लुका 2
2
ये़सुरे़ कुसावाःन्छिङ्मान्
(मत्ति १:१८-२५)
1खे़न् ये़म्मो रोमि पयम् हाङ् अगस्तसे़ल्ले़ के़रे़क् रोमि हाङ्जुम्मो याम्नाःत्निःत् चोःक्मा फाॽआङ् इङ्जाङ् पिरुसि॥ 2कन् थिक्सिगेक्पा याम्नाःत्निःत् मे़जोगुल्ले़ सिरिया थुम्मोबा सुहाङ्गे़म्बा कुरेनियस वये़॥ 3के़रे़क् मनाहाॽ याम्नाःत्निःत्तो मिङ् साप्से़ आबाङे पाङ्जुम्मो मे़बे॥
4-5हे़क्केःल्ले़ युसुफे़न्नाङ् गालिल थुम्मोबा नासरत पाङ्भेॽओलाम् यहुदियासमा दाउदरे़ कुबाङ्जुम् बेथले़हे़म्मो मिङ् साप्से़ थासिङ्, थेआङ्भे़ल्ले़ खुने़ॽ दाउद हाङ्ङिल्ले़ कुमुॽइदाङ्सा वये़॥ खुने़ॽ कुमेःक्खिम् पान् के़बुॽमाआङ् के़वाॽमा मरियम्मिन्नु पे॥ खे़न् ये़म्मो खुने़ॽ मे़न्छुक्मा वये़रो॥ 6हे़क्क्याङ् खे़ङ्हाॽ खे़प्मो वये़त्छिल्ले़ मरियमरे़ कुसागप्मा ये़म् त्ये़आङ् 7सादुङ्ङिल्ले़ तरु, हे़क्क्याङ् तुम्बा ये़म्बित्छाॽसान् सावाःन्दुआङ् खे़न् अङे़ःक्वान् तेःत्तिल्ले़ सुङुआङ् वाघोङ्ङो ने़स्सु, थेआङ्भे़ल्ले़ खे़ङ्हाॽरे़ चे़याङ्धोःक्को याङ्धोःक्मा मे़घोसे़त्छुन्लो॥
मे़ल्लुक्कम्बाहाॽ नु माङ्लाइङ्बाहाॽ
8खे़न् ये़म्मो लाःक्कात् चौरिओ कुभा मे़ल्लुक्कम्बाहाॽ खुनिॽ मे़ल्लुक्हाॽ मे़गोसुसिर से़न्दिक् मे़युङे़॥ 9खे़प्मो दाङ्बाल्ले़ कुमाङ्लाइङ्बाधिक् ओसेःन्धाक्सिङ्, हे़क्क्याङ् दाङ्बाल्ले़ कुमिमिदिङ्ङिन् से़न्दाङ्गे़न् ओःत्ति कुइसिक् खुनिॽ खिरि ले़क्ते़रो॥ खे़ङ्हाॽ साॽरिक् मे़गिसे़, 10कर माङ्लाइङ्बाल्ले़ खे़ङ्हाॽ मे़त्तुसि, “खिनिॽ मे़गिसे़म्मिन्ने़ॽओ! काक् मनाहाॽ साॽरिक् मे़सःत्ल फाॽआङ् इङ्गाॽ खिनिॽ लागि सुनाइङ् तारुङ्ङाङ् वाॽआरो॥ 11थेआङ्भे़ल्ले़ आइन् दाउदरे़ कुबाङ्जुम्मो खिनिॽ लागि से़न्लप्दाङ्बान् सावाःन्छिङ्ङाङ् वाॽ॥ खुने़ॽए निङ्वाॽफुमाङ्ङिल्ले़ सेःन्दुबा ख्रिस्त दाङ्बारो॥ 12अङे़ःक्वान् तेःत्तिल्ले़ मे़सुङुआङ् वाघोङ्ङो मे़इप्तुआङ् ने़बा के़निसुम्लो॥ खिनिॽ लागि बा खे़न्निन्ने मिक्सेन् पोङ्लो॥”
13खे़प्मो हक्चघत् यरिक् माङ्लाइङ्बाहाॽ मे़धाःम्सिङ्ङाङ् निङ्वाॽफुमाङ्ङिल्ले़ कुनारा मे़भोसुर अक्खे मे़बाःत्तु,
14“साङ्ग्राम्पेदाङ्ङोबा निङ्वाॽफुमाङ्ङिल्ले़ कुमिमिदिङ् पोङ्ल,
हे़क्क्याङ् इक्सादिङ् खाम्बेःक्मो लुङ्माॽ तुक्तुसिबा मनाहाॽरे़ सनारुङ् मे़घोसुररो॥”
