Nyɛ̀nɛ̀ŋ 3
3
Wo Pììlɛ sùngà wo nyuùŋ hɔ̀mɔɔŋ kpɔ̀ɔ̀kpɔɔɔ̀
1Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla. 2Nààŋ àŋ naŋ wa kɔ̀ yèè àŋ naŋ hàì wɔŋ gbàngiɔ̀ yɛmgbɛ̀ àŋ nyaaŋ wa nyààŋ Gbàngi Siaŋ Sìàaŋ wɔ̀ŋ, àŋ nao wa mɛ̀ɛ̀ŋ wo felaa bà wo yèɔ àŋ naŋ wa kùmìè e sààŋ kpɔ̀ɔ̀kpɔɔ. Ke ɗɔɔ gbiŋ àŋ koàuŋ wa wɔŋ gbàngeɔ̀ feìŋ wèè wo hùmàŋ anyùùŋ nyaŋ e nɛɛnɛŋ sèè àŋ nɔ̀ɔ̀ŋ jɔ̀ɔ̀yɛ̀ ko Saaŋ Zòòlò Dayài. 3Nààŋ wò naŋ yɛ̀mɛ̀ wo Pììlɛ yaà wo Jɔ̀ɔŋ àŋ yaà jɔ̀à sùà ko Saaŋ Zòòlò Dayài, wò naŋ nyiŋ dawè wèè aŋ kiɛ̀uŋ e nɛɛnɛŋ. 4Wo Pììlɛ yèè wo Jɔ̀ɔŋ nauŋ yɛmɛ̀ sɛiŋ, yèè wo Pììlɛ nauŋ woò wààŋ, “Yɛ̀mɛ̀ wi weè!” 5Wo felaaà naŋ nyiŋ yɛmɛ̀ sɛiŋ, wò yaà goongo kɛ̀ àŋ douŋ nàŋ kìɛ̀ŋ e nɛ̀ŋ bà. 6Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!” 7Kpeiŋ wò nauŋ kùwò wɔŋ kùàŋ jìka wouŋ kpuumàŋ wo yèwà dìì wo sie. Yèè ko fɛɛ̀feìŋ wo felaaà maŋ kpainɓɔwɔuŋ màŋ yèè maŋ sààkpɔ̀ɔ̀kɔ̀uŋ màŋ naŋ nyìngè sùà. 8Wo felaaà naŋ vaì wo sie, yèè wò naŋ tɔ̀ɔ̀tù kààìŋ kaaiŋ. Kpeiŋ wò naŋ jɔ̀ ko Saaŋ Zòòlò Dayài yaà aŋ gbɛ̀ìŋ Pììlɛ, wò yaà kaaiŋ wò gè vàìvai wò yaà tɛ̀nɛ̀ŋ sùà wo Dayà. 9Anyùùŋ nyaŋ nauŋ yɛmɛ̀ wò yaà kaaiŋ yèè wò yaà tɛ̀nɛ̀ŋ sùà wo Dayà, 10e kìlà nààŋ anyùùŋ nyaŋ nauŋ yɛmɛ̀ yèè àŋ naŋ jààèjii kɛ̀ wuŋ nàŋ jaà wa wɔŋ Gbàngi Siaŋ sìàaŋ yɛmgbɛ̀ ko Saaŋ Zòòlò Dayài ko hɔmɔɔŋ, è naŋ nyiŋ wa foonò yèè e nyiŋ wòà maŋ nyààŋ e nyaàiŋ dè yèɛ naŋ wa kààìŋ wò felaaà lɛ.
Wo Pììlɛ naŋ gbàì anyùùŋ nyaŋ jii ko Saaŋ Zòòlò Dayài
11Wo felaaà naŋ wa dè wo Pììlɛ yèè wo Jɔ̀ɔŋ maŋjɛ̀wɛ wò yaà nyiìŋ kààìŋ kɔɔ fɔ̀ɔ̀ yèè àŋ naŋ kɔ̀ koɓɛ̀i àŋ hewa nyààŋ ko Pìàzà Salemàiŋ lɛ̀. E keìɛ naŋ wa fòònò anyùùŋ nyaŋ gbiŋ yèè àŋ naŋ dùɔ̀ŋ aŋ kà koɓɛ̀i aŋ gbɛ̀ìŋ Pììlɛ yaà wa lɛ̀. 12Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ? 13Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo. 14Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ. 15Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀. 16E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.
