Kəth Apos 6
6
Mdə Ku Carɓəla Mjir Dlara Murfa
1Tsu akwa saka ndaga, sakatə hangkurər mjir nuwa akwa jakjaka, antə mjir Yahudi na ana gari akwa mnyar mjir Helleni ləkwa nggungguni ata kəra mjir Yahudi na ana gari akwa mnyar mjir Aramiya. Da pəla abbər mda aɗi akwa vədzə hangkal aka mwankir ɗa na kughung akwa sakar ndəkə su tə mda ana hara tədək viri nə wa. 2Antə aposəlayeri na kumnya suɗə ni tsaptə shanga mjir nuwa ata kəma duku, ka pəla ala ɗa, “Aɗi kalkal ka yeru zhar ngkər ndərər Hyel ka yeru ləkwa wul wujirər susəm wa. 3Antə maɗaməma, carɓəla giri mji murfa akwa nca giri, mji na ka səli, na nghyinghyari ka Mambəl na Ɓɗakkarkara, ka ɗəɗukur, ka mburu pu ɗa akwa kəthlər ngəni ni. 4Amma ar yeru, antə yeru ata vu duna yeru shang akwa hara adduwa ka ngkər ndərər Hyel ni.”
5Antə shanga mji ku nggatə msərakur su tə aposəlayeri pəla ni. Antə da carɓəla Istifanus, mdə na nghyinghyari ka hamta jiri ka Mambəl na Ɓɗakkarkara, ka Filibus, ka Prokorus, ka Nikanor, ka Timon, ka Parminas, ka Nikolawus, dur gapani na ləkwa addinər mjir Yahudi, tsa thlata ahar Antakiya. 6Mji ngəni antə mdə sənta akəma aposəlayeri ni. Antə aposəlayeri ni pungkər tsiya ɗa ata kəra ɗa, ka hara adduwa ata kəra ɗa.
7Antə ndərər Hyel ku ləkəma ka titiləmtadzi. Antə hangkurər mjir nuwa ku ləkəma ka jakjaka akwa Urushalima, tsuwa pristayeri hang ku sə kələngkər aka addin ngəni.
Mdə Ku Ngkəi Istifanus
8Antə Istifanus, mdə tə Hyel hara alari ɓɗakkur ka nar duna, ku hara surndatayeri ol'ola kəga seɗayeri akwa nca mji. 9Amma mji laga na thlata akwa vəi vəngkər səli ar mji tə mda ana kəga ɗa Mji Msərmsəra, baɗitə beɗi kəga Istifanus. Da an mjir Yahudi na thlata ahar Sayirin, ka Alekzandəriya, ka Kilikiya, ka ahar Asiya. 10Amma da aɗi mzhi nggyari ni akwa beɗi ni wa, kamnyar tsa akwa gari ka ɗəɗukur, tsuwa Mambələr Hyel ata kərari. 11Antə da zwalitə mji laga akwa ɗuwari ka da pəla abbər, “Yeru ku nggatə ni akwa gari ɗimi ata kəra Musa ka ata kəra Hyel.” 12Apani antə da mbwantə ɗəffa mji, kəga mji na ol'ola, kəga maləmayeri ar thlipə tsawur Musa, ata kəra Istifanus. Antə da si ata kərari ka ngkəi ni, ka mwantə ni akəma mjir majalisa. 13Antə da ɗəmhə mji na ata hara seɗayeri ar thlandər na pəla, “Mdə ngəni aɗi ɗar zhar ngkər ndər na ɗimi ata kəra vəi na ngəni ɓɗakkarkar ni ka tsawu nə wa. 14Kamnyar yeru ku nggatə ni akwa pəla abbər, Yesu ngəni na mdər Nazareth ni ata sə huzamta mbwar vəngkər səli ni, ka pali shanga surharar mburu natə Musa hamta ala mburu ni!” 15Antə shanga mji na andzəndzi akwa majalisa ni ləkwa wul Istifanus njingnga, ka wuta abbər kəmari akwa palidzi ka ndzi apa mdərthlentərhyel.