15हे़क्क्याङ् खे़न् माङ्लाइङ्बाहाॽ याङ्धो साङ्ग्राम्पेदाङ्ङो मे़नुःक्खे़ मे़बे, हे़क्क्याङ् खे़न् मे़ल्लुक्कम्बाहाॽ अक्खे मे़मे़त्छिङ्, “आल्ल दाङ्बे़ल्ले़ आनिॽ आमे़त्ते़बा हे़क्के बेथले़हे़म्मो के़बोङ्बा पाःन्निन् पेगिआङ् ओमे़त्तुम्लो॥”
16हे़क्क्याङ् खे़ङ्हाॽ हारा मे़जात्ते़र बेथले़हे़म्मो मे़बे॥ खे़प्मो युसुफ नु मरियम हे़क्क्याङ् वाघोङ्ङो मे़इप्तुआङ् ने़स्से़बा अङे़ःक्वान् मे़दुमुरो॥ 17हे़क्क्याङ् खे़ङ्हाॽरे़ कन् मे़निसुआङ् खे़ङ्हाॽ अङे़ःक्वाःल्ले़ कुयाःम्बेओ माङ्लाइङ्बाहाॽरे़ मे़मे़त्तुसिबा पाःन्निन् मे़जे़क्तुसिरो॥ 18मे़ल्लुक्कम्बाहाॽरे़ मे़बाःत्तुबा पाःन्निन् मनाहाॽरे़ मे़घे़प्सुआङ् खुनिॽ निङ्वाॽ मये़रो॥ 19कर मरियम्मिल्ले़ कन् के़रे़क् पाःन्हाॽ कुनिङ्वाॽ सिगाङ् युक्खुआङ् निङ्वाॽ इःत्छिङ्ल वये़रो॥ 20हे़क्क्याङ् खे़न् मे़ल्लुक्कम्बाहाॽरे़ माङ्लाइङ्बाल्ले़ पाःत्तुबा कुइसिक् पोःक्खे़बा मे़निसुआङ् निङ्वाॽफुमाङ्ङिल्ले़ कुमिमिदिङ् मे़जोगुर कुनारा मे़भोसुर मे़नुःक्खे़ मे़बेरो॥
21सावाःन्छिङ्बा ये़त्छि ये़न्नो अङे़ःक्वान् हर्दो मे़हे़गु मे़बिरुल्ले़ खुने़ॽ ये़सु मिङ् मे़वाःत्तुरो॥ खे़न् मिङ्ङिन् खुने़ॽ हाङ्सिङ्मानुःल्ले़ तगिए माङ्लाइङ्बाल्ले़ पिरुसिआङ् वये़रो॥
ये़सुन् माङ्हिम्मो मे़दोन्दुॽ
22आल्ल मोसारे़ साप्तुबा साम्योथिम् साप्लाःल्ले़ पाःत्तुबा कुइसिक् याङ्दाङ् फोङ्मा ये़न् त्ये़आङ् युसुफ नु मरियमरे़ यरुसले़म्मो अङे़ःक्वान् दाङ्बाल्लो तोःम्मा फाॽआङ् तारे़त्छु 23(थेआङ्भे़ल्ले़ यहवे दाङ्बाल्ले़ कुसाम्योथिम्मो तुम्बा साहाॽ के़रे़क् दाङ्बाओ सेसे लॽरिक् तोःम्मासिए पोङ्)॥ 24हे़क्क्याङ् यहवे दाङ्बाल्ले़ कुसाम्योथिम् कुइसिक् कुगाप्थिक् पुत्तुःक्के इग्र ने़त्छि पेरवासाहाॽ सिदुङ्जभा चोःक्मा फाॽआङ् माङ्हिम्मो तारे़त्छु॥
25आल्ल यरुसले़म्मो सिमियोन मे़प्मनाबा मनाधिक् वये़॥ खे़न् साम्योबा नु निङ्वाॽफुसाम्बा वये़॥ खे़ल्ले़ इस्राइलिहाॽरे़ खुनिॽ के़से़ःप्पा मसिहःल्ले़ कुदामे़न् हाङ्घुर वये़ हे़क्क्याङ् सेसेमाङ्ङिल्ले़ कुधिम् थिम्सुआङ् 26निङ्वाॽफुमाङ्ङिल्ले़ सेःन्दुबा ख्रिस्ते़न् के़निसुआङ्लक् के़मासिङ्लो लॽरिक् सेसेमाङ्ङिल्ले़ ओसेःन्धाक्तुआङ् वये़रो॥ 27सेसेमाङ्ङिल्ले़ लाम्लोसुआङ् खुने़ॽ माङ्हिम्मो तेॽरु॥ खे़प्मो युसुफ नु मरियमरे़ साम्योथिम् कुइसिक् अङे़ःक्वा ये़सुन् तोःम्मा फाॽआङ् तारे़त्छुल्ले़ 28सिमियोनरे़ कुहुक्को अङे़ःक्वान् पक्खुआङ् निङ्वाॽफुमाङ्ङिल्ले़ कुनारा फोसुर अक्खे पाःत्तु,
