Markus 10
10
Thlipər Yesu Ata Kəra Ndəkə Ka Mwala
(Mat 19:1-12; Luk 16:18)
1Antə Yesu ku təra kazhar vəi nda, ka mwari akwa tsəɗi Yahudiya, ka aɓəla bwanda Thlyagha Jodan. Antə mji hang tsaptədzi adzə ni ka damwa, tə tsa ləkwa thlipa ala ɗa apatə tsa ana hara hwatu.
2Antə mjir Farisi laga si adzə ni kamnyar ka da ngkərtə ni, tə da yu ni abbər, “Kalkal ka mdə ndəkə ka mwalankiɗa ya?”
3Antə Yesu shinau ala ɗa ka pəla, “Man su tə Musa tsawa ala giri ri?”
4Antə da pəla, “Musa ku psi laku ka mdə rəbutə kakaɗər tsi ngyika aka mwalankiɗa, ka tsa kədləmta ni.” #Mat 5:31
5Amma Yesu pəla ala ɗa, “Kamnyar ɓəɓalkur ar ɗəffa giri antə Musa rəbutə tsawu ngəni ala giri ni. 6Amma təng akwa baɗitər duniya, Hyel namtə ɗa sal ka mwala. 7Kamnyar ngəni, antə sal ata zhar baba'ni ka mama'ni ka da paktədzi ka mwalankiɗa, 8antə da ata ndzi apa mdə duku. Apani da aɗi mji suɗə kəra wa, amma da ata ndzi apa mdə duku. 9Antə su tə Hyel ku pakta, mda aɗiya ndəkəmta wa.”
10Sakatə da jaktə ngka avi, antə mjirthlipərni jaktə yu ni ata kəra gari ngəni. 11Antə tsa pəla, “Kəlara mdə na ku nggəlar mwalankiɗa, ka kəl mwala damwa, tsa akwa səm mdəkur mwalankiɗa na ntangkəma ni atar ləka. #Mat 5:32; 1 Kor 7:10-11 12Tsuwa ma mwala ku nggəlar salngkiɗa ka kəl sal damwa, tsa akwa ləka.”
Yesu Ku Vədzə Barka Aka Maɗankyar Na Raka Raka
(Mat 19:13-15; Luk 18:15-17)
13Vir laga mji laga akwa səntə maɗankyar na raka raka aka Yesu kamnyar ka tsa vədza ala ɗa barka, amma mjirthlipərni ku mpa ala ɗa. 14Sakatə Yesu wutə su ngəni antə ɗəffari ɓzi ka duna, tə tsa pəla ala ɗa, “Zhar giri maɗankyar na raka raka ni ka da si adzə ra, giri aɗiya ngkatə ɗa wa, kamnyar kuthlikurər Hyel ni an kamnyar mji na apa maɗankyar nayeri ni. 15I akwa pəla ala giri jirkur, kəlara mdə na aɗi dlu kuthlikurər Hyel apa ɓzəngkyar na raka wa, tsa aɗi ata ləkwari cap wa.”#Mat 18:3 16Antə tsa fatə maɗankyar ni ka fəfahə ɗa, ka pungkər tsiyari ata kəra ɗa akwa vədza ala ɗa barka.
Mdə Na Ka Gəna
(Mat 19:16-30; Luk 18:18-30)
17Sakatə Yesu ku thlata akwa baɗitə təra, antə mdər gəna laga si adzə ni ka hwi, ka zuzuri akəmari, ka yu ni abbər, “Maləm na pwa, man tə kəi hara kamnyar kəi wutə mpikə na akur wa ri?”
18Antə Yesu pəla alari, “Kamnyar mi tə ga akwa kəga ra abbər mdə na pwa ri? Ai mda aɗi na pwa wa tar Hyel duku shini. 19Ga asəndə tsawayeri na pəla, ‘Ga aɗiya tsi mdə wa, ga aɗiya ləkə wa, ga aɗiya həl wa, ga aɗiya thlandər ata kəra mdə wa, ga aɗiya zambatə mdə wa, ka gə nar olkur aka baba'nga ka mama' nga.’ ”
20Antə mdə ni pəla, “Maləm, ai I ku ɓəlatə shanga tsawayeri ngəni təng tə I ɓzəngkyar.”
