāhā lā alth giadagē il istakwudangang.
17Wadlu, shibili tlikulthdē gu shantlanē tlāḡangu idjan: waigen lagagahatijanḡē Jesus an istlāgang ken hin lā ltha shūtaiang, kitlano ītil dung tlaēlthtadāshang Passover lagunungē dung taḡēanā?
18Waigen hinū il shouan, nung ītlinga ilnigē gu isis ā lth istiedo, waigen hin lth il shūdawang: kiagin timegē dūungelgung, dunḡiē nē ā dī gagahatijanḡē alth Passover lagunungē lth tāsang hinū nung ītlagidas shūḡung.
19Tliku Jesus ltha shūtaiang kingānu ltha wauḡang, waigen Passovergē ltha ēlthkidaiang.
20Waigen singyāstlo, lagagahatijanḡē klāalth wok stung alth il kouwaiang.
21Waigen houān ltha lthtanūḡundang, hinū il shouan: yenkien dalung ga lth shūḡung, dalung swaun dī alth giadāsang.
22Waigen ltha kwutungē lthanga stiyūanan, waigen ltha wautliwan han hin il shūdiēdang, Shālānā, tlaou gwau?
23Waigen hangtlan hinū il shouan, adshi kēlthka ai dī alth stlē unga nung istasu dī alth giadāshang.
24Tliku nung ītlinga kit edasēs ltha kālangang kingān il edasang: nung ītlinga kit alth nung giadas an kin ga lthwōḡīḡāsang! anung ītlingas kum awolth lthkaiangasken il lādādunḡung.
25Waigen Judas lā alth nung giadāgang hangtlan hinū il shouan, Nung ītlagidas, tlaougwau? Waigen hangtlan hin lā il shūtaiang, yen dung shūḡung.
26Houān ltha lthtanūḡundang Jesus shibili istaiang: waigen ū il tlalāgālang tlo hē il ginanangang waigen lagagahatijanḡē ga il istaiang, waigen hinū il shouan, istalthā, tālthā, adshi dī tlū u īching.
27Waigen skatlangwē il istaiang ken sing il killāḡang: ltha ga il istaiang tlo hinū il shouan, dalung wautliwan lth adshi nīltho.
28Adshi dī ai giatling lāsu īching, waigen ltha kwan kin dāungas dakiskitē an hagwodjināḡung.
29Waigen hin dalung ga lth shūḡung, adshi stāhā kum houshen vine hāna lth hutlāngshang, Aung unga giē kingdomgē gu vine hāna houtla dalung alth lth hutliē kū.
30Shalang sas swaunshung ltha katzouang tlo, Olives lthdouwē ā ltha issāḡang.
31Wadlu, Jesus hin ltha il shūtaiang, aiat halgwau dalung wautliwan dī an kwutungē stiungkashang: kālungāsi althlā, lamatoē kētsitlē lth sahaskidashang, waigen lamatoē tligwanan istalgungashang.
32Waigen houshen kwōtal stāhā lth kātlūs silīd, Galilee tligē ā dalung kwunast lth kaiitshang.
33Peter hangtlan hin lā il shūtaiang, dung an ltha wautliwan kwutungē stistlo, dī tlou kum dung an kwutungēstī tlingānḡung.
34Jesus hin lā il shūtaiang, yenkien dung lth shūdang, aiat halgwau, skou ītlinga kingangē kwunast dī da dung kāda lth'ūnilthshang.
35Peter hin lā il istaiang, dung alth dī kwōtalthsken kum dung da lth kādāngsang. Waikingān lagagahatijanḡē wautliwan ishin shouan.
36Wadlu Jesus Gethsemane tligē gu ltha alth kātlāḡang, waigen lagagahatijanḡē hin il shūtāiang: kwai lth adlun tlūadawang, wadshgwi singelthkang lth gūshūwas talthla.
37Waigen Peter isken, Zebedee kitilung stung katdung il istaiang ken il kwutungē stiēdang, waigen il tlakwīdistlayūanan.
38Wadlu, hin lā il shūtaouang, dī kwutungē stīyūanḡung, dī kwōtaltalgung: ādlun lth isiwang, waigen dī alth lthahadzuwang.