29“मुक्साम्दाङ्बा आदाङ्बाए, आल्ल खे़ने़ॽ के़मे़त्ताङ्बा कुइसिक् इङ्गाॽ के़से़वारोबान् सनारुङ्ङो सिआनिरो,
30-31थेआङ्भे़ल्ले़ खे़ने़ॽ के़रे़क् मनाहाॽरे़ खुनिॽ तगि यारिप् के़जोगुबा के़से़न्लप्पिन् इङ्गाॽ आबाङे आमिक्किल्ले़ निसुङ्ङाङ् वाॽआरो॥
32खुने़ॽ थिम्मे़न्दङ् सुवाङ्हाॽरे़ लागि
ओःत्ति ओसेःन्गे़धाक्पा
हे़क्क्याङ् खुने़ॽग के़रे़क् इस्राइलिहाॽरे़ खुनिॽ मिमिदिङ् पोङ्लो॥”
33अङे़ःक्वाःल्ले़ कुमे़न्नो कुम्बा कुम्मासिरे़ कन् पाःन्निन् खे़प्से़त्छुआङ् साॽरिक् खुन्छिॽ निङ्वाॽ मये़रो॥ 34हे़क्क्याङ् सिमियोनरे़ खे़ङ्हाॽ मुॽइसाम् थाःसु पिरुसिर मरियम्मिन् मे़त्तु, “कन् अङे़ःक्वान् इस्राइलओ यरिक्ले़ खुनिॽ मे़क्मा नु से़न्लप्रे़ लागि निङ्वाॽफुमाङ्ङिल्ले़ सेगुआङ् वाॽ, हे़क्क्याङ् यरिक् मनाहाॽ कुदक्ले़ङ्वाओ मे़बाःत्लो॥ 35हे़क्केःल्ले़ खुनिॽ निङ्वाॽ सिगाङ्बा पाःन्हाॽ थाःप्लो॥ हे़क्क्याङ् तुक्खेरे़ खागे़सुक्पा ताभेःल्ले़ कुइसिक् के़लुङ्माॽइन् लस्सुॽरो॥”
36हे़क्क्याङ् खे़प्मो आसेर सुवाङ्बा फनुए़लरे़ कुस्सा हन्ना मे़प्मनामा माङ्निङ्वाॽपान् के़बाःप्मा साम्योनिमा नु से़वारोमाधिक् वये़॥ खे़न् कुमेःक्खिम् पोःक्खे़आङ् नुसि (७) तङ्बे थारिक् कुये़म्बाःन्नु सोरिक् वये़त्छि हे़क्क्याङ् कुये़म्बाॽइन् मासिङ्ङाङ् मेमेदुमा पोःक्खे़आङ् वये़रो॥ 37खुने़ॽ तङ्बे ये़त्पोङ्आङ् लिसि (८४) के़गे़प्मा काप्मोमा वये़रो॥ खे़ल्ले़ माङ्हिम्मिन् आप्फाल्ले़आङ् मे़ल्ले़त्ते से़न्दिक् ले़न्दिक् चाने़त् युङे़र तुवा चोगे़र निङ्वाॽफुमाङ्ङिल्ले़ कुसे़वा चोगुर वये़रो॥ 38खे़न् ये़म्मो खे़प्मो त्ये़आङ् निङ्वाॽफुमाङ्ङिन् नोगे़न् पिरुर इस्राइलिहाॽरे़ खुनिॽ चोःक्युम्भो के़हाङ्बा मनाहाॽ अङे़ःक्वाःल्ले़ कुमे़न्नो मे़त्तुसिरो॥
