ĠWANNI 1

Kapitlu 1

Il-Verb sar bniedem

1Fil-bidu kien il-Verb#1,1: Il-Verb: kelma Latina, bil-Grieg logos, li tfisser kelma, u napplikawha għat-Tieni Persuna tat-Trinità Mqaddsa. Żammejna din il-kelma Latina għaliex, billi “kelma” hi ta’ ġens femminil, kien ikollna stonatura ngħidu “il-kelma saret bniedem” meta qegħdin nitkellmu fuq Ġesù Kristu.,

u l-Verb kien ma’ Alla,

u l-Verb kien Alla.#Ġw 17,5; 1 Ġw 1,1-2. #Apk 19,13.

2Hu kien fil-bidu ma’ Alla.

3Kollox bih sar,

u xejn ma sar mingħajru;

kulma sar#Għerf 9,1; Ġw 1,10; 1 Kor 8,6; Kol 1,16-17; Lhud 1,2. 4kellu l-ħajja fih,

u l-ħajja kienet id-dawl tal-bnedmin.#Ġw 5,26.

5Id-dawl jiddi fid-dlam,

imma d-dlam ma għelbux#1,5: Imma d-dlam ma għelbux: jew u d-dlam ma fehmux..#Ġw 3,19.

6Kien hemm raġel mibgħut minn Alla,

jismu Ġwanni.#Mt 3,1; Mk 1,4; Lq 1,13-17; 3,2.

7Dan ġie bħala xhud,

biex jixhed għad-dawl,

biex bih kulħadd jemmen.

8Ġwanni ma kienx id-dawl,

imma ġie biex jixhed għad-dawl,#Ġw 1,20.

9dak id-dawl veru,

li jdawwal kull bniedem,

huwa u ġej fid-dinja.#1 Ġw 2,8.

10Kien fid-dinja,

u d-dinja saret bih,

imma d-dinja ma għarfitux.#Ġw 1,3-14; 17,25; 1 Kor 8,6; Kol 1,16; Lhud 1,2.

11Ġie f’daru,

u niesu ma laqgħuhx.

12Imma lil dawk li laqgħuh

tahom is-setgħa li jsiru wlied Alla,

dawk li jemmnu f’ismu,#Gal 3,26.

13li twieldu mhux mid-demm, anqas mill-ġibda tal-ġisem, u anqas mir-rieda tal-bniedem, iżda minn Alla.#Ġw 3,3-6; Ġak 1,18; 1 Pt 1,23; 1 Ġw 3,9; 5,18.

14U l-Verb sar bniedem u għammar fostna#1,14: U għammar fostna: litteralment: waqqaf l-għarix tiegħu fostna.,

u aħna rajna l-glorja tiegħu,

il-glorja li għandu mill-Missier bħala Ibnu l-waħdieni,

mimli bil-grazzja u l-verità.#Is 60,1-2; Ġw 2,11; Rum 1,3-4; Gal 4,4; Fil 2,7; 1 Tim 3,16; Lhud 2,14; 1 Ġw 4,2.

15Ġwanni ta xhieda fuqu

meta għajjat u qal:

“Dan hu li għalih għedtilkom,

‘Jiġi warajja, imma hu aqwa minni,

għax kien minn qabli.’ ”#Mt 3,11; Mk 1,7; Ġw 1,27-30.

16Għax mill-milja tiegħu aħna lkoll ħadna,

grazzja fuq grazzja.#Kol 2,10.

17Alla ta l-Liġi permezz ta’ Mosè

imma l-grazzja u l-verità

seħħew permezz ta’ Ġesù Kristu.#Eżek 34,28; Ġw 7,19.

18Lil Alla għadu ħadd ma rah;

imma għarrafhulna l-Iben il-waħdieni ta’ Alla#1,18: L-Iben il-waħdieni ta’ Alla: mal-Vulgata; manuskritti oħra L-Iben il-waħdieni li hu Alla.,

li hu fi ħdan il-Missier.#Eż 33,20; Mt 11,27; Lq 10,22; Ġw 6,46; 1 Tim 6,16; 1 Ġw 4,12.

Ix-xhieda ta’ Ġwanni l-Battista

(Mt 3,1-12; Mk 1,1-8; Lq 3,1-18)

19Ix-xhieda ta’ Ġwanni kienet din: meta l-Lhud ta’ Ġerusalemm bagħtu għandu xi qassisin u Leviti biex jistaqsuh, “Int min int?”, 20hu stqarr bla ma ċaħad: “Jien m’iniex il-Messija.”#Ġw 3,28. 21Huma reġgħu staqsewh: “Mela min int? Elija?” “M’iniex,” qalilhom. “Int il-Profeta?” “Le,” weġibhom.#Dt 18,15-18; Mt 11,14; 17,11-13; Mk 9,13; Ġw 6,14; 7,40; Atti 3,22; 7,37. 22Imbagħad qalulu: “Mela min int? Biex nagħtu tweġiba lil dawk li bagħtuna. Min tgħid li int?” 23U hu wieġeb kif qal il-profeta Isaija:

“Jiena l-leħen ta’ wieħed jgħajjat fid-deżert:

‘Wittu t-triq tal-Mulej.’ ” # Is 40,3; Mt 3,3; Mk 1,3; Lq 3,4.