21Antə Yesu wul ni ka wulər hirkur, ka pəla alari, “Su duku daci an mbila ala gə ka gə hara. Mwari ka gə ɗələmta shanga su na akəla ga, ka gə hamta kwabari aka mjir bwani, antə ga ata wutə watsəɓari amtazi. Tsuwa ka gə si ka gə nu ra.” 22Sakatə mdə ni nggatə ndər ngəni, təng dzari mtə shatu, antə tsa təra ka ɗəffə ɓzəɓza, kamnyar tsa mdə na ka gəna hang.
23Antə Yesu wulhə mjirthlipərni ka pəla, “Ata ndzi mwavər ka mjir gəna ləkwa kuthlikurər Hyel!”
24Antə mjirthlipərni ku ndatədzi ata kəra ndərərni ni. Amma Yesu jaktə pəla, “Maɗana, ata ndzi mwavər ka mdə ləkwa kuthlikurər Hyel! 25Kamnyar ata ndzi kasəla aka dləkəmau ka tsa ləɓəla akwa gular liɓəra ta ka mdər gəna ləkwa kuthlikurər Hyel.”
26Sakatə mjirthlipərni nggatə ndər ngəni antə da ndatədzi ka duna, ka pəla alari, “Ma apani wan ata mzhi wutə mbantədzi ri?”
27Antə Yesu wul ɗa ka pəla, “Ma mda, mda amzhi harari wa, amma ar Hyel su aɗi na mwavər alari wa.”
28Antə Bitrəs pəla, “Nggədza yeru ku zhar shanga su ka nutə nga.”
29Antə Yesu pəla, “I akwa pəla ala giri jirkur, mda aɗi na ku zhar kəyirni, wala maɗama'ni shili ka mwanki, wala mama'ni, wala baba'ni, wala maɗa'ni, wala fakayeri kamnyar haptə thləmi, ka kamnyar labar na msəra, 30kula tsa dlu watsəɓari vəyari aru akwa zaman na kulini nə wa. Kamnyar tsa ata dlu watsəɓər kəyayeri, ka maɗama'ni shili ka mwanki, ka mjir ya, ka maɗankyar, ka fakayeri, har vəyari aru, wala tə ka bwani. Tsuwa akwa zaman na ata si tsa ata wutə mpikə na akur wa. 31Amma mji hang na ntangkəma kulini, ata sə ndzi akwa tsikərari, antə mji na akwa tsikərari kulini ata sə ndzi ntangkəma.” #Mat 20:16; Luk 13:30
Yesu Ku Jaktə Gari Ata Kəra Mtərni
(Mat 20:17-19; Luk 18:31-34)
32Da akwa lakur ləmta ahar Urushalima, ka Yesu akəma ɗa, ka mjirthlipərni na kumnya suɗə ni aghəlari akwa ndatədzi. Mji na akwa nu ɗa tsuwa akwa thlivəra. Antə Yesu jaktə kəgamta mjirthlipərni abwa duku, ka pəla ala ɗa su na ata sə wutə ni. 33Tsa pəla ala ɗa, “Nggədza mburu akwa mwari ahar Urushalima, antə mda ata sə hamta Ɓzər Mda aka pristayeri na ol'ola, ka maləmayeri ar thlipə tsawur Musa, antə da ata sə thlamta shariyar mta alari. Aghəla nda ka da hamta ni aka mjir Rom, 34ka da mnya ɗimi alari, ka tifəngkər alari mtili, ka dlaɓu ni ka kwandeng, ka tsi ni. Amma akwa vir na makərkur tsa ata thlata.”
Kiɗər Yakub Ka Yahwana
(Mat 20:20-28)
35Antə Yakub ka Yahwana na maɗa' Zabadi ku si adzə Yesu ka pəla alari, “Maləm, yeru ata bara ka gə hara ala yeru kəlara su tə yeru ku kiɗa akəla ga.”