39दाङ्बाल्ले़ साम्योथिम् साप्लाओ पाःत्तुबा कुइसिक् मरियम नु युसुफरे़ चोगे़त्छुआङ् खे़ङ्हाॽ आबाङे पाङ्भेॽ गालिल थुम्बा नासरत पाङ्जुम्मो नुःक्खे़त्छि पेसिरो॥ 40खे़प्मो अङे़ःक्वान् पोरे़र पेआङ् के़धुम्बा पोःक्खे़रो॥ खुने़ॽ सिक्कुम्दिङ् निङ्वाॽरे़ कुधिम् वये़, हे़क्क्याङ् निङ्वाॽफुमाङ्ङिल्ले़ कुमुॽइसाम्मिन् खुने़ॽ सम्दाङ् वये़रो॥
ये़सुन् चुक्ते़ल्ले़ माङ्हिम्मो पाःन्धङ् चोगुॽ
41तङ्बे थप्मा ये़सुरे़ कुम्बा कुम्मासि यरुसले़म्मो यहुदि चोःक्युम्भो तङ्नाम्मो पेःक्मा थिम् कत्ते़त्छुरो॥ 42हे़क्क्याङ् ये़सुन् थिक्-ने़त् (१२) तङ्बे के़रे़ल्ले़ खे़ङ्हाॽ याम्मो तङ्नाम्मो मे़बे॥ 43खे़न् तङ्नाम्मिन् पेआङ् खे़ङ्हाॽ हिम्मो नुःङ्मा मे़हेःक्ते़, कर ये़सुन् यरुसले़म्मोए वये़लारे़॥ कन् पाःन्निन् ये़सुरे़ कुम्बा कुम्मासिरे़ निङ्वाॽ मे़घोसे़त्छुन्लो॥ 44खे़ङ्हाॽरे़ तगि के़बेःक्पा लाम्दिःक्साबाहाॽनु पेबिला फाॽआङ् इःत्ते़छु॥ थिक्ये़न्बा लाम्दिक् मे़जोगे़आङ् खुन्छिॽ काॽइ सोॽधोक् नु तेःङ्जुम्हाॽओ ये़सुन् कोःप्मा हेःक्ते़त्छु, 45कर मे़दुमे़त्छुन्नाङ् ने़प्माङ् कुगोःत्छे़ यरुसले़म्मो नुःक्खे़त्छि॥ 46सुम् ये़न्नो ये़सुन् माङ्हिम्मो यहुदि सिक्साम्बाहाॽ खे़प्सुसिर पान् सेःन्दोसुसिर युङे़बा तुमे़त्छुरो॥ 47खुने़ॽ कुइःत्छिङ्साम् नु पिरुसिबा नोगप् के़घे़म्बा मनाहाॽरे़ साॽरिक् खुनिॽ निङ्वाॽ मये़॥ 48हे़क्क्याङ् कुम्बा कुम्मासिरे़ खुने़ॽ निसे़त्छुआङ् खुन्छिॽ निङ्वाॽ मये़॥ कुम्मारे़ खुने़ॽ मे़त्तु, “आस्साए, खे़ने़ॽ थेआङ् अक्खे याप्मि के़जोगे़बाबे? आन्छिगे निङ्साम्मो थ्ये़सिगे़आङ् कोःत्ने़त्छिगे़ मेःम्बि?”
49ये़सुरे़ सेःन्दोसुसि, “पानुदिङ् आम्बौ आम्मौ, थेआङ् याप्मि के़गोःत्छिबाबे? इङ्गाॽ पानुदिङ् आम्बारे़ कुहिम्मो वाॽमा पोङ् फाॽआङ् खिन्छिॽ के़न्निसे़त्छुन्बि?” 50कर कन् पाःन्निन् खे़ङ्हाॽरे़ कुसिङ् मे़निःत्ते़त्छुन्लो॥
51हे़क्क्याङ् खुने़ॽ कुम्बा कुम्मासिनु नासरतओ पे॥ खुने़ॽग कुम्बा कुम्मासिरे़ खुन्छिॽ पान् के़घे़म्बा वये़॥ कुम्मारे़ कन् के़रे़क् पाःन्हाॽ कुनिङ्वाॽ सिगाङ् युक्खुरो॥ 52अक्खेलॽरिक् ये़सुन् सिक्कुम्दिङ् निङ्वाॽ नु नासिङ्गे़न् थक्को पोरे़ हे़क्क्याङ् निङ्वाॽफुमाङ्ङिन् खुने़ॽनु सःत्ते़ हे़क्क्याङ् मे़न्छाम् याप्मिहाॽआङ् मे़सःत्ते़रो॥
Currently Selected:
लुका 2: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.