17“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀. 18Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ. 19Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀. 20Sèè nìŋ nyɛnɛŋ yɛi, e teenga do nàŋ hnè nìŋ do nàŋ nyìmè kɛ̀ wo Kanaà Dayà kòò wò yààìŋ kìɛ̀ŋ sùà kpùùmaŋ, e kìlà ke ɗɔ̀ɔ̀ guùŋ wò do nàŋ tùɔ̀ŋ wo Kanaà Jisɛ̀, wo yèɔ wò naŋ naàŋ tàeɗùù tɛ wɔ̀, wo Kulaìɔ, wèè wo hiàŋ e jòèye e ɗuunyaàŋ e weèiŋ. 21Wo Jisɛ̀ do nàŋ jèè ko àìjɛnɛ̀ŋ e jèèsùà e teengaà e hnàŋ wèè manɛ̀ŋ maŋ gbiŋ nɔ̀ŋ bàne miŋ jɛ̀ì, màànààŋ nɔŋ wo Dayà naŋ wa gbùùyè aŋ kèèlà nɛɛmaŋ gɔuŋ nyàŋ sùà lɛ. 22Wo Mòòze naŋ woò wààŋ, ‘Wo Kanaà Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ. Wò do nàŋ nɔ̀ŋ wo wùìyaiŋ nɔɔ̀ŋ bà guùŋ, jɔ̀ɔ̀lɔìŋ e yèɛ gbiŋ wò doiŋ nàŋ woò lɛ dìì. 23Wo nyùnɔ̀ɔŋ gbiŋ gò jɔ̀ɔ̀lɔ̀ wò keela wii dìì kè jiiuŋ nɛɛ̀ŋ sùà wɔ, wò do nàŋ fòlò ke gbòò anyùùŋ Dayà nyaŋ tɛɛ.’ 24Yèè aŋ keela nyàŋ gbiŋ wo Dayà naŋ wa gbùùyè sùà nyaŋ, e kpùlìà wo Samiɔ̀ yèè aŋ keela gbànaŋ nyàŋ naŋ hnè eɓìèmàŋjɛ̀wɛ̀uŋ nyàŋ, naŋ wòò e kèì guùŋ nɛ yaà nàaŋ kaaiŋ e jàmaìŋ lɛɛ̀ sùà lɛ. 25E yìwìà aŋ keelauŋ nyàŋ sùà, wo Dayà naŋ wa jɔ̀ɔ̀ ɗààhiì weèiŋ, yèè nìŋ yaà aŋ bàiŋbà wèè e ɗààhìì e mìèsùàguùŋ lɛ wo Dayà naŋ wa nyɛ̀nɛ̀ŋ koɓɛ̀ aŋ nèwàènèweiŋ nyàŋ lɛ. Wo Dayà naŋ wa wòò wo Eɓulɔhɛɛ̀ŋ wààŋ, ‘E yìwìà aŋ jɔ̀ɛ̀ jɔ̀ɛ̀ɛum nyàŋ sùà mìŋ do nàŋ kpùùmò anyùùŋ nyaŋ gbiŋ e dììɛ diɛŋ.’ 26Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”
Currently Selected:
Nyɛ̀nɛ̀ŋ 3: WFESD
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.
