Baɗitari 17
17
Thla Kaciya An Seɗar Alkawal
1Sakatə Ibram ka məvari əmdləkumari ka əmdla, antə MTHLAKU jaktə ncantə kərni alari ka pəla, “I an Hyel na ka Duna ta Shang. Mwa akəmi kara ndzi kula sur nggəla. 2Antə I ata vəi alkawal akwa daɓwa mwa, tsuwa I ata hara ka kəkayeri ar ngə yatədzi dlama dlama.” 3Antə Ibram zuzuri ka kəmari ata di. Antə Hyel pəla alari, 4“Arna kam, ngəni an alkawalərna ala ga, abbər ga ata ndzi kəkar mji dlama dlama. 5Mda aɗi ata jaktə kəga thləma ga Ibram kəra wa, amma thləma ga ata ndzi Ibrahim. Kamnyar I ku namtə nga kəkar mji dlama dlama. 6I ata hara ka giri yatədzi hang ka duna, har ka giri ndzi tsəɗiyayeri, tsuwa kuthlyayeri ata səɓəla akwa nca giri. 7Tsuwa I ata vəi alkawal akwa daɓwa mwa, ka tsuwa kəkayeri ar nga na ata si aghəli akwa shanga zamanayeri na akəmazi, alkawal na ba saka madi abbər I ata ndzi Hyelər giri ka ar kəkayeri ar giri na aghəla giri. 8I ata hamta ala ga, kəga kəkayeri ar nga na aghəla ga, tsəɗi tə giri akwa ndzi akwa apa mətəpi kulini ni, watau shanga tsəɗi Kanana, ka tsa ndzi ar giri ba saka madi. Antə I ata ndzi Hyel arɗa.”
9Antə Hyel pəla aka Ibrahim, “Ar nga, ka gə ɓəlata alkawalərna, ga ka shanga kəkayeri ar nga na ata si aghəla ga, akwa shanga zamanayeri arɗa. 10Ngəni an alkawalərna tə giri ata ɓəlatari, akwa daɓwi ka ga, ka kəkayeri ar nga na ata si aghəla ga, abbər kəlara mdə sal na akwa nca giri mda ata thla alari kaciya. 11Giri ata thlamta kəsəm ar zəmbuləma giri, antə ngəni ata ndzi seɗar alkawal na akwa daɓwi ka giri. 12Antə akwa shanga zamanayeri ar giri, kəlara ɓzər sal na ku hara vir ncisu ka yarni mda ata thla alari kaciya, wala natə mdə ya ni akwa kəyir giri, wala natə mdə mastə ka kwaba akəla mətəpi, na aɗi ɓzər kuta gə wa. 13Ɓzər sal tə mdə ya ni akwa kutakəyir nga ka natə mdə mastə ka kwaba, japu mda ata thla ala ɗa kaciya. Apani antə alkawalərna ata sə ndzi akwa dza giri har ba saka madi. 14Kəlara mdə sal natə mda aɗi thla alari kaciya wa, mda ata kədləɓəla ni kazhar nca mjirni, kamnyar tə tsa ku ɓəli alkawalərna.”
15Antə Hyel pəla aka Ibrahim, “Ar mwalankiri Saraya, ga aɗi ata kəga ni Saraya kəra wa, amma thləmari ata ndzi Saratu. 16I ata vədzə alari barka, tsuwa I ata na gə ɓzər atar ni. I ata vədza alari barka, antə tsa ata ndzi kəkar mji dlama dlama, tsuwa kuthlyayeri ata səɓəla akwa nca kəkayeri arni.”
17Antə Ibrahim zuzuri ka kəmari ata di, ka kumshi akwa pəla akwa ɗəffari abbər, “Mdə ka məvari aru ata mzhi yaɓəla ɓzər ya? Tsuwa Saratu na ka məvari əmdləkumari ata mzhi yaɓəla ɓzər ya?” 18Antə Ibrahim pəla aka Hyel, “Ma ga an ata zhar ali Ishmayel ka tsa wutə mdəkur akəma ga, ai daci!”