39Waigen Jesus tliētlāst il kāgang waigen il tikwushtloaiang, waigen hinū singelthkang il gūshouang, O dī Aung, dung gwulāstlo agwan lth adshi skatlangwē dī ilā ista: tliku dung kwudungs kingān swaunan lth waushang: tliku lth kwudungs kingān kum lth wāngshang.
40Waigen lagagahatijanḡē kaslaiang an il kātlāḡang, waigen hin Peter il shūtaiang kashintlou askaskit swaunshung gud kum dī alth dalung shanlthahadzāngūdja?
41Shanlthahadzūltha, waigen singelthkang lth gūshū, waigen kum kin dāunga ai dalung isāngshang: hānts gwulāsiken kēā tlou hāaḡāḡung.
42Houshen otgwau ltha stāhā il kaiitang, waigen singelthkang hin il gūshouang, O dī Aung kum adshi skatlangwē wadshgwau dī stāhā isānstlo kum lth hutlānsken: tliku dung kwuduns kingān lth wau.
43Waigen houshen lagagahatijanḡē kaslaiang an il kātlāḡang il hangi langa ḵināgulthouāni althlā.
44Lā il tastlaouang, waigen houshen wadshgwi il kaiitang, waigen kingān houshen singelthkang il gūshou lth'ūnilthēlang.
45Wadlu, houshen lagagahatijanḡē an il kātlāḡang, waigen hin ltha il shūtaiang, wēata lth kasloo, waigen anshanszouta lth unga isto. Kwoking, askaskit dūungelgung, waigen ga dāungas gē stlē ai nung ītlinga kit alth ltha giadāḡung.
46Kātlūultha, talung istiēdzing, kwoking dī alth nung giadas āanān īching.
47Waigen houān il gūshūḡundang, kwoking Judas ltha klāalth wok stangang swaun kātlāḡang, waigen lth hāada an ltha kiāsi isken, ga laplēt ītlagidas gē ishin stāhā ltha skūla yūans sitzē isken skidangwē ishin dungalth lā alth istlāḡang.
48Waigen lā alth nung giadāḡang kin kaountsida ltha ga il istaiang ken hinū il shouan: nung lth skwuntlas laou isisang, kwunan lth il gidsgildawang.
49Waigen houītang Jesus an il kātlāḡang, waigen hinū il shouan, hai dī ītlagīda, waigen kwunan lā il skwuntlaiang.
50Waigen Jesus hin lā il shūtaiang, toui, kashintlou ādlun dung kātlāḡun? tliku kin gu dung istatlas kingān lth wau. Wadlu ltha istlāḡang, waigen Jesus ltha gidsgildaiang, waigen stāhā lā ltha istaiang.
51Waigen kwoking, Jesus alth ltha idjan swaun stlē unga dunchistaiang: sitzē unga il gidsgildasken, ga Laplēt gas gē an nung Ītlagidas kitzad il sahaskidang, waigen il ḵū langa washt il skiatlaiang.
52Wadlu, Jesus hin lā il shūtaiang, houshen sitzē kal ai sitzē unga lth gidsa; ltha wautliwan sitzē istas sitzē alth ltha gūasēsi althlā.
53Aung unga ā kum tliku wēata singelthkang lth gūshou tlingē kāng gaang gu dung kwudung us? waigen ga angelgas gē klālē kwan dī ga il istāshang gu dī istatlastlo.
54Kingān lth wausken, kasino Bible kālungē kingān istlidzūashang? Hin isisang Bible shouan:
55Altsgē askaskitē gud Jesus ltha skūlas hin shūtaiang: kwolthtalē ltha istaḡuns kingān sitzē isken skidangwē ishin alth dī dalung istiēan gu dalung istlou ūdjang? Shantlan wautliwan gud churchnē ā dalung alth lth kouwaḡīni kin dalung lth skadadiēanā waigen kum dī dalung gidsgildaānḡun.
56Tliku prophetgas gē kālunḡangang kingān adshi wautliwan idjāni. Wadlu lagagahatijanḡē wautliwan lā stāhā istiēdang, waigen ltha ḵhūstaiang.
