OŌYƐBƐ̄CƐ 13
13
Aɔ́kplá ō je lɛ Óndú
1Anɔ́ɔ Óndú ā da Umósīsi kahíníī, 2#Áluk 3.13; Ulúk 2.23“Aá kwú odúúdú aɔ́kplá kú aá ú kéē wɛ ācɛ o tīihɔ gā um. Ɔyí aflɛ́yí kú ācɛ kú Ísrɛ̄lu dóódu, kwu ɔyí aflɛ́yí kú ɛbɛ́ ɔlɛ́ kú uwā dóódu, wɛ ákú um.
Ucɛ kú igbō nōó gē nū ŋ́ mā
3Umósīsi da ācɛ ā kahíníī, “Aá blakwu ɛ̄cī nyā, nɛ̄ aá bɛ̄cɛ ŋmá ajɛ kú Íjīpiti, ɛga nɛ̄ aá wɛ aɔ́fiyɛ ā. Ɛ̄cī nyā nɛ̄ Ɔwɔicō bī ɔfú nɛ̄hi kú nū lɛ kpó aá bɛ̄cɛ á. Aá híī lé igbō dúúmā nōo gē nū ŋ́. 4Aá yɔ̄ ī nyɛ̄ɛ̄ ŋmá ajɛ kú Íjīpiti ā ícɛ, ɛ̄cī aflɛ́yí kú ɔyā kú Abíbu. 5Eko nɛ̄ Óndú ā lɛ aá kpó wā ajɛ kú ācɛ Ukénan, Uhɛ́ti, ācɛ Ámɔn, ācɛ Uhám mla ācɛ Ujébūsi ā, nɛ̄ ó cokónu kú nū lɛ aádáádā āá. Ajɛ nōo gē gbo iyē nɛɛɛ ā, aá géē yá ucɛ nyā ɛ̄cī aflɛ́yí kú ɔya aflɛ́yí kú iháyí dóódu. 6Ipú ɛ̄cī ahāapa, aá géē lé igbō nōó gē nū ŋ́ mā. Ɛ̄cī ɔmahāapa ā géē wɛ ɛ̄cī ucɛ kú ojīlīmā ō ce Óndú ā. 7Ipú ɛ̄cī ahāapa ɔ́ɔmā ā, aá gáā lé igbō nōo gē nū ŋ́. Ɔdōnīgbō dúúmā ámāŋ ka igbō nōo gē nū kóō híī yɔ̄ ɔlɛ́ aá ŋ́. 8Eko nɛ̄ uculo kú ucɛ nyā gbɔɔ́, aá géē da ayí aá ka, aá gē yá ucɛ ā ohígbū ɔdā nɛ̄ Óndú ā yá lɛ aá eko nɛ̄ aá nyɛ̄ɛ̄ ŋmá ajɛ kú Íjīpiti ā. 9Ucɛ nyā nɛ̄ aá géē yɔ̄ ī yá, í blatū aá bɛ̄ɛka ɔdā nɛ̄ aá le gbō bá aá abɔ̄, ámāŋ ka údɔ̄bū kú aá ā. Ó géē tú aá ɛlá kwu ɔ́, kú aá jé aíne kú Óndú ā tɛ́ɛcɛ, kú aá klla kllɔcɛ́ nū, ohígbū ka Óndú ā bī ɔfú nɛ̄hi kú nū ā, le kpó aá bɛ̄cɛ ŋmá Íjīpiti. 10Ohígbū ɔ́ɔmā, aá géē yá oblatū kú ucɛ nyā ɛ́pleéko eko nū iháyí dóódu.”