36Antə Yesu pəla ala ɗa, “Man tə giri akwa bara kəi hara ala giri ri?”
37Antə da pəla alari, “Ma vir tə ga ku ləkwa kuthlikur ar nga na ka səli ni, ka gə hir ala yeru, ka mdə na pal ndzi abwa mazəma ga, ka na palari ndzi abwa matsəkara ga.”
38Antə Yesu pəla ala ɗa, “Giri ata nggitə sa jili bwani tə I ata sari ni ya? Nənga giri ata nggitə hir ka mdə hara ala giri baptizma ka su tə mdə hara ali baptizma kəgari nə ri?” #Luk 12:50
39Antə da pəla alari, “Yeru ata nggitari,” Antə Yesu pəla ala ɗa, “Jiri, giri ata ɗar bwani tə I ata ɗarari ni, ka mdə hara ala giri jili baptizma tə mda ata hara ali ni. 40Amma ata kəra ndzəndzi abwa mazəmi wala abwa matsəkari ni, aɗi I an ka dunar hamtari wa. Vəyayeri ngəni an kamnyar mji tə mdə ku ɗəmha ala ɗa.”
41Sakatə mjirthlipərni na kum ni nggatə su ngəni, antə ɗəffa ɗa ɓzi ata kəra Yahwana ka Yakub. 42Antə Yesu kəga ɗa ka pəla ala ɗa, “Giri asənda abbər mji tə mdə ku səndə ɗa ka kuthlikur ata kəra mji na aɗi səndə Hyel wa, ana nca kuthlikur ata kəra mji na akira ɗa, tsuwa mji na ol'olər ɗa ana nca kuthlikur ata kəra ɗa. #Luk 22:25-26 43Amma aɗiya ndzi apani akwa nca giri wa. Ata vəya ndaga, kəlara mdə na ata bara ndzi ola akwa nca giri, tar ka tsa ndzi buɗar giri. #Mat 23:11; Mar 9:35; Luk 22:26 44Tsuwa kəlara mdə na ata bara ka tsa ndzi olər giri, tar ka tsa ndzi mafar shanga mji. 45Kamnyar Ɓzər Mda aɗi si kamnyar ka mdə hara mafakur alari wa, amma ka tsa an hara mafakur aka mji, ka hamta mpikari kamnyar mbantə mji hang.”
Yesu Ku Mbantə Mdə Laga Na Mdlyang
(Mat 20:29-34; Luk 18:35-43)
46Antə da si ahar Yariko. Amma sakatə Yesu, ka mjirthlipərni, ka dlamar mji hang, akwa ləɓəla kazhar Yariko, təng nggədza mdə laga mdlyang andzəndzi ata mnya laku akwa kiɗa. Thləmari an Bartimawus, watau ɓzər Timawus. 47Sakatə tsa nggata abbər Yesu ar Nazareth an akwa təramta, antə tsa haptə kurakari akwa pəla, “Yesu, Ɓzər Dauda! Kətadzə ra!”
48Amma dlamar mji mpəmpatə ni, ka pəla alari ka tsa ndzi ɗiɗi. Amma tsa jaktə haptə kurakari ka duna ta na hwatu ka pəla, “Ɓzər Dauda! Kətadzə ra!”
49Antə Yesu thləthlatə ka pəla, “Kəga giri ni.” Antə da kəga mdə na mdlyang ni, ka pəla alari, “Peri hangkala ga! Thlata, tsa akwa kəga nga.”
50Antə tsa pumta ləptərni, ka thlatə mwat, ka mwari adzə Yesu.
51Antə Yesu yu ni ka pəla, “Man tə ga akwa bara kəi hara ala gə ri?” Antə mdlyang ni pəla alari, “Maləm, I akwa bara ka nci wutə su.”
52Antə Yesu pəla alari, “Təra, hamta jirər nga ku mbantə nga!” Təkəma antə ncari ku kəlardzi, antə tsa nutə Yesu ata laku ni.
Currently Selected:
Markus 10: KNB
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.