Nyɛ̀nɛ̀ŋ 3
3
Wo Pììlɛ sùngà wo nyuùŋ hɔ̀mɔɔŋ kpɔ̀ɔ̀kpɔɔɔ̀
1Ke ɗɔ̀ɔ̀ guùŋ wo Pììlɛ yaà wo Jɔ̀ɔŋ naŋ kɔ̀ ko Saaŋ Zòòlò Dayài e tèèngà zòòloɛ̀ e gɔ̀ɛ̀ɛ̀ gbòà è taaà diɛŋ, e gɔɛɛ kìla. 2Nààŋ àŋ naŋ wa kɔ̀ yèè àŋ naŋ hàì wɔŋ gbàngiɔ̀ yɛmgbɛ̀ àŋ nyaaŋ wa nyààŋ Gbàngi Siaŋ Sìàaŋ wɔ̀ŋ, àŋ nao wa mɛ̀ɛ̀ŋ wo felaa bà wo yèɔ àŋ naŋ wa kùmìè e sààŋ kpɔ̀ɔ̀kpɔɔ. Ke ɗɔɔ gbiŋ àŋ koàuŋ wa wɔŋ gbàngeɔ̀ feìŋ wèè wo hùmàŋ anyùùŋ nyaŋ e nɛɛnɛŋ sèè àŋ nɔ̀ɔ̀ŋ jɔ̀ɔ̀yɛ̀ ko Saaŋ Zòòlò Dayài. 3Nààŋ wò naŋ yɛ̀mɛ̀ wo Pììlɛ yaà wo Jɔ̀ɔŋ àŋ yaà jɔ̀à sùà ko Saaŋ Zòòlò Dayài, wò naŋ nyiŋ dawè wèè aŋ kiɛ̀uŋ e nɛɛnɛŋ. 4Wo Pììlɛ yèè wo Jɔ̀ɔŋ nauŋ yɛmɛ̀ sɛiŋ, yèè wo Pììlɛ nauŋ woò wààŋ, “Yɛ̀mɛ̀ wi weè!” 5Wo felaaà naŋ nyiŋ yɛmɛ̀ sɛiŋ, wò yaà goongo kɛ̀ àŋ douŋ nàŋ kìɛ̀ŋ e nɛ̀ŋ bà. 6Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!” 7Kpeiŋ wò nauŋ kùwò wɔŋ kùàŋ jìka wouŋ kpuumàŋ wo yèwà dìì wo sie. Yèè ko fɛɛ̀feìŋ wo felaaà maŋ kpainɓɔwɔuŋ màŋ yèè maŋ sààkpɔ̀ɔ̀kɔ̀uŋ màŋ naŋ nyìngè sùà. 8Wo felaaà naŋ vaì wo sie, yèè wò naŋ tɔ̀ɔ̀tù kààìŋ kaaiŋ. Kpeiŋ wò naŋ jɔ̀ ko Saaŋ Zòòlò Dayài yaà aŋ gbɛ̀ìŋ Pììlɛ, wò yaà kaaiŋ wò gè vàìvai wò yaà tɛ̀nɛ̀ŋ sùà wo Dayà. 9Anyùùŋ nyaŋ nauŋ yɛmɛ̀ wò yaà kaaiŋ yèè wò yaà tɛ̀nɛ̀ŋ sùà wo Dayà, 10e kìlà nààŋ anyùùŋ nyaŋ nauŋ yɛmɛ̀ yèè àŋ naŋ jààèjii kɛ̀ wuŋ nàŋ jaà wa wɔŋ Gbàngi Siaŋ sìàaŋ yɛmgbɛ̀ ko Saaŋ Zòòlò Dayài ko hɔmɔɔŋ, è naŋ nyiŋ wa foonò yèè e nyiŋ wòà maŋ nyààŋ e nyaàiŋ dè yèɛ naŋ wa kààìŋ wò felaaà lɛ.
