TIRHKOHTE 13
13
Barnaba leh Saula zin tûra tirh an ni
1Tin, Antiokei khuaa kohhranho awmte zîngah chuan thuhriltute leh zirtîrtute an awm; chûng chu Barnaba te, Sumeona, Nigera an tih te, Kurini khuaa mi Lukia te, Lal Heroda unau tûr Manaina te, Saula te an ni. 2Tin, Lalpa rawng an bâwla, chaw an nghei laiin Thlarau Thianghlimin, “Barnaba leh Saula hi anmahni ka ruat chhan ti tûrin mi tihhransak rawh u,” a ti a. 3Chutichuan, chaw an ngheia an ṭawngṭai zawh chuan an chungah kut an nghat a, an kaltîr ta a.
Kupra thliarkâr an thleng
4Chutichuan, Thlarau Thianghlim tirh chhuahin an kal a, Selukai khuaah an chhuk a, chuta ṭangin Kupra thliarkârah lawngin an kal a. 5Tin, Salamis khuaa an awm laiin, Juda inkhâwmna inahte Pathian thu an hril ṭhîn a; Johana pawh kha an rawng bâwl tûrin an hruai ve a.
6Tin, thliarkâr chu Paphos khaw thlengin an fang chhuak a, dawithiam, zâwlnei der, Juda mi pakhat an hmu a, a hming chu Barisua a ni a. 7Chu mi chu lal aiawhtu, Serjia Paula, mi fing tak hnêna awm a ni a. Chu lal aiawhtu chuan Barnaba leh Saula chu a ko va, Pathian thu hriat a tum a. 8Nimahsela, Eluma (Barisua hming dang, a awmzia hi Dawithiam a ni a) chuan lal aiawhtu chu rin lohtîr tumin anni chu a lo dodâl a.
9Chutichuan, Saula (Paula an tih bawk) chu Thlarau Thianghlimin a khat a, ani chu a en reng a, 10“Nang mi bum leh huatthlalâk tinrênga khatpa, nang Diabola fapa, nang fel tinrêng malmâkpa, Lalpa kawng fel takte hi tihchhiat i bâng lo vang maw? 11Hre rawh, tûnah Lalpa kut i chungah a tla a nih hi, i mit a lo del ang a, khaw êng i hmu rih lo vang,” a ti a. Tichuan, chhûm leh thimin amah chu a bawh ta nghâl a, kuta kaitu tûr zawngin a vâk a vâk ta a. 12Tin, lal aiawhtu chuan chu thiltih chu a hmu a, Lalpa zirtîr thu chu mak a ti hle a, a ring ta a.
Pisidia rama Antiokei khua an thleng
13Tin, Paula chu a hote nên chuan Paphos khua aṭang chuan lawngin an kal a, Pamphulia rama Perga khua an thleng a; tin, Johana khân anni chu a kalsan a, Jerusalem khuaah a kîr leh ta a.
14Nimahsela, anni chu Perga khua ata an kal zêl a, Pisidia rama Antiokei khua an thleng a; tin, Chawlhniah inkhâwmna inah an lût a, an ṭhu a. 15Tin, Dân Lehkhabu leh Zâwlneite Lehkhabu chhiar zawhin, inkhâwmna in hotuten an hnênah mi an tîr a, “Unaute u, mite fuihna thu eng emaw in neih chuan sawi rawh u,” an ti a.