Markus 10
10
Thlipər Yesu Ata Kəra Ndəkə Ka Mwala
(Mat 19:1-12; Luk 16:18)
1Antə Yesu ku təra kazhar vəi nda, ka mwari akwa tsəɗi Yahudiya, ka aɓəla bwanda Thlyagha Jodan. Antə mji hang tsaptədzi adzə ni ka damwa, tə tsa ləkwa thlipa ala ɗa apatə tsa ana hara hwatu.
2Antə mjir Farisi laga si adzə ni kamnyar ka da ngkərtə ni, tə da yu ni abbər, “Kalkal ka mdə ndəkə ka mwalankiɗa ya?”
3Antə Yesu shinau ala ɗa ka pəla, “Man su tə Musa tsawa ala giri ri?”
4Antə da pəla, “Musa ku psi laku ka mdə rəbutə kakaɗər tsi ngyika aka mwalankiɗa, ka tsa kədləmta ni.” #Mat 5:31
5Amma Yesu pəla ala ɗa, “Kamnyar ɓəɓalkur ar ɗəffa giri antə Musa rəbutə tsawu ngəni ala giri ni. 6Amma təng akwa baɗitər duniya, Hyel namtə ɗa sal ka mwala. 7Kamnyar ngəni, antə sal ata zhar baba'ni ka mama'ni ka da paktədzi ka mwalankiɗa, 8antə da ata ndzi apa mdə duku. Apani da aɗi mji suɗə kəra wa, amma da ata ndzi apa mdə duku. 9Antə su tə Hyel ku pakta, mda aɗiya ndəkəmta wa.”
10Sakatə da jaktə ngka avi, antə mjirthlipərni jaktə yu ni ata kəra gari ngəni. 11Antə tsa pəla, “Kəlara mdə na ku nggəlar mwalankiɗa, ka kəl mwala damwa, tsa akwa səm mdəkur mwalankiɗa na ntangkəma ni atar ləka. #Mat 5:32; 1 Kor 7:10-11 12Tsuwa ma mwala ku nggəlar salngkiɗa ka kəl sal damwa, tsa akwa ləka.”
Yesu Ku Vədzə Barka Aka Maɗankyar Na Raka Raka
(Mat 19:13-15; Luk 18:15-17)
13Vir laga mji laga akwa səntə maɗankyar na raka raka aka Yesu kamnyar ka tsa vədza ala ɗa barka, amma mjirthlipərni ku mpa ala ɗa. 14Sakatə Yesu wutə su ngəni antə ɗəffari ɓzi ka duna, tə tsa pəla ala ɗa, “Zhar giri maɗankyar na raka raka ni ka da si adzə ra, giri aɗiya ngkatə ɗa wa, kamnyar kuthlikurər Hyel ni an kamnyar mji na apa maɗankyar nayeri ni. 15I akwa pəla ala giri jirkur, kəlara mdə na aɗi dlu kuthlikurər Hyel apa ɓzəngkyar na raka wa, tsa aɗi ata ləkwari cap wa.”#Mat 18:3 16Antə tsa fatə maɗankyar ni ka fəfahə ɗa, ka pungkər tsiyari ata kəra ɗa akwa vədza ala ɗa barka.
Mdə Na Ka Gəna
(Mat 19:16-30; Luk 18:18-30)
17Sakatə Yesu ku thlata akwa baɗitə təra, antə mdər gəna laga si adzə ni ka hwi, ka zuzuri akəmari, ka yu ni abbər, “Maləm na pwa, man tə kəi hara kamnyar kəi wutə mpikə na akur wa ri?”
18Antə Yesu pəla alari, “Kamnyar mi tə ga akwa kəga ra abbər mdə na pwa ri? Ai mda aɗi na pwa wa tar Hyel duku shini. 19Ga asəndə tsawayeri na pəla, ‘Ga aɗiya tsi mdə wa, ga aɗiya ləkə wa, ga aɗiya həl wa, ga aɗiya thlandər ata kəra mdə wa, ga aɗiya zambatə mdə wa, ka gə nar olkur aka baba'nga ka mama' nga.’ ”
20Antə mdə ni pəla, “Maləm, ai I ku ɓəlatə shanga tsawayeri ngəni təng tə I ɓzəngkyar.”