Wo Pììlɛ naŋ gbàì anyùùŋ nyaŋ jii ko Saaŋ Zòòlò Dayài
11Wo felaaà naŋ wa dè wo Pììlɛ yèè wo Jɔ̀ɔŋ maŋjɛ̀wɛ wò yaà nyiìŋ kààìŋ kɔɔ fɔ̀ɔ̀ yèè àŋ naŋ kɔ̀ koɓɛ̀i àŋ hewa nyààŋ ko Pìàzà Salemàiŋ lɛ̀. E keìɛ naŋ wa fòònò anyùùŋ nyaŋ gbiŋ yèè àŋ naŋ dùɔ̀ŋ aŋ kà koɓɛ̀i aŋ gbɛ̀ìŋ Pììlɛ yaà wa lɛ̀. 12Nààŋ wo Pììlɛ naŋ yɛ̀mɛ̀ anyùùŋ nyaŋ, wò naŋ nyiŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ dàwiim nyàŋ, wèè kiìŋ tɛɛ̀ naiŋ foonò, yèè wèè kiìŋ nìŋ yaà wi yɛɛmɛ? Nìŋ naŋ gongò kɛ̀ e gààŋ yàwi biɛ̀ sùà le ɔ̀ɔ̀ ke nyòwò yàwi biɛ̀ sùà naŋ nyɛ̀nɛ̀ŋ wo felaa wɛɛ̀ naŋ kaaìŋ? 13Wo Dàyà Eɓulɔhɛɛ̀ɔŋ, wo Ààze yèè wo Jègɔ, wo Dàyà aŋ nèwàènèwe wi nyàŋ naŋ wa kìɛ̀ŋ e dɛ̀ɛ̀kɛ yèè e jòòwo gbee koɓɛ̀ wo Ɓɔìjɔ̀àuŋ nɔɔ̀ŋ Jisɛ̀. Kɛɛ nìŋ nauŋ wa kìlè koɓɛ̀ anyùùŋ gbèègbèè fuɔɔ̀ŋ wèè auŋ jìwà, yèè nìŋ nauŋ wa gììyè maŋhɛɛ wo Paalè ko fɛɛ̀feìŋ, jòòpɛɛ wo Paalè naŋ wa ɗewè wèè wouŋ wa dangè wo ka foo. 14Wò naŋ wa kìɛ̀ŋ wuŋ bi koɓɛ̀ Dayài yèè wò naŋ wa nyɛ̀nɛ̀ŋ e yèɛ wo Dayà naŋ woò kɛ̀ è yaà wa tɛ̀ɛ̀ lɛ, kɛɛ nìŋ naŋ wa wòò e keì naanààŋ weèuŋ. Nìŋ naŋ wa dàwè wo Paalè wèè wo daŋgè wo nyuùŋ jìwà nyùnɔ̀ɔŋ wo ka, kɛɛ nààŋ wo Paalè jìwà wo Kanaà Jisɛ̀, wo yèɔ yaà wa e nɛɛmaŋ e kìlà wò yaà tɔ̀ɔ̀nyaàŋ wɔ. 15Nìŋ naŋ wa jìwè wo nyùnɔ̀ɔŋ tɔɔ̀ wɔŋ nyiiŋ gèe kɛnɛ wɔ̀, kɛɛ wo Dayà nauŋ wa gè e fàaà dìì wɔŋ nyiiŋ gèeo sùà. Yàwi nààŋ gbiŋ è yààìŋ aŋ sèì koɓɛ̀ e keì lɛɛ̀. 16E yìwìà e hààwe e dèè Jisɛ̀ɛ sùà naŋ wa kìɛ̀ŋ e gààŋ wo felaa wɛɛ̀ nìŋ yɛmɛ̀ yaà yèè nìŋ naŋ nyìmè wɔ. E yìwìà e hààwe e dèè Kanaà Jisɛ̀ɛ sùà naŋ nyɛ̀nɛ̀ŋ wo felaa wɛɛ̀ naŋ jòèyè kpɛlɛmɛɛŋ, nààŋ nìŋ yàuŋ yɛɛmɛ lɛ̀.
