Matthew 9
9
Chaptergē Klāalthswansinḡu.
1WAIGEN kontluwē gwi il kātlīgāni, waigen ingwīk ā il tlu kātijang, waigen ilnigē gu unga il askidāni.
2Waigen kwoking, nung ītlinga stiglīīda alth sti lā ā ltha istaiang, waigen tīdādunē inku unga il tīdaiang: Jesus ltha yetas kāngāni tlo, nung stiglīīdas hin il shūtaiang, Lthkin, kwutungē unga lth kladskādi, dung dāungas gakakunḡung.
3Waigen kwoking, takālunglēilung ītli hin gwu shūtaḡangang: anung ītlinga isis gūshou dāunga shūdang.
4Waigen Jesus tliku ltha kwulthilths anūnshitalthsken, hinū il shouan, kashintlou kwutungē unga alth kin dāungas an dalung kwudunḡung?
5Kinaso yāngulang hin shouḡēḡwau, dung dāungas gakakunḡung: kātlūultha waigen lth kaiit hin shouḡēḡwau?
6Waigen nung ītlinga kit hētk tligē gu kin dāungas gakunḡēan tagwias an dalung ūnshitēana, (altsīilth itan nung stiglīīda alth sti hin il shūtaiang) kātlūultha, waigen tīdādunē unga lth ista, waigen nē gwi unga lth kaiit.
7Waigen il kātlouang, waigen nē gwi unga il stēlang.
8Waigen tlīstluan ltha skūlas kāngāni tlo, ltha kaldungāgang, waigen Shānungetlagidas an ltha yākwudangang, ā kin tagwiā isis lth hāada ga il istaiāni althlā.
9Tlīstluan Jesus stāhā kaiitāni tlo, nung ītlinga il kāngang, Matthew hinū il kēyaiang: giouk ltha giasougunungs gu il kouwaiang: waigen hin lā il shūtaiang, dī tlā lth kā. Waigen il kātlouang ken lā tlā il kaiitang.
10Waigen tlīstluan Jesus anis giē nē ā il lthatanouan kouwaiang tlo, giasougunungā lēilung kwan isken, ga dāungas gē ishin istlāgang, waigen Jesus isken, lagagahatijanḡē ishin alth ltha tluadaiang.
11Tlīstluan Pharisee hāadē kāngang tlo, lagagahatijanḡē hin ltha shūtaiang, kashintlou dalung ītlagīda giasougunungā lēilung isken, ga dāungas gē ishin alth lthtanūḡung?
12Waigen tlīstluan Jesus kwudāngāni tlo, hin ltha il shūtaiang, ga althlings gē kum doctor gustatlāḡunganḡung: ga stis gē swaunan doctor gustatlaḡunḡung.
13Altsīilth lth istiēdo, waigen tliku lth shūs lth skado, kalthshint dī kwutungsang, waigen tagiāsa lth kum: kum ltha lā an aiyingē an lth kātlāanḡun: ga dāungas gē kwutungē unga stīlthtiēanu lth kātlātalgun.
14Itan, John gagahatijanḡē lā an istlāgang, waigen hin ltha shouan: kashintlou talung isken, Pharisee hāadē ishin kīsal kwanḡung, dung gagahatijanḡē tlou kum kīsalānḡung.
15Jesus hangtlan hin ltha shūtaiang, nung chādunēlths houān ltha alth stungstlo, nung laiinēlths touilung gu nē kātli ā sahaigaḡung us? Shantlanē althkwi isisang, waigen nung chādunēlths ltha stāhā ltha istāshang, itan ltha kīsalasang.
16Kum nung ītlinga gioung houtla kin giandatlingē ḵīgā ā gwushgītlingānḡung: kin giandatlingē ḵīgā stāhā gioung houtlas ī hananungasēsi althlā, waigen kin giandatlingē ī hananungs wu kin dāungēdsang.
17Isi ishin, kum lth hāada winegē houtla kalk ḵīgā ī istaḡunganḡung, kalkē hustasēsi althlā, waigen winegē kwaukunzāshang, kalkē ishin gūashang. Winegē houtla kalk houtla ai ltha istaḡunḡung, waigen stungan kaḡunḡung.