19Amma Hyel pəla alari, “Awa, Saratu na mwalankiri an ata yaɓəla ala gə ɓzər sal, antə ga ata vəta alari thləm Ishaku. I ata hara alkawalər alari, alkawal na ata ndzi ba saka madi aka kəkayeri arni na ata si aghəlari. 20Ata kəra Ishaku tsuwa, I ku nggatə nga. I ata vədza alari barka, kəi hara ka tsa yatsə maɗankyar, ka da yatədzi dlama dlama. Tsa ata wutə maɗankyar kumnya suɗa na ata ndzi kuthlyayeri, tsuwa I ata hara ka durari ndzi hang. 21Amma I ata kətə alkawal aka Ishaku, ɓzər tə Saratu ata yaɓəlari ala ga apta saka apani.” 22Sakatə Hyel ku kuri gari ka Ibrahim, antə Hyel ku təra kazhar ni.
23Antə Ibrahim ku kətə ɓzərni Ishmayel ka shanga mafayeri tə mdə yaɓəla akwa kutakəyirni kəga natə tsa mastə ka kwabarni, ka shanga maɗashilər mjir kutakəyirni, ka hara ala ɗa kaciya tsu vir nda, apatə Hyel ku pəla alari. 24Ibrahim ka məvari əmdləkumari ka əmdla ka yarni sakatə mdə thlamta alari kaciya. 25Amma ɓzərni Ishmayel ka məvari kumnya makər ka yarni sakatə mdə thlamta alari kaciya. 26Vir duku antə mdə hara kaciya aka Ibrahim ka ɓzərni Ishmayel. 27Tsuwa tsu vir nda antə mdə hara kaciya aka shanga mji shili na akwa kutakəyirni, mji tə mdə yaɓəla ɗa akwa kutakəyirni kəga na natə mdə mastə ɗa ka kwaba akəla mətəpiyayeri, ata kəma duku ka tsa.
Currently Selected:
Baɗitari 17: KNB
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Baɗitari 17
17
Thla Kaciya An Seɗar Alkawal
1Sakatə Ibram ka məvari əmdləkumari ka əmdla, antə MTHLAKU jaktə ncantə kərni alari ka pəla, “I an Hyel na ka Duna ta Shang. Mwa akəmi kara ndzi kula sur nggəla. 2Antə I ata vəi alkawal akwa daɓwa mwa, tsuwa I ata hara ka kəkayeri ar ngə yatədzi dlama dlama.” 3Antə Ibram zuzuri ka kəmari ata di. Antə Hyel pəla alari, 4“Arna kam, ngəni an alkawalərna ala ga, abbər ga ata ndzi kəkar mji dlama dlama. 5Mda aɗi ata jaktə kəga thləma ga Ibram kəra wa, amma thləma ga ata ndzi Ibrahim. Kamnyar I ku namtə nga kəkar mji dlama dlama. 6I ata hara ka giri yatədzi hang ka duna, har ka giri ndzi tsəɗiyayeri, tsuwa kuthlyayeri ata səɓəla akwa nca giri. 7Tsuwa I ata vəi alkawal akwa daɓwa mwa, ka tsuwa kəkayeri ar nga na ata si aghəli akwa shanga zamanayeri na akəmazi, alkawal na ba saka madi abbər I ata ndzi Hyelər giri ka ar kəkayeri ar giri na aghəla giri. 8I ata hamta ala ga, kəga kəkayeri ar nga na aghəla ga, tsəɗi tə giri akwa ndzi akwa apa mətəpi kulini ni, watau shanga tsəɗi Kanana, ka tsa ndzi ar giri ba saka madi. Antə I ata ndzi Hyel arɗa.”