लुका 2
2
ये़सुरे़ कुसावाःन्छिङ्मान्
(मत्ति १:१८-२५)
1खे़न् ये़म्मो रोमि पयम् हाङ् अगस्तसे़ल्ले़ के़रे़क् रोमि हाङ्जुम्मो याम्नाःत्निःत् चोःक्मा फाॽआङ् इङ्जाङ् पिरुसि॥ 2कन् थिक्सिगेक्पा याम्नाःत्निःत् मे़जोगुल्ले़ सिरिया थुम्मोबा सुहाङ्गे़म्बा कुरेनियस वये़॥ 3के़रे़क् मनाहाॽ याम्नाःत्निःत्तो मिङ् साप्से़ आबाङे पाङ्जुम्मो मे़बे॥
4-5हे़क्केःल्ले़ युसुफे़न्नाङ् गालिल थुम्मोबा नासरत पाङ्भेॽओलाम् यहुदियासमा दाउदरे़ कुबाङ्जुम् बेथले़हे़म्मो मिङ् साप्से़ थासिङ्, थेआङ्भे़ल्ले़ खुने़ॽ दाउद हाङ्ङिल्ले़ कुमुॽइदाङ्सा वये़॥ खुने़ॽ कुमेःक्खिम् पान् के़बुॽमाआङ् के़वाॽमा मरियम्मिन्नु पे॥ खे़न् ये़म्मो खुने़ॽ मे़न्छुक्मा वये़रो॥ 6हे़क्क्याङ् खे़ङ्हाॽ खे़प्मो वये़त्छिल्ले़ मरियमरे़ कुसागप्मा ये़म् त्ये़आङ् 7सादुङ्ङिल्ले़ तरु, हे़क्क्याङ् तुम्बा ये़म्बित्छाॽसान् सावाःन्दुआङ् खे़न् अङे़ःक्वान् तेःत्तिल्ले़ सुङुआङ् वाघोङ्ङो ने़स्सु, थेआङ्भे़ल्ले़ खे़ङ्हाॽरे़ चे़याङ्धोःक्को याङ्धोःक्मा मे़घोसे़त्छुन्लो॥
मे़ल्लुक्कम्बाहाॽ नु माङ्लाइङ्बाहाॽ
8खे़न् ये़म्मो लाःक्कात् चौरिओ कुभा मे़ल्लुक्कम्बाहाॽ खुनिॽ मे़ल्लुक्हाॽ मे़गोसुसिर से़न्दिक् मे़युङे़॥ 9खे़प्मो दाङ्बाल्ले़ कुमाङ्लाइङ्बाधिक् ओसेःन्धाक्सिङ्, हे़क्क्याङ् दाङ्बाल्ले़ कुमिमिदिङ्ङिन् से़न्दाङ्गे़न् ओःत्ति कुइसिक् खुनिॽ खिरि ले़क्ते़रो॥ खे़ङ्हाॽ साॽरिक् मे़गिसे़, 10कर माङ्लाइङ्बाल्ले़ खे़ङ्हाॽ मे़त्तुसि, “खिनिॽ मे़गिसे़म्मिन्ने़ॽओ! काक् मनाहाॽ साॽरिक् मे़सःत्ल फाॽआङ् इङ्गाॽ खिनिॽ लागि सुनाइङ् तारुङ्ङाङ् वाॽआरो॥ 11थेआङ्भे़ल्ले़ आइन् दाउदरे़ कुबाङ्जुम्मो खिनिॽ लागि से़न्लप्दाङ्बान् सावाःन्छिङ्ङाङ् वाॽ॥ खुने़ॽए निङ्वाॽफुमाङ्ङिल्ले़ सेःन्दुबा ख्रिस्त दाङ्बारो॥ 12अङे़ःक्वान् तेःत्तिल्ले़ मे़सुङुआङ् वाघोङ्ङो मे़इप्तुआङ् ने़बा के़निसुम्लो॥ खिनिॽ लागि बा खे़न्निन्ने मिक्सेन् पोङ्लो॥”
13खे़प्मो हक्चघत् यरिक् माङ्लाइङ्बाहाॽ मे़धाःम्सिङ्ङाङ् निङ्वाॽफुमाङ्ङिल्ले़ कुनारा मे़भोसुर अक्खे मे़बाःत्तु,
14“साङ्ग्राम्पेदाङ्ङोबा निङ्वाॽफुमाङ्ङिल्ले़ कुमिमिदिङ् पोङ्ल,
हे़क्क्याङ् इक्सादिङ् खाम्बेःक्मो लुङ्माॽ तुक्तुसिबा मनाहाॽरे़ सनारुङ् मे़घोसुररो॥”