Ɔyí aflɛ́yí ō je lɛ Óndú ā
11Umósīsi klla kahíníī, “Óndú ā géē kpó aá ga ipú ajɛ kú ācɛ Ukénan, nōó cokónu ō je lɛ aádáádā aá. Eko nōó kwú lɛ aá, 12#Oyɛb 34.19,20; Ulúk 2.23aá géē je ayí aflɛ́yí kú aá lɛ Óndú ā, kwu ɔyí aflɛ́yí kú ɛbɛ́ ɔlɛ́ kú aá ā wɛ ákú Óndú ā dúú. 13Amáŋ aá géē bī aálá le hīla ɔyí aflɛ́yí kú ijakī dóódu ŋmá ɛgiyí Óndú ā. Ɔ́dāŋ́ ka aá dɔɔ̄kā ō hīla ɔyí ijakī ā ŋ́, aá lɛ ɔ́ ɔkɔ cē. Amáŋ aá géē hīla ɔ́kplá kú aá dóódu. 14Eko ɔbū ā, eko nɛ̄ ayí aá lɛ ɔ̄kā kú ɔdā nōo wɛ ɛyí ucɛ nyā ā da, aá géē tá uwā ohi ka, ‘Óndú ā bī ɔfú nɛ̄hi kú nū le kpó alɔ bɛ̄cɛ ŋmá ajɛ kú Íjīpiti, ɛga nɛ̄ alɔ wɛ aɔ́fiyɛ tɛtɛ ā. 15Eko nɛ̄ Uféro le ɔtū kú nū yá lɔfú, nɛ̄ ó tá kóō cɛ̄ lɛ alɔ nyɛ̄ɛ̄ ŋ́ mā. Óndú ā lɛ odúúdú aɔ́kplá kú ācɛ kú Íjīpiti ā kpó ŋmó, kwu ákú ācɛ mɛ́mla ɛbɛ́ ɔlɛ́. Ɔdā nōo yá ɛ́ɛ́ nɛ̄ alɔ gē je ɔyí aflɛ́yí kú alɔ mɛ́mla ákú aɛ́bɛ́ ɔlɛ́ kú alɔ gwɛ́ɛya lɛ Óndú ā yɔ̄ abɔ́ɔ á. Amáŋ alɔ gē hīla ayínɔ̄nyīlɔ kú alɔ cīgbīhi. 16Ucɛ nyā géē blatū alɔ lɛbɛ̄ɛka ɔdā nɛ̄ alɔ gē gbō bá abɔ̄ amáŋ o gbō bá údɔ̄bū kú alɔ ā. Ó géē blatū alɔ ka Óndú ā ɔ́ɔ bī ɔfú nɛ̄hi kú nū ā le kpó alɔ bɛ̄cɛ ŋmá Íjīpiti á.’”
Ojuja mɛ́mla ɔlá
17Eko nɛ̄ Uféro cɛ̄ ka ācɛ kú Ísrɛ̄lu kéē nyɛ̄ɛ̄ ā, Ɔwɔicō í cɛ̄ lɛ uwá bū ajɛ kú Ufilístiya ŋ́, nááná nōó le kpií ā. Ohígbū ka Óndú ā kahíníī, “Eko nɛ̄ ācɛ ā le má ka aá géē kpɛ́fú ɔwɛ, é géē pīya ɔtū kú uwā abɔ̄, cɛ́ɛ́ é kwú cīgbīhi ga Íjīpiti.” 18Anɔ́ɔ ó cɛ̄ lɛ uwá le pīya biílí le bū ígbíli lɛyíkwu ísu igwɛ̄bɛ́ ā. #13.18 ísu igwɛ̄bɛ́. (okónu kú ācɛ Uhíbru iyē nyā wɛ “ísu igwɛ̄bɛ́ ā” amáŋ aúbáyíblu kú ubékée gē hī ɔ̄ ka ísu nɔ̄wá) Ācɛ kú Ísrɛ̄lu le iyē kwú mla iyɔ́fú, le tútū kú ɛfú eko nēé bɛ̄cɛ ŋmá Íjīpiti ā. 19#Ohút 50.25; Ujós 24.32Anɔ́ɔ Umósīsi lɛ ikpokwū kú Ujófɛ̄fu kpó, ohígbū ka Ujófɛ̄fu cɛ̄ lɛ ācɛ kú Ísrɛ̄lu ā lɛ ɛka gbō kahíníī, “Eko nɛ̄ Óndú ā géē wā ɛgiyí aá gáā kpó aá bɛ̄cɛ ā, aá géē kpó ikpokwú kú okwū kú um nyɔ̄ mla iyī aá ŋmá amānyā.” 20É gbɔɔ́ ŋmá Usúkɔ́tu gáā bá Étam, okónōgwu kú ígbíli ā. 21Óndú ā gē gbo iyɔ̄bū uwā ɔlɛ́ɛnɔ bɛ̄ɛka ojuja kpúm ā, cɛ́ɛ́ kóō ma ɔwɛ fú lɛ uwá. Otú ā, ó gē gbɔbū lɛ uwá bɛ̄ɛka ɔkpá ɔlá ōfíyajɛ nɛ̄hi ā, o yá kéē mɛ́ɛbɛ otú glá. Ó yá ɛ̄nyā cɛ́ɛ́ kéē lɔfú yɛ otú mɛ́mla ɔlɛ́ɛnɔ glá. 22Ojuja ā yɔ̄ ī yɛ mla uwá ɔlɛ́ɛnɔ, ɔ́kpa kú ɔlá ōfíyajɛ ā í gē nyɛ̄ɛ̄ ŋmá ɛgiyí uwā otú ŋ́.