9Antə Hyel pəla aka Ibrahim, “Ar nga, ka gə ɓəlata alkawalərna, ga ka shanga kəkayeri ar nga na ata si aghəla ga, akwa shanga zamanayeri arɗa. 10Ngəni an alkawalərna tə giri ata ɓəlatari, akwa daɓwi ka ga, ka kəkayeri ar nga na ata si aghəla ga, abbər kəlara mdə sal na akwa nca giri mda ata thla alari kaciya. 11Giri ata thlamta kəsəm ar zəmbuləma giri, antə ngəni ata ndzi seɗar alkawal na akwa daɓwi ka giri. 12Antə akwa shanga zamanayeri ar giri, kəlara ɓzər sal na ku hara vir ncisu ka yarni mda ata thla alari kaciya, wala natə mdə ya ni akwa kəyir giri, wala natə mdə mastə ka kwaba akəla mətəpi, na aɗi ɓzər kuta gə wa. 13Ɓzər sal tə mdə ya ni akwa kutakəyir nga ka natə mdə mastə ka kwaba, japu mda ata thla ala ɗa kaciya. Apani antə alkawalərna ata sə ndzi akwa dza giri har ba saka madi. 14Kəlara mdə sal natə mda aɗi thla alari kaciya wa, mda ata kədləɓəla ni kazhar nca mjirni, kamnyar tə tsa ku ɓəli alkawalərna.”
15Antə Hyel pəla aka Ibrahim, “Ar mwalankiri Saraya, ga aɗi ata kəga ni Saraya kəra wa, amma thləmari ata ndzi Saratu. 16I ata vədzə alari barka, tsuwa I ata na gə ɓzər atar ni. I ata vədza alari barka, antə tsa ata ndzi kəkar mji dlama dlama, tsuwa kuthlyayeri ata səɓəla akwa nca kəkayeri arni.”
17Antə Ibrahim zuzuri ka kəmari ata di, ka kumshi akwa pəla akwa ɗəffari abbər, “Mdə ka məvari aru ata mzhi yaɓəla ɓzər ya? Tsuwa Saratu na ka məvari əmdləkumari ata mzhi yaɓəla ɓzər ya?” 18Antə Ibrahim pəla aka Hyel, “Ma ga an ata zhar ali Ishmayel ka tsa wutə mdəkur akəma ga, ai daci!”
19Amma Hyel pəla alari, “Awa, Saratu na mwalankiri an ata yaɓəla ala gə ɓzər sal, antə ga ata vəta alari thləm Ishaku. I ata hara alkawalər alari, alkawal na ata ndzi ba saka madi aka kəkayeri arni na ata si aghəlari. 20Ata kəra Ishaku tsuwa, I ku nggatə nga. I ata vədza alari barka, kəi hara ka tsa yatsə maɗankyar, ka da yatədzi dlama dlama. Tsa ata wutə maɗankyar kumnya suɗa na ata ndzi kuthlyayeri, tsuwa I ata hara ka durari ndzi hang. 21Amma I ata kətə alkawal aka Ishaku, ɓzər tə Saratu ata yaɓəlari ala ga apta saka apani.” 22Sakatə Hyel ku kuri gari ka Ibrahim, antə Hyel ku təra kazhar ni.
23Antə Ibrahim ku kətə ɓzərni Ishmayel ka shanga mafayeri tə mdə yaɓəla akwa kutakəyirni kəga natə tsa mastə ka kwabarni, ka shanga maɗashilər mjir kutakəyirni, ka hara ala ɗa kaciya tsu vir nda, apatə Hyel ku pəla alari. 24Ibrahim ka məvari əmdləkumari ka əmdla ka yarni sakatə mdə thlamta alari kaciya. 25Amma ɓzərni Ishmayel ka məvari kumnya makər ka yarni sakatə mdə thlamta alari kaciya. 26Vir duku antə mdə hara kaciya aka Ibrahim ka ɓzərni Ishmayel. 27Tsuwa tsu vir nda antə mdə hara kaciya aka shanga mji shili na akwa kutakəyirni, mji tə mdə yaɓəla ɗa akwa kutakəyirni kəga na natə mdə mastə ɗa ka kwaba akəla mətəpiyayeri, ata kəma duku ka tsa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.