17“Sèè è nɔ̀ŋ yɛi nyɛ̀iŋ nààŋ wùìyaim nyàŋ, kà nyìmàŋ kɛ̀ e keì gò nyìmàŋ fèemàiŋ nɛ̀ naŋ nyɛ̀nɛ̀ŋ nyɛ̀iŋ e kpùlìà anyùùŋ gbèègbèè fuɔiŋ nyàŋ naŋ wa tɛɛ̀ nyìnìè wo Jisɛ̀. 18Wo Dayà naŋ wa gbùùyè aŋ keela nyàŋ gbiŋ sùà e teenga gɔu kɛ̀ wo Keela tàeɗùùuŋ nɔɔ̀ŋ kuwa wa wo kà e mɔ̀ɔ̀nɛ̀ŋ dìì, yèè wo Dayà naŋ nyɛ̀nɛ̀ŋ è naŋ hɛɛnɛ̀ŋ wɔŋ dòmanyaaŋ wɛɛ̀ŋ. 19Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀. 20Sèè nìŋ nyɛnɛŋ yɛi, e teenga do nàŋ hnè nìŋ do nàŋ nyìmè kɛ̀ wo Kanaà Dayà kòò wò yààìŋ kìɛ̀ŋ sùà kpùùmaŋ, e kìlà ke ɗɔ̀ɔ̀ guùŋ wò do nàŋ tùɔ̀ŋ wo Kanaà Jisɛ̀, wo yèɔ wò naŋ naàŋ tàeɗùù tɛ wɔ̀, wo Kulaìɔ, wèè wo hiàŋ e jòèye e ɗuunyaàŋ e weèiŋ. 21Wo Jisɛ̀ do nàŋ jèè ko àìjɛnɛ̀ŋ e jèèsùà e teengaà e hnàŋ wèè manɛ̀ŋ maŋ gbiŋ nɔ̀ŋ bàne miŋ jɛ̀ì, màànààŋ nɔŋ wo Dayà naŋ wa gbùùyè aŋ kèèlà nɛɛmaŋ gɔuŋ nyàŋ sùà lɛ. 22Wo Mòòze naŋ woò wààŋ, ‘Wo Kanaà Dayà doiŋ nàŋ tùɔ̀ŋ wo keela, màànààŋ nɔŋ wò naim wa tùɔ̀ŋ lɛ. Wò do nàŋ nɔ̀ŋ wo wùìyaiŋ nɔɔ̀ŋ bà guùŋ, jɔ̀ɔ̀lɔìŋ e yèɛ gbiŋ wò doiŋ nàŋ woò lɛ dìì. 23Wo nyùnɔ̀ɔŋ gbiŋ gò jɔ̀ɔ̀lɔ̀ wò keela wii dìì kè jiiuŋ nɛɛ̀ŋ sùà wɔ, wò do nàŋ fòlò ke gbòò anyùùŋ Dayà nyaŋ tɛɛ.’ 24Yèè aŋ keela nyàŋ gbiŋ wo Dayà naŋ wa gbùùyè sùà nyaŋ, e kpùlìà wo Samiɔ̀ yèè aŋ keela gbànaŋ nyàŋ naŋ hnè eɓìèmàŋjɛ̀wɛ̀uŋ nyàŋ, naŋ wòò e kèì guùŋ nɛ yaà nàaŋ kaaiŋ e jàmaìŋ lɛɛ̀ sùà lɛ. 25E yìwìà aŋ keelauŋ nyàŋ sùà, wo Dayà naŋ wa jɔ̀ɔ̀ ɗààhiì weèiŋ, yèè nìŋ yaà aŋ bàiŋbà wèè e ɗààhìì e mìèsùàguùŋ lɛ wo Dayà naŋ wa nyɛ̀nɛ̀ŋ koɓɛ̀ aŋ nèwàènèweiŋ nyàŋ lɛ. Wo Dayà naŋ wa wòò wo Eɓulɔhɛɛ̀ŋ wààŋ, ‘E yìwìà aŋ jɔ̀ɛ̀ jɔ̀ɛ̀ɛum nyàŋ sùà mìŋ do nàŋ kpùùmò anyùùŋ nyaŋ gbiŋ e dììɛ diɛŋ.’ 26Wo Dayà naŋ wa tà wo Ɓɔìjɔ̀àuŋ nɔɔ̀ŋ Jisɛ̀ ɗùù yèè wò nauŋ tùɔ̀ŋ ko nɛ̀ɛ̀iŋ niìŋ jiɛ̀, wèè wo kpuumàiŋ niŋ fè maŋ tùwo naanààiŋ màŋ jɛwɛ yèè niŋ kìlà koɓɛ̀ Dayài.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.