Matthew 3
3
1Hī mīs gāḵ dum otl‐ts John ḵā Baptist, glīḵsāla glīḵ‐sāla lāḵā lūblabīs‐as Jūdæa,
2Nīkya, māyātāk dāḵw lāga; kaḵs gāḵ ma īḵ ulāk gāḵ‐āklilī da īkē awīnāqīs.
3Kāḵs ga‐mā ī da qayū wotla sa prophet Isaiah nīkya, hīgālī da namūqā lāḵā lūblabīs qāqutlī lāk dāḵw la ḵoḵ gyēmākās kla sa Gīkumā‐ya nukulā mas lāḵ diyhilēs.
4Hī mī sī John qītlqēla nūq sa sayē sa camel, quz‐īs wasīgānū; lā tā locustī hamā‐yas hī mī sa honey.
5La lā āts Jerusalem, glū nāwhī Judæa, glū nāwhī da gāyūtl lāḵā nāwhā awīnāqīs nawhātla lāḵ Jordan,
6Lāk dāḵw baptize tsūs lāḵ Jordan, ī‐ūlāqāk dāḵw sīs yēkīnā‐yī.
7Wa gil mīs doḵ‐wāklilā ḵā kīnum‐ī lāḵā Pharisees gla wā Sadducees gāḵ lāḵ baptize-īnāyas, la nīk lāḵ dāḵwuk, yūtl sī‐sītlum māyū-glum sītlum, ungwī uḵ‐kyālē ūtl kās hītl‐tsau ūsā sa yākyā‐ya gāḵ‐kl?
8Gāḵ lagā‐ts nūnawīmas‐a kā hītlū kā ī da māyātā lazī:
9Qālā wūtl‐um gīgā‐īkul kās nīnkī‐kulāk dāḵwā ūs, uḵnū‐gwā da munūh whās Abraham kunūh ūmpa; lā tin nīk yūtl klas God tāḵs tloqī‐masa ā ēgilwāt ma ā ḵwā tīsumḵ kās ginginānumk‐īdā masī lā ḵuq kā Abraham.
10La um ḵa‐ā wī sī da sūbāyū kyātuḵ‐glālīzim lāḵ klūpakyā sa glāk‐glos: hī mīs lāgītl klis nāwhā um klī da glāk‐glos yiḵā kīs kla gāḵā‐masuḵ ekī nūnawīmas sūpāḵo tsū‐kl, kās zuḵ klānū‐wī‐kl lāḵā gwiltā.
11Aulāmun baptize tsā wāp lūtl lāḵīs la‐īnāyūs māyātā: lā glā tī da gāḵī‐gī kla gāḵun tloqīmas‐ā kāwā‐yin, yiḵā tībāyū nūqā sa tībāyau ḵun wāyāga‐ā āsā glin daāq: baptize kla sa Holy Spirit, gla wā gwiltā:
12Yiḵā dālē ḵīs yāwāyū lāḵīs āyasū, lā klī nāwhilītl īqilītlā‐kl ḵīs awīnāqītl, glūḵs kapēkla ḵīs zīzidanū lāḵīs gāyāzī; lā glā tā klī whūmtākl ḵī da sēqus‐kumā‐yī sa kīsa kyil‐kyāḵ‐īm gwiltā.
13¶ Wa gāḵī Jesus gāyā‐nāqil lāḵ Galilee gāḵ lāḵā wā Jordan lāḵ John, ḵās baptize tsa wīs.
14Lā tā John bābalatl‐gīwā lāk, nīkya, nū gwī lāḵ gin baptize tsū lāḵūs, lā tās gāḵ gāḵuna?
15Lī Jesus nānāḵmī nīk‐yuk, wāh lāga umās glā hē lī, wīgā; hī mī gints nānākīgāyātla īnī kluḵ wātldum a sa law: la hītl‐kālā umk.
16Lī Jesus gāla ī qātl baptize tsa wā, hīh īda um lostā lāḵā wāp: dok, yiḵā īkī awīnāqīs ukulīs kā ī, la doqilāk Spirit as God banū‐tlila hī qīx hamū gāḵ‐sum dā lāk:
17Wa dok, ḵā wudglā kuḵs dī sū lāḵā īkī awīnāqīs, nīkya, gamun tlāwhilā ḵwanūqik, yiḵun ēkīkulā‐yūḵ.
Currently Selected:
Matthew 3: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