16Tin, Paula chu a ding a, kutin a zâp a, “Israel mite leh Pathian ṭihtute u, ngai teh u. 17Hêng Israel chite Pathian hian min thlahtute a thlang a, Aigupta rama an thang lai khân a chawimawi a, chungnung kutin chuta ṭang chuan a hruai chhuak ta a. #Ex 1.7; 12.51 18Tin, kum sawmli lai thlalêrah khân an thiltihte chu a en thei reng a. #Num 14.34; Deut 1.31 19Tin, Kanaan rama hnam sarih a tihtlâwm hnu khân, an ram chu luah tûrin a pe zêl a, #Deut 7.1; Jos 14.1 20kum zali leh sawmnga chhûng zawng khân. Chûng hnuah chuan rorêltute a pe ṭhîn a, zâwlnei Samuela thleng khân. #Ro 2.16; 1 Sam 3.20
21Tin, chumi hnuah chuan lal an dîl a; tichuan, Pathianin Saula, Kisa fa, Benjamin chia mi kha an hnênah a pe a, kum sawmli chhûng atân. #1 Sam 8.5; 10.21 22Tin, ani chu a sawn bo hnu khân an lal atân Davida a siam ta a; Pathianin chumi thu chu hriattîrin, ‘Davida, Jesaia fa, ka thinlung ang pu mi ka chhar ta, ani chuan ka duh zâwng ang apiang a ti ang,’ a ti a. #1 Sam 13.14; 16.12; Sam 89.20
23Chu mi thlahte zîngah chuan Pathianin, thutiam ang zêlin, Israel-ho hnênah Chhandamtu Isua a rawn thlen a; 24a lo kal hmain Johanan simna baptisma thu, Israel mi zawng zawng hnênah a lo hrilh tê tê a. #Mk 1.4; Lk 3.3 25Tin, Johanan a rawngbâwlna a zawh dâwn lai khân, ‘Nangnin tu-ah nge mi ruat? Ani chu ka ni lo ve. Nimahsela, ngai teh u, ka hnuah mi tu emaw a lo kal dâwn a ni, kei hi zawng a kephaha pheikhawk phelh tlâk pawh ka ni lo ve,’ a ti a. #Mt 3.11; Mk 1.7; Lk 3.16; Joh 1.20,27
26Unaute u, Abrahama thlaha fate u, in zînga Pathian ṭih zawng zawngte u, keimahniho hnênah hian hêng chhandamna thu hi min rawn thawn chhuak a nih hi. 27Jerusalem khuaa awmten an hotute nên, ani chu an hriat loh avâng leh zâwlneite thu, Chawlhni apianga chhiar ṭhin kha, an hriat hek loh avângin, ani chu thiam loh chantîrin, chumi thu chu an hlen ta a. 28A thihna khawp meuh a chungah eng mah an hmuh loh pawhin, Pilata hnênah tihhlum an ngên a. #Mt 27.22-23; Mk 15.13-14; Lk 23.21-23; Joh 19.15 29Tin, a thu zâwlneiten an ziak lâwk zawng zawng kha a hlen zawhin, thing ata chu an la thla a, thlânah an zalh ta a. #Mt 27.57-61; Mk 15.42-47; Lk 23.50-56; Joh 19.38-42. 30Nimahsela, Pathianin mitthi zîng ata a kai tho leh ta a; 31tin, Galili ram ata Jerusalem khuaa ama ruala chho vete hnênah chuan ni tam tak chhûng a inlâr ṭhîn a; chûng mite chu tûnah hian mi hnênah a thuhretute an ni e. #Tirh 1.3 32Keini pawhin thlahtute hnêna thutiam kha, a chanchin lâwmawm kan rawn hrilh che u hi. 33Khatia Pathianin Isua a kaihthawhah khân, kan fate hnênah hian chûng chu a hlen a ni; Sam pahnihnaah, ‘Ka Fapa i ni e, vawiinah hian ka hring a che,’ tih ziak ang bawk khân. #Sam 2.7 34Ṭawihna hmuna kal leh lo tûrin, Pathianin ani chu mitthi zîng ata a kaihthawh tûrzia thu chu heti hian a sawi, ‘Davida hnêna khawngaihna ka tiam tlatte kha nangmah ka pe ang che,’ tiin. #Is 55.3 35Chuvângin, hla dangah, ‘I Mi Thianghlima chu ṭawih ral i phal lo vang,’ a ti bawk a. #Sam 16.10 36Davida zawng, Pathian rorêlsak angin a dam rualpuite rawng a bâwl zawhah khân a muhîl a, a thlahtute hnênah an zalh a, a ṭawih ral tawh alâwm; 37Pathian kaihthawh erawh kha chu a ṭawih ral loh kha.
38Chutichuan, unaute u, hre rawh u; amah avâng chuan sual ngaihhnathiamna thu in hnênah hrilh a nih hi; 39tu pawh a ring apiang engkimah ama thiam chantîrin an awm, chûngah chuan Mosia dânin thiam chantîrin in awm thei lo ve. 40Chuvângin, fîmkhur rawh u; chuti lo chuan, zâwlneite lehkhabua an sawi kha in chungah a lo thleng dah ang e,
41‘Hmusittute u, en rawh u,
Mak ti ula, boral rawh u;
In dam chhûng hian
thil kawng khat ka tih hi,
Chu thil chu miin
hrilh che u mah sela,
In âwih tawp lo vang,’
tih kha,” a ti a. #Hab 1.5
42Tin, an chhuahin Chawlhni lehah chûng thu chu sawi leh tûrin an ngên a. 43Tin, inkhâwmhote chu an ṭîn veleh, Juda-te leh an saphun Pathian ngaihsak zînga mi tam takin Paula leh Barnaba chu an zui zêl a; anni chuan an lo bia a, Pathian khawngaihnaah chuan awm reng tûrin an fuih a.