15हे़क्क्याङ् खे़न् माङ्लाइङ्बाहाॽ याङ्धो साङ्ग्राम्पेदाङ्ङो मे़नुःक्खे़ मे़बे, हे़क्क्याङ् खे़न् मे़ल्लुक्कम्बाहाॽ अक्खे मे़मे़त्छिङ्, “आल्ल दाङ्बे़ल्ले़ आनिॽ आमे़त्ते़बा हे़क्के बेथले़हे़म्मो के़बोङ्बा पाःन्निन् पेगिआङ् ओमे़त्तुम्लो॥”
16हे़क्क्याङ् खे़ङ्हाॽ हारा मे़जात्ते़र बेथले़हे़म्मो मे़बे॥ खे़प्मो युसुफ नु मरियम हे़क्क्याङ् वाघोङ्ङो मे़इप्तुआङ् ने़स्से़बा अङे़ःक्वान् मे़दुमुरो॥ 17हे़क्क्याङ् खे़ङ्हाॽरे़ कन् मे़निसुआङ् खे़ङ्हाॽ अङे़ःक्वाःल्ले़ कुयाःम्बेओ माङ्लाइङ्बाहाॽरे़ मे़मे़त्तुसिबा पाःन्निन् मे़जे़क्तुसिरो॥ 18मे़ल्लुक्कम्बाहाॽरे़ मे़बाःत्तुबा पाःन्निन् मनाहाॽरे़ मे़घे़प्सुआङ् खुनिॽ निङ्वाॽ मये़रो॥ 19कर मरियम्मिल्ले़ कन् के़रे़क् पाःन्हाॽ कुनिङ्वाॽ सिगाङ् युक्खुआङ् निङ्वाॽ इःत्छिङ्ल वये़रो॥ 20हे़क्क्याङ् खे़न् मे़ल्लुक्कम्बाहाॽरे़ माङ्लाइङ्बाल्ले़ पाःत्तुबा कुइसिक् पोःक्खे़बा मे़निसुआङ् निङ्वाॽफुमाङ्ङिल्ले़ कुमिमिदिङ् मे़जोगुर कुनारा मे़भोसुर मे़नुःक्खे़ मे़बेरो॥
21सावाःन्छिङ्बा ये़त्छि ये़न्नो अङे़ःक्वान् हर्दो मे़हे़गु मे़बिरुल्ले़ खुने़ॽ ये़सु मिङ् मे़वाःत्तुरो॥ खे़न् मिङ्ङिन् खुने़ॽ हाङ्सिङ्मानुःल्ले़ तगिए माङ्लाइङ्बाल्ले़ पिरुसिआङ् वये़रो॥
ये़सुन् माङ्हिम्मो मे़दोन्दुॽ
22आल्ल मोसारे़ साप्तुबा साम्योथिम् साप्लाःल्ले़ पाःत्तुबा कुइसिक् याङ्दाङ् फोङ्मा ये़न् त्ये़आङ् युसुफ नु मरियमरे़ यरुसले़म्मो अङे़ःक्वान् दाङ्बाल्लो तोःम्मा फाॽआङ् तारे़त्छु 23(थेआङ्भे़ल्ले़ यहवे दाङ्बाल्ले़ कुसाम्योथिम्मो तुम्बा साहाॽ के़रे़क् दाङ्बाओ सेसे लॽरिक् तोःम्मासिए पोङ्)॥ 24हे़क्क्याङ् यहवे दाङ्बाल्ले़ कुसाम्योथिम् कुइसिक् कुगाप्थिक् पुत्तुःक्के इग्र ने़त्छि पेरवासाहाॽ सिदुङ्जभा चोःक्मा फाॽआङ् माङ्हिम्मो तारे़त्छु॥
25आल्ल यरुसले़म्मो सिमियोन मे़प्मनाबा मनाधिक् वये़॥ खे़न् साम्योबा नु निङ्वाॽफुसाम्बा वये़॥ खे़ल्ले़ इस्राइलिहाॽरे़ खुनिॽ के़से़ःप्पा मसिहःल्ले़ कुदामे़न् हाङ्घुर वये़ हे़क्क्याङ् सेसेमाङ्ङिल्ले़ कुधिम् थिम्सुआङ् 26निङ्वाॽफुमाङ्ङिल्ले़ सेःन्दुबा ख्रिस्ते़न् के़निसुआङ्लक् के़मासिङ्लो लॽरिक् सेसेमाङ्ङिल्ले़ ओसेःन्धाक्तुआङ् वये़रो॥ 27सेसेमाङ्ङिल्ले़ लाम्लोसुआङ् खुने़ॽ माङ्हिम्मो तेॽरु॥ खे़प्मो युसुफ नु मरियमरे़ साम्योथिम् कुइसिक् अङे़ःक्वा ये़सुन् तोःम्मा फाॽआङ् तारे़त्छुल्ले़ 28सिमियोनरे़ कुहुक्को अङे़ःक्वान् पक्खुआङ् निङ्वाॽफुमाङ्ङिल्ले़ कुनारा फोसुर अक्खे पाःत्तु,