Currently Selected:
Kəth Apos 6: KNB
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Kəth Apos 6
6
Mdə Ku Carɓəla Mjir Dlara Murfa
1Tsu akwa saka ndaga, sakatə hangkurər mjir nuwa akwa jakjaka, antə mjir Yahudi na ana gari akwa mnyar mjir Helleni ləkwa nggungguni ata kəra mjir Yahudi na ana gari akwa mnyar mjir Aramiya. Da pəla abbər mda aɗi akwa vədzə hangkal aka mwankir ɗa na kughung akwa sakar ndəkə su tə mda ana hara tədək viri nə wa. 2Antə aposəlayeri na kumnya suɗə ni tsaptə shanga mjir nuwa ata kəma duku, ka pəla ala ɗa, “Aɗi kalkal ka yeru zhar ngkər ndərər Hyel ka yeru ləkwa wul wujirər susəm wa. 3Antə maɗaməma, carɓəla giri mji murfa akwa nca giri, mji na ka səli, na nghyinghyari ka Mambəl na Ɓɗakkarkara, ka ɗəɗukur, ka mburu pu ɗa akwa kəthlər ngəni ni. 4Amma ar yeru, antə yeru ata vu duna yeru shang akwa hara adduwa ka ngkər ndərər Hyel ni.”
5Antə shanga mji ku nggatə msərakur su tə aposəlayeri pəla ni. Antə da carɓəla Istifanus, mdə na nghyinghyari ka hamta jiri ka Mambəl na Ɓɗakkarkara, ka Filibus, ka Prokorus, ka Nikanor, ka Timon, ka Parminas, ka Nikolawus, dur gapani na ləkwa addinər mjir Yahudi, tsa thlata ahar Antakiya. 6Mji ngəni antə mdə sənta akəma aposəlayeri ni. Antə aposəlayeri ni pungkər tsiya ɗa ata kəra ɗa, ka hara adduwa ata kəra ɗa.
7Antə ndərər Hyel ku ləkəma ka titiləmtadzi. Antə hangkurər mjir nuwa ku ləkəma ka jakjaka akwa Urushalima, tsuwa pristayeri hang ku sə kələngkər aka addin ngəni.
Mdə Ku Ngkəi Istifanus
8Antə Istifanus, mdə tə Hyel hara alari ɓɗakkur ka nar duna, ku hara surndatayeri ol'ola kəga seɗayeri akwa nca mji. 9Amma mji laga na thlata akwa vəi vəngkər səli ar mji tə mda ana kəga ɗa Mji Msərmsəra, baɗitə beɗi kəga Istifanus. Da an mjir Yahudi na thlata ahar Sayirin, ka Alekzandəriya, ka Kilikiya, ka ahar Asiya. 10Amma da aɗi mzhi nggyari ni akwa beɗi ni wa, kamnyar tsa akwa gari ka ɗəɗukur, tsuwa Mambələr Hyel ata kərari. 11Antə da zwalitə mji laga akwa ɗuwari ka da pəla abbər, “Yeru ku nggatə ni akwa gari ɗimi ata kəra Musa ka ata kəra Hyel.” 12Apani antə da mbwantə ɗəffa mji, kəga mji na ol'ola, kəga maləmayeri ar thlipə tsawur Musa, ata kəra Istifanus. Antə da si ata kərari ka ngkəi ni, ka mwantə ni akəma mjir majalisa. 13Antə da ɗəmhə mji na ata hara seɗayeri ar thlandər na pəla, “Mdə ngəni aɗi ɗar zhar ngkər ndər na ɗimi ata kəra vəi na ngəni ɓɗakkarkar ni ka tsawu nə wa. 14Kamnyar yeru ku nggatə ni akwa pəla abbər, Yesu ngəni na mdər Nazareth ni ata sə huzamta mbwar vəngkər səli ni, ka pali shanga surharar mburu natə Musa hamta ala mburu ni!” 15Antə shanga mji na andzəndzi akwa majalisa ni ləkwa wul Istifanus njingnga, ka wuta abbər kəmari akwa palidzi ka ndzi apa mdərthlentərhyel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.