21Antə Yesu wul ni ka wulər hirkur, ka pəla alari, “Su duku daci an mbila ala gə ka gə hara. Mwari ka gə ɗələmta shanga su na akəla ga, ka gə hamta kwabari aka mjir bwani, antə ga ata wutə watsəɓari amtazi. Tsuwa ka gə si ka gə nu ra.” 22Sakatə mdə ni nggatə ndər ngəni, təng dzari mtə shatu, antə tsa təra ka ɗəffə ɓzəɓza, kamnyar tsa mdə na ka gəna hang.
23Antə Yesu wulhə mjirthlipərni ka pəla, “Ata ndzi mwavər ka mjir gəna ləkwa kuthlikurər Hyel!”
24Antə mjirthlipərni ku ndatədzi ata kəra ndərərni ni. Amma Yesu jaktə pəla, “Maɗana, ata ndzi mwavər ka mdə ləkwa kuthlikurər Hyel! 25Kamnyar ata ndzi kasəla aka dləkəmau ka tsa ləɓəla akwa gular liɓəra ta ka mdər gəna ləkwa kuthlikurər Hyel.”
26Sakatə mjirthlipərni nggatə ndər ngəni antə da ndatədzi ka duna, ka pəla alari, “Ma apani wan ata mzhi wutə mbantədzi ri?”
27Antə Yesu wul ɗa ka pəla, “Ma mda, mda amzhi harari wa, amma ar Hyel su aɗi na mwavər alari wa.”
28Antə Bitrəs pəla, “Nggədza yeru ku zhar shanga su ka nutə nga.”
29Antə Yesu pəla, “I akwa pəla ala giri jirkur, mda aɗi na ku zhar kəyirni, wala maɗama'ni shili ka mwanki, wala mama'ni, wala baba'ni, wala maɗa'ni, wala fakayeri kamnyar haptə thləmi, ka kamnyar labar na msəra, 30kula tsa dlu watsəɓari vəyari aru akwa zaman na kulini nə wa. Kamnyar tsa ata dlu watsəɓər kəyayeri, ka maɗama'ni shili ka mwanki, ka mjir ya, ka maɗankyar, ka fakayeri, har vəyari aru, wala tə ka bwani. Tsuwa akwa zaman na ata si tsa ata wutə mpikə na akur wa. 31Amma mji hang na ntangkəma kulini, ata sə ndzi akwa tsikərari, antə mji na akwa tsikərari kulini ata sə ndzi ntangkəma.” #Mat 20:16; Luk 13:30
Yesu Ku Jaktə Gari Ata Kəra Mtərni
(Mat 20:17-19; Luk 18:31-34)
32Da akwa lakur ləmta ahar Urushalima, ka Yesu akəma ɗa, ka mjirthlipərni na kumnya suɗə ni aghəlari akwa ndatədzi. Mji na akwa nu ɗa tsuwa akwa thlivəra. Antə Yesu jaktə kəgamta mjirthlipərni abwa duku, ka pəla ala ɗa su na ata sə wutə ni. 33Tsa pəla ala ɗa, “Nggədza mburu akwa mwari ahar Urushalima, antə mda ata sə hamta Ɓzər Mda aka pristayeri na ol'ola, ka maləmayeri ar thlipə tsawur Musa, antə da ata sə thlamta shariyar mta alari. Aghəla nda ka da hamta ni aka mjir Rom, 34ka da mnya ɗimi alari, ka tifəngkər alari mtili, ka dlaɓu ni ka kwandeng, ka tsi ni. Amma akwa vir na makərkur tsa ata thlata.”
Kiɗər Yakub Ka Yahwana
(Mat 20:20-28)
35Antə Yakub ka Yahwana na maɗa' Zabadi ku si adzə Yesu ka pəla alari, “Maləm, yeru ata bara ka gə hara ala yeru kəlara su tə yeru ku kiɗa akəla ga.”