29“मुक्साम्दाङ्बा आदाङ्बाए, आल्ल खे़ने़ॽ के़मे़त्ताङ्बा कुइसिक् इङ्गाॽ के़से़वारोबान् सनारुङ्ङो सिआनिरो,
30-31थेआङ्भे़ल्ले़ खे़ने़ॽ के़रे़क् मनाहाॽरे़ खुनिॽ तगि यारिप् के़जोगुबा के़से़न्लप्पिन् इङ्गाॽ आबाङे आमिक्किल्ले़ निसुङ्ङाङ् वाॽआरो॥
32खुने़ॽ थिम्मे़न्दङ् सुवाङ्हाॽरे़ लागि
ओःत्ति ओसेःन्गे़धाक्पा
हे़क्क्याङ् खुने़ॽग के़रे़क् इस्राइलिहाॽरे़ खुनिॽ मिमिदिङ् पोङ्लो॥”
33अङे़ःक्वाःल्ले़ कुमे़न्नो कुम्बा कुम्मासिरे़ कन् पाःन्निन् खे़प्से़त्छुआङ् साॽरिक् खुन्छिॽ निङ्वाॽ मये़रो॥ 34हे़क्क्याङ् सिमियोनरे़ खे़ङ्हाॽ मुॽइसाम् थाःसु पिरुसिर मरियम्मिन् मे़त्तु, “कन् अङे़ःक्वान् इस्राइलओ यरिक्ले़ खुनिॽ मे़क्मा नु से़न्लप्रे़ लागि निङ्वाॽफुमाङ्ङिल्ले़ सेगुआङ् वाॽ, हे़क्क्याङ् यरिक् मनाहाॽ कुदक्ले़ङ्वाओ मे़बाःत्लो॥ 35हे़क्केःल्ले़ खुनिॽ निङ्वाॽ सिगाङ्बा पाःन्हाॽ थाःप्लो॥ हे़क्क्याङ् तुक्खेरे़ खागे़सुक्पा ताभेःल्ले़ कुइसिक् के़लुङ्माॽइन् लस्सुॽरो॥”
36हे़क्क्याङ् खे़प्मो आसेर सुवाङ्बा फनुए़लरे़ कुस्सा हन्ना मे़प्मनामा माङ्निङ्वाॽपान् के़बाःप्मा साम्योनिमा नु से़वारोमाधिक् वये़॥ खे़न् कुमेःक्खिम् पोःक्खे़आङ् नुसि (७) तङ्बे थारिक् कुये़म्बाःन्नु सोरिक् वये़त्छि हे़क्क्याङ् कुये़म्बाॽइन् मासिङ्ङाङ् मेमेदुमा पोःक्खे़आङ् वये़रो॥ 37खुने़ॽ तङ्बे ये़त्पोङ्आङ् लिसि (८४) के़गे़प्मा काप्मोमा वये़रो॥ खे़ल्ले़ माङ्हिम्मिन् आप्फाल्ले़आङ् मे़ल्ले़त्ते से़न्दिक् ले़न्दिक् चाने़त् युङे़र तुवा चोगे़र निङ्वाॽफुमाङ्ङिल्ले़ कुसे़वा चोगुर वये़रो॥ 38खे़न् ये़म्मो खे़प्मो त्ये़आङ् निङ्वाॽफुमाङ्ङिन् नोगे़न् पिरुर इस्राइलिहाॽरे़ खुनिॽ चोःक्युम्भो के़हाङ्बा मनाहाॽ अङे़ःक्वाःल्ले़ कुमे़न्नो मे़त्तुसिरो॥