18Houān ashgē ltha ga il shūdagundang, kwoking, nung ītlagida swaunshung kātlāgang, waigen lā ā singelthkang il gūshouang: hinū il shouan, dī gwudjana wēata yenkien kwotalgung, alth kwīk lth kā, waigen stlē unga lā inku ista, waigen il hēnanstlāsang.
19Jesus kātlouang ken lā tlā il kaiitang, waigen lagagahatijanḡē ishin kingān idjan.
20Waigen kwoking, nung chada tada klāalth wok stung kaginistaaiang lā tlā kātlāgang, waigen kin il giandas ḵiēkwun il gidsgildaiang.
21Agung hin il shūtaiang, kin il giandas swaunan lth gidsgildastlo dī kaguntlingaḡung hinū il kwudangang.
22Jesus lā gwi hangouang, waigen lā il kingstlo, hinū il shouan, dī gwudjangs, kwutungē unga lth wausaaskita dung yetas althlu dung kaḡunḡung: waigen ashgē askaskitē gud anung chada is kagānang.
23Tlīstluan Jesus anung ītlagidas giē nē ik katsaiang tlo, ltha hūkingans il kāngang, waigen lth hāada takoukwudas ishin.
24Hin ltha il shūtaiang, kwai lth edo, anung hāchadas kum kwotalānḡung: laou katdang: waigen ltha wautliwan lā alth ltha kilthnangang.
25Tlīstluan lth hāada kiak il istaiang tlo ī il katsaiang: il stlē lā il douang, waigen anung hāchadas kātlouang.
26Adshi tligē askwan gud ashgē giatlingē kinā kokgustlowaiang.
27Stāhā il kaiitāni tlo ltha hangkagas stung lā tlā istalang, waigen hinū il shūouang, ītil kalthshint lth kwutung, David Kitu dung īching.
28Tlīstluan nē ik il katsaiang tlo, ltha hangkagas stung lā an istlāgang, waigen Jesus hin il shūtaouang, adshi lth tlaoutliē an dī tagwias gu dalung yetē? Waigen hinū lā il shūtaouang, āng Shālānā.
29Wadlu il hangi il gidsgildaouang ken hinū il shouan, tliku dalung yetas kingānu dalung an edasang.
30Waigen il hangi helthilthkaouang, waigen Jesus il kīngwoḡungouang kum nung ītlinga anūnshitāngwang.
31Waigen stāhā il istiēdouang tlo, adshi tligē askwan gud giatlingē langa kinā kokgustlowaiang.
32Waigen itan il issougundang, nung ītlinga kil gūdsias hetgwaulana alth stāougas lā ā ltha istaiang
33Tlīstluan hetgwaulana kiak il dāngstlo, anung kil gūdsias tuman kilthgūlaiang, waigen ltha skūlas kaldungāgang, waigen hin ltha shouan, tlaglu Israel tligē gwau kin wēata talung kingsa kingān kum kin edāngāni
34Pharisee hāadē hin shouan, ga hetgwaulanagas gē an nung princegas kalthgud ga hetgwaulanagas gē kiak il dānḡung.
35Waigen Jesus ilnigē wautliwan ai isken, lana wautliwan ai ishin kaouangang: churchnē hudila ai lthanga isis ā kin ltha il skadadaḡangang, waigen kingdomgē giatlingē las alth tlāgūk il gūshūḡangang, waigen ltha helthilthkiā wautliwan isken, lth hāada sti wautliwan lth hāada shūwīt isis ishin il tlanūngistlaḡangang.
36Tlīstluan ltha skūlas il kāngāni tlo il kwutungē sahailthlaiang, ltha hāaḡāgang althlā, waigen lamatoē kētsitlē kum ltha daānḡuns kingān tligwanan ltha istalḡunḡangāni althlā.
37Altsīilth lagagahatijanḡē hin il shūtaiang, yenkien takwula kwanḡung, tatlīidlēilung tlou gūhutsūḡung
38Tākwulas hansta singelthkang Shālānā ā gūshū tatliidlēilung tākwula ā unga il kil istiēdēanā.
Currently Selected:
Matthew 9: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