Currently Selected:
OŌYƐBƐ̄CƐ 13: IFBCL
Highlight
Share
Copy
Want to have your highlights saved across all your devices? Sign up or sign in
OŌYƐBƐ̄CƐ 13
13
Aɔ́kplá ō je lɛ Óndú
1Anɔ́ɔ Óndú ā da Umósīsi kahíníī, 2#Áluk 3.13; Ulúk 2.23“Aá kwú odúúdú aɔ́kplá kú aá ú kéē wɛ ācɛ o tīihɔ gā um. Ɔyí aflɛ́yí kú ācɛ kú Ísrɛ̄lu dóódu, kwu ɔyí aflɛ́yí kú ɛbɛ́ ɔlɛ́ kú uwā dóódu, wɛ ákú um.
Ucɛ kú igbō nōó gē nū ŋ́ mā
3Umósīsi da ācɛ ā kahíníī, “Aá blakwu ɛ̄cī nyā, nɛ̄ aá bɛ̄cɛ ŋmá ajɛ kú Íjīpiti, ɛga nɛ̄ aá wɛ aɔ́fiyɛ ā. Ɛ̄cī nyā nɛ̄ Ɔwɔicō bī ɔfú nɛ̄hi kú nū lɛ kpó aá bɛ̄cɛ á. Aá híī lé igbō dúúmā nōo gē nū ŋ́. 4Aá yɔ̄ ī nyɛ̄ɛ̄ ŋmá ajɛ kú Íjīpiti ā ícɛ, ɛ̄cī aflɛ́yí kú ɔyā kú Abíbu. 5Eko nɛ̄ Óndú ā lɛ aá kpó wā ajɛ kú ācɛ Ukénan, Uhɛ́ti, ācɛ Ámɔn, ācɛ Uhám mla ācɛ Ujébūsi ā, nɛ̄ ó cokónu kú nū lɛ aádáádā āá. Ajɛ nōo gē gbo iyē nɛɛɛ ā, aá géē yá ucɛ nyā ɛ̄cī aflɛ́yí kú ɔya aflɛ́yí kú iháyí dóódu. 6Ipú ɛ̄cī ahāapa, aá géē lé igbō nōó gē nū ŋ́ mā. Ɛ̄cī ɔmahāapa ā géē wɛ ɛ̄cī ucɛ kú ojīlīmā ō ce Óndú ā. 7Ipú ɛ̄cī ahāapa ɔ́ɔmā ā, aá gáā lé igbō nōo gē nū ŋ́. Ɔdōnīgbō dúúmā ámāŋ ka igbō nōo gē nū kóō híī yɔ̄ ɔlɛ́ aá ŋ́. 8Eko nɛ̄ uculo kú ucɛ nyā gbɔɔ́, aá géē da ayí aá ka, aá gē yá ucɛ ā ohígbū ɔdā nɛ̄ Óndú ā yá lɛ aá eko nɛ̄ aá nyɛ̄ɛ̄ ŋmá ajɛ kú Íjīpiti ā. 9Ucɛ nyā nɛ̄ aá géē yɔ̄ ī yá, í blatū aá bɛ̄ɛka ɔdā nɛ̄ aá le gbō bá aá abɔ̄, ámāŋ ka údɔ̄bū kú aá ā. Ó géē tú aá ɛlá kwu ɔ́, kú aá jé aíne kú Óndú ā tɛ́ɛcɛ, kú aá klla kllɔcɛ́ nū, ohígbū ka Óndú ā bī ɔfú nɛ̄hi kú nū ā, le kpó aá bɛ̄cɛ ŋmá Íjīpiti. 10Ohígbū ɔ́ɔmā, aá géē yá oblatū kú ucɛ nyā ɛ́pleéko eko nū iháyí dóódu.”