39दाङ्बाल्ले़ साम्योथिम् साप्लाओ पाःत्तुबा कुइसिक् मरियम नु युसुफरे़ चोगे़त्छुआङ् खे़ङ्हाॽ आबाङे पाङ्भेॽ गालिल थुम्बा नासरत पाङ्जुम्मो नुःक्खे़त्छि पेसिरो॥ 40खे़प्मो अङे़ःक्वान् पोरे़र पेआङ् के़धुम्बा पोःक्खे़रो॥ खुने़ॽ सिक्कुम्दिङ् निङ्वाॽरे़ कुधिम् वये़, हे़क्क्याङ् निङ्वाॽफुमाङ्ङिल्ले़ कुमुॽइसाम्मिन् खुने़ॽ सम्दाङ् वये़रो॥
ये़सुन् चुक्ते़ल्ले़ माङ्हिम्मो पाःन्धङ् चोगुॽ
41तङ्बे थप्मा ये़सुरे़ कुम्बा कुम्मासि यरुसले़म्मो यहुदि चोःक्युम्भो तङ्नाम्मो पेःक्मा थिम् कत्ते़त्छुरो॥ 42हे़क्क्याङ् ये़सुन् थिक्-ने़त् (१२) तङ्बे के़रे़ल्ले़ खे़ङ्हाॽ याम्मो तङ्नाम्मो मे़बे॥ 43खे़न् तङ्नाम्मिन् पेआङ् खे़ङ्हाॽ हिम्मो नुःङ्मा मे़हेःक्ते़, कर ये़सुन् यरुसले़म्मोए वये़लारे़॥ कन् पाःन्निन् ये़सुरे़ कुम्बा कुम्मासिरे़ निङ्वाॽ मे़घोसे़त्छुन्लो॥ 44खे़ङ्हाॽरे़ तगि के़बेःक्पा लाम्दिःक्साबाहाॽनु पेबिला फाॽआङ् इःत्ते़छु॥ थिक्ये़न्बा लाम्दिक् मे़जोगे़आङ् खुन्छिॽ काॽइ सोॽधोक् नु तेःङ्जुम्हाॽओ ये़सुन् कोःप्मा हेःक्ते़त्छु, 45कर मे़दुमे़त्छुन्नाङ् ने़प्माङ् कुगोःत्छे़ यरुसले़म्मो नुःक्खे़त्छि॥ 46सुम् ये़न्नो ये़सुन् माङ्हिम्मो यहुदि सिक्साम्बाहाॽ खे़प्सुसिर पान् सेःन्दोसुसिर युङे़बा तुमे़त्छुरो॥ 47खुने़ॽ कुइःत्छिङ्साम् नु पिरुसिबा नोगप् के़घे़म्बा मनाहाॽरे़ साॽरिक् खुनिॽ निङ्वाॽ मये़॥ 48हे़क्क्याङ् कुम्बा कुम्मासिरे़ खुने़ॽ निसे़त्छुआङ् खुन्छिॽ निङ्वाॽ मये़॥ कुम्मारे़ खुने़ॽ मे़त्तु, “आस्साए, खे़ने़ॽ थेआङ् अक्खे याप्मि के़जोगे़बाबे? आन्छिगे निङ्साम्मो थ्ये़सिगे़आङ् कोःत्ने़त्छिगे़ मेःम्बि?”
49ये़सुरे़ सेःन्दोसुसि, “पानुदिङ् आम्बौ आम्मौ, थेआङ् याप्मि के़गोःत्छिबाबे? इङ्गाॽ पानुदिङ् आम्बारे़ कुहिम्मो वाॽमा पोङ् फाॽआङ् खिन्छिॽ के़न्निसे़त्छुन्बि?” 50कर कन् पाःन्निन् खे़ङ्हाॽरे़ कुसिङ् मे़निःत्ते़त्छुन्लो॥
51हे़क्क्याङ् खुने़ॽ कुम्बा कुम्मासिनु नासरतओ पे॥ खुने़ॽग कुम्बा कुम्मासिरे़ खुन्छिॽ पान् के़घे़म्बा वये़॥ कुम्मारे़ कन् के़रे़क् पाःन्हाॽ कुनिङ्वाॽ सिगाङ् युक्खुरो॥ 52अक्खेलॽरिक् ये़सुन् सिक्कुम्दिङ् निङ्वाॽ नु नासिङ्गे़न् थक्को पोरे़ हे़क्क्याङ् निङ्वाॽफुमाङ्ङिन् खुने़ॽनु सःत्ते़ हे़क्क्याङ् मे़न्छाम् याप्मिहाॽआङ् मे़सःत्ते़रो॥
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.