36Antə Yesu pəla ala ɗa, “Man tə giri akwa bara kəi hara ala giri ri?”
37Antə da pəla alari, “Ma vir tə ga ku ləkwa kuthlikur ar nga na ka səli ni, ka gə hir ala yeru, ka mdə na pal ndzi abwa mazəma ga, ka na palari ndzi abwa matsəkara ga.”
38Antə Yesu pəla ala ɗa, “Giri ata nggitə sa jili bwani tə I ata sari ni ya? Nənga giri ata nggitə hir ka mdə hara ala giri baptizma ka su tə mdə hara ali baptizma kəgari nə ri?” #Luk 12:50
39Antə da pəla alari, “Yeru ata nggitari,” Antə Yesu pəla ala ɗa, “Jiri, giri ata ɗar bwani tə I ata ɗarari ni, ka mdə hara ala giri jili baptizma tə mda ata hara ali ni. 40Amma ata kəra ndzəndzi abwa mazəmi wala abwa matsəkari ni, aɗi I an ka dunar hamtari wa. Vəyayeri ngəni an kamnyar mji tə mdə ku ɗəmha ala ɗa.”
41Sakatə mjirthlipərni na kum ni nggatə su ngəni, antə ɗəffa ɗa ɓzi ata kəra Yahwana ka Yakub. 42Antə Yesu kəga ɗa ka pəla ala ɗa, “Giri asənda abbər mji tə mdə ku səndə ɗa ka kuthlikur ata kəra mji na aɗi səndə Hyel wa, ana nca kuthlikur ata kəra mji na akira ɗa, tsuwa mji na ol'olər ɗa ana nca kuthlikur ata kəra ɗa. #Luk 22:25-26 43Amma aɗiya ndzi apani akwa nca giri wa. Ata vəya ndaga, kəlara mdə na ata bara ndzi ola akwa nca giri, tar ka tsa ndzi buɗar giri. #Mat 23:11; Mar 9:35; Luk 22:26 44Tsuwa kəlara mdə na ata bara ka tsa ndzi olər giri, tar ka tsa ndzi mafar shanga mji. 45Kamnyar Ɓzər Mda aɗi si kamnyar ka mdə hara mafakur alari wa, amma ka tsa an hara mafakur aka mji, ka hamta mpikari kamnyar mbantə mji hang.”
Yesu Ku Mbantə Mdə Laga Na Mdlyang
(Mat 20:29-34; Luk 18:35-43)
46Antə da si ahar Yariko. Amma sakatə Yesu, ka mjirthlipərni, ka dlamar mji hang, akwa ləɓəla kazhar Yariko, təng nggədza mdə laga mdlyang andzəndzi ata mnya laku akwa kiɗa. Thləmari an Bartimawus, watau ɓzər Timawus. 47Sakatə tsa nggata abbər Yesu ar Nazareth an akwa təramta, antə tsa haptə kurakari akwa pəla, “Yesu, Ɓzər Dauda! Kətadzə ra!”
48Amma dlamar mji mpəmpatə ni, ka pəla alari ka tsa ndzi ɗiɗi. Amma tsa jaktə haptə kurakari ka duna ta na hwatu ka pəla, “Ɓzər Dauda! Kətadzə ra!”
49Antə Yesu thləthlatə ka pəla, “Kəga giri ni.” Antə da kəga mdə na mdlyang ni, ka pəla alari, “Peri hangkala ga! Thlata, tsa akwa kəga nga.”
50Antə tsa pumta ləptərni, ka thlatə mwat, ka mwari adzə Yesu.
51Antə Yesu yu ni ka pəla, “Man tə ga akwa bara kəi hara ala gə ri?” Antə mdlyang ni pəla alari, “Maləm, I akwa bara ka nci wutə su.”
52Antə Yesu pəla alari, “Təra, hamta jirər nga ku mbantə nga!” Təkəma antə ncari ku kəlardzi, antə tsa nutə Yesu ata laku ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KAKAƊU NA ƁƊAKKARKARA © Typeset by the CAP Division of the Bible Society of Nigeria, 2014.