Ɔyí aflɛ́yí ō je lɛ Óndú ā
11Umósīsi klla kahíníī, “Óndú ā géē kpó aá ga ipú ajɛ kú ācɛ Ukénan, nōó cokónu ō je lɛ aádáádā aá. Eko nōó kwú lɛ aá, 12#Oyɛb 34.19,20; Ulúk 2.23aá géē je ayí aflɛ́yí kú aá lɛ Óndú ā, kwu ɔyí aflɛ́yí kú ɛbɛ́ ɔlɛ́ kú aá ā wɛ ákú Óndú ā dúú. 13Amáŋ aá géē bī aálá le hīla ɔyí aflɛ́yí kú ijakī dóódu ŋmá ɛgiyí Óndú ā. Ɔ́dāŋ́ ka aá dɔɔ̄kā ō hīla ɔyí ijakī ā ŋ́, aá lɛ ɔ́ ɔkɔ cē. Amáŋ aá géē hīla ɔ́kplá kú aá dóódu. 14Eko ɔbū ā, eko nɛ̄ ayí aá lɛ ɔ̄kā kú ɔdā nōo wɛ ɛyí ucɛ nyā ā da, aá géē tá uwā ohi ka, ‘Óndú ā bī ɔfú nɛ̄hi kú nū le kpó alɔ bɛ̄cɛ ŋmá ajɛ kú Íjīpiti, ɛga nɛ̄ alɔ wɛ aɔ́fiyɛ tɛtɛ ā. 15Eko nɛ̄ Uféro le ɔtū kú nū yá lɔfú, nɛ̄ ó tá kóō cɛ̄ lɛ alɔ nyɛ̄ɛ̄ ŋ́ mā. Óndú ā lɛ odúúdú aɔ́kplá kú ācɛ kú Íjīpiti ā kpó ŋmó, kwu ákú ācɛ mɛ́mla ɛbɛ́ ɔlɛ́. Ɔdā nōo yá ɛ́ɛ́ nɛ̄ alɔ gē je ɔyí aflɛ́yí kú alɔ mɛ́mla ákú aɛ́bɛ́ ɔlɛ́ kú alɔ gwɛ́ɛya lɛ Óndú ā yɔ̄ abɔ́ɔ á. Amáŋ alɔ gē hīla ayínɔ̄nyīlɔ kú alɔ cīgbīhi. 16Ucɛ nyā géē blatū alɔ lɛbɛ̄ɛka ɔdā nɛ̄ alɔ gē gbō bá abɔ̄ amáŋ o gbō bá údɔ̄bū kú alɔ ā. Ó géē blatū alɔ ka Óndú ā ɔ́ɔ bī ɔfú nɛ̄hi kú nū ā le kpó alɔ bɛ̄cɛ ŋmá Íjīpiti á.’”
Ojuja mɛ́mla ɔlá
17Eko nɛ̄ Uféro cɛ̄ ka ācɛ kú Ísrɛ̄lu kéē nyɛ̄ɛ̄ ā, Ɔwɔicō í cɛ̄ lɛ uwá bū ajɛ kú Ufilístiya ŋ́, nááná nōó le kpií ā. Ohígbū ka Óndú ā kahíníī, “Eko nɛ̄ ācɛ ā le má ka aá géē kpɛ́fú ɔwɛ, é géē pīya ɔtū kú uwā abɔ̄, cɛ́ɛ́ é kwú cīgbīhi ga Íjīpiti.” 18Anɔ́ɔ ó cɛ̄ lɛ uwá le pīya biílí le bū ígbíli lɛyíkwu ísu igwɛ̄bɛ́ ā. #13.18 ísu igwɛ̄bɛ́. (okónu kú ācɛ Uhíbru iyē nyā wɛ “ísu igwɛ̄bɛ́ ā” amáŋ aúbáyíblu kú ubékée gē hī ɔ̄ ka ísu nɔ̄wá) Ācɛ kú Ísrɛ̄lu le iyē kwú mla iyɔ́fú, le tútū kú ɛfú eko nēé bɛ̄cɛ ŋmá Íjīpiti ā. 19#Ohút 50.25; Ujós 24.32Anɔ́ɔ Umósīsi lɛ ikpokwū kú Ujófɛ̄fu kpó, ohígbū ka Ujófɛ̄fu cɛ̄ lɛ ācɛ kú Ísrɛ̄lu ā lɛ ɛka gbō kahíníī, “Eko nɛ̄ Óndú ā géē wā ɛgiyí aá gáā kpó aá bɛ̄cɛ ā, aá géē kpó ikpokwú kú okwū kú um nyɔ̄ mla iyī aá ŋmá amānyā.” 20É gbɔɔ́ ŋmá Usúkɔ́tu gáā bá Étam, okónōgwu kú ígbíli ā. 21Óndú ā gē gbo iyɔ̄bū uwā ɔlɛ́ɛnɔ bɛ̄ɛka ojuja kpúm ā, cɛ́ɛ́ kóō ma ɔwɛ fú lɛ uwá. Otú ā, ó gē gbɔbū lɛ uwá bɛ̄ɛka ɔkpá ɔlá ōfíyajɛ nɛ̄hi ā, o yá kéē mɛ́ɛbɛ otú glá. Ó yá ɛ̄nyā cɛ́ɛ́ kéē lɔfú yɛ otú mɛ́mla ɔlɛ́ɛnɔ glá. 22Ojuja ā yɔ̄ ī yɛ mla uwá ɔlɛ́ɛnɔ, ɔ́kpa kú ɔlá ōfíyajɛ ā í gē nyɛ̄ɛ̄ ŋmá ɛgiyí uwā otú ŋ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in