24Issa dawk il-messaġġiera kienu min-naħa tal-Fariżej. 25Huma staqsewh: “Mela kif qiegħed tgħammed la m’intix il-Messija, u la Elija u lanqas il-Profeta?”#Mt 21,25; Mk 11,30; Lq 20,4; Ġw 1,33. 26“Jiena ngħammed bl-ilma,” weġibhom Ġwanni, “imma f’nofskom hemm wieħed li intom ma tafuhx, 27u li ġej warajja; jiena anqas ma jistħoqqli nħoll il-qafla tal-qorq tiegħu.”#Ġw 1,15; Atti 13,25. 28Dan ġara f’Betanja#1,28: Betanja: raħal fuq il-Lvant tal-Ġordan. Kien hemm Betanja oħra qrib Ġerusalemm; ara 11,1-18., in-naħa l-oħra tal-Ġordan, fejn Ġwanni kien jgħammed.#Mt 3,13; Ġw 10,40.

Il-Ħaruf ta’ Alla

29L-għada Ġwanni ra lil Ġesù riesaq lejh, u qal: “Araw il-Ħaruf ta’ Alla, li jneħħi d-dnub tad-dinja.#Is 53,6-7; Ġw 1,36; Atti 8,32; 1 Pt 1,18-19. 30Dan hu li għalih għedtilkom, ‘Warajja ġej bniedem li hu aqwa minni, għax kien qabli.’#Ġw 1,15. 31Anqas jien stess ma kont nafu; imma jien għalhekk ġejt ngħammed bl-ilma, biex hu jkun mgħarraf lil Iżrael.” 32U Ġwanni xehed għalih u qal: “Jiena rajt l-Ispirtu nieżel mis-sema bħal ħamiema u joqgħod fuqu.#Mt 3,16; Mk 1,10; Lq 3,22. 33Tabilħaqq, anqas jien ma kont nafu; imma dak li bagħatni ngħammed bl-ilma, hu stess qalli, ‘Fuq min tara l-Ispirtu jinżel u joqgħod, dak hu li jgħammed bl-Ispirtu s-Santu.’ 34Dan rajtu b’għajnejja, u għalhekk xhedt, ‘Dan hu l-Iben ta’ Alla’.”#Mt 3,17; 17,5; 27,54; Mk 9,7; 15,39; Lq 9,35; Ġw 20,31; Atti 9,20.

L-ewwel dixxipli

35L-għada Ġwanni raġa’ kien hemm ma’ tnejn mid-dixxipli tiegħu. 36Ħares lejn Ġesù li kien għaddej minn hemm, u qal: “Araw il-Ħaruf ta’ Alla.”#Ġw 1,29. 37Iż-żewġ dixxipli semgħuh jgħid dan, u marru wara Ġesù. 38Ġesù dar u rahom mexjin warajh, u qalilhom: “Xi tridu?” Iżda huma staqsewh: “Fejn toqgħod, Rabbi?” - li tfisser Mgħallem. 39Hu weġibhom: “Ejjew u taraw.” U marru miegħu u raw fejn kien joqgħod, u dak in-nhar baqgħu miegħu. Kien ħabta tal-għaxar siegħa#1,39: L-għaxar siegħa: l-erbgħa ta’ wara nofsinhar.. 40Wieħed mit-tnejn li semgħu x’kien qal Ġwanni u marru wara Ġesù kien Indrì, ħu Xmun Pietru.#Mt 4,18-20; Mk 1,16-18. 41L-ewwel ma għamel mar isib lil ħuh Xmun, u qallu: “Sibna l-Messija” - li tfisser Kristu.#Ġw 4,25. 42U ħadu għand Ġesù. Ġesù ħares lejh u qallu: “Inti Xmun, bin Ġwanni. Inti tissejjaħ Kefa” - jew Pietru.#Mt 10,2; 16,18; Mk 3,16; Lq 6,14.

Ġesù jsejjaħ lil Filippu u ’l Natanjel

43L-għada Ġesù ddeċieda li jitlaq lejn il-Galilija. Sab lil Filippu u qallu: “Ejja warajja.” 44Filippu kien minn Betsajda, il-belt ta’ Indrì u Pietru.#Ġw 12,21. 45Filippu sab lil Natanjel u qallu: “Sibna lil dak li fuqu kitbu Mosè fil-Liġi, u l-profeti fil-kotba tagħhom: Ġesù minn Nazaret, bin Ġużeppi.”#Dt 18,18; Is 7,14; 9,6; Eżek 34,23. 46Qallu Natanjel: “Tista’ toħroġ xi ħaġa tajba minn Nazaret?” “Ejja u ara,” wieġbu Filippu. 47Meta Ġesù ra lil Natanjel riesaq lejh qal għalih: “Ara, dan tassew wieħed minn Iżrael li jixraqlu dan l-isem; ma hemm ebda qerq fih.” 48Natanjel staqsieh: “Kif sirt tafni?” U Ġesù wieġbu: “Rajtek taħt is-siġra tat-tin#1,48: Rajtek taħt is-siġra tat-tin: għandu mnejn kien qiegħed jimmedita l-Iskrittura skont id-drawwa tar-Rabbin. qabel ma sejjaħlek Filippu.” 49“Rabbi,” qallu Natanjel, “int l-Iben ta’ Alla, inti s-sultan ta’ Iżrael!”#S 2,7; Sof 3,15; Mt 14,33; 16,16; 27,42; Mk 1,11; 3,11; 15,32; Lq 3,22; 4,41; Atti 13,33. 50Ġesù wieġbu: “Qiegħed temmen għax għedtlek li rajtek taħt is-siġra tat-tin? Għad tara ħwejjeġ akbar minn dawn!” 51U żied jgħidlu: “Tassew tassew ngħidilkom, għad taraw is-sema miftuħ u l-anġli ta’ Alla telgħin u niżlin fuq Bin il-bniedem.”#Ġen 28,12.

Currently Selected:

ĠWANNI 1: MB20

Highlight

Copy