57Ā Jesus ga istaianu Caiaphas ga Lapletgasgē an nung Ītlagidas giē nē ā la ltha istaiang, gaigu takālunglēilung isken, ltha kiāsi ishin gwudā idjan.
58Waigen Peter lā tlā agwi kāḡang ken ga Laplētgas gē an nung Ītlagidas giē ginkilislang roomgē ai il katsaiang, waigen kētsitlēilung kwulth il kouwaiang tliku edgē il kānḡēanā.
59Ga laplēt ītlagidasgē isken, ltha kiāsi ishin, council hāada wautliwan ishin Jesus alth ga witness gē kilthkadungasēs da ltha kānḡang lā ltha tīiēanā,
60Waigen kum ltha kiāngāni. Yenkien ga witness gē kilthkadungas kwan istlāḡang, waigen kum ltha gūshouwē swaunshungāngang. Waigen otgwau, ga witness gē kilthkadungas stung istlāḡang:
61Waigen hin ltha shouan, anung ītlingas hin shouan: Shānungetlagidas giē churchnē tlahunziē an dī tagwiāḡung, waigen shantlan, lth'ūnilth gud houshen lā tlaoulthtiouwē an dī tagwiāḡung.
62Waigen ga Laplētgas gē an nung Ītlagidas giāgāng, waigen hin lā il shūtaiang, kum gu hanḡang lā dung shūtaāngwashou us? Gūshū adaltas stung dung an witness gādang?
63Waigen Jesus kum klingān kilāngang. Waigen Laplēt an nung Ītlagidas hin il shūtaiang, Shānungetlagidas hēninga hangku dung giāḡung, altsīilth ītil ga lth shūda Shānungetlagidas kit Christ dung istoo?
64Jesus hin il shūtaiang, yenkienu dung shūḡung: waigen houshen dalung ga lth shūḡung, adshi stāhā nung ītlinga kit Shānungetlagidas soolgūsta inku kouwas dalung kingasang, waigen shāshi yeni kātli ā il kātlātalthasang.
65Wadlu ga Laplētgas gē an nung Ītlagidas kin giandas unga il dungulthgwaiang ken hinū il shouan: il gūshūdāungang, gūshū anu houshen ga witness gē gu ītil istatlang? kwoking wēata il gūshūdāungas dalung kwudunḡung, Shānungetlagidas kit il is hin il shūsi althlā.
66Kasino dalung kwudunḡung? Hangtlan hin lā ltha shūtaiang agwan il kwōtalē lāḡung.
67Wadlu il hangā ltha tagwangang: lā ltha skodangang: waigen ltha tītch stlē unga kāānung alth lā ltha tlagūḡūḡangang.
68Waigen hin ltha shouan, ītil ga lth shūda Christ, kīstho dung skodang?
69Wadlu, Peter ginkilislang roomgē kiakgust il kouwaḡundang, nung hāchada lā an kātlāgang ken hinū il shouan, dahā ishin Jesus Galilee hāadas alth stūnḡūn.
70Waigen ltha wautliwan hangku lā da il kādaiang: waigen tliku dung shūs kum an dī ūnshitānḡung hinu il shūḡangang.
71Waigen tlīstluan kūwē ai kiak il kāgwālang tlo, nung hāchada kalat il kāngang: waigen gaigu lth hāada isis hin il shūtaiang, anung ītlinga ishin Jesus Nazareth hāadas alth stūnḡūn.
72Waigen kwunan lā da il kādaiang ken hinū il shouan, anung ītlinga isis kum an dī ūnshitānḡung.
73Amzawan wadla, tlītzan Peter gians kwulth ga tlazūḡiangang gē lā an istlāḡang ken hin ltha shouan, yenkien dahā ishin ltha swaun īching dung kil ltha kil kingān edis althlā.
74Itan Peter kātliyildas tista glīdistlaiang, waigen gūshou dāunga il shūdiēdang ken hinu il shouan, anung ītlingas kum an dī ūnshitānḡung.
75Waigen houītang skou ītlingas kingangang. Waigen tliku Jesus il shūtaiang ē Peter kēidang: skou ītlinga kingangē kwunast dī da dung kādā lth'ūnilthasang hin lā il shūtaianā. Waigen il kāgwālang tlo il sahailth yūanan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.