44Tin, Chawlhni lehah chuan a khua thawin Pathian thu ngaithla tûrin an rawn inkhâwm a. 45Nimahsela, Juda-ten mipuite chu an hmuh veleh an îtsîk êm êm mai a; Paula thusawi chu an hnialkalh a, an sâwt hle a.
46Tin, Paula leh Barnaba chuan huai takin an sawi chhuak a, “Pathian thu hi nangmahni hnênah sawi hmasak tûr rêng a ni; nimahsela, in hnar kîr a, chatuana nung tlâk lova in inruat tâk ahnuin, hre rawh u, Jentail-te lam kan hawi ta ve ang.
47Chutiang chuan Lalpan thu min pe a ni,
‘Jentail-te tiêngtuah
ka ruat a che,
Kâwlkil thlenga chhandamtua
i awm theihna tûrin,’
tih ziak ang khan,” an ti a. #Is 42.6; 49.6
48Tin, Jentail-te chuan chûng thu chu an hriatin an lâwm a, Pathian chu an chawimawi a; tin, chatuana nung tûra ruat apiang chuan an ring ta a.
49Tin, Lalpa thu chu chumi ram khua vêlah chuan a darh ta a. 50Nimahsela, Juda-te chuan hmeichhe zahawm, Pathian ngaihsakte leh khuaa upahote chu an fuih a, Paula leh Barnaba chu an tihduhdahtîr a, an ram ata an hnawt chhuak ta a. 51Tin, anni chuan an chungah an kephaha vaivut an thing thla a, Ikonion khua an thleng a. #Mt 10.4; Mk 6.11; Lk 9.5; 10.11
52Tin, zirtîrhote chu lâwmna leh Thlarau Thianghlimin an khat hlawm a.
Currently Selected:
TIRHKOHTE 13: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
TIRHKOHTE 13
13
Barnaba leh Saula zin tûra tirh an ni
1Tin, Antiokei khuaa kohhranho awmte zîngah chuan thuhriltute leh zirtîrtute an awm; chûng chu Barnaba te, Sumeona, Nigera an tih te, Kurini khuaa mi Lukia te, Lal Heroda unau tûr Manaina te, Saula te an ni. 2Tin, Lalpa rawng an bâwla, chaw an nghei laiin Thlarau Thianghlimin, “Barnaba leh Saula hi anmahni ka ruat chhan ti tûrin mi tihhransak rawh u,” a ti a. 3Chutichuan, chaw an ngheia an ṭawngṭai zawh chuan an chungah kut an nghat a, an kaltîr ta a.
Kupra thliarkâr an thleng
4Chutichuan, Thlarau Thianghlim tirh chhuahin an kal a, Selukai khuaah an chhuk a, chuta ṭangin Kupra thliarkârah lawngin an kal a. 5Tin, Salamis khuaa an awm laiin, Juda inkhâwmna inahte Pathian thu an hril ṭhîn a; Johana pawh kha an rawng bâwl tûrin an hruai ve a.
6Tin, thliarkâr chu Paphos khaw thlengin an fang chhuak a, dawithiam, zâwlnei der, Juda mi pakhat an hmu a, a hming chu Barisua a ni a. 7Chu mi chu lal aiawhtu, Serjia Paula, mi fing tak hnêna awm a ni a. Chu lal aiawhtu chuan Barnaba leh Saula chu a ko va, Pathian thu hriat a tum a. 8Nimahsela, Eluma (Barisua hming dang, a awmzia hi Dawithiam a ni a) chuan lal aiawhtu chu rin lohtîr tumin anni chu a lo dodâl a.
9Chutichuan, Saula (Paula an tih bawk) chu Thlarau Thianghlimin a khat a, ani chu a en reng a, 10“Nang mi bum leh huatthlalâk tinrênga khatpa, nang Diabola fapa, nang fel tinrêng malmâkpa, Lalpa kawng fel takte hi tihchhiat i bâng lo vang maw? 11Hre rawh, tûnah Lalpa kut i chungah a tla a nih hi, i mit a lo del ang a, khaw êng i hmu rih lo vang,” a ti a. Tichuan, chhûm leh thimin amah chu a bawh ta nghâl a, kuta kaitu tûr zawngin a vâk a vâk ta a. 12Tin, lal aiawhtu chuan chu thiltih chu a hmu a, Lalpa zirtîr thu chu mak a ti hle a, a ring ta a.
Pisidia rama Antiokei khua an thleng
13Tin, Paula chu a hote nên chuan Paphos khua aṭang chuan lawngin an kal a, Pamphulia rama Perga khua an thleng a; tin, Johana khân anni chu a kalsan a, Jerusalem khuaah a kîr leh ta a.
14Nimahsela, anni chu Perga khua ata an kal zêl a, Pisidia rama Antiokei khua an thleng a; tin, Chawlhniah inkhâwmna inah an lût a, an ṭhu a. 15Tin, Dân Lehkhabu leh Zâwlneite Lehkhabu chhiar zawhin, inkhâwmna in hotuten an hnênah mi an tîr a, “Unaute u, mite fuihna thu eng emaw in neih chuan sawi rawh u,” an ti a.
16Tin, Paula chu a ding a, kutin a zâp a, “Israel mite leh Pathian ṭihtute u, ngai teh u. 17Hêng Israel chite Pathian hian min thlahtute a thlang a, Aigupta rama an thang lai khân a chawimawi a, chungnung kutin chuta ṭang chuan a hruai chhuak ta a. #Ex 1.7; 12.51 18Tin, kum sawmli lai thlalêrah khân an thiltihte chu a en thei reng a. #Num 14.34; Deut 1.31 19Tin, Kanaan rama hnam sarih a tihtlâwm hnu khân, an ram chu luah tûrin a pe zêl a, #Deut 7.1; Jos 14.1 20kum zali leh sawmnga chhûng zawng khân. Chûng hnuah chuan rorêltute a pe ṭhîn a, zâwlnei Samuela thleng khân. #Ro 2.16; 1 Sam 3.20
21Tin, chumi hnuah chuan lal an dîl a; tichuan, Pathianin Saula, Kisa fa, Benjamin chia mi kha an hnênah a pe a, kum sawmli chhûng atân. #1 Sam 8.5; 10.21 22Tin, ani chu a sawn bo hnu khân an lal atân Davida a siam ta a; Pathianin chumi thu chu hriattîrin, ‘Davida, Jesaia fa, ka thinlung ang pu mi ka chhar ta, ani chuan ka duh zâwng ang apiang a ti ang,’ a ti a. #1 Sam 13.14; 16.12; Sam 89.20
23Chu mi thlahte zîngah chuan Pathianin, thutiam ang zêlin, Israel-ho hnênah Chhandamtu Isua a rawn thlen a; 24a lo kal hmain Johanan simna baptisma thu, Israel mi zawng zawng hnênah a lo hrilh tê tê a. #Mk 1.4; Lk 3.3 25Tin, Johanan a rawngbâwlna a zawh dâwn lai khân, ‘Nangnin tu-ah nge mi ruat? Ani chu ka ni lo ve. Nimahsela, ngai teh u, ka hnuah mi tu emaw a lo kal dâwn a ni, kei hi zawng a kephaha pheikhawk phelh tlâk pawh ka ni lo ve,’ a ti a. #Mt 3.11; Mk 1.7; Lk 3.16; Joh 1.20,27
26Unaute u, Abrahama thlaha fate u, in zînga Pathian ṭih zawng zawngte u, keimahniho hnênah hian hêng chhandamna thu hi min rawn thawn chhuak a nih hi. 27Jerusalem khuaa awmten an hotute nên, ani chu an hriat loh avâng leh zâwlneite thu, Chawlhni apianga chhiar ṭhin kha, an hriat hek loh avângin, ani chu thiam loh chantîrin, chumi thu chu an hlen ta a. 28A thihna khawp meuh a chungah eng mah an hmuh loh pawhin, Pilata hnênah tihhlum an ngên a. #Mt 27.22-23; Mk 15.13-14; Lk 23.21-23; Joh 19.15 29Tin, a thu zâwlneiten an ziak lâwk zawng zawng kha a hlen zawhin, thing ata chu an la thla a, thlânah an zalh ta a. #Mt 27.57-61; Mk 15.42-47; Lk 23.50-56; Joh 19.38-42. 30Nimahsela, Pathianin mitthi zîng ata a kai tho leh ta a; 31tin, Galili ram ata Jerusalem khuaa ama ruala chho vete hnênah chuan ni tam tak chhûng a inlâr ṭhîn a; chûng mite chu tûnah hian mi hnênah a thuhretute an ni e. #Tirh 1.3 32Keini pawhin thlahtute hnêna thutiam kha, a chanchin lâwmawm kan rawn hrilh che u hi. 33Khatia Pathianin Isua a kaihthawhah khân, kan fate hnênah hian chûng chu a hlen a ni; Sam pahnihnaah, ‘Ka Fapa i ni e, vawiinah hian ka hring a che,’ tih ziak ang bawk khân. #Sam 2.7 34Ṭawihna hmuna kal leh lo tûrin, Pathianin ani chu mitthi zîng ata a kaihthawh tûrzia thu chu heti hian a sawi, ‘Davida hnêna khawngaihna ka tiam tlatte kha nangmah ka pe ang che,’ tiin. #Is 55.3 35Chuvângin, hla dangah, ‘I Mi Thianghlima chu ṭawih ral i phal lo vang,’ a ti bawk a. #Sam 16.10 36Davida zawng, Pathian rorêlsak angin a dam rualpuite rawng a bâwl zawhah khân a muhîl a, a thlahtute hnênah an zalh a, a ṭawih ral tawh alâwm; 37Pathian kaihthawh erawh kha chu a ṭawih ral loh kha.
38Chutichuan, unaute u, hre rawh u; amah avâng chuan sual ngaihhnathiamna thu in hnênah hrilh a nih hi; 39tu pawh a ring apiang engkimah ama thiam chantîrin an awm, chûngah chuan Mosia dânin thiam chantîrin in awm thei lo ve. 40Chuvângin, fîmkhur rawh u; chuti lo chuan, zâwlneite lehkhabua an sawi kha in chungah a lo thleng dah ang e,
41‘Hmusittute u, en rawh u,
Mak ti ula, boral rawh u;
In dam chhûng hian
thil kawng khat ka tih hi,
Chu thil chu miin
hrilh che u mah sela,
In âwih tawp lo vang,’
tih kha,” a ti a. #Hab 1.5
42Tin, an chhuahin Chawlhni lehah chûng thu chu sawi leh tûrin an ngên a. 43Tin, inkhâwmhote chu an ṭîn veleh, Juda-te leh an saphun Pathian ngaihsak zînga mi tam takin Paula leh Barnaba chu an zui zêl a; anni chuan an lo bia a, Pathian khawngaihnaah chuan awm reng tûrin an fuih a.
44Tin, Chawlhni lehah chuan a khua thawin Pathian thu ngaithla tûrin an rawn inkhâwm a. 45Nimahsela, Juda-ten mipuite chu an hmuh veleh an îtsîk êm êm mai a; Paula thusawi chu an hnialkalh a, an sâwt hle a.
46Tin, Paula leh Barnaba chuan huai takin an sawi chhuak a, “Pathian thu hi nangmahni hnênah sawi hmasak tûr rêng a ni; nimahsela, in hnar kîr a, chatuana nung tlâk lova in inruat tâk ahnuin, hre rawh u, Jentail-te lam kan hawi ta ve ang.
47Chutiang chuan Lalpan thu min pe a ni,
‘Jentail-te tiêngtuah
ka ruat a che,
Kâwlkil thlenga chhandamtua
i awm theihna tûrin,’
tih ziak ang khan,” an ti a. #Is 42.6; 49.6
48Tin, Jentail-te chuan chûng thu chu an hriatin an lâwm a, Pathian chu an chawimawi a; tin, chatuana nung tûra ruat apiang chuan an ring ta a.
49Tin, Lalpa thu chu chumi ram khua vêlah chuan a darh ta a. 50Nimahsela, Juda-te chuan hmeichhe zahawm, Pathian ngaihsakte leh khuaa upahote chu an fuih a, Paula leh Barnaba chu an tihduhdahtîr a, an ram ata an hnawt chhuak ta a. 51Tin, anni chuan an chungah an kephaha vaivut an thing thla a, Ikonion khua an thleng a. #Mt 10.4; Mk 6.11; Lk 9.5; 10.11
52Tin, zirtîrhote chu lâwmna leh Thlarau Thianghlimin an khat